|
دعوة للنقاش ( لماذا أكثر القبائل لا ترغب في الرؤية الشرعيه ) الجميع يشارك
بسم الله الرحمن الرحيم السلام عليكم ورحمة الله وبركاتة :- :: أحبائك الكرام أخواتي الفاضلات :: الرؤية الشرعيه ( سنه ) سنها المصطفى صلى الله عليه وسلم ولم يُعمل بها خاصه في الجزيرة العربيه إلا قليل . الشيخ ابن باز رحمه الله قال ( [blink]أن أكثر الطلاق سببه عدم الرؤية الشرعية [/blink]) لأن الزوج لم يراء زوجته ولم تعجبه بعد الزواج وبهذا حصل الطلاق فعلاً وهذا الحاصل يأخذها زوجها ( في علبه مغلفه لا يراها إلا حتى ... حفل الزفاف ) يعني ( حظك نصيبك ـ اكشط وأربح ـ ياتفوز يا تخسر ـ البضاعه لا ترد ولا تستبدل ) هذه نظره نظرتها كان ينظرها لنا المتبعين للسنه والمستغربين لما نقوم به فعلاً أحسست أني غبي طوال حياتي وكنت أعتبر الرؤية ( عار وشنار ومستحيل يشوف أختي الخاطب ) الله المستعان أريد حوار هادف يتسنى لنا من خلاله توصيل السنه هذه بشكل سليم لأكثر شريحه ممكنه . ويكون كذا أحيينا سنه ميته عن نبينا محمد صلى الله عليه وسلم ويكون خففنا نسب الطلاق بدون ما نحس ولكم الاجر . وياليت يثبت الموضوع هل تؤيد الرؤية الشرعية ؟ ولماذا ؟ لا أؤيد الرؤية الشرعية !! اذاً ما السبب ؟ |
أؤيدها بشدة لا لشىء الا لأنه هدي نبينا محمد صلى الله عليه وسلم ، ولو كان هديه بعدم رؤية الخاطب للمخطوبة لكنت معه أيضاً.
|
أخي الكريم السيف المسلول
موضوع مميز جدا هل تؤيد الرؤية الشرعية ؟ ولماذا ؟ نعم وبقوه لأنها من اسباب التوفيق في الزواج وحتى يكون الخاطب على بينه بمن سيتزوجها وحتى يحدث قبول . لكن ما ضيعنا الا العادات والتقاليد بهذا الخصوص . تحياتي وفي رعاية الله |
انا من القبائل لكن مو من الباديه والرؤيه الشرعيه لبناتنا نحرص عليها أكثر الخاطب نفسه
لكن اعتقد ان القبائل اللي ترفض رفضها يكون تحت مبدأ ((عيب)) بنتي بنت فلان تشوف رجال غريب |
http://www.l22l.com/l22l-up-1/74a6420950.gif
اخوي اذا الرسول صلى الله عليه وسلم امرنا انه تكون في شوفه .. نحن افضل او اعلم من الرسول صلى الله عليه وسلم .. أكيد انا اؤويد النظره الشرعيه عشان البنت تعرف اللى راح ترتبط فيه .. نفس الشيء من الرجل لو لقى اللى يعجبه يتزوجو .. ماتكون زي اليانصيب نشتري ويمكن اربح او لاء .. يعني بالله اتزوج واحد ما اعرف شكله وهو نفس الشكل وبعدين اتفاجأ .. مو معناه اني اهتم بالمظهر لكن هذا الانسان راح اصطبح بوجهه واتمسى فيه .. اذا ماكان عاجبني مافي داعي اغصب نفسي عليه .. والجمال نسبي يعني ممكن اشوفه ويعجبني وغيري يشوفه مايعجبه .. اما اللى مايسمحو ان الخطيب يشوف شكل زوجته الا بعد الزواج بليله الدخله .. فهذا الاب تكون بيده ورقه طلاق ممكن بنفس اليوم تكون موقعه .. أسأل الله انه يهدي الكل ومشكور على الموضوع الله يسعدك ويوفقك دنيا وآخره .. http://www.l22l.com/l22l-up-1/74a6420950.gif |
اؤيد وبشدة لانه هالشي يعطي الطرفين فكرة او صورة عن الطرف الثاني..وهالشي ممكن يقرب او انه يبعد بينهم ومن هالناحيه افضل قبل مايتزوجون ويستوي طلاق فالوقت الضايع..اتمنى ان هلي يقتنعون بهالشي والله ياماحاولت اني اقنعهم بهالشي بس شنقول غير الله يهديهم..
|
اقتباس:
أخي الفاضل / صحاب الرأي السديد تعقيبك وسام على صدري باقي الأعضاء الذين هم فوق تعقيبي الحالي اشكر لكم تفاعلك نؤيد ذلك وعارفين أنها سنه لكن لا نرغب بالتطبيق ما أدري وين نروح من كلمة عيب وعادات وتقاليد . شاكر لكم جميعاً ياليت الاعضاء الباقين يوضحون مــــاحسن الرؤية الشرعية في نقاط ومساوئها عند عدم السماح بالرؤية في نقاط |
ايه هين
قال رؤية شرعية قلت لهم هالكلام وقت الخطوبة ياالله تفككت كنت بانفرش |
بصراحه انا استغرب انه فيه ناس ما يسمحون بالرؤيه الشرعيه احنا عندنا اهل البنت يحرصون اكثر من اهل الولد
غريب كلنا عيال حمايل و قبايل لماذا الى الان البعد عن الشريعه يظهر ان الناس تنورت الله المستعان |
تم التصويت انا من المؤيدين للرؤية الشرعية للمخطوبه اخوك هلال العالم |
فاغر /
براعم / هلال العالم / حياكم الله ومرورك كريم ننتظر باقي الأعضاء |
ينتقل لعالم المقبلين على الزواج
فهم اهل هذا الباب بوركتم |
أخي المجاهد / شاكر لك تعاونك وجزاك الله خير وعلى فكره :) ( ترى النقاش حتى من المراقبين نريده ) وين حديثك في هذا الموضوع :d |
اسمحلي ان اللي ما زالوا يفكرون هالتفكير
ودي اسالهم انتم وين عايشيين ؟؟؟ احنا قبايل كبيره ومعروفه ... ونحرص على الشوفه الشرعيه بشكل كبيير واهل البنت يحرصون عليها اكثر من الولد لانه كله يصب في مصلحتهم ومصلحت بنتهم |
اقتباس:
صادقه والله |
نعم أؤيد وبشددددددده
بس مو كل من جا دخلناه اذا كان واتفقنا على كل الامور تقريبا وجاو هله وشافوها اوكي "حتى يطمأن قلبه" كان بها اما اذا يشترط يشوف اول شي "سوري" وهذا رأيي ويمثلني فقط |
أعارض بشدة
خصوصاً اني محد خلاني اشوف:d |
اقتباس:
اما سؤالك وين عايشين؟؟؟ فالجواب بينكم اختي!! اما اذا كان سؤالك غايته الفجوه بيننا نحن(البدو) وبين غيرنا..!!؟؟ فانا معك كلامك صحيح من ناحية النظره الشرعيه نحن متخلفون جدا....وفي بعض امور الدين للاسف...!!؟؟ وللاسف اختي نحن عوائل محافظه وليست ملتزمه...!!! واظن هناك فرق كبير بين الاثنين...عسى الله يهدينا ويصلح حالنا. كوني احد المعنيين في الموضوع راح اجاوبك!!!!! انا وفيصل ومشعل وعبدالله وسلطان وزيد ونواف ماعندنا مشكله وهذا شرع الله !!! ولا اعتراض عليه !!! لكن وش تبغين مننا نسوي!!!!!؟؟؟؟؟ اهلنا وهذي عقليتهم وهذي طريقة تفكيرهم...!!! نرجع لنفس الشباب هذولا كلهم جامعيين ومثقفين ونجلس دايما مع بعض ونعرف تماما هذا امر الشرع ونعيه.....ونحاول نقنع اهلنا لكن عبث اختي عبث.......!!! يعني انا مثلا اذا تزوجت ان شاء الله وصرت شايب وجتني بنوته وكبرت وتبغى تتزوج وجاني ولد فيصل ولا مشعل وخطبهاااااااا!!!! انا بنفسي راح اطلب منه انه يجي يشوفهااااااا!! هذا شرع الله اختي !!!! ((وماينطق عن الهوى)) الرسول صلى الله عليه وسلم لم يقل شيئا عبثاااا حشى له حبيبي رسول الله صلى الله عليه وسلم. ولكن يجب ان تفهمي اختي انه هذه عادات وتقاليد بعض قبائل البدو وليست كلها!!!!!!! ونعلم انا والجيل الجديد ان هذا خطأ.....واتمنى مني ومن كل ابناء نجد ان نغير هذه النظره في المستقبل فشرع الله احق بتطبيقه من العاده والتقليد. |
انا اؤيد الرؤية الشرعية
الوحيد الذي رأيته هو زوجي لانه كان مبدأ القبول موجود عندي وعند عائلتي والغالبية في فلسطين عندهم الرؤية الشرعية |
اخوي اخطيت .... اول احيي فيك تفكيرك الراقي ... وان كان اغلبية الجيل الجديد من الشباب اصبحوا يحملون نفس الفكر ..:d اقتباس:
مو هذا اللي ضيع مجتمعاتنا .. المحافظه على عادات وتقاليد ما لها اي اساس من الدين .. بل مخالفه لأواامر الدين ... اي عقل يرفض اوامر الرسول عليه السلام بل ويعتبرها خزي وعار :( اقتباس:
المشكله محد كلها ظريبة هذه العادات غيركم يا الخطاب :29: ولا بيدكم تسوون شي الا اذا كان اخوها شاب عاقل مثلك ممكن انك تقنعه |
أخطيت /
جزاك الله خير وتعيب موفق وحوار هادف وأنا عندي أعتقاد بإذن الله أن الجيل القادم وأنا من ظمنهم راح نصقل هذه العاده التي هي مخالفه وفيها شيء من الخطأ وسبب في الطلاق حياتي اليمه / شاكر لك مشاركتك وحوار هادف مع أخطيت بالتوفيق للجميع وإن شاء الله نظهر بفائده |
والله انا اشوف بعض ابناء القبائل ماعندهم شجاعة يطلبون الرؤية الشرعية!!!
ونفس الشئ مع اخواتهم مايسمحون الخاطب يشوفوهم !! |
ما أتوقع
أحد يطلب الرؤية الشرعية وهو لا يطبقها إلا متلاعب .... تحياتي .... |
اقتباس:
وانت ماتقول الا درر والله كلنا كذااااااااااااا......لكن وش طالع باليد. نزعلهم يعني...؟؟؟:) الدور علينا اننا نمشي بشرع الله. ونترك هالعادات الباليه |
المترو / مداخله جميله
|
| الساعة الآن 01:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©