|
تجمع عرايس الصيف خلونا نتعاون ونستفيد من بعض
:d :d :d هلا وغلا بخواتي فالمنتدى الرائع .. :d :d :d انا مشاركاتي محدوده لأني مشغوله بدراسه فسمحولي ..:29: :d :15: المهم بدش فالموضوع على طول ..:18: حبيباتي انا عرسي ان شاء الله فالصيف ..:14: :14: :14: :14: وحبيت انزل هالموضوع عشان كل عروس تستفيد .. يالله يا حلوات خلونا نتعاون وكل وحده تقولنا متى عرسها وشو سوت ؟؟:14: :14: :14: شو سويتي لشعرج وجسمج من خلطات :27: :26: ؟؟ وشو شريتي من السوق وياريت ذكر الاماكن عشان نستفيد.. انا ببدأ اول وحده .. عرسي فشهر 7 ان شاء الله .. شعري ازيته فالاسبوع مرتين .. خلطة الزيوت الي استخدمها من اختراعي عباره عن ( زيت اللوز+زيت الزيتون+زيت النارجيل+زيت الكثيرة+زيت السمسم+زيت الفاتيكا+زيت الخروع) وجهي احط ماسك او ماسكين فاليوم على حسب .. الماسك الاول ( صندل+روب) الماسك الثاني ( شوفان مطحون+روب+خميره+ملعقه ليمون) اما عن مشترياتي .. اليوم شريت لي دراعتين عليهم شغل حلو عبارة عن قطعتين وحده لونها زيتي ومرون والثانيه بنفسجي فاتح وازرق .. ودراعه لونها فوشي شغلها خفيف تنفع استقبل فيها ضيوف فالبيت .. وشريت لي 3 قطع قطن وديتهم الخياط اخورهم .. طبعا ناويه اشتري10دراعات و10 مخورات..:14: قمصان النوم والملابس الداخليه ما بديت فيهم .. بس اختي اهدتني روب طويل حرير لونه وردي واايد حلو وقميص نوم قصير لونه بني من التور .. :d والأحذيه والشنط شريت اليوم حذاء بيج كعب متوسط ومعاه شنطه بيج رقيق وحلو .......... وبعدني ما كملت .. :d العطور والبخور والعود وملابس البيت ما بديت فيهم <<<<< وحده كسووووله:15: العبايات والشيل والمكياج والتنانير والقمصان قلت بخليهم على شهر 4 ببدأ فيهم ..:15: وبس هذا الي سويته ........... وترا عندي خلطات حلوه بس اذا شفت تفاعل فالموضوع ومشاركاتكم الحلوه:d .. يالله عاد لا تفشلوني :d الإشراف قوانين المنتدى تنمع ذكر اسماء المحلات |
اهلا عزيزتي
اولا الف مبروك وبنا يتمم لك بالخير انشاء الله انا عرسي ان شاء الله بنهاية شهر 7 او بداية شهر 8 لسة ما حددنا وبالنسبة لتجهيزي اقولك بصراحة لسة ما سويت ولا اشتريت شي لاني كتير مشغولة بالدراسة والامتحانات فماعندي مجال بس ان شاء الله ناوية اسافر بلد تاني الى خطيبي هناك واشتري كل حاجياتي هناك مع خطيبي وبالنسبة للماسكات بصراحة ما استعمل اى انوع الماسكات لاني بالاساس ما بحط كريم اساس على بشرتي عشان كدة بشرتي ماتحتاج بس اسوي مساج للبشرة قبل العرس ان شاء الله وشكرا على الموضوع عزيزتي |
مشكوووووووووره ذبول ورده انج عبرتيني :17: ... وين الباقيات يا بنات 21 وحده تدخل ولا ترد !!!!!!!!:rolleyes: :29: عالأقل قولو كلمه لو جبر خاطر:o :rolleyes: :rolleyes: :rolleyes: |
انا زواجي في الصيف ان شاء الله نهاية شهر 7
ما سويت شي بس امي اختي و بنات عمي يتجهزووون و امي كل يوم و الثاني ترويني قطعة ذهب او جلابيه او نعاله (انتو بكرامه) بس ساعدوني شنو لازم اسوي؟؟؟؟؟؟ |
انا عرسي بنص شهر 7
ولسه ماسويت ولاشي الصراحه اني مررررررررررره كسوله انا ماراح ابدا في الاهتمام ببشرتي وجسمي الا قبل الزواج بشهرين عشان لو بديت من الحين حاطفش اكيييييد اما بالنسبه للمشتروات مايبغالها وقت كثير ان شاء الله يكفيني الوقت :) |
شوفي حبيبتي انا سويت دفتر وكل صفحه خصصتها لشي يعني صفحة الجلابيات والدراعات وكل ما اشتري دراعه اكتب لونها وقيمتها عشان اعرف شو شويت وكم صرفت وهكذا ويكون دفتر صغير تاخذينه معاج فالشنطه وعشان ما تكرري نفس الالوان بدون ما تحسي ..
اما عن الجسم والشعر سوي برنامج اسبوعي وماسكا حق وجهج .. واتمن اكون افدتج ,, وين باقي العرايس ليش محد مشاركنا ؟؟ |
انا زواجي بآخر شهر 6
خلصت أكثر جهازي بالعطل لأني إذا بدأت الدراسه راح انشغل بالجامعه وزواجي بدري بشهر 6 وقفلت عليهم بالشنط حتى ماأقعد كل شوي اشوفها وامل منها او تشغلني عن دراستي بقى الذهب اختي تكفلت فيه حولت لها الفلوس وهي بتختار لي وبقى المكياج وملابس الخرجات وانتظر موضة الصيف وماراح أكثر لأني ركزت على لبس البيت أكثر شهر العسل غالبا مع زوجك تقضينه وقالوا لي يبي لك تغيرين وتبدلين باليوم أكثر من 4 مرات فتفننت بلبس البيت طبعا هالأيام راسي وعيوني احولت من البحث في المنتديات عن الخلطات وقربت اخلص عندي جداول روعه للعناية في شعرك وجسمك وكلها خلطات طبيعيه فلازم نبدأبدري اختي maynoona عندي لك مواضيع روعه كيف ترتبين نفسك كعروس وكلها منقوله راح اجيبها لك بس ان شاء الله افضى لأن هالأسبوع بأحاول انتهي بحث عن الخلطات واسوي جداولي قبل يوم السبت آه ياقلبي راح نبدأ محاضرات ومشاريع وقلق وعوار راس لي عودة وأوعدكم إني اساعدكم بالمواضيع اللي عندي لأنها روعه |
السلام عليكم
موضوع مشجع جدا وياليت يتثبت انا زواجي باذن الله بشهر 7 ميلادي و سويت مثلك يا دلوعة جبت دفترة وكتبت فيه الاشياء المفروض اشتريها الحمدلله خلصت الشنط والجزم وقمصان النوم وملابس البيت بقى لي لبس الطلعات والسهرات والمكياج والعطورات والساعات بديت فيهم تقريبا,, اما الذهب اجلته لانه مرة غالي هاليومين.. بالنسبة للخلطات انا مرة مشغولة بالدراسة فأفكر ابدا خلطات قبل زواجي بشهرين او شهر وانا حافظة عندي مستند فيه خلطات ونصايح جالسة اجمع فيهم وبعضهم سويتهم من الصيف اذا تبوني انزلها نزلتها .. هاه وش رايكم؟؟ |
انا زواجي في بداية شهر سبعة وما سويت ولا شي ولا خلطات ولا مساكات ولا اشتريت ولا شي ولا كني بتزوج اصلا!!
والمشكله اني تخرجت من الجامعه السمستر هذا وقاعده في البيت ولا سويت شي مادري وش جاني حالة كسل غريبة.. عموما بحاول استفيد من هالموضوع بشوف جداولكم وخلطاتكم واحاول اطبق نتيجة بحثكم لان شعري محروق من السشوار والفير وحالته لله وبشري معدومة من بعد الاختبارات والسهر والقلق وكنت مقررة اسوي نظام غذائي صحي ورياضه بس ماعندكم احد.. ان شالله يفيدني موضوعكم ويحمسني شوي.. |
انا بصراحه للحين ما انخطبت
بس على ايام ملجت اختي كانت كل يوم تدهن عمرها بكركم و ماي ورد وماسكات طبيعيه حق ويها عسل وما ادري شو.... والله ماادري يوم بييني ولد الحلال بسألها |
اقتباس:
الف مبروووووووووووك مقدما حبيبتي وماشاء الله عليج نشيطه .. ربي يسهل عليج ويتمم لج بخير ..:14: ويالله حطي الخلطات على العام عشان كل البنات يستفيدو .. وشكرا على المرور :d |
اقتباس:
تصدقين حتى انا مأجله الذهب لأنه وايد غالي وقلت اذا ما نزل سعر الذهب بشتريلي طقمين خفيف وواحد ثقيل وبكثر من الخواتم والاساور والساعات .. وباقي فلوس الذهب بحتفظ فيهم فالبنك ومتى ما نزل سعر الذهب بروح اشتري ...واذا على الخلطات انا نفس الشي عندي ملفان مجمعتنها من سنه كلها خلطات واذا تبو بحط كليوم خلطه .. وانتي بعد حطي خلطاتج وخلينا نستفيد من بعض :22: وشكرا على مرورج الحلو :d |
اقتباس:
خلي عنج الكسل حبيبتي ويالله تحركي ترا والله تستمتعين وانتي تتجهزين لعرسج بس انتي شدي الهمه واذا على الخلطات كلنا بنتعاون وكل وحده بتحط الي عندها وشوفي الي يناسبج .. موفقه حبيبتي وشكرا على المرور :d |
اقتباس:
:14: يارب الي ما انخطبت تنخط والي مخطوبه تتزوج والي متزوجه ربي يرزقها الذريه الصالحه آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآمين |
ويالله هااااااااااااااذي اول خلطه وتراها منقوووووووووووووووووله ..:d :d :d تبين جسمك(أبيض×أبيض) صااااااافي يلمــع ويلـــــــق والنتايج من اول مرة؟؟ -------------------------------------------------------------------------------- السلام عليكم كيفكم يافراشاااااااات ان شالله كلكم بخير .. في البداية بما اني مجربة هالخلطة بنفسي بعطيكم وصف عن بشرتي .. انا بشرتي لونها ابيض والحمد لله بشرة وجهي حلوة لكن (انتبهي لكلمة لكن ) هالفترة صاير وجهي شاحب ومصفر شوي بسبب النوم الغير منتظم والسهر .. اما بشرة جسمي ... حدث ولا حرج حالي حال الكل ماشالله الاكتاف والظهر والذراع انواااع الاثار (طبعا هذي آثار حب شباب) اللي يازعم تروح مع الوقت اوكي اللي في الذراع خفيف بس الظهررررررر وماادراكم مالظهر هذا وانا اهتم ببشرتي كثييييير والدليل ان هالاثار في يومن ما كانت حبوب .. والله العظيم واقسم بالله اني ماحطيت هالخلطة الا بس ساااااااااعه والله من اول مره اشوووف لون ظهري ههههههه الاثار اختفت بنسبة 90% ( اما الـ 10% الباقي فهي بقايا الاثار اللي ماهي واضحه) والله وبشرتي صارت تلـــــــــــــق ونـــــــــــــاعمة وصــــــــافية واحس لوني فتح كثييييير حتى خوااااتي لاحظووو التغير الجذري في ظهري بالذااات اما وجهي صار اصفى من قبل وناااااااااعم نااااااعم نااااااااعم ماشالله المهم اللي خلاني اجرب هالطريقة اني عندي يوم مخصص اسمه ( يوم الطبيعة ) يعني من الاسم كل البلاوي اللي احطها علي هاليوم تكون اعشاب او اشياء طبيعية عموما هي الخلطة معروفة لكن انا اضفت مكون ثالث المكونات هي : ملعقتين كبار كركم جسم ملعقتين كبار فازلين 3-4 ملاعق زيت زيتون ولنتائج مذهللللللللله اضيفي الحناء البيضاء ( للجسم ) ( واللي حابة تقدر تضيف جلسرين انا ماضفته لأن ماكان عندي ) ملاحـــــــظة هـــــــامة : كركم الجسم مختلف عن كركم الأكل والفرق ان كركم الجسم مايطبع اللون الاصفر وريحته احلى من كركم الاكل وعلى فكرة مش مهم الكمياات أهم شي زيت الزيتون يكون اكثر من الفازلين منعا للّبـــادة طبعا اخلطيهم كلهم وحطيهم على الجسم لاتقولون تعب لاتعب ولاشي عادي كنه كريم والبسي ملابس ماتبينها عشان اذا توسخت عادي انا والله خليته ساعة وشوي بس الافضل لو تخلونه 4 ساعات وحطي من الخلطة على وجهك اما حول العيون حطي زيت زيتون وكركم ( لأن الفازلين بيلزق عيونك هههههه) طبعا لمن تجين تغسلينةة لاتغسليـــــــــــــــــه بصــــــــابون عادي اغسلوه بسدر ( اخلطي كمة مع ماء فاتر وحاولي يكون شوي ثخين عشان لمن تغسلينة يصير زي الصابون ) ليه السدر ؟؟ اول شي عندك الفازلييييييين مستحيييييل يروح مع الصابون العادي والكل عارف هالشي ثاني شي السدر روووووعه لتصفية البشرة وتنظيفها ومو بس بينظف الا ويصفي بعد كيف الطريقة ؟ انك تاخذين عجينة السدر وتفكرين بها جسمك ( بتلاحظين اللون تغير من زيتي الى اخضر عشبي فاااتح كنه صابون غار ) وخليه لين تخلصين جسمك كله اتركيه وروحي نظفي وجهي بالسدر نفس الشي بعدها ارجعي اغسلي جسمك وفي الاخير شطفيه بماء السدر ( اللي هو موية فيها سدر شوووي ) والي ماعندها سدر تستخدم صابون الغار او صابون الطاووس واذا حسيتي انه ماراح اثر الكركم مع السدر استخدمي علي صابونة الغار وطبعا عشان تحافظين زيادة على النعومة بعد ماتخلصين حطي زيت زيتون على جسمك والله بتصيرووون شييييييي من النظافة والبيااااض والنتايج من اول مره عشان اللي يتكيسلون على الاستمرار عادي يجربونها مره وخلاص واماااااانة اللي تجربها تدعي لي بالتوفيق والنجاح وحسن الخاتمة والثبات لي ولأهلي حياااااكم |
وهذا بعد لعيونكم الحلوه بس يالله نبي تفاعلكم وتجاربكم ..:d (جدول الجمال) ...... للعرايس اللي يدوروا على الوصفات (الجدول من تصميمي) عروسة 2006 . -------------------------------------------------------------------------------- أولاً : الأغراض : الشعر : حمام زيت (زيت خروع – زيت اللوز – زيت الزيتون) أو إذا عندك (أي زيت يناسب شعرك) الوجه والرقبة : للتنظيف اليومي (صابونة الطاووس أو صابونة السفيد أب أو صابونة العسل باللوز أو صابونة البابايا – حليب منظف (ميلك) – تونيك – كريم مرطب) اختاري الماركة اللي تحبيها (جونسن – نيفيا ..... الخ) الشفاه : فازلين تنظيف بشرة الوجه : ميلك (حليب منظف) – سكرب (صنفرة) للوجه (مشمش) أو (نعناع) – قناع (أي نوع تحبيه) العيون : شرائح الخيار أو (قطنة مبللة بعصير الخيار) – شرائح البطاطس الرموش : زيت خروع للفم : غسول (أوراسبت) موجود بالصيدليات لونه أخضر للأظافر : ليمون – زيت زيتون للأيدي : كريم مرطب ..... أو دوف للإبطين : ليمون أو مزيل رائحة من (بيزلين) أو مزيل رائحة (البابايا) للجسم : 1- (خلطة للتبييض والنعومة) المقادير : علبة كبيرة كريم جليسوليد ، عصير 4 ليمونات ، 6 ملاعق كبيرة نشا ، فنجان قهوة زيت لوز حلو ، 2 فنجان عسل طبيعي ، 2 فنجان حليب بودرة ،2 فنجان زيت الخروع ،2ملعقة كبيرة بكنج بودر ، 2 فنجان شاي ماء ورد أصلي مو تقليد (خلطة إحدى الأخوات) (للبياض) : زيت اللوز الحلو - زيت الجلسرين - زيت جونسن للأطفال 2- لإزالة الجلد الميت : حمام مغربي (صابون مغربي + ليمون + ليفة مغربية) 3- لصنفرة الجسم : ملح الحليب (يوكوسبا) من العطار أو (ليمون + ملح خشن + ليفة البودي شوب مثل القفازات) أو مقشرمن خلاصة التوت البري ( ......) اسمه S T. MORITZ أو مقشر بالمشمش 4- للخطوط البيضاء بالجسم : زبدة الشيا ...... + اصبع الكاكاو ...... 5- لتوحيد لون الجسم : حجر السفيد أب + صابونة السفيد أب + ماء الورد الأصلي للمناطق الحساسة : ليمون - خل - ملح خشن (ولإسمرار المناطق الحساسة : مرهم بيتادين) ......... أو زيت اللوز الحلو أو (فازلين +كركم الجسم) للقدمين : ليمون – خل أبيض – صنفرة للأرجل – منعم الكعبين (خشبي) – ماء دافئ – ملح خشن – فازلين - جوارب هذه أهم الأغراض .. وحيكون عندنا نظام قبل الزواج بشهرين وهو : 1- خلطة العروس لـ (الدكتور مبارك الأشقر) المقادير اللي نحتاجها : بياض بيضة 1 ملعقة صغيرة عصير ليمون 2 ملعقة صغيرة ماء زهر 3 ملعقة ونصف ماء أكسجين (طبي يوجد في الصيدليات وهو غير المخصص للشعر). 2- حمام مغربي ، ونحتاج (صابون مغربي + ليمون + ليفة مغربية) شهرياً : حلاوة للجسم + لوشن جونسن لتخفيف نمو الشعر أو أي كريم مرطب (دوف – نيفيا) النتائج التي ننتظرها : النظافة - النعومة – البياض – التعود عالاهتمام دائماً ، والنتيجة الأكيدة : الجمال الطبيعي ونصير أحلى عرايس إن شاء الله .. منقووووووووووووووووووووووووووووووووووووووووول |
هلا بنوتات
أنا معاكم توني ابدأ بالتجهيز الفعلي لان زواجي راح يكون بدياة شهر 6 هجري ان شاء الله بدأت بملابس البيت لان موضتها ماتنتهي اما ملابس الطلعات والفستان راح اخليهم بعد شهر بعد ماتنزل الموضة الجديدة بالنسبة للخلطات ماسويت شيء بس اهتميت شوي بتغذيتي ودي اعدل نومي بعد علشان تتعدل بشرتي لاني احسها صايرة ذابلة من السهر والفاست فود دلوعة خطيبها مشكورة على الخلطات الحلوة |
الله يهديكم بنوتات
والله سببتوا لي فتور تفاجأت إن البعض يدرس وباقي ماجهز أوربما أنا استعجلت بس نصيحه للي تدرس ابداي الحين قبل تبدأ الدراسه الجديه وانتم تعرفون إذا انفتح باب الإختبارات مايتقفل غير اخر يوم بالدراسه قبل ابدأ: حبيت اسأل هل ذكر اسماء الماركات ممنوع ؟؟؟ احنا بحاجه لها خاصه بجهازنا نتعب من الفر والكر طبعا راح ابدأ مع البنوتات الحلوات النشيطات"ماأبي اسمع وحده تقول عن نفسها كسووووله زين"قائمة بالمشتريات قبل ماتجهز علشان مايضيع الجهد وتتبدد الفلوس بدون فائدة واللي حطت لها جدول خلاص تمشي عليه بس تشوف يمكن نسيت شئ احم احم قاعده اتفلسف ترى المواضيع منقوله وادعوا لصاحبتها لأنها مبين انها تعبت فيها واااجد بس ياليت يردون المشرفات على سؤالي أول وبعدها نبدأ واشكر دلوعة خطيبها على فتح المواضيع لأني ابي احد يحمسني وخلونا ننشط بعض |
حبيبات قلبي
الله يسعدكم ربي ويتمم عليكم بحق هالساعه الفضيله ويألف بين قلوبكم وقلوب ازواجكم وييسر لكم زواجكم ويجعلكم ربي قرة عين لهم حبيباتي كلكم تعلمون قوانين المنتدى تمنع ذكر اسماء المحلات لذلك ارجوا منكم احبتي الألتزام بذلك وربي ييسر لكم أموركم ويسخرلكم :) حصنتكم بلا اله الا الله |
خلاص ولايهمك ياروحي
جزاك الله خير |
والان معكم قائمة شامله وكاملة للملبوسات ..
المــــلابس الداخليــــــه ملابس مريحه للنوم شفافه وخفيفه ملابس داخليه للطلعات والدوام ملابس خاصه باالدوره الشهريه كلوتات بلاستك من الصيدليه تسويلك حمايه وتحافظ على ملابسك أطقم سنتيانات للبيت غير مبطنة أطقم سنتيانات سهرة كلوتات انفرادية ألوان متعددة وافضل للعرايس منها الاطقم الفخمه التل او الدانتيل المشغول والالوان الاسود والعودي والباذنجاني وفيه أشياء حلوه مو ماركه لكن خامتها ممتازه وافضل ستيانه تشد الصدر الكبير هي PUSH UP موجوده عند كل الماركات..... انتي بس قوليلهم ذا الكلمة بس حتى البوش اب في اكثر من نوع ملابس النوم طقمين ارواب قمصان طويلة بدون ارواب عدد قمصان قصيرة عدد بجايم حريري عدد بجايم قطنيه عدد كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟ عدد ملابــــــــــس البيـــــت أقمصة قطنية طويلة عدد أقمصة قطنية قصيرة عدد أطقم شورتات قطنية+جينز عدد تنوره قصيره عدد تي شيرت عدد بناطيل عدد فساتين قصيره عدد بودي عدد ملابـــــــــــــس خـــــروج يفضل شراء الملابس الجاهزه ولاتكثرين من الخياط لأنو حظوظ ولاتكثرين من فساتين السهره الثقيله خلي واحد للصباحيه والثاني احتياط والباقي فساتين زيارات وتيورات واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه والعنابي والوردي والكحلي والسماوي اذا كان داخل عليها الذهبي باالنسبه للموديلات لاتروحين للمصمم لأنو بياخذ على الرسم مع ان الرسم عادي ويقدر اي احد يرسمه عندك اقرب بقاله خذي مجموعه من المجلات المعروفه سيدتي- الجميله-كل الاسره-زهره الخليج-اسرتي-لها تلاقين فيها عروض أزياء تناسبك وقمه في الأناقه والذوق وبرضه جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منهاموديل فستانين واحد للصباحيه وواحد احتياط وخيطيهم عند اي خياط تثقين فيه اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله برضه راح تحتاجين جلابيات للأستقبال أو اذا كنتي ساكنه مع اهل زوجك باالأضافه للتنانيرالجينز والأسود اللي تناسب كل تي شيرت وبناطيل حلوه لشهر العسل ******************************** |
بما انكم فتحتو موضوع التجهيز انا حابه اروح دبي اشتري اغراضي من هناك لان سوقنا كئيب اذا فيه امارتيات او احد يروح دبي كثير حابه اعرف بوتيكات مصممين ومحلات فساتين زفاف راقيه وبوتيكات فساتين سهره راقيه واهم شي محلات المصممين المشهورين اذا فيه وشكرا..
|
مرحبا يا صبايا
انا زواجي بدايه شهر 6 هجري بس للحين صراحه ما بديت اتصنفر ولا شي محتاره في ايش أبدا بس اتوقع اسافر للكويت اجيب لي شوي جلابيات وحركات بالنسبه لفستاني خلاص حطيته بمخي هههههه بس باقي يتفصل لاني بسوي حميه مع اني جسمي حلو بس ودي انحف شوي عشان القياسات ما تختلف والملابس الداخليه كانت فرصه بالتخفيضات قشيت قشيت والحمدلله باقي بس شوي والملابس حقت الطلعات شريت بس طبعا لسه ما خلصت الله يوفقنا وياكم ان شاء الله مشكوره دلوعه خطيبها على الموضوع :) |
الـــذهب
لاتكثرين لأنو راح يجيك هدايا سواء من اهلك أو من اهل زوجك خذي لك طقمين أبيض واصفر واذا كنتي ماتحبين الذهب الأصفر لاتكثرين منه لأنو حلاته يوم الصباحيه اذا جيتي بتسلمين على اهله وبس فااحلى شي يكون ذهب أبيض والماس ساعه حلوه واساور مع الساعه وطقم ناعم خواتم فيه تعليقات الماس قمه في النعومه واللمعان عند الثميري في الرياض اكسســوارات اختاري اللون الفضي والملون مع ملابس البيت نظاره شمسيه بعض اكسسورات الشعر للتغيير عدسات ملونه لاتكثرين لبسها في البدايه علشان مايتعود على شكلك فيها ويفضل لبس العدسات بعد 6 شهور من الزواج للتغيير توكات"بنس للشعر" بعض البكل الجميله الشنط الموضه في الشنط المشكوكه راح تلاقين أشكال حلووه باالمره وخذي لك ثنتين عمليات لما تطلعين مع العريس واستغلي وقت التخفيضات الجـــــــــــــــزم شباشب أنيقه للبيت جزم مع فساتينك مشكوكه وناعمه شباشب مشغوله وجزمتين للطلعه مع زوجك يعني عمليه وشباشب للحمام العبايات فصلي لك عبايتين على الراس مع طقم طرحات وغطاوي فخمة وحلوة (اغراض الحمام) طقم روب عدد من الفوط شامبوهاتك وصوابينك المفضله كريم حمام زيت<< ضرووووري بتدعين لي شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن كريم صنفره أسكينول منظف للبشره فرشاه +معجون مطهر غسول للفم هذا تستخدمينه بعد ماتفرشين جدا منعش وريحته منعشه حبيبات بنكهات معطره للفم موجوده باالصيدليات رغوه للجسم:أحلى الرغوات: صانسليك- B5 وتجي معاه ليفه ناعمه جدا- برضه ممكن تستعملين رغوه نونو الخاصه باالأطفال تخلي جسمك ناعم جدا حلاوه لأزاله شعر الجسم واحلى حلاوه مجبره هي :شهرزاد لونها موف وغطاها أبيض غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع بودره المسك للمنطقه الحساسه تلاقينها عند العطار مقصات ومبارد الأظافر شموع +ولاعه <<<تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه ولاتخلينها فتره طويله مولعه علشان مايسير الحمام مخنوق ربع ساعه تكفي علبه ديتول اعود قطنيه فوط صحيه فازلين علاجـــــــــــات بندول (المفــــــــــــــــــــارش) اختاري أثنين فقط واحد أبيض وواحد مشجر وخوذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش (العطــــــــــــــور) هذه بعض العطورالرائعه العربيه مسك لزج يجننن عند عبد الصمد القرشي عطورات أجمل كلها حلوووووووه الفرنسيه ريميمبر مي آديكت من كرستيان ديور الترا فيوليت هابي هارت من كلينك مادنس madness من شوبارد فان كليف تندر بويزن من كريستيان ديور لاكوست No5من شانيل إليزابث أردن عطر الشيخ قوتشي فيرساتشي إيتيرنتي لوفي مونتيل لانفان باكو رباني 212 بلجر wish نوا وهذه عطورات تنفع للنهار نيبتون من زهور الريف توت العليق من زهور الريف سويت كامليا من زهور الريف المسك الأبيض من زهور الريف أنجل من زهور الريف عطر باالفانيليا من نكتار التوت البري من نكتار المسك الثلجي من نكتار عطر دريم أنانيا فيه عند بودي شوب ونكتار المسك من بودي شوب أوشنس من بودي شوب <<توحمت فيه صديقتي وماتحبه والا حلو مون فلورمن بودي شوب<<برضه توحمت فيه وكرهته بس حلو ماكـــياج ماكياج الصباح اختاري كريم اساس خفيف تلقينه عند ماكس فاكتوروبودي شوب اما الأرواج والجلوسات اللي تناسب النهارتلاقينها عند(ماكياجي..زهور الريف..بودي شوب..نكتار مكياج الليل ماكياج الليل لازم يكون اكثف من النهار باالنسبه للأساس احلى شي ماك..جفنشي....كريستيان ديورويجي ضغاط يعني زي البخاخ ..كانيبو...فور ايفر وابتعدو عن نينارتشي يطلع قشور ويخلي وجهك كأنو مصبوغ في بويه الأساس الستيك عملي جدا وخليه في شنطتك للطواري بس تمررين الأصبع بشكل سريع عند اللزوم..وخصوصا شهر العسل راح تحتاجينه في السفر اذا نزل العريس لمحطه البنزين طلعي الستيك وعدلي اللي خرب هههههههههههههههههه<< هذا ان سافرتي بسياره وخذيه من ماركه كريولان كونسيلر فور ايفر تجيك علبه وفيها خمس الوان أخضر لأخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع ههههه والأصفرعلى جسر الأنف والبني على جوانب الأنف كريم اضاءه ريفلون..ماك..كريولان بودره اضاءه ماك..بودي شوب بودره بلمعه مافيه زي ريفلون خذي كل الثنتين البيضاء والبرونزيه الكحل كريولان لانكوم وكحل القلم الجاف من جفنشي خطيييير الشدو كريولان ..فور ايفر ..ماك..ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل (IsaDora ) البلاشر روحي لمكياجي تلقين عندهم ماركة الوان البلاشر حقتهم روووعه مثبت الماكياج بخاخ من جفنشي.أو فور ايفر المناكير خذي هذه الالوان بصلي..وردي..احمر..عنابي الماسكارا هيلينا روبنشتاين ..بروجو..نيفيا الأرواج ماكياجي فور ايفر زهور الريف جلوساتهم تهبل نيفيا شانيل جفنشي شسيدو لانكوم كريستيان ديور مزيل ماكياج ميلك للبشره كريم مرطب للبشره غسول للبشره كلين آند كلير شنطة مكياج عشان تحفظين اغراضك فيها من الضياع وعشان يكون حملها سهل |
ملاحظه:
مو شرط تاخذين نفس اسماء المستحضرات لأن الموضوع قديم من 2005 وفيه منتجات جديده وروعه بس ماحبيت اني احذف شئ واتصرف في موضوع منقول يكفي اني حذفت اسماء ماركات الملابس وماأدري عن حكمها بناء على قوانين المنتدى الغالي بس انت خذي الشغله نفسها وابحثي عن الموضه واخر شئ نازل أو اخر منتج خاصه العطورات والمكياج |
وينك يادلوعة خطيبها
تعزميني وتروحين وتتركيني |
بالله يا بنوتات اللي عندها ملف خلطات ترسلو أو تحطو
انا مرة حايسة مع الدراسة سواء كانت الخلطات للجسم أو للشعر |
انا استعمل قناع الصبا و الشباب
جزرة مصلوقة مع عسل واضعها 20 دقيقة واشطف وجهي وبعد خلطة لوجه مشرق ساطع الحناء مع زيت زيتون واشطف وجهي ..النتيجة تهبل وبعد لتنعيم اليدين ...سكر خشن مع ليمون او زيت زيتون وافرك كثير يداي واحصل على نعومة فائقة من اول مرة واستعملته لجسمي كله ماتتصورون يا بنات النعودة اللي تحصلون عليها لي عودة :) |
خلطة الجسم السحريه وربي فضيعه هي..ليمونه وحده ..
3 ملاعق جليسرين السائل.. حطيهم سوى في علبه و رجي العلبه كويس وادهني جسمك بالكامل واللبسي بجامه قديمه عندك وخليه على جسمك نفس مدة الزيت اللي في شعرك ..يعني ساعتين بالكثير.. يمكن ماراح ترتاحي فيه لكنه مره ممتاز للجسم يخيلي الجسم متناسق كله لون واحد مع الاستمرار. واناباقولك يارضا الله غايتي البارح اول مره اجربها تضايقت بشكل فظيع بس وربي فظيعه نعومه بجسمي خياليه بس اللون توبدري مالاحظته أكيد مع الاستمرار بتطلع النتايج وهي مره بالأسبوع بس انا باستخدمها مرتين بالاسبوع |
الاجهــــــــزة
استشوار عدد 2 ياكثر ماينفقع الأستشوار باالفنادق ههههه والسبب ماتدرين انو خط 220 فير لتلفيف الشعر فيه فير على غاز يجننن تحطينه بشنطتك اليدويه وتكوين فيه الخصل اللي قدام اذا كنتي من النوع اللي يحب يحط خصل مستقيمه على الوجه وخذي معاك كم اسطوانه غاز صغيره طبعا الأسطوانه بطول الأصبع وتجي ثنتين مع بعض بـ40 ريال يستحب ويفضل أن تشترين الجهاز اللي هو الأستشوار البخار حق حمام الزيت راح يفيدك كثير اول الزواج خصوصا انك احتمال تتزوجين في اجازه و 24 ساعه مقابلك ماتقدرين تحطين زيت لمده4 ساعات اما استشوار البخار حطي الزيت واجلسي نصف ساعه تحته واستحمي قيمته تقريبا 800 ريال مبخره متفرقــــــات كتاب الطبخ كتاب طبخ من كتاباتك المختاره خيوط+ابر+مقص أكياس معطره للملابس مصاصات العصير<<حتى مايخرب الروج بطاقه اتصال للضروره زيت السمسم <<<ياما من الشعر الجاف اللي بتشوفينه على الأقل رطبيه لو 10 دقائق بزيت السمسم علب لحفظ اغراضك داخل الأدراج صندوق مجوهرات لبان فيه لبان ايراني ممتاز عند محلات البخور جواه عسل وفيه نكهات متنوعه ملاحظه العلكه تشوه منظر العروس لاتعلكين قدامه سجاد وشراشف للصلاه نصـــائح اهتمي بتثقيف نفسك عن امور الزواج تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين احذري من كثره الحديث عن تفاصيل حياتك قبل الزواج تعودي على تدليعه ببعض الكلمات علشان ماتستحين بعدين عوديه على نفسك يعني اذا كنتي في منطقه اهلك لاتكثرين من الذهاب لهم اول الزواج علشان يتعود عليك ويسير مايستغني عنك لاتكثرين رسائل الجوال تسيرين لزقه اذا بغيتي أي شي من السوق لاتستحين ترى حياك ماراح ينفعك ههههههههه وبيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها وطبعا مو كلهم كذا لكن اضمن لك انك من البدايه تبتدين ماتستحين من الطلب وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك باالمره يعني خلك بين طلباتك ومستلزماته وراح يتعود على المصاريف الله يعينه ويوفقه لاتجيبين سيره الأنترنت له وانك كنتي تقضين اغلب وقتك عند الجهاز لأنو بيتضايق ويفهمك غلط |
شكرا همسة حب عالنصائح
ترا والله انك على حق ماننحرم منك خيتي |
وااااااو موضوع رايق..
وسعوا صدركم بالتجهيز مررررررررة لا تشيلون هم ترى الدنيا ماشية والله اني تحسفت على كل دقيقة شلت فيها هم التجهيز |
إن شاء الله فرحي ف شهر 6 " ف بدايته بإذن الله"
عن الملابس البيت كلها خلصتها و حطيتها بشنط و لسة ما شتريت ملابس الخروج و خلصت البرفانات و التجهيزات و كله ناقص بس هدوم الخروج 0 و ماسكات بحط حمام زيت ع شعري لانه سيء بصراحة بس بحاول أعمل حاجة وده مرتين أسبوعيا((زيت لوز حلو و زيت جوز الهند و زيت زيتون و زيت أملك)) و الوجه بدهن زيت جنين القمح هو ع فاكرة فتح لوني0 و المشكلة اللي عندي هي إسمرار ما بين الفخدين بدهن كريمات من الطبيب من شهرين و بعتقد ف نتيجة و طبعا وزني زائد بعمل رجيم من يومين و دعواتمكم 0 " و الفكرة روعة ف مجال نستفيد كلنا من بعض |
يانااااااااااااااس مشكورين عالموضوع اللي فادني في خلطات الجسم كثير
انا اعاني من اثار حب الشباب في الوجه والظهر بشكل خيالي وهالشي مسوي لي قلق غير طبيعي زواجي في شهر سته انشاء الله وابي منكم خدمه تعطوني خلطه تساعد على تفتيح لون الجسم وخاصة الكعب في القدم عندي اسود مره مره مره بشرتي انا بيضاء على صفار شوي |
يعطيكم العافية على هالموضوع المميز
و احلى ما فيه انتم يالعرايس ونصايحكم و اقتراحاتكم,, فعلا استفدت منه اشياء كثييييييير ما تخطر على بالي,, تفضلوا هذا ملف مجمعه فيه خلطات و نصايح من الصيف اللي فات من منتديات متفرقة ولو تلاحظون انا ما احب انزل الا الخلطات المجربة,, بعض هالخلطات جربتها بعضها توني يبيلها رواقة,, ان شاءالله تستفيدون منها مثل ما استفدت,, و الله يوفقناااااااااااااااااااااااا يارب :22: ---------------------------------------------------------------------- أنا لقيت وصفة فى منتدى صاحبتها بتشكر فيها مرة أنها خلت مفاصل ايديها بيضاء و رجعت ايديها كلها لون موحد وبصراحة أنا نقلتعا لتعم الفائدة وعشان كذا قلت لازم أقولكم عليها الوصفة هى ملعقتين زيت زيتون أو سمسم أو لوز + ملعقة بكربونات الصوديوم+عصير لمونة وبعدين جيبى جونتي بلاستيك والبسيه وخليها نص ساعة أو ساعة و بعدين اغسليها باليفة و الصابونة مع الاستمرار هتفتح السمار الى في ايدك ملاحظة:انصح الاخوات بالقفازات اللي تنباع في الصيدليه الشفافه اللي تستعمل مره وحده وانشالله مابكون فيها ضرر لانها معقمه ----------------------------------------------------------------------------------------------------------- اليوم عندي نصيحه لكم نصيحه للي حابه صدرها يكبر اتركي عنك كريمات تكبير الصدر اذا كنتي تبغين صدرك يكبر ادهني صدرك بزيت الزيتون مرتين في اليوم اعملي مساج لمده عشر دقايق لصدرك ولما تستحمي بعد الحمام جيبي ثلجه ومررها على صدرك واهم شي تستمري على ذلك لمدة شهر وشوفي النتيجه --------------------------------------------------------------------------------------- للركبه حلووووووووه وتهبل؟؟؟؟؟؟؟؟؟؟؟ نبدا اول شي سوي حلاوة للركبة .. لان الحلاوة بتنظف المنطقه وتشل الجلد الجاف بعدين اخلطي فنجان قهوة زيت زيتون , عصير ليمون ملعقة كبيره ملح و نص فنجان سكر خشن .. افكري الركبه عدل عقب اتركيها لمدة 10 دقايق , بعدين اغسلي المنطقه بالماي الدافي عقب ماتخلصين اخذي كريم جليسوليد وحطي كميه مناسبه وادهني الركبه عدل بهالكريم , بعدين اخذي كيس بلاستيك ولفي ركبتج فيه , طبعا لكل ركبه كيس وتحملي تربطين الكيس بالقوة مب زين .. المهم بعدين اتخلين الكيس على الركبه لين اتحسين انها عرقت , يعني ساعتين بالكثير ( انا احطه الظهريه لاني انام ساعتين فاخليه ولما اقوم اشله ) عقب ماتشلين الكيس , اخذي ليفه خشنه شوي وافركي فيها المنطقه عدل وانتي في الحمام ( وانتوا بكرامه ) .. انا الصراحه ماستخدمت الليفه , استخدمت القطعه البلاستيكيه اللي اتجي مع كريم ايماك , قعدت شوي شوي افرك المنطقه ونظفها .. المهم بعد ماتخلصين غسلي المنطقه بماي دافي , وعقب ادهني المنطقه بزيت اللوز المر او ممكن الجلسرين ( انا كل مره انوع ) .. وبسسسسسس سهله خطواتها ومايبيلها شي , واحلى شي ان النتايج تطلع بسرعه ييمكن للي عندهم السواد شديد تاخذ فتره اطول , انا ركبتي متوسطه الحمدلله حقيقه لايمكن ان ننكرها ----------------------------------------------------------------------------------- و راح انزل باقي الخلطات قريبا,, يومين او ثلاثة وبالتوفيق اختكم |
انا زواجي اخر شهر ستة
خلصت ملابس النوم بس.. شريت اغراض علشان الماسكات وكذا بس مرة مشغولة بالدراسة مااحس في وقت |
منقول
جسمك لون واحد بأسرع طريقه...تعالى بسرعة وشوفى$$$ المكونات: 1)بيكنج صودا..baking Soda 2)فوطه بيضاء بحجم كف اليد..موجودة فى اى محل للوازم الحمامات من فوط ومناشف.. الطريقه: بعد الاستحمام العادى..ونكون متفركين كالعادة بالشاور جيل او صابون عادى..المهم الاستحمام العادى..بعد ماننتهى...والجسم رطب..من غير تنشيف...نحضر الفوطه البيضاء ونبللها..ونضع عليها قليلا من البيكنج صودا ونفرك الجسم كله وبالخصوص المناطق السوداء والداكنة ... أعتقد معررفة هالأماكن ... المناطق الحساسه....والركب والابط..والخلفيه..وكل المناطق...والاقدام وحتى كعب القدم... ممكن تحسون بلسعه لكنها طبيعيه...وبتشوفون الفوطه والله مابتصدقون انكم عمركم اخذتوا دوش.....و لاحظ وا وانتو تتفركون لون الجسم قبل وبعد وبتستغربون جداااااااااااااااااا وبتدعون لى...... بعد ماتخلصون من كل المناطق...على طول نغسل الجسم بماء دافى ...ثم يلحقه ماء بارد جداااا تتنشفون جيدا......ثم....زيت اللوز ..نحضره..ومسجى الجسم به جيدا مع حركات دائريه فى كل مكان..... الاستخدام مره في الاسبوع ..وصدقوني من اول مره بتحسون بالفرق ... ************************* هالخلطه جابتها لي صديقتي من منتدى وشفت ركبتها ماشاء الله ماصدقت والله يابنوتات فرق فظيع وشوفوا هالرد من احد العضوات على نفس الموضوع : شكرا اختي على هذه المعلومة بس اريد ان اضيف ان هذا نستعمله نحن كمغربيات من زمــــــــــــــــــــان في الحمام البخاري المغربي .. وهي طريقة التقليدية في ازالة الجلد الميت مع اضافة الصابون البلدي و الغاسول المكون من الطين وفي البعض الاحيان اذا كان الجسم به بقع نستعمل الحناء مع الحامض وانتن تعرفن دور الحامض في تبيض البشرة ... وهذا يسعملنه العرايس كثييييير قبل يوم الزفاف....... و شكرا ....... وعاد تعرفون المغربيات وشهرتهم بخلطات الجسم وبعدين ماتتعب مره بالأسبوع وابدأي من بدري وان شاء الله نفيد بعض |
|
يافرحه ماتمت
اول مره احط صوره بموضوع ومبسوطه عشان عرفت بس ما ادري وش هالحروف اللي طلعت يالله مو مهم الاهم الصوره طلعت وانا باروح انام توجيت من الجامعه لي عوده ان شاء الله |
صراحة مابديت أسوي شئ لا تجهيز ولا شراء لاني كسولة وأدرس بعد
ربنا يعين |
| الساعة الآن 02:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©