|
انقذوني من الصمت و الشيشه
السلام عليكم ورحمة الله وبركاته
.................................................. .......................... كيف حالكم يا اخواني واخواتي بصراحة عندي موضوع انا بامس الحاجة لمساعدتكم وبصراحة ما اعرف شو اسوي انا يوم تزوجت كان عندي اجازة 10 ايام بعدها كان عندي دوام.........فما تهنيت بشهر عسل اول يومين كنا برع.......بعدين رحنا البيت..........ويا ريت يقعد معاي.......يدخل الحجرة إذا كان يريد شي مب لأني فيها...........ويقعد معاي ثواني قبل النوم ويقولي أريد أنام واكون انا عندي سوالف بس يرقد وما يسمعني وكل يوم على هالحال......إلى يومكم هذا......ز وكنت اقول لزوجي انا استنى اجازة الربيع عشان نطلع مع بعض ونستانس ونعوض شهر العسل الذي ما تهنينا فيه.........واتت اجازة الربيع وخلصت وما طلعت حتى يوم واحد معاه ...... طلعة نستانس فيها المهم..........أنا جربت الزعل والكلام والحلو والتطنيش وما شي نفع معاه..........بعد هذا نطق وقال اذا تريدين السوق أو عند حد أو عند أهلك (بين بيتنا وبيت اهلي ساعة في السيارة)........المهم قال هالثلاث أماكن بوديك غيرهم انا ما اعرف...............لا والقهر انه يطلع ويسهر مع الشباب شبه يومي.......... مشكلتي باختصار شيئان: 1) شو أسوي عشان اخليه يطلعنا.....ونغير جو انا يئست يا اخواني (مع العلم إن حالتنا المادية تسمح) 2) إنه يشرب شيشه شو أسوي عشان يوقف الشرب مع العلم إنه له تاريخ في المقهى والشيشه والشباب. شو أسوي؟؟؟؟؟؟؟؟؟؟؟ حتى ما عندي فرصة عشان أتكلم معاه......حاولت في عدة طرق مس كلها كانت فااااااااااااااااااااااااااااااااشلة انقذوني...............اختكم محد دلوع شراتي تم تعديل العنوان،، ام اثير |
اقتباس:
|
يكون يا طالع يا قاعد فالصالة ويكونون اخوانه قاعدين واهله وما لي فرصة لآخذ راحتي فالكلام معاه واقعد بس اكون ساكتة ولا اقعد وانا متغطية
فما اقدر اقعد معاه...........قعدتي في الحجرة احسن |
هل هو من النوع الجاف والعصبي .. أم يقبل المزح ..؟؟
أسمحي لي أسألك قبل أن أعطيك أفكار .. عشان ماتكون أفكاري غير قابلة للتطبيق .. خصوصا إنك ماذكرتي إلا رؤوس أقلام .. |
من النوع الهادي وحياته كله مزاح
|
كثير حلو ..
عندي لك فكرة حلوة .. ( بس يارب يكون جواله معاه ) لما يكون زوجك قاعد بالصالة .. طرشي له مسج : (( حبيبي إلحق علي تعبانة وحاسة إني باموت )) ونامي على السرير وعطي الباب ظهرك .. طبعا هو راح يركض .. لما يدخل ويسأل اشفيج .. لا تردين عليه .. أكيد راح يقترب منك .. حزتها أضحكي في وجهه وأحضنيه .. وهنا تشبكينه بأسلوبك وتستدرجيته في الكلام .. وتطلعين اللي بقلبك كخطوة أولى للمصارحة والنقاش .. |
اوكيه بعد جذا شو اسوي
بصراااااااحة فكرة حلوة.........بس بعد هذي شو اسوي |
قولي له :
أي تعبانة وحاسة إني بموت من بعدك عني .. وكلميه عن قلة الطلعات .. وإنك تحبين تتفسحين معاه .. وإن الروتين ذابحك .. وتتمنين تكبر علاقتكم وقربكم لبعض .. أما موضوع الشيشة فلا تفتحينه حتى تنتهين من موضوع بعادكم عن بعض وقلة التواصل وقلة الطلعات .. |
حلوة فكرة بحرينية ، بعد ذلك عبري له عن اشواقك بكل غنج ودلال .
|
بسوي مع أني أعرف النتائج....... اقولكم شو بقول...........بيضحك و بقول رقدي احسن أو ما بقول ولا كلمة أقولكم جربت الكلام الحلو معاه بس ما شي فايدة
|
ياربي ..
أمسكيه بالقوة وخلك في حضنه وقولي له مشتاقة لحضنك الدافي .. |
حياتي و الله اختي محد دلوع شراتيي
كيف الحال؟؟ وينج ما تنشافين؟؟؟ مادري ؟؟ أحس كأنج ماخذه طليقي؟؟ خخخ أمزح وياج شوفي يالغالية .. ترى توج معرسة .. ونصيحتي لج .. كأغلى من أخت افتحي اذنج عدل على كلامي أول شي .. هذا شي طبيعي .. 90% من الأزواج كذي .. خليج صبورة بسألج سؤال؟؟ تحبيه؟؟ أدري بتقولين طبعا هو زوجي.. مدام انج تحبيه حاولي معاه ..كيف؟؟ بقولج... أول شي .. طنشي هالسوالف .. اهتمي بجامعتج ودراستج .. حسسيه انج تحبيه .. وف نفس الوقت حسسيه انج عادي عندج مايفرق معاج طلع ولا رجع استقبليه بابتسامة وودعيه بدعاء قبل لا ينام حكيله ظهرة.. أو شعره .. حتى لو شال يدج عنه .. عادي سوي نفسج كوووووووووول عطيه بوسة ونامي الصبح قومي قبله جهزي ريوقه -فطوره- صحيه وانتي جالسة على ركبج .. ودغدغيه بشعرج.. يقوم على ريحة عطر شعرج طبعا تكوني كاشخة بس انتبهي لا تكثري الكشخة ترى فيه رجال بالبيت.. وهذا حرام جهزيله الحمام ولا تتكلمي كثير .. خففي كل شي معاه.. خلي عيونج تتكلم بدالج سيري عند اختج يلسي وياها.. وحاولي تتقربي من أهله أكثر ما تقدرين ترى فيه رجال بس كذا حركات .. يبون يشوفون كيف بتتصرف الحرمة الله يعينا عليهم لا تفكري ف هالأمور كثير >>>> الطلعات و الدخلات ويجلس معاي وووو اشتري له كتب عن التدخين .. طرشي له ايميلات عن الشيشه ومضارها سويله جلسة رومنسية بسيطة حلوة .. وصارحيه باللي بقلبج .. بس لا تعصبين وحاولي تساعديه على ترك الشيشة .. ولا تكثري كلام بهالموضوع.. ترى فيه رجال يعاندون يعني خلي عيونج وقلبج يتكلم عنج.. مثلا سوي بوستر صغير ووقعي عليه .. مثلا : عاشقة أنفاسك الرائعة واربطيه بخيط علقيه على سكان السيارة .. ويوم يسير الدوام بيشوفه .. حياتي .. كل شي في البداية صعب بس مع المحاولة .. تتيسر الأمور لا تقولين ما صار شي .. أو رد علي بـ... أو طنشني.. أو ضحك علي... حاولي لين ما توصلين للمطلوب تصدقين يالغالية .. ندمت لأني حبيت .. وانتي تعرفين سالفتي أكثر شي ندمت عليه هو اني حبيت .. ولأني حبيته تطلقت منه ووعدت نفسي إذا صار نصيب في المرة الجاية .. ما بعلق قلبي بحبه بجنون.. لكن بكون معتدلة في الحب .. لا باردة ولا حارة ... الله يوفقج غناتي وأتمنى اسمع اخبارج السارة عن قريب ... الله يحفظج ويفك عنج كربتج |
فديتج والله يا حبيبتي يالأمير
كلامج بحطه في عيوني وفوق راسي................. مراعاه التحدث باللغه العربيه الفصحى و مراعاه الابتعاد عن المحادثات الجانبيه،،،،،، ام اثير |
طبقتي اختي وشنو صار خبريناا
|
أختي الله يعينج ويسخره لج ،ترى تقريبا أغلب الرجاجيل جذي وأنا زوجي واحد منهم .....
أنا ماأقدر أعطيج الحلول لأن أنا أبي من يحل مشكلتي بس كل اللي أقدر أقوله عليج بالدعاء ودايما كرري قول الله العزيز الكريم : ( ربنا هب لنا من أزواجنا وذرياتنا قرة أعين وأجعلنا للمتقين إماما )...صدق الله العظيم . والله يوفقج ويوفقنا .... |
سويت شو قالتلي الأخت بحرينة ولكن وجزاها الله ألف خير ويا ريتني ما سويت:................
سويت مثل ما قالتلي تعرفون شو كان ردة فعله........ قالي انت تستهبلين..........وضحك...........وقال إن عدت هالحركة مرة ثانية باتشوفي شي ما شفتيه.......... وقال أنا أعرف شو أسوي...........وطلع اعناد فيني وما رجع إلا الساعة 3 الفجر |
لا والقهر إني كنت استناه ما نمت
شافني استناه...........عصب علي وقالي سهرانه........ وطلع من الحجرة ونام في المجلس |
في أزواج يكونوا ثقال يعني يحب المرأة تجري وراءه
حاولي تخرجي الصالة معه وتجلسي بجانبه وتتحدثي معاه ومره على مره هو حينكسف من أخوانه ويدخل معاكي الغرفة ربنا يسعدك ويوفقك |
نسيت شي أقلك هو عليك بالدعاء له
((ربنا هب لنا من أزواجنا وذرياتنا قرة أعين وأجعلنا للمتقين اماما)) |
اقتباس:
هذا فى حد ذاته مصيبه والله انا جربت وانا رجال السكن مع الاهل وما حسيت اني متزوج الى بعد ما طلعت فى بيت مستقل ولكن بعد ايش يا حسره |
لا حول ولا قوة إلا بالله ..
ما أدري أيش أقول لك بصراحة .. سامحيني .. |
الله يعينك اختي
يبغى لك تصبري عليه وتبينين له دايما حبك له وشوقك وان جلستك مالها طعم بدونه وان شاء الله بيتعدل بس لا تستعجلي النتايج يبغى له وقت طويل لانه معروف ان الرجال اول ما يتزوج يوقفون له اصدقائه ويعلقون عليه زوجتك ما سكتك زوجتك ما تخليك تطلع ويحاول هو يعكس كلامهم ويبين لهم انه العكس وان زوجته ما تقدر تسيطر عليه |
نصيحه مجربه
اختي محد دلوع
السلام عليكم ورحمة الله وبركاته: انتي توك متزوجه يمكن ماكملتي السنه وشي طبيعي بيكون صعب عليك تتلأقلمين مع حياتك الجديدة خاصة اذا كنت مدلله عند اهلك وانا مجربة ذا الشي كنت اروح لاهلي بالايام واقول بيسأل عني لكن ولا كأنه فقد شي عندي لك نصيحه لاتواجهينه وتصغرين روحك قدامه حاولي انتي تغيرينه بأسلوبك سوي حفله صغيره واعزميه عليها او ارسلي له بطاقات حاولي تغيرين بمظهرك وتشاركينه اهتمامه ترى هو بعد صعب يتأقلم تقولين شباب اكيد بيكون صعب يتأقلم مع الزواج ومسؤلياته ممكن كمان تفأجاينه بغرفة النوم صدقيني بيتعلق فيك ويعاف السهر اما عن الشيشه فبيني له انك تتضايقين من ريحتها لاتخلينه يلمسك لان ريحتها بتغثك انا سويتها مع زوجي المدخن صار مايجي بالبيت الا وهو مفرش اسنانه وماكل علكه عشان مايضايقني لكن انشالله يتركها وختاما الله يوفقك ويرزقك ويصلح زوجك ويسخره لك |
انا قريت كل شي ورح أقولك عن تجربيتي
اذا كان اهلو موجودين اقترحي تخروجو برا البيت وكوني متحمسة و اذا امو موجوده قولي لها شوفتي يا عمتي أو عمي ما يفسحني خلي يخرجني مع شويت >>>>دلع او اذا اخوانو او اخواتو متزوجين اتفقي معاهم انكم تخرجو أو خرجه مع اهلك :::::::::::::::::::::::::::: أما الشيشة أنا زوجي كان مدخن شره ومعاها شيشة انا كل ما شوفتو شيش الح انو يعطيني اول كم مرة رفض وبعدين مرة قبل وانا روحت فيها من الكحه هو خاف لا اموت ويبلش مع اهلي وانا الصراحة زدت في الكحه وعملت منها حكايا وصرت ازعجو كتير فيها لين خف شوية كل ما دخن او شيش قدامي اطلب منو وهو يرفض بشده لا يصير في زي المرة يلي فاتت وانا ابغاه يبطل فاشتريت علبة دخان من نفس النوع يلي يشربو وكل ما يطلع وقبل لا يرجع ابخر البيت بكم سيجارة أو ملابس او البيجاما حقتو ومرات اشفط في فمي من غير ما اسحب نفس لصدري عشان ريحت فمي وهو انزعج من ريحة البيت وريحتي وانا اقوله ان الريحة منو ومن اصحابو """"""""""""""""""""""" وانتي لو جاكي ريحتو شيشة وجا يبوسك بعديه على اساس ان ريحته مقرفة ومزعجة وكحي كتير منها بس خطة الدخان والبيت خليكي حذرة فيها وخليها اخر سلاح تستعمليه لانو لو اكتشف مح تكون حاجة حلوة مع العلم اني قبل ما اسوي هادي الاشياء نصحتو بطيب والبطال والصياح والهدوء وكل الطرق وكترت الخروج من البيت اني دايما نامي قبل لا يجي واذا صحاكي بعديه وخليكي دايما حزينة وشوية متأففه واذا سالك ليش متضايقة قولي له نفسك تطلعي وافتكري ايام خرجاتك مع اهلك والاماكن وايش كنتي تسوي وسلامتكم |
أدعي الله له وكرري الدعاء
|
| الساعة الآن 07:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©