|
تطورات موضوعي القلق ...فجأه وبدون مقدمات..لا حرمت منكم
ااااااااااااااااااااااااااااسفه يا جماعه على القلق اللي سببته لجميع من تابع واهتم بموضوعي بس والله ما كتبت الا بعد ما حسيت انها انقفلت في وجهي ومالي الا الله ثم انتم وكالعاده كنتم خير سند اسعدكم الله بس ودي اقول شغله قبل التفاصيل اني ما تركتم نسيان ولا رديت عليكم ولكن انا اسكن في منطقه ثانيه بعيده عن اهلي...وانا اروح لبيتي من السبت الى الاربعاء وماعندي نت ....فأرجع اصبر الين الاربعاء الين انزل لأهلي وبعدين افتح النت....فأعذروني على التأخير الخارج عن السيطره.....وارجع واشكركم فردا فردا عضوا عضوه ....واتمنى من المشرفين اغلاق الموضوع الاول وعدم اضافة هذا الموضوع له بل تركه كما هو لوحده( لأن مره عملتم فيني هالحركه وتضايقت منها حيل ) اللي صار يا جماعه كنت مخططه استقبله استقبال بــــــــــــــــــــــــــــــــارد لا شوق لا لهفه لا وله ولا شي ابدا بمجرد ما وصل من سفره راح نام في بيت اهله ...حتى ما كلف نفسه يدق يقول انا وصلت بعد ما صحي لا سلام ولا كلام بل زعل وقرف ويقول جهزي وليد.... جهزت وليد وراح مع ابوه وانا لا اخذ وليد من الشارع حتى ما جا عند الباب ياخذه اشوفه انا حقدت عليه بشكل ....رجع كل الذكريات اللي زي العلقم المهم بعد يمكن 3 ساعات دق قال انا ورا الباب افتحي اول مره يسوي هالحركه العاده يقول انا جاي جهزي قهوه والا شاي والا نطلع انا استغربت وفتحت الباب لقيته متضاااااااااااااااااااااااااااااايق وجهه منتفخ زعل ولا يطالعني بس انا اول ما شفته ما مسكت نفسي ضميته يمكن خمس دقايق ما فكيته:o بس كان فيه بروووووووووووووووووووووووود مو طبيعي الى الان انا ما ادري ليش هالبرود المهم اكتشفت من كلامه انه كان بيسوي حادث ...هذا غير انه اعتمر وضاع المفتاح في الحرم وكان بينهبل ورصيده كان صفر...واحتاج يتدين من واحد في البحرين وبالجوال ...وكان فيه واحد بيعتدي عليه...غير انه تلخبط في السكن ...والسياره جتها ضربه من جهة باب السائق.... بالمختصر....طلعت سفريه ما تسوى ....وتندم انه مشى لحاله.... كنت ناويه اقول له لا تعلمني بتفاصيل السفريه هذي بس ما قدرت استحيت منه والله وخليته يتكلم ولكن غصب عني ما قدرت اتفاعل معاه وهو حس اني مو متحمسه فما كمل سوالف وسكت يوم السبت مر عادي والاحد عادي جدا لكن يوم الاثنين تخاصمنا والسبب هو والله وتعليقاته اللي مالها داعي...شافني ابكي تأسف مني الثلاثاء كمان تخاصمنا على اسباب سخيفه جدا ومن ايام اول...كأنه مو هاين عليه نبقى مبسوطين ومتفاهمين اذا ما لقي مشاكل رجع يحفر في ايام اول ويعيد من هذيك الذكريات اللي اسود من قرن الخروب اخذته على قد عقله وقلت ما يصير خاطرك الا طيب بس هو اخذته العزه بالإثم وخاصمني.. هذا الكلام في العصر...حاولت اراضيه في العشا وصدني بشكل رهيب فخليته الين اخر الليل وكمان صديته ... بس تصالحنا اليوم الصبح....وزياده في المصالحه وعدني بسفريه ترويحيه للبحرين وعلى فكره قال بيجيب مفاجأه لا مفاجأه ولا شي وكنت عارفه وحاسه انه يسكتني ولكن الى الان مو مستوعبه ليه سافر لوحده وكمان قال بعد شهر يمكن يسافر لسوريا وكمان وحده قلت له لما تمسك نجمه من السما كمان ماراح تسافر لوحدك...يا انا ووليد معاك يا نجلس سوا بس مابخليك لوحدك ولا تخليني اهوجس بغيابك ويمكن تجيه دوره تدريبيه بس غصب عني بيسافر لوحده ...مو مشكله معاه شباب مستعجله يا جماعه زوجي على راسي لكن لي عوده |
الله يعينج بس مااحب الرجال يسافر بروحه ياأهله معاه ولا القاع ابرك له
|
الله يعينك ,,,
كنت انتظر المفاجاءة ؟؟ ولا مافي مفاجئه .. حبيبتي عليكي ب(استودعته الله الذي لاتضيع ودائعه) ودمتم سالمين |
الله يكون بعونك عزيزتي والله تصرفات زوجك غريبة !!
طيب ماسألتيه ليش بيسافر لسوريا لحاله؟؟؟ وليش سافر لمكة لحاله؟؟؟ |
الله يعينك وننتظرك بفارغ الصبر
|
عفوا إذا فيها لقافه
(بس والله انك حطيتي ايدك على الجرح لأنك ذكرتيني بمأساة أختي) أنت زوجك يشرب؟؟؟ |
اختي الكريمة مشكلتي اصدق..
انامتابعة موضوعك من اول..الله يعينك حبيبتي ويهدي بالك وسرك.. بس طولي بالك..وادعي اللهم اجعلني طوعا لزوجي واجعل زوجي طوعا لي..امين يارب |
يجامعه خلوا الرجال يسافر بروحه .. يمكن يخطط لاصلاح خلافات الدول العربيه
|
أسأل الله أن يصلح حال زوجك ويرده لكي رداً جميل
أختي لا تضعي في خاطرك أي زعل نحو زوجك وهناك معلومه صغيره قد لا يتفق معي الإخوة بها هو سفر الزوج لوحده فاليسافر يا أختي إن كانت هي رغبته وإن كنتي تثقين بزوجك وإيمانه فلما الخوف من سفره لوحده !! خاصة أنه هو من طلب ذلك فالشباب بشكل عام يحبوا أن يشعروا بمساحة من الحرية ما أقصده من الحرية هو التخلي عن مسئوليات البيت ولو لفترة بسيطه وتجديد حياة العزوبية مع رفاقه من الشباب وفي النهاية إن كنتي مصره على موقفك فاعلمي أنكي لن تتمكني من تغيير قراره أبداً سوى أنكي تستطيعي استخدام أسلوب الدلع والأنوثه لاستجلاب عاطفته ولا تغيري هذا الأسلوب أبداً في إقناعه عن الرجوع بقراره فإنكي إن لم تنجحي بهذا الأسلوب عن إقناع زوجك بعدم السفر كذلك لن تفسدي نفسيتك بخصامك معه وبالمشاحنات نتيجة سفره (الرجال بشكل عام أطفاااااااااااااال وإن عاملته بالعناد فالويل لكي وتحملي النتائج) |
شوفو يا جماعة بصراحة مشكلتي اصدق لك حق جدااااااااااااااااااا بزعلك وانا لو مكانك ما كان رضيت يسافر
انا ما احب احط البانزين عل نار بس ما شاء الله بلدكم كثير حلو واحلة من البحرين بكثير ليش يجي للبحرين هل يعرف نضرة الناس هنا للسفرات هذه و شنو يسوون الجماعة الي يجون والله شيء مقرف ( عفوا اختي ) واشوف انك تفتحين عينك عدل لان ما اتوقع جا هنا منشان المولات ولا على الجو الحلو وهو جاك من باب انا مسكين حني علي يا اختي خذي بالك الشيطان شاطرررررررررررررررررر و ثقتك الزايدة بزوجك تحتاج لاعادة نضر خلي عينك مفتوحة |
كنت متابعة بصمت والان اقول
الحمد لله على سلامته يمكن حبيبتي ن زوجك ما اخبرك لانه متوقع اذا قال ابغى اروح للعمرة تقولي ابغى اروح معك وهو مامعه فلوس اتمنى اختي الكريمة تعذريه و تسامحية وتتحملى نفسيتة فهو كما قلتي تنكد بسفرته اذا خاصمك الزمي الصمت قدر المستطاع وان شاء الله راح يرجع لك احسن من اول ولا تنسي فضله عليك تحياتي لك |
الله يعينك والله انا ما احب سفرات الرجال اللي لحالهم كذا لانها مرررره خطره عموما
الله يكون معاكي حبيبتي و ان شا الله يرد لك زوجك احسن من اول يا رب و طمنينا اول باول الله يخليكي |
الله يعينك
|
والله ماني فاهمه شي لأني ماقريت الموضوع الأول على العموم الله يعينك ويهديلك زوجك ويحفظ لكم وليد...يارب
|
الله يصلح الحال ويعينك على زوجك عليك بالدعاء يا اختي الغالية
|
مسا الخير
انا متابعة الموضوع من الاول بس هذه اول مرة أعلق انا من رأيي انو تجلسي معاه جلسة مصارحة وتسأليه بكل صراحة : ما به ولماذا يتصرف هكذا وهل هو متضايق منك ام من شي تاني ؟؟؟ المهم انو في هذه الجلسة تتوضح كل الامور وبعدين ان شاء الله بتفهمي شو الحقيقة وبعد الصراحة أكيد بتنصلح الامور وبترتاحي من هالعذاب والتفكير والشكوك واذا في سوء تفاهم بيزول واذا في تقصير من أحد الطرفين بيوضح المهم تكوني رايقة اثناء الكلام وما تعصبي وطولي بالك |
الله يعينك ياقلبي
بعدين يمكن زوجك اعصابه تعبانه بعد الاحداث الى صارت له مو شوي ويبي احد يشارك وانت الله يسلمك تقولين ولكن غصب عني ما قدرت اتفاعل معاه وهو حس اني مو متحمسه فما كمل سوالف وسكت اكيد انقهر منك تخيلي نفسك تشكين على احد ولا يعطيك وجة بذات شريك حياتك حتى لو مو زوجك بيسكر خاطرك وتتفاعلين معه اقول ياعمري حاولي تجلسين مع زوجك وتتفاهمين معه الحد ماتصلين وش الى براسه صدقيني الرجال بالكلمة الزينة والحنان يعطيك كل شيء عندها المسكين كافي الى صار له احمد ربك كان مكه ماسافر الخارج |
الله يكون بعونك اختي وربي يصلح حال زوجك
|
المهم انت لا تحرقين نفسك ......................... هذه تصرفات الرجال المطفشين
|
يعني ما فيه مفاجأة:( |
مرحبا
والله الشغلة غريبة هادول الرجال احيانا بكونو غريبين مابعرف شو اقلك الله يفرجها عليكي خبرينا شو بيصير معك الله يوفقك يارب |
زي ماقال فاغر مافي مفاجأه:( المهم الآن جلسة المصارحه وصفوا نفوسكم فيها بدون شد أعصاب او صراخ بالهداوه وعمق التفكير كل شي ينحل والله معاك |
حبيبتي *مشكلتي اصدق*
موشرط كل رجال يسافر لوحده او مع ربعه انه ناوي خرااب او حرريم... اهم شي بيني له انك واثقه فيه ...وانك مهمها سافر لوحده بتحبينه انا ياما زوجي سافر مع ربعه ...لاو للخارج بعد ... بس الحمدلله العاقل عاقل ... ولو كان عنده نيه خراب ولاحاجه بيسويها هنا قدام عينك... لاتهتمي ووسعي صدرك ولاتشدين عليه بأنه لايسافر .. اخاف بالاخير مايعبرك ويكسر كلامك ويفشلك ويسافر لحاله ويحس انه المنتصر وانتي تبلعين القهر في البيت الرجال بيسوي الي يبيه سواء وافقتيه او عارضتيه فخليها تجي منك كانك عااادي عندك هالشي احسن... وبصراحه زوجك مره كسر خاطري واحس انه مسكين مايعرف ينفس عن غضبه وزعله الابها الشكل(العنيف) يعني يحوس عليك الدنيا وينكد لانه هو نفسه من جواء موعارف كيف يبين لك انه زعلان وصدقيني اللي طبعه كذا قلبه ابيـــــــــض من داخل ... لاتشدين عليه اذا عصب ... واذا هدى ناقشيه بحزم وقولي مارضى انك تعاملني بها الاسلوب وانا اللي مقطع قلبي الشوق في غيابك.... خليه ينحرج من موقفه ووووبس انا مستعجله عشان عندي اختبار اللحين وراجعه ان شاءالله لموضوعك...:30: |
مرحبا حبيبتي
وش اخباااااااااارك والله من زمان عنك كل يوم اربعاء وخميس اقول بتقول انشاء الله اخبار حلوه لكنك انقطعتي فجاه؟ عسى ماشر حبيبتي؟ |
اعتذر عن الانقطاع الخارج عن السيطره ولكن الحمد لله الامور تمام الان عنده رغبه عارمه انه يلف العالم ولوحده ...ماعندي مانع ولكن علمني وين بتروح ...وقبلها بفتره كمان مو يوم السفر او اللي قبله...وعموما انا نشبت له قال يمكن بعد شهر يقدر يطلع سوريا...قلت انا قصدك نطلع كلنا سوريا... ويمكن تبوك... والنماص...كلها لوحده ...قلت له رجلي انا ووليد على رجلك والا والله ماتحلم تسافر.. ولما اقول له كذا لا اضحك ولا حتى اطالع فيه وهو يفهم من هالحركه ان الموضوع بالنسبه لي منتهي ولا فيه نقاش فيرجع يضحك ويسكت... حلفت له اني مو مخليتك تتنفس لحالك يا انا معاك ونتنفس سوا والا بتقلب هم... وكل ما جاب طاري السفر لوحده اطالع وليد واقول له اسمع ابوك يقول لوحده...عاد وليد اسم الله عليه يستلم الموضوع مع ابوه الين خلاص يقتنع اننا نسافر سوا فيه كذا عضو طرح مسألة الحريم او الشرب...لا يا جماعه لا حريم ولا شرب ...بس حركات ترفع الضغط ... يبغى يشوف اذا انا بأتضايق والا لا...اذا بيفرق غيابه معاي والا لا...والله قهرني بس ما اقول الا الله يهديه... مدري الى متى هالحركات ! |
ياقلبي انتي انشاء مو مسافر الا وانتم معه ..
(والله اني كل ما افتح المنتدى ادورك ابي اتطمن عليك) شوفي حبيبتي هو يمكن يقول كذا يبي يشوف غلاته عندك ويبي يشوف انتي تفقدينه ومتعلقه فيه والا لا.. سوال حبيبتي وليد الله يخليه لك ويحفظه كم عمره ؟ يعني يقدر يأثر في ابوه ويطلبه انكم تروحون معه |
الله يفرج همك اختي الغالية
والله يعينك هالرجال ما تعرفين اشلون تتعاملين معاهم ان تركتيه يسافر بروحه تخافين يجيب لك وحدة ولا يفاجأك بتغيره ورغم انه الرجال اذا في باله شي ما في شيء يمنعه بيسويه بيسويه واذا باله نظيف والله لو يروح أخر الدنيا ما يسوي شي بعد كثرة الخصام مع الزوج ماهي بزينه .........تكره الأنسان بعيشته لكن ما ادري وش السواة مع هيك اشكال من الأزواج ؟؟؟؟؟؟؟ ياليت الحكماء من الرجال يخبرونا .! |
\\
اختي الكريمة 00 سأحاول ان أفسر لك سبب ما يفعل 00 أسوأ شعور عند الرجل عندما يطلب زوجته وترفض 00 كثير من النساء لا يعرفن هذا 00 وانت طلبك عندما كنت عند اهلك ورفضت لان اهلك كانوا بحاجتك بالتأكيد كان شعوره سيء جداً حيال هذا 00 هو الآن يحاول ان يجعلك تذوقين من نفس الكأس لانه لازال متأثراً بذلك الرفض لذلك عند عودتك لم يمنحك فرصة للتعبير عن حبك لانه يعتقد انك لو كنت تحبينه لجئت معه حاولي مساعدته على تجاوز الامر 00 بزيادة الاهتمام به وتذكيره انه أحب اليك من اهلك واخبريه كم كنت تعيسة عندما اضطريت لرفض طلبه 00 وانك كنت مشتاقة له جداً لكن الظروف اجبرتك 00 وهكذا \\ هذا تفسيري للموقف والله اعلم \\ اتمنى ان اكون افدتك |
نصيحتي لاتخليه يسافر لوحده وانتوا توكم في بداية حياتكم
حاربي بكل قوه واحده اعرفها وااااثقه من زوجها وانا اعرفه بعد انسان مو حق شرب وحريم بس اتعود انه يسافر لوحده والحين كل إجازه قصيرة كانت او طويله يسافر لوحده مدينه عربيه ولهم الآن 15 سنه ماهي قادره عليه وله فتره متغير عليها وسمعت انو متزوج من ذلك الوطن العربي لاااااااااتخليه يروح لوحده روحي معاه وابسطيه ولاتضيقي عليه وابتعدي قدر الإمكان من الغيره لأن الرجل مايبغى الحرمه تراقبه وخلي سفرتك معاه احلى من سفرته لوحده مع اصحابه عشان مايستغني عنك في سفراته والله معاك |
| الساعة الآن 09:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©