يضرب الحب شو بيذل؟
 

بسم الله الرحمن الرحيم
اخواني واخواتي
................
انا بكل اختصار حبيت واحد عمره 34 وانا 28 طيب جدا وشهم وخلوق وكل شي فيه عاجبني وصارلنا نعرف بعض 6سنوات تقريباً طبعاً كثير تعاركنا وكثير اختلفنا وكثير مرات افترقنا بس اخر مره هو تغير ررررررررررررررر وانا اجهل السبب ووالله ثم والله ان محبتنا طاهرة طاهرة لايفهمني احد غلط نسيت اقولكم هو تغير لاني رجعتله بعد هوشة استمرت سنة وهو خدمني كثير ولو طلبته اي شي مايقصرواموت قبل مانسى مواقفه معي مهما كان بس سبب تغيره انه يبغاني اكرهه علشان اروح واتزوج بس انا متمسكة فيه لانه والله يستاهل كل خير بس هو مو نفس جنسيتي بس انا مقيمة في بلده اقامة دائمة وكمان هو مو قبيلي وانا في بلدي بنت اصل من عائلة كبيرة وانا اشوفه عاجبني بس هو حتى ينتقد شكله يقول انتي الحين جاهلة بتتزوجيني زواج حب وعاطفة بعدين يتحكمين عقلك بتلقين اولادك مختلفين عن اولاد خواتك بتندمين وقت ماينفع ندم وانا احسني شجاعة وقوية واقدر اتحمل نتيجة قراري وانا الح عليه يتقدم ويحاول مع اهلي وهو مو راضي يردعلي وش رايكم بالله انا احس دنيا بلا حسه يعني موت وكاسر خاطري لان هالشي خلقة الله مو بيده ولاهو اختاره وهو مادري لانه مو راضي حتى يتكلم معي هل اتركه وانساه ام اتمسك فيه والله ماعرفت وش الحل ارجوكم ارشدوني بدون تجريح لاني مو ناقصة ؟؟؟؟؟؟؟؟؟؟؟؟؟؟؟؟

أولاً أشكرك أخي من خالص قلبي لانك الوحيد الي عبرني ورد ثانياً اشكر نصحك وأنا بالفعل من فترة طويلة تركته بس احببت أن أرى رأي الاغلبية خشيت أن أكون ظلمته وجزاك الله خير وبالفعل لو أراد الله تتوقف ارادة الاخرين أمامها واشكرك مره أخرى .

شوف حبيبتي أنا بنظر للموضوع من زاوية المجرب

شو بدك بوجع الراس راح ظلي غريبة بين أهله وهو ذخيل في عيلتك

ولادكم راح يتعبو

الله يوفقك ويكتبلك الي فيه النصيب

تسلمين ياختي سلامات ياقلبي ........ بس انا انظر للتوافق الي بيننا والانسجام وأخلاقه الرائعة خصوصاً انه سوى شي كبير علشاني وعيبي وفائي واخشى كثيرررررررررررر اني مأجد مثله والعمر زي مانتي شايفة قاعد يمشي واخاف الدنيا فرص والله يكتب الي فيه الخير ويسعدك ربي عالرد.

طيب هو يقول انه لا يريد ان يظلمك .. و انا لا اقتنع بهذا الكلام .. لو أحب الرجل فانه سيفعل ما يقدر عليه من اجل ان ينال و يعيش مع من يحبها تحت سقف واحد على سنة الله و رسوله .. اختي لا يوجد مجال لتضييع الوقت فالعمر يركض و انت الان28 و بعد عامين سيكون عمرك 30 .. يعني انتبهي حفظك الله .. قبل ان تندمي ..

و عليك بسؤال اهلك عن رأيهم فيه .. و كذلك .. لا تحاولي ان تقنعيه ان يتقدم .. الرجل هو الذي يتقدم و كله امل و ليس العكس .. و بما أنني لا أعرفه إلا انني اريد ان أقول ان احدهم فعل هذا الشيء .. أحب ثم ترك و طبعا الحجج جاهزة .. لكن السبب الأصلي أنه نفسه لم يكن مقتنعا و حاول ان يجعل السبب من الفتاة و ليس منه لشيء واحد فقط .. لكي لا يتندم بعد مرور سنوات .. ولكي لا يعذبه ضميره ..

وفقك الله و قلل من أمثلة هذا (الحب) الذي لا يأتي سوى بالعذاب لاصحابه .. (قلبي يؤذيني و أنا أتذكر صديقتي)

مودتي لك

.........................

وين اهلك عنك ؟؟؟؟؟؟؟؟ ماسألتي نفسك هالسؤال؟

...................................

يعني الظاهر اختي انتي ساكنه لحالك هناك .....تبارك الله!!!

انا نصيحتي تتزوجينه لانك مو صغيره ومااظني اذا رجعتي لبلدك تحصلين نصيب!!!

أخي الفاضل .. الرجاء طرح موضوع في عالم الرسائل الخاصة بإسمي ..بحرينية ولكن

مابني على باطل فهو باطل

بقولج شي بلا لف ولا دوران..

هذا يقص عليج.. وما يبيج ويظهر اي حجه عشان يتركج..


والله شو جابرنج عليه ولاصقه فيه دام هو ما يبيج..لو صدق يحبج جان يا خطبج مو يحطله اعذار عشان يبتعد عنج..


نصييييييييييحه عيشي حياتج بلا حب جيه..

أنا رأيي مع رأي أم أجياد
يعني 6 سنين
كثييييييييييييييييييييييييييييير
و مال شاء الله انتي صار عندك 28 سنه
ما في وقت للإنتظار أكثر
حبيبتي صلي إستخارة لله
و الله يقدم اللي فيه الخير

و قبل ما أنسى
أشوف إنه هو اللي كان لازم يتمسك فيك و يطلبك للزواج
مو إنت يعني كرامه
بس اللي يشوف 6 سنين يفهم أنه يتحجج بس بالجنسية و القبلية

و الله أعلم

الاكيد

حلات الثوب رقعته منه وفيه

بعد الزواج اشياء كثيره ريح تتغير تروح الشكره وتجي الفكره

الجواب عندك, الحب شو بيذل

نعم أختي, هذا النوع من الحب يذل و لا يوجد في كل الدنيا انسان يستاهل أن انسان ثاني يذل نفسه من أجله باسم الحب

برأيي هو يتحجج و لا يريد أن يكون في نظرك الانسان النذل, لذلك هو يقول لك أنت تستاهلي أحسن مني. اسطوانة يعرفها كل شاب غير جاد و نذل.

سامحيني اذا جرحتك بكلماتي

ما خاب من استخار ...

صدقيني غاليتي بالاستخارة ...تتضح لك الكثير من الامور وقد يتيسر موضوعك مع هذا الشخص اما بالزواج او الفراق ...ولو حصل لا سمح الله الفراق صدقيني ستتقبلينه بروح عاليه وانشراح وكأنه لم يكن في يوم من الايام مسيطر على قلبك وعقلك بهذه الطريقه ..وتأكدي ان الشيطان له مداخل للإنسان ويجعله يعيش في الاوهام وطول الأمل ...نصيحتي لك فكري قليلا بعقلك .....وتأكدي ان اللي يحب يرغب في وصال محبوبته بالزواج ..ولا غيره !

شوفي حبيبتي 6 سنين علاقة على أي أساس ؟؟؟!!!!
كل ها العمر وما تقدم لك ليش ؟؟؟؟
وبعدين أنقطعتو سنه ولا عاد سأل فيك ليش تروحين تدورينه وتقولي تعال تزوجني ؟؟؟
لو بغا الزواج صدق ... ويحبك موووت ... ما كان تخلى عنك ثانية وحده .
وكان تقدم وحاول وموت نفسه عشان تكونين له وتستمر حياتكم طول العمر
وعن كلامك أنه قدملك خدمات وجميله ما تنسينه ووووو ....الخ
هذا ( كان ) فعل ماضي وانتهى سوا خير ورماه في البحر
تبغين نصيحتي كأخت أنسيييييييييه أنسيه خلااااااااص لا تركضين وراه
وتترجينه يتزوجك خليك بكرامتك وكرامتك فوق كل شي ولا تذلين نفسك له
وأدعي ربي يرزقك نصيب طيب ويعوضك الله خير
وآسفه ع الإطاله
=====

حبيبتي يقولون مابقى كثر مامضى
حبيبتي اللي يحب شخص وقصده الزواج حده سنه ويتقدم
أنا ماراح أظلم الرجل وأقول أنه يلعب يمكن فيه ظروف أقوى منه بس ليه التعذيب راح العمر وسالفة الشكل مو حجة يأخر طلبك للزواج بس أتركي قلبك على جنب وفكري بعقل وخلي العواطف عنك
والرجل لو بلغ 40أو50 سهل يتزوج بس البنت إذا وصلت 30 قالو اعانس حبيبتي حنا في مجتمع مايرحم
الحقي عمرك ترى البيوت ماتبنى بالحب فقط الله يسعدك ويفرج همك ويرزقك شخص يعرف قيمتك

انا من رايي جالس يلبيلك كلاباتك عشان يوصل لشي منك او راهي فزعات يحب يلبي لك ولغيرك بدون ما يحس انه جالس يسوي جميل يعني الرجال شهم ما يقصد شي بس مجرد تلبيت طلباتك بس الارجح انه قاصد يو صل لشي منك بدون زواج اقول نصيحه لك صلاة الأستخاره وبس

عزيزتي الغاليه مع الاسف اكثرية البنات يوقعون بمطب الحب ويلاقوا عمرهم ضاع منهم وراح والعمر محسوب على لبنت مو مثل الشاب وتقل فرص الزواج عندها كلما كبرت بالعمر فلا تقطعي نصيبك بايدك اذا فيه نصيب واذا ما فيه حاولي تتكلمي معاه بصراحة عن الاسباب الي تمنعه وحاولي تلاقي حل الها وانتي بتفكري معاه، وشنو هي العوائق، وفيه كثير ناس من جنسيات مختلفه تزوجوا وعاشوا بسعادة واذا كان الاختلاف بالطبائع فانت اذا وجدت في نفسك المقدرة على التغيير اعرف انه ما راح تقصري معاه، المهم خليكي عقلانيه وتكلمي معاه بصراحة ولاتخله يخاف منك وخليه يتكلم كل الي بباله من مخاوف وصعوبات واذا ما اقتنعتي وحسيتي انها حجج واهية، فاعرفي انه ما عنده نية الزواج، وشوفي مستقبلك واتزوجي غيره وعسى ان تكرهوا شيئا وهو خير لكم وعسى ان تحبوا شيئا وهو شر لكم واهم شي اعملي استخارة وشوفي شنو الي يرتاح اله قلبك وعقلك مع بعض واذا فيه نصيب راح يتسهل باذن الله، لانه لو جريت جري الوحوش غير رزقتك ماتحوش مثل ما يقول المثل يعني نصيبك راح يصيبك بس المهم تيقني بتفكيرك وتاكدي لقول الرسول (ص) «دع مايريبك إلى ما لا يريبك» [صحيح الجامع 3377] . وان شاء الله تطمنينا عليكي وتوكلي على الله فهو حسبك

قبل أن أرى الردود
أختي فكري بعقلك وأتركي قلبك
وأسألي نفسك :
هل هو الزوج المناسب لي ؟
هل النتائج ستكون طيبة بعد الزواج ؟
هل الاولاد سيتضررون من هذا الزواج ؟
أختي الفاضة أستخيري قبل كل شئ (وعسى أن تحبوا شيئا وهو شر لكم )
أعانك الله
الله يفرج لك كربتك ويوفقك ويرزقك بالزوج الصالح

اتركي الموضوع للأيام لكن لاتعلقي نفسك به
وإذا جاك إبن الحلال فلا تترددي لحظة واحدة
ولو انه أحبك كما قال لما تأخر يوم واحد للتقدم لأهلك مهما كانت ظروفه
فانتبهي لنفسك ويكفي من العمر 6 سنوات ضاعت انتظارا للوهم
دمت بخير

أولاً أشكر كل من رد على موضوعي بصفة عامة ويبدو أن الجميع قد أجمع على رأي واحد لكني أحببت توضيح بعض النقاط فقط:
1- الوافية لوالديها :
عافاك الله أختي ومشكورة على اهتمامك وكلامك على عيني ورأسي بس يأختي أنا الي جالس ضميري يتعذب لأنه في البداية كله حماس وكان مستعد يجيبلي أي شي بس علشان أرضى بس أنا كنت صغيرة وخوافة ومو فاهمة نظرة الأهل كنت أتوقع ان زواجي منه شي فوق المستحيل فكنت أنا الي أبتعد وخليته ييأس والحمد لله ماصار شي وباذن الله مابيصير شي أندم عليه وصدقيني هو انسان أي بنت تتمناه.
2- المترو:
شكراً أخوي وأنا قلت أصلحك الله بدون تجريح يأخوي أنا أهلي معي بنفس البلد وماراح أرجع بلدي أنا من مواليد بلده وتقريباً مستقرة نهائياًولنا عادات متشددة جداً في قبيلتنا كمان البنت عندنا اذا وصلت 25 تصير عاانس وأصدقك الكلام مافي ولا واحد تقدملي علشان كذا يمكن اكون أنا متمسكة فيه وكمان عرفته على والدي بطريقة غير مباشرة ووالدي جداً يحترمه وعلاقتنا انقطعت لاني حسيت انا وياه بتأنيب ضمير اتجاه والدي وأنا أتمناه والله يكتبلي الي فيه الخير .
3-السيف الذهبي :
خذ راحتك أخوي انا طلبت المشورة ومتقبلة لاي نصح مو خطيبي بس كان بيننا اعجاب تطور لمحبة وعلاقتي به أغلبها رسائل وقليل جداً كانت مكالمات وترى ماشافني لحد الان ولا طلعت معه نهائي ويشهد الله على كلامي.
4-aabb:
شكراً أخوي عالرد.
5-ضايعة فالدنيا:
أشكرك عالرد بس ياأختي أنا مو لاصقة فيه بس والله قلبي راحمة اني اشعره بنقص مو هو سبب فيه أنا قصدت أعطيه الكلمة الأخيرة اذا حابني بكل صدق يجي يتقدملي واذا لا خلاص كفاية كل واحد من طريق والله يسهل أمرنا .
6-RoOd:
الله يسلمك حسيت كذا كلماتك طالعة من قلب فيها حنية أو يمكن قلتي الي أنا أبغى أسمعه العمر مضى لاني كنت خوااااااافة وهو ماكان مصر اصرار يمنحني قوة وكل ماهممت بتركه وجدت منه حسن خلق في أشياء كثيرة كمان أنا ماكنت وحيدة ساعة ماعرفته بس انا قلبي رقيق وأعماله معي وكلامه تشرف وتجبرك تحترميه وتحبيه مو أنا قلت بقوله اخر كلام عندي اذا حاب يتقدم ويواجه الكل عشاني مثل ماأنا بواجه قبيلتي وكل الناس عشانه وبفتخر به الله يحييه وتشيله عيوني واذا بيظل عاجز وخايف أنا ماعاد أبيه وأنا تقريباً قطعت علاقتي فيه بس علشان ماأحس بتأنيب ضمير بعطيه الفرصة الأخيرة .
7-أم أجياد:
سلمتي اختي وصدقتي حتى أختي لما عرفته كانت حامل والان ولدها بيدخل المدرسة الله المستعان بس لابد من منحه اخر فرصة.
8-samoura:
أختي معك حق وأنا صليت استخارة كثييييييييييييييييييييييرررررررر طوال ال6سنوات ومافي شي بعدني عنه ولاقربني منه وفوضت امري لله هو انا خوفته من اهلي عشان كذا لازم اوضحله العكس وأمشي وهو يحسبها بكيفه ولو تقدملي انسان كويس صدقيني ماراح انتظره ولاراح يأنبني ضميري لأني قد أعطيته الفرصة الأخيرة.
9-الفارس :
أنا كمان أخاف من العادات الي ربينا عليها وعشعشت برؤوسنا بس أكيد لو كان الحب صادق وعن قناعة ستلغى كل الحواجز والحدود والى متى الخوف لابد من التقدم بشجاعة هكذا تعلمنا في القبيلة صفات النذل الخائف لايحق لاي فرد ينتمي لقبيلتنا ان يكون هكذا وانا احدهم بعدين حنا الثوب وين الرقعة والله ماجات صار القريب يدور عالغريب والله يسهل أمر كل بنات المسلمين .
10_شكوتي لله :
أشكرك أختي واااه لو تعلمين من أكون في عائلتي لكنها الاقدار والقلوب بيد الله عزوجل يقلبها كيفما يشاء وربما معك حق لكن احقاق للحق هو لم يكن يوماً نذل معي وحتى لو ابتعدت عنه وتركته لا أسمح لنفسي أبداً بأن تتنكر له ولمعروفه الذي أسداه لي لكن يرحمه الله لم أستطع حتى الان تيقن سبب تغيره او فهم مالذي يدور في رأسه والشكوى لله .
11-غزالة دبي:
استخارتي استمرت 6سنوات ولا على الله حساب استخارة بدموع ورجاء لكن لايعلم الغيب الا الله .
12-بحر الحب:
اختي اشكرك وانقطاعنا كانت له ظروف وأسباب كثيرة يصعب شرحها وسردها بالتفصيل وأنا مالحقته خلص انا فقط اعطيته اخر فرصة صدقيني وشكراً مره اخرى .
13-عبير العلي:
اشكرك اختي ومثل ماقلتي ماراح اظلمه لكن بحكم انه رجل المفروض انه هو الي يتقدم بكل شجاعة
امين يرزقني وكل بنات المسلمين كمان اختي والله ماجاني غيره ولاكان الموضوع انحسم من زماااااااااااااان .
14-دكتور حنون :
اشكرك اولاً ثانياً من أحببت أسمى من أن يستغلني في شي لاقدر الله صدقني ممكن مثل ماقلت راعي فزعات ويخدم لانه فعلاً خدوم لدرجة يستغله الناس فيها بس حكاية يبغى شي لا كلمة حق تقال في غيابه والله يشهد .
15-bluskay2006:
أشكر لك غاليتي رقة جوابك وانا حاولت اتناقش معه مؤخراً بدون الحاح مني لكن لم تحصل فرصه ثم انه يعرفني جيداً ويعرف أهلي وكل شي عني وحتى أخلاقياتي فاعتقد يكفي أن اعطيه اخر فرصة وكما قلت للاخوانت من قبل لم يتقدم احد فتحسم المسألة وعساه خير من رب العالمين ولله الحمد والمنة على كل شي.
16-لحن السعادة:
اشكرك واستخرت ولازلت استخير وهو كزوج جداً مناسب كأن الله أرسله لي كما طلبت فقط اختلافنا أنه كان يؤخر بعض الصلوات عن وقتها ووعدني بتعديل ذلك وربما عنده سلبيات لا أعلمها والله يختار الي فيه الخير .
17-الأمل المتفائل:
شكراً جزيلاً وسبحان الله مسك الختام كان ردك وفعلاً انا فعلت كما قلت والله سيجعل من بعد عسر يسرا .
أخيراً هاهنا سأكتب مقولة أبكتني يوماً وأنا في خضم التفكير واتخاذ القرار بشأن قدر أرسله الله لي وهي لسيدنا علي بن أبي طالب رضي الله عنه وكـأنها توطت جرحي يقول رضي الله عنه: ( العشق مرض ليس فيه أجر ولاعوض).
عوضني الله برجل صالح يختاره لي ولجميع بنات المنتدى وبنات المسلمين أجمعين امين .


و

استخيري يا اختى فما خاب من استشار الله تعالى
والله يوفقك ويستر عليك
اكثري من الدعاء والاستغفار

انا ادري انه هالامر صعب بس بقولك شي وحاولي تسويه

(نفسي عزيزه من جفاني جفيته حتى لو يصعب على القلب فرقاهـ)

والي يعيفني انا اعوفه


وهو باين عليه مو بنيته زواج ليه متمسكه فيه ؟؟؟


توكلي على الله .. والله يهديك ويصلح حالك يارب


هموووم

شوق وحب :
والله ياختي يعلم الله كيف أستخيره وأدعيه والحمد لله على كل حال.
المترو :
يسلمك ربي ياخوي انا والله مازعلت منك بس ساعات الواحد حتى لما يكون متأكد انه غلطان يحب أحد يطبطب عليه بكلمتين حلوين وياخذ بخاطره مع معاتبته وانا قلت في البداية لاحد ينتقدني او يجرحني لاني متأكدة مئة بالمئة اني مخطئة منذ البداية ولمت نفسي كثيييير حتى كدت ان انهيها ويعلم الله بماعشته من ألم وشعور بالذنب والندم لكن اكرر واقول سيجعل الله من بعد عسراً يسراً .
مهموم :
كلامك بلسم وعلى عيني ورأسي وصدقت (من عافنا عفناه ولو كان غالي) وهذا الشي الي خلاني من كل قلبي نفرت منه وصدقني تركته تماماً ولو عاد راح يكون ردي نفس الرد ووالله ماراح أغير فيه شي بإذن الله وأصدقك القول والله العظيم ماعدت له نفس المكانة الأولى بنفسي بس المشكلة ان الواحد يحب تبقى للي يحبه أسمى وأجمل صورة يعني انا عفته بس في داخل قلبي ودي به يجي ويوقف بشجاعة حتى لو ردوه يكفيني بس وقفته بشجاعة عشان خاطري يعني المسألة صارت كبرياء وكرامة والله المستعان .

شوفي حبيبتي

انا راح اكون صادقه معك مدام انتي قبيليه وهو لا

يعني فيه اختلاف

غالبا الزواج ماينجح ولو نجح عيالك هم الي بيتعبون

حطى عقلج فى راااسج
 

السلام عليكم.....يا اختى واحد يكلمك ست سنين و بعدييين يقول روحى راح ننهى علاقتنا علشان تتزوجيييين...هذا الكلااام واااااضح منه انه يتهرب منك و يحاووول يقنعك انه خااايف علييييك....لا لا لا....هذا الشخص للأسف كان ست سنين يتسلى.....و ألحيين بيعيييش حياته مع وحده ما تكلم أحد من قبل...صدقينى يا أختى انا ما ابى اصدمك او احبطك..انا ابى اصحيييك من غفلتك.....هذا الشخص خلاااااص لا تتصلين فيه و قطعى علاقتك فيه لانة ما يناسبك لا بالنسب و لا بالعلاقة.....و أصلااااا شلووون يا حبيبتى تسمحييين لنفسك تكلميييين رجال اجنبى عنك.....شفتى ألحيين النتيجة ..راااح وتركك...الله مو راضى لانها علاقة خطأ....الله يهديييك و يوفقك.

عفوا : يرجى تجنب الكتابة باللهجة المحلية قدر الإمكان / الاشراف

شكراً اخواني مجدداً:
1- نجد فارس :
تحياتي اخوي بس مثل مايقولون الحب أعمى وانا والله مايهمني الأصل كمان انا من ديرة وهو من ديرة وربنا يعين .
2- wait.......
عذراً نسيت بقية الاسم تحياتي ياأختي أنا أشكرك وأشكر خوفك علي والله يسعدك ويهنيك وحطيت عقلي برأسي خلاص والله العظيم اني قطعت علاقتي فيه من 16 يوم بالضبط وهي اخر رسالة ارسلتها له وبعدها بايام كتبت لكم بالمنتدى ويشهد الله العلي العظيم ان لارجعة الا بزواج والله يسهل امري وامر بنات المسلمين.
3- n72:
شكرك اختي وصدقيني تركته وتركت قلبي معاه عسى الله يربط على فؤادي كما ربط على فؤاد ام موسى انا معك ان التوافق مهم لكن صدقيني الحياة لها نكهة اخرى مع من يوافقك الفكر والوجدان لكن يسامح الله من احب ويغفر لي وله ولك ولجميع المسلمين .

لا تجزعي اختي العزيزة ..

سيعوضك الله بالخير ... و سترتبطين بانسان يناسبك و يوافقك الصفات

الزمي الدعاء ان يرزقك الزوج الصالح