|
شكلي ابذبح زوج اخت زوجتي
السلام عليكم اخواني
انا تملكت قبل فتره اخت زوجتي كذلك متملكه وزوجها ذبحني من اول يوم يناظر فيني ويقز فيني يوم الملكه تصدقون انه زعل على حرمته يقول لها ليه تزوجون اختك بواحد احلى مني <<< جلست اتحمد ربي لان جمال الرجل في عقله مو شكله طبعا الكلام هذا وصلني من مصدر موثوق مو من زوجتي لان بيني وبينهم قرابه وكل يوم والثاني طق ومطاقق كل ماجبت شي لزوجتي اختها الله يهديها تقولون وكاله انباء تراه حط وجاب وسواء وكل ماسويت شي قلدني انا ذبحني نفسيا من الكلام اللي يقوله فيني وطلع فيني اشاعات خاطأه كمثال يوم الملكه انا قلت لابو زوجتي ترى العشاء علي متكفل فيه شي بيني وبين خالي ابو زوجتي وبالعكس ابي اريحه من بعض الالتزامات تدرون وهذا العديل منقلين اخبار للعالم اني ما استحي واني مكلف على خالي وانه حاط ثلاث ذبايح ويعلم الله انا ماهمني بس يروح يشوه سمعتي عند العالم ليه؟؟!! انا سمعت الاخبار اشياء واشياء فجر مخي وماودي اسوي غلط ابي حلكم الله يخليكم هو الله يهديه غاير مني لان خالي يقدرني ويحترمني كثير لان اسلوبي افضل منه هو مثل الطفل امه هي اللي متحكمه فيه واي شي يسويه يقول ابسأل امي خالي ابو زوجتي حايمه كبده منه نفس الشي بس ساكت ابيكم تشوفون لي حل ما اقدر اتحمله صراحه ان ماكف عني والله لا اضربه قدام الخلق وما ابي اوصل للمرحله هذي بيروح يعلم امه علي << وش يفكني من لسانها عاد دلوعه امه |
:d:d:d
الله يسعدك اخوي ويريح بالك ويتمم عليكم اخوي كبر راسك وماعليك منه ،،،على قولة ولد اختي(ودي حوش)<<<<يعني ارمي ورا ظهرك خليه يدق راسه بالجدار واصلا لاتسمع له وخليه يقول اللي يقوله اكبر همك يعني مادام خالك فاهم وعارف انت مين وايش تعمل وعارف اخلاقك خلاص هذا اهم شي ولاتعطي مجال لأحد انه يجيبوا سيرته وينقلوا كلام عنه قدامك لأن الناس بتزيد وتستمر بالحكي لكن لما يشوفوك مترفع عن هذي التفاهات بيسكتون وهو مصيره يسكت اهم ماعليك عروستك ووالديها واخوانها هو مين يعني عشان يرفع ضغطك ،،،،زوج اخت زوجتك<<<<<خال أبوي يحك ظهري اقول طنش وانا اختك وودي حوش:) وربي يسعدك ويفرج همك وينولك مرادك وييسر أمر زواجك ويألف بين قلوبكم |
اقتباس:
نفس كلام اهلي بس ماعاد اتحمل انا مشكلتي عصبي ومتحلف فيه وخالي مايدري عن اللي يقوله عني ذا الغبي وماودي ادخله في مشاكل عارف انه اسلوب اطفال لكن يعلم الله شي ينرفز وانا اكبر من بـ5 سنوات يعني معتبره طفل بس وش اسوي تعب نفسين واخرتها اذا استاجرت شقه يقول ابستاجر جمبي <<< من سبته خططت اسكن في المريخ خخخخ مجنون انا اسكن انا وياه في عماره وحده كان اشوفه من تحت الباب يطل من لقافته يويويويويو ماعمري شفت لقافه مثله الله لايبلاكم العالم تشتكي من ازواجهم وزوجاتهم وامهات زوجاتهم وانا اشتكي من عديلي خخخخ اتوقع انا اول واحد يصير له ذا المشكله:( |
هههههههههههههههه بالعكس لازم تستانس انه في حد يغار منك ههههههههههه..... الله يهديه بس.... اقولك شي تقربله واكسب وده صدقني راح اتكونون اصدقاء وبيعقل اترك العصبية شوي وفكر في مستقبلكم وهالناس راح يكونون متواجدين في حياتك بنسبة كبيرة ليش ما تكسب وده وتتغدا فيه قبل لا تتعادون ويتعشى فيك...... الريال باين عليه مخه على قده بتسوي فيه خير اذا صادقته.....
وبالتوفيق ان شاء الله |
اقتباس:
هلابك اختي المشكله انه ينقل عني اخبار مو كويسه تخيلي يقولون عني انه مايستحي مكلف على خاله ومن ذا الكلام وثاني شي يقول لزوجته ليه ابوك يعشيه قبل يومين وانا مايعبرني جالس يسوي فتن بين الأخوات مالها سنع مو شي يقهر وغير وغير كلام ماينقال خليها على ربك بس هذا وانا مابعد تزوجت اجل لو تزوجت وش بيسوي ؟؟!! |
أخي إنت تبي العنب ولا صاحب العنب
شو خصك إنت في عديلك المهم زوجتك يوم تزوج خلي علاقتك به رسمية |
لا يهمك كلامه عنك ..
إنت بطباعك وشخصيتك ورأي أبو زوجتك تثبت للناس إن الكلام اللي وصل لهم خطأ .. الله يوفقك .. |
اقتباس:
بس هو الله يهديه سبب بين زوجتي واختها كراهيه بدال ماكونون يد وحده طلع العكس كل وحده تدور على الثانية غلط :( ومشاكل مالها اهميه وانا مثل المصلح الاجتماعي وهذاك ابليس |
أخوي هذا الظاهر غاير منك والحل أنك تحقره ثاني شي شكلة راعي طويله في نقل الكلام زي ماقلت لك أخوي تجنبه بس بدون مايحس بضعف منك حتى لايتمادى يعني لو جاك كلام موثوق واجهه وحذره طبعا إذا الكلام تحس أنه بيضرك فعلا أما إذا كان كلام تافه لا تدير له بال
|
اقتباس:
والله كل ماسمعت شي اني اتعوذ من الشيطان لدرجه اني ماعاد اكلم زوجتي الا دقيقه دقيقتين في اليومين هذي علشان ما ودي تعطيني اخبار بعد هي حرمني منها :16: |
اقتباس:
والله استحي اني انبهه او ادخل احد في ذا السالفة انا حاليا حاقره بس هو لو يفكني من لسانه هو ويا امه كان انا بخير بس ما اقول الا الله يصبر الارض عليهم <<< جاه الضغط في عز شبابه :( |
اقتباس:
صح انه شي يقهر بس انا معاك ولو كل الناس بتسوي مثلك بتحقر وماتسويله سالفه جان مانتشر الاسلام يا بوك انت حاول مب خسران اذا طلع من كفؤ اتركه عنك وحط له حد انه ما يدخل في شؤونك وشؤون زوجتك وقوله في وجهه.... بس اذا بتحاول حاول بقلب مب اي كلام ولكك الأجر ان شاء الله ومثل ما قتلك هالناس بيكونونن متواجدين في حياتك يمكن بشكل يومي فليش تحرق اعصابك.....اعزمه عالعشا في مطعم بدون الحريم (يعني زوجتك واختها).... اطلعوا طلعه شبابية وكثر الدق بفج اللحام.... |
دام زوجتك وابوها راضين عنك وعاجبهم :d
وشعليك منه ولامن الناس؟؟؟ طنش كلامه وكبر عقلك وخلك ارقى وارفع منه لاتحسسه بنقاط ضعفك وانه ممكن يستفزك طنش مو لانك ماتقدر تكفخه وترد الصاع صاعين :29: لالالا لانك اكبر واعقل من كذا وصدقني تبي تكبر بعين خالك ابو زوجتك وربي من راقب الناس مات هما دام انك واااثق من نفسك ماعليك منه ووش يقول ووش يوصل للناس من متى الناس راضين على بعض؟؟ شئ ثاني نبه زوجتك ماتعلم اختها بحركاتكم او سوالفكم يعني تكون متحفظه شوي مع اختها عشان ماتسبب بمشاكل مع اختها او تثير غيرتها او غيرة خطيبها طلع حتى الرجال يغارون من بعض مو بس البنات :26: بالتوووفيق |
لا ياخوي ..
منت بأول واحد يعاني من العديل:( ... لكن ترى العلاقة حساسة جدا وتحتاج حكمة منك وصبر .. اولا ..هذا رجل مثلك ..وتقدر تسويله حدود بكل بساطة .. مثلا .. اعزمه على كوب قهوة في منتزه او كافتيريا وصارحه بكل اريحية وشفافية بأنك متحنط منه وودك تذبحه للقافته هذي .. شوف ردة فعله .. اذا زعل وعصب وضف وجهه ..فترى الله فكك منه للأبد .. واذا قاللك طيب ولا يهمك وانا اسف (بحكم العمر بينكم) ..فتراك من هذي اللحظة انت بأمان منه ومن مكايده .. عارف ليش ؟؟ لأن طبيعة العلاقة في هذي الفترة بينك وبينه رسمية وتقدر تعطيه على وجهه على كيفك مادام انه بعيد عنك .. المشكلة لو انه اتزوج بأخت زوجتك وانت بعد اتزوجت بزوجتك واصبحتم عائلتين ولازم الاخت تزور اختها ... خليك رسمي مرررررة واسمع نصيحتي تراها من مجرب .. ومهما قالتلك زوجتك انكم تقتربوا من بعض انت وعديلك اخبرها بلطف وحب بأن هذا الرجل ليس من ارحامك.. بل رجل غريب الطباع وممكن يسوي فتن بالعائلة من تصرفاته الرعناء ... الله يوفق الحال ...وترى الدنيا ملياااانة مشاكل من هذا النوع .. بين العدائل وبين السلفات بعد ..(السلفات هم زوجات الاخوان ) .. |
أعتقد ان المشكلة عندة وهو الي محتاج لح مو أنت
أنت طنش وعيش حياتك وحط علية حظر . |
طنش تعش
احسن حل انا يوم كنت نتملكه كان اخو زوجي متملك معنا بنفس الفتره وكانت زوجته الله لا يورك نفس مشاكلك مره تقول لزوجها هم ليش يعاملونها كذا ومعصبه ليش زوجها حط لها عرس وانا لا لدرجة مها دقت على خالتي تهاوش تقول ليش ولدكم حاط لحرمته عرس وولدكم ( زوج بنتهم ما حط لنا ) وهات يا مقارنات ويا مشاكل حتى شهر العسل زعلانه ليش راحوا لدول احسن منا بس طنش تعششششششش والحين بعد الزواج بفتره صار كل شي تمام ولا عاد اشوفها فاتحه فمها |
زوجتى دائما تقولى اللى يغير مننا يعمل زينا .. ده لو عرف .. ..
انا راييى كبر راسك على قد ما تقدر و كفايه انك عارف انه بيغير منك لانه حاسس انك احسن منه و صدقنى من حفر حفرة للاخية وقع فيها . كدبة مع كدبة مع تاليفة عليك بكلام مش مظبوط بكرة راح كل شىء ينكشف للناس و يعرفوا انه انسان كداب و غيور .. انما انتة اصبر يا اخى و اتفرج من بعيد و اوعى تتهور عليه لان ده مش فى صالحك ابدا .. و ربى يتم ليك زواجك على خير |
يامال العافيه والله
والله ان ردودكم تشرح الصدر وتطيح اللي في الراس :) |
| الساعة الآن 06:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©