|
بسبب الاسهم ،،، كرهت زوجتي والزواج كليا !!!!!!!!
.............................................
تقدمت لخطبة فتاه جميلة ورائعة في اخلاقها ،،، وتمت الموافقة سريعا من الطرفين ،،، وعشت معها بداية الملكة فترة جميلة بدأنا نتعرف فيها على بعض ،،، وكانت هي تسحرني وتعذبني بحيائها الفتان فكنت اسحب منها الكلمة تلو الكلمة واشعر انها قد احمرت خجلا ،،، فاجد في ذلك الامر متعة تجعل حبها يزيد في قلبي اكثر واكثر كانت الملكة قبل رمضان تقريبا ،،، وكنت قد حددت الزواج في اجازة نصف السنة (( يعني بعد اسبوع )) ولله الحمد كنت اضارب بالاسهم وابني مستقبلا ورديا وحالما مثل اي شاب مقبل على الزواج ،،، فقد حصلت منها خيرا كثيرا ،،، وجعلت لنفسي موعدا لشراء الاثاث بان يكون بعد عيد الفطر وقبل الاضحى لكي اجد الاسعار وقد اصبحت اقل من قبل وبعد رمضان رايتم ما حصل فقد نزلت الاسهم تسحب معها كل حلم بنيته وكأنها تنتقم مني انتقاما على شئ لم افعله ،،، وكان في نزولها تحطيم لكل ماكنت ابنيه لزواجي لم استطع ان اخرج من السوق واوقف الخسارة ،،، وظلت تنهار حتى علمت انها القاضية واني ملاق حسابية فاضطررت الى ان اؤجل زواجي الى شهر ربيع الثاني وقد اخبرتهم بالحقيقة انها بسبب الاسهم ،،، فكان موقف خطيبتي حقيقة موقفا لاانساه وقالت لاعليك هذه ظروف الحياة وكلنا معرضون لها ولكني مع الايام والله قد كرهت الزوااااااااج وتمنيت لو اني انفصل ،،، واصبحت لااكلم خطيبتي الا نااااادرا جدا ولم اعد اجد ذلك الشعور الجميل الذي كان يتملكني كرهت كل شئ حولي ،،، نفسيا متاثر جدا عصبي المزاااج ،،، مع الكل والان مضطر لبيع سيارتي ثم تعديل الاسعااااااااار لكي اخرج باقل الخسائر فكيف اتجاوز هذه المحنة التي امر بها وخاصة تقصيري مع خطيبتي وكرهي للزوااااااااج ....................................... |
حسبي الله على الاسهم
:( :( :( :( :( الله يرزقك ويسهل امرك بس زوجتك ماله ذنب حول تعوضها لو بالكلام مو انت بس كل الناس تحطمت احلامهم الله يرزقنا ويعوض علينا والفلوس تجي وتروح اهم شيء الصحة وسع صدرك |
الحمدلله اني مااعرف للأسهم
والله ماشفنا من هالأسهم غير الخسارة ووجع القلب والجشع والطمع وحب المال هونها وتهون يالغالي وربك يعوضك قريب بس زوجتك مالها ذنب باللي صار ومثل ماقالت ريفان أقلها لو بكلمة طيبة وعاود الإتصال بها والسؤال عنها مجددا ولاتحسسها انك ضعفت علشان أسهم وربك كريم الإشراف: اخي الفاضل ارجو تغير الصوره الرمزيه بأسرع وقت فهي مخالفه للقوانين |
أنا لن ألومك
لكن هل فكرت عندما تكتئب وتتضايق هل سترتفع الاسهم من جديد لابد من مخرج لكن ثق في الله ثم هذه الأيام لن تعود فعشها بحلوها ومرها ولاتجعل المادة أكبر همك ولا تنسى هناك خبراء المال والإقتصاد حاول أن تحصل على أكثر من إستشارة ولا تحصر نفسك في التأسف آخرين خسروا حياتهم وصحتهم فكر بهدوء وقدر موقفها بدل الغضب .... وفقك الله ومبروك مقدماً |
الله يعوض علينا وعليك
حبيت اشاركك في الموضوع واهون عليك لانه من شاف مصيبة غيره هانت مصيبته اخوي انا وصلت الخساره عندي 85% من راس المال والحمد لله على كل حال اهم شي انه مو سلف او قرض والله يكتب اللي فيه الخير لك وتفائل بالحياه واترك التشاؤم |
من الطبيعي أن يمر الأنسان بلحظات ضيق في النفس والمال فالمؤمن مبتلى وأنت أخي الكريم كماتعلم لست الوحيد الذي خسر بل هنالك من هم أشد خسارة منك ولديهم التزامات وابناء وامور لايعلمها إلا الله
وانفصالك عن خطيبتك ليس حلا خاصة وقد وقفت معك فهل جزاء الاحسان إلا الاحسان ؟؟؟؟؟ اتعلم مالحل أخي الكريم ؟؟؟ عليك بالدعاء ولزوم الاستغفار وستفرج إن شاء الله وسيرزقك سبحانه الذي رزق الطير توكل على الله حق التوكل واتصل على خطيبتك ولاتعلم قد يرزقك الرزاق بعد أن تلزم الاستغفار ويكون زواجك بالوقت المحدد قبل التأجيل .. وفقك الله |
الله يفرجها عليك وعلى كل مسلم
وش كثرهم اللي تبهذلوا بسببها الله يعين |
حرااااااااااااام عليك
شوذنب الانسانة الرقيقة الي مرتبطة فيك وبتحبك كتير وعذرتك؟؟؟ المال بتعوض بس الحب لا ارجعلها وكلك شوق الها واعطيها ماتستحقو من مشاعر وحنان |
عليك بالاستغفار والدعاء وعلق أمورك في الله |
هذي طوّل الله عمرك حالة يسمونها في البرمجه اللغويه العصبيه
( الربط ) و بحاول اشرحها لك بإختصار الشخص احيان يمر بظرف طارئ او موقف محزن مررررره و يكون متشكل في باله ويعيش حاله نفسيه سيئه .! في ظل هذه الظروف اللي يمر بها قد يمر به شخص او منظر او حركه معينه .. ترتبط لا إراديا" بالعقل الباطن فيعلق في العقل الباطن للشخص المهموم او المنكوب وهذا شيء لا إراديا" وبدون ما يحس فيه الشخص ان هذه المشاعر ترتبط بهذا المنظر او هذه الحركه او هذا الشخص يعني بتفصيل : انت خسرت الاسهم و سائت نفسيتك في هذا الظرف الصعب اللي مريت فيه صار هناك ربط في عقلك الباطن بين " الخساره " و بين الزواج و الخطيبه .! او ما يطري عليك الزواج او تطري عليك خطيبتك يعاودك الشعور نفسه اللي مريت فيه اثناء خسارتك بدون ما تدري انت .! سأذكر لك موقف طريف مهم في نفس الوقت : هذا شخص ذهب لشهر العسل مع زوجته و كانت اسعد ايامه المهم انها انسرقت حقيبته في الفندق اللي كانوا ساكنين فيه و كانت الحقيبه تمثل له كل شيء .! جوازاتهم و فلوسهم و كل شيء المهم انه في وقت الحزن و وقت الكربه كان كل شوي مقابل وجه زوجته .! حصل له عملية ( ربط ) بين الحزن و الاسى وبين وجه زوجته .! يعني حتى بعد ما رجع للسعوديه و نسى السالفه كلها و انحلت مشكلته كل ما يشوف وجه زوجته يحس " بقلق و حزن " طبعا" هو ما يدري وش السبب .! الا انه اخيرا" بدا يتذمر من زوجته و يحط كل اللوم عليها .! وهي مالها اي ذنب .. و هو ايضا" ما يدري وش سبب الحزن و الضيق كل ما جلس مع زوجته حتى انه توقع انه يكون مسحور او شيء .! اخيرا" انحلت المشكله بعد الله بواسطه احد الاخوه المتخصصين في البرمجه العصبيه و الحمد لله بعدها فهم الزوج ان ما كان يحدث له انما هو شعور لا ارادي ارتبط في عقله الباطن .. هذا نفس حالتك .! و عذرا" على الإطاله |
تصدق أنت أول واحد يخسر في الأسهم
ههههههههه أمزح معك يا رجال عندنا وعندك خير أنا بعت سيارتي وأنا طالب في الجامعة ....طبعا ولا زلت طالب علشان أتزوج وخسرت نص راس مالي طيب من وين أجيب فلوس سيارة .... حتى سيارة ما عندي طبعا اضطريت آخذ سيارة بالأقصاد طبعا القصد ياكل نص مدخولي الشهري تقريبا وقبل الأسهم تسلفت 60ألف وفتحت مشروع وطبعا خسرت خسارة ورا خسارة الحمد لله ومع هذا لازلت أبحث عن مشاريع كي أعوض بها خساراتي أولا ثم أتزوج على الأقل أنت خسرت فلوس كانت لك لكن أنا خسرت فلوس مهي لي ولازم أرجعها لأصحابها ولا تنس إني في أول حياتي يا رجال كلنا في الهوا سوا لازم نواجه الحياة ...ولا تبينا نصير مكتوفين الأيدي أجل ليش الله خلقك رجال مهو علشان تصير قوي قلب وتواجه مصاعب الحياة الله يوفقك أخوي واعرف إن اللي صار لك بيزرع فيك روح الصبر والمتانة والقوة لمواجهة المصاعب في مستقبلك والله لا يجيب لك المصاعب إن شاء الله |
اقتباس:
الاخت ريفان 000 اللهم امين 000 هي ليس لها ذنب وانا لا افكر في الانفصال .... لكن هذه هي حالتي التي امر بها كتبتها لكم ... فلم اعد اشعر باللذة والسعادة التي كنت اشعر بها من قبل .. اصبح كل شئ لا طعم له ولا رائحة ولا لووون مشكووورة اختي |
اقتباس:
ايه والله انها وجع راس ،،، وتحمد الله مليون مره ،،، واما حبيبتي فلا افكر في تركها لكني اصبحت حتى لا اوفيها حقها .. الله المستعاااااااان.... وانتبه الاشراف يبيك بكلمة رااااس |
أخوي أعلم أنا ماأصابك لم يكن ليخطئك وما أخطئك لم يكن ليصيبك وبعدين هون المصيبه عليك أصبر وتصبر
وأحمد ربك على موقف زوجتك ومواساتها لك وهذا بحد ذاته نعمه من الله فلا تعاقبها بقدر قدره الله لك وبعدين أي واحد يدخل الأسهم لازم يتوقع الربح والخساره وهذه الحياة لكن بنصحك نصيحه عارفه أنك خسران بس أخرج صدقة لوجه الله رغم ظروفك الصعبه وعلم أن خزائن الله لاتنفذ |
الاسهم وما ادراك ما الاسهم
اللي جانا من الاسهم عقوبه من الله والحمد لله على كل شي اخوي الحياة مستمره والفلوس تجي وتروح لو تفكر فيها شوي عندك اخوانك اهلك ماراح يخلونك راح يساعدونك من الناحيه الماديه انصحك لوجه الله لاتخلي الفلوس تعميك عش حياتك مثل ماجمعت الفلوس اللي طارت بالاسهم بتقدر تجمع من جديد وربي يرزق بحلاله عن حرامه وتراها خيره اللي جاك لان الاسهم رباااااا والله فكك من الحرام واحمد ربك على هذه النعمه |
يا أخوي إللي راح الله يعوضه إن شاء
بس تضمن إذا تركت خطيبتك الآن تلاقي مثلها إذا تحسنت ظروفك؟ أو حتى تتنساها؟ توكل على الله و عيد التفكير ترى الكل أكل هوى بعد ما كان يحلم ياكل عسل بسبب هالأسهم و أولهم زوجي ( سيارات و أراضي و قروض...) وبعدين حنا إللي نجيب الفلوس مو هي إللي تجيبنا!!!!!!!!! الله يفرجها على جميع عباده |
طيب وبعد ما تنفصل
؟! هل راح يتحسن الوضع؟ انا اعتقد ان الموضوع انك محرج من انك لم تستطع استيفاء امورك الماديه قبل المده المحدده يجب ان تحادث خطيبتك بموضوع امورك الماديه ومن كلامك لا ارى منها الا كل عقل وخلق وصدقني بعد ما راح تفضفض لها راح ترتااااااح |
ماذبحنا إلا هالأسهم
ونصيحه لاتبيع سيارتك وتصير الخساره خسارتين وزوجتك كانت دبلوماسيه معاك ولبقه فليه الجفاء والصدود وهونها وتهون مافيه احد إلا وبياخذ رزقه العصبيه والنرفزه ماراح تجيبلك فلوسك بتجيبلك السكر والظغط ويمكن القلب |
يوووووووووووووووووووووووووووه ...:29:
ياكثر الرجال الي من خسارة الاسهم .... كرهو بيتهم وزوجاتهم وعيالهم .......... افففففففففففففففففففففففففففففف .. ماعاد فيه رجال .. وين الرجال الي تصبر على الشدايد .. وين الرجال الي ما يتخلى عن مسؤليته في اصعب الا حوال .. ما اقووووووووول الا رجالنا صارو غصن الشجره تهفه الريح وتكسره بعد ........... الله يعين زوجتك الي هاذا اولها واكتئبت و جتك الهموم ... اجل اشلون بتعتمد عليك في المستقبل ... وشلون بتكون سندها .. خلك رجال واترك عنك الرخامه ... هاذي زوجتك .. واهلها على علمهم مزوجينها رجال .. بيعزها ويعتني بها ... مو من اول مشكله تواجهه بيرميها ... (تكفوووووووووووووووووون صيرووووووو قد المسؤليه والا لا تتزوجون ) |
قال الرسول صلى الله عليه وسلم :
(من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب ) |
انت خسرت الاسهم
احذر......... من انك تخسر الاهم في حياتك الا وهو حبك وكل حياتك <<< خطيبتك لانك صدق صدق بتندم |
تسلية المصابين في الأسهم والتجارة
|
بسم الله الرحمن الرحيم
اخي العزيز انت رجل ولابد ان تكون صبورا محتسبا قويا لابد ان لا تنهز من اول صدمة او عقبة تجلد وكن بمعنى الكلمة رجلا اكثر الاستغفار ولا تلوم خطيبتك فليست هي من قامت بخفض الاسهم بل هي متظررة معك اليست تعتتبر زوجتك بدلا من اتصبرها تزيدها غم وهم وانت تعلم كيف هي مشاعر الفتيات وفي الختام اقول لك اتق الله في زوجتك ولاتزيد الامور سواء واذكرك بالاستغفار والاكثار منه فالله عز وجل يقول في كتابه ((اسغفروا ربكم انه كان غفارا يرسل السماء عليكم مدرارا ويمددكم بأموال)) |
| الساعة الآن 09:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©