ابحـــــــــــــث عن الاستقرار ,,,,,,,,,
 

مــــرحبا اخواني واخواتي >>>>>>>>شايفين الاحترام دائما نذكر الرجل قبل المرأه

ماراح اطول عليكم بطرح السالفه (ماادري ينفع اسميها مشكله)
انا متملكه من ابن خالتي وهو وظيفته في مدينه ثانيه طبعا والكل في باله ان راح نسكن هناك ..طبعا وبما اني معلمه وتعرفون صعوبة النقل الخارجي طلبت منه مايفكر يستأجر شقه لنا في الوقت الحالي لإنكم تعرفون ارتفاع اسعار العقار بسبب الاسهم اللي نزلت>>>>>>> دخلنا في الاقتصاد

وبعد ماادري راح يطلع لي نقل او لا!!

تفاجأت البارح بكلامه يبغانا نجلس مع امي ((طبعا انا وامي عايشين لوحدنا في البيت)) وطبعا مااخفيكم انا كنت قبل رافضه فكرة الزواج لإن مالأمي بعد زواج كل اخواتي الا انا وودي مااتركها ..

لكن ماكان ودي ان الكلام يجي منه ..

وسألته كيف راح تصير حياتنا؟؟ انه لما يداوم يصير يجي اخر الاسبوع

انا بصراحه تفاجأت وماقدرت اقوله رايي مع انه يقول هذا شئ بديهي وبالعقل صعبه نجلس عند اهلي ونترك امي لوحدها ..

((تذكرت كلامه متى يفتك من العزوبيه واحس انه مابيفتك منها ومابنستقر ))

يااهل الخبـــــــــــــــــــــــره,,

نــــــــــــــــدااااء عاجل ...مالقيت احد استشيره غيركم

ودعائي لكم بالاستقرار العائلي ...

مدامها مسألة وقـــــــت ويجيك نقل بعدها وتنقلين عنده في ديرته

توكلي على الله وإجلسي في بيت أمك وعلى قولتك أمك لحالها

يعني ماراح تتضايقون من شي

إذا إنك مرتاحة مع ولد خالتك ومبسوطة لاتخلين مكان يأثر وإنت ِ عارفة

إنه هالوضع ماراح يستمر

إلا إذا عندك إستعداد تاخذين إجازة من دوامك وتروحين معه ديرته وتحاولين

في هالوقت تطالبين بنقل لك

الله يوفقك

المسأله مسأله ووقت وفترة وبتعدى ان شا الله

اذا كان نقله راح يطول

أقترح عليكم استأجر شقة لانه من الصعب في كل مرة تتقابلون

راح تستأجرون فندق أو شقة مفروشة علشان تأخذون راحتكم علماً

لو اخذتم في الفندق مراح ترتاحون كثير مثل ما راح ترتاحون في بيتكم

واعتقد انها مو طيبة أنه يسكن في بيت أهلك حتى لو كان مافيه احد

وش راح تكون ردة فعل أخوانك أو خواتك وازواجهم .

وبالتوفيق

طيب وشهو البديل برأيك...

حاولي تتخيلين بديل اخر و سوي مقارنه بالمحاسن و المساوى و راح تصلين الى قرار

ثانيا/ هذي فرصه تبرين بامك و تونسينها

اختي مشكلتك بسيطه جدا

اسكني مع امك اونس لك وراحه له

بحيث لو انك سكنتي بمفردك بتكون امك ايضا بمفردها

وزوجك غائب عنك سوا طول الاسبوع سوا يومين خليه يجي لك ببيت امك لحد ما تتحسن امورك او تتحس اموره

صعبه تستاجرون شقه واثاث وزحمه وما راح تتهنون فيها وهو باله بيصير مشغول فيك يخاف انك تحتاجين شي وما عندك احد !!

الله يوفقك ويسعدك ويرزقك ان شاء الله

كان ودي انا اطرح هالفكره مو هو ..




عروستنا الحبيبه

اذا الأمور كلها تمام توكلي على الله

الرجال صريح وماعنده لف ولا دوران

اعطاك من الأخر...........<<<<<<وعلى فكره هذا طبع الرجال



ولاتقولي كان ودي ولا شي

توكلي على الله وصلي واستخيري

وبما انه ولد خالتك يعني موغريب على الوالده

الله يوفقكم وينور بصيرتكم وييسر أمر زواجكم

ويسخرلك ربي

حصنتكم بلا اله الا الله
الله يألف بين قلوبكم ويحنن قلوبكم على بعض


توكلي على الله ولاخاب من اتكل عليه


يسريها تتيسر