|
فجأه وبدون مقدمات....
فيه شغله غريـــــــــــــــــــــــــــــــــــــــــــــــ ــــبه صايره انا جلست ثلاثه اسابيع عند اهلي...اسبوعين لأن امي كانت تحج واسبوع بعد رجعتها الحمد لله بس كانت تعبانه ومسخنه فكملت اسبوع زياده كل الموضوع صار برضا زوجي...بل بتأكيده انه راضي تخللت فترة جلوسي عند اهلي زيارات لي من زوجي زيارات طويله وقصيره وكذا مره طلعت معاه برا....وقدرنا كم مره نقتطع وقت خاص جدا لنا نحن الاثنين وفهمكم كفايه.... الخلاصه كانت الامور تمام....زعل مني كم مره يقول ماكنت ادري ان الوقت بيطول كذا في غيابك...وانا مالي خص في اهلك والمفروض كانوا دبروا امورهم وانا رجل ولي احتياجاتي....ومرات يسكت ويوافق ويقول لا انا بس كنت معصب واشتقت لك ولا عرفت وش اقول.... المهم لما رجعت لبيتي كنت محضره مفاجآت ( خطيره )...شي ملابس واكسسوارات و لحف سرير جديده وشغلات خاصه وفهمكم كمان كفايه... المهم الرجال كان بيستخف من الفرحه والوناسه وانا والله اول ما دخلت بيتي كان نفسي ابوس جدران البيت واحد واحد استااااااااااااااانست بالمره اني رجعت خلاص... رجعت بيتي الجمعه الليل ...تفاجأت في زوجي يوم السبت يقول انا بسافر:( ...انا قلت لا مو معقول...توني رجعت ومشتاقين ووووووو....قال والله انتي جلستي عند اهلك وانبسطتي انا كمان بطلع واستانس... وربي يا ناس ....لا طلعت ولا رحت ولا جيت....محبوسه مع العيال...واللي في الشرقيه بالسعوديه يعرفون ايش البرد الزمهرير اللي جا...برد ما قدرنا نعرف نلتم على انفسنا بالبيت فكيف نطلع نتمشى؟ الحراره وصلت لخمس وست درجات والصفر احيانا... قلت له لا طلعت ولا رحت ولا جيت وانت ادرى اني ما رحت ولو بطلع يكون عندك خبر...قال برضو....انتي وسعتي خاطرك.. خليني اطلع انا....والله يا ناس انه خلال الثلاثه اسابيع ما خلى مكان ما راح له مع زملاه ...طلعات وشوي ووناسه...ماقلت شي بس سؤالي: ليه يقلب الكلام؟ ليه يلخبطني ؟ ليه يقول اني انا طلعت وهو يدري اني ما طلعت؟ وليه يقول انه ما طلع وهو ما خلى مكان؟ اللي قاهرني من قلب....حاسه انه مخبي شي....قال فيه شي بسويه بيبسطك! ايش هو؟ انا مو مقتنعه انه بيبسطني! ايش اللي بيبسطني لما تسافر لدولتين وانا مو معاك؟ وتدري اني ابي اسافر؟ ومن زمان بس ساااااااااااااااكته قلت ما بي اثقل عليك... لا احد يفكر انه ورا الحريم...متأكده ان السالفه مافيها حريم ابد ابد ابد...فيه شي مو فاهمته...شافني معصبه ...ما حاول يحتويني...ولدي قام يبكي يقول يا بابا لا تسافر طالعني قال دبريه بمعرفتك....اول مره يسوي هالحركات... ما امداني اطلع اغراضي وارجعها دولابي الا رجعت اشيلها وارجعها الشنطه....قهرني قهر... ابغى افهم ....وش هالسفره المفاجئه؟ مو حريم ...بس ليش؟ ليش انا مو معاه...؟ وهو مو ناقص تماشي...ليه المفاجأه المزعجه هذي؟ وهل لي حق ازعل ؟ والا انتظر الين يرجع وافهم وش السالفه لأنه ظل يتكلم بالألغاز؟ كلمته قبل شوي وكنت ناويه انكد عليه بس تعوذت من الشيطان |
احسني الظن بزوجك حبيبتي ولا تسبقين الاحداث............اغتنمي غيابه وجهزي مفاجأت احلى من اللي قبل......اصبري وشوفي اش قصة السفر ....يعني اذا رجع تحاوري معاه بكل هدؤ وافهمي ايش السالفه واللحين استرخي واخزي الشيطان ولا تتركي له مدخل بينكم
|
نصيحتي لك اختي انك ماتستعجلين وتتركينه الين مايرجع وتشوفين بعدها وشر راح يصير
لانه قال شي راح يبسطك فا خاف تستعجلين وتندمين واذا رجع وماعرفتي سبب لسفرته المفاجأه وماقال لك هذا الوقت اللي عاد انتي تصرفي فيه لانه مره صار معي مثل موقفك زوجي كان مخبي مقلب معاه وكان مايبغى مني اني اقترب منه او اتكلم معه سألته جلس يتكلم بالالغاز انا طبعا زعلت منه حسيت ان فيه شي وبان على وجهي لكن مسكت نفسي وبعدها اتكشفت انه طلع مقلب منه كان مخبيه علي حمدت ربي اني ماقلبتها عليه ههههههههههههه |
انا من رايي لا تقولين شي لان الرجال اذا حط في راسه سفره بيسافر بدون ما يذكر الاسباب سواء رضيتي ام ابيتي
عشان كذا انتي سوي نفسك عادي بس لا تسوين فرحانه << تطنشين بزياده << لا خليك طبيعيه ولا كأن فيه موضوع سفره ولا شي والله اعلم |
dana15
اشكرك على تجاوبك السريع لكن ماعاد عندي مفاجآت وبصبر الين يجي بس الله يستر لا انهبل من هالصبر احاسيس المحبه مشكوره وياليت فعلا شي يبسط بس ما اعتقد درعاويه اشكرك على مرورك والموضوع جديد علي ماقد صارت معاي |
يا جماعه لي حق ازعل والا عادي الموضوع اخاف اطلع بشكل السخيفه ! |
انتي قلتي انه قال بيبسطك
ماقال هذي الكلمه عبث ؟ عشان كذا اقول لك اصبري ولاتستعجلين واذا انتي متضايقه حيل بيني له في رساله انك ودك لو كنتي مسافره معه لكن ماعليه مادام فيها مفاجأه لي عشان اذا مافيه مفاجأه لك ينحرج ويرحمك وعلى قولتهم اتمسكني له لين تعرفين السبب واذا عرفتي وصار حلو انبسطي واذا عرفتي وصار مو حلو ( والله لايجيبها )) كوني ذئبه :11: بس الله الله بالصبر واذا رجع حتى لو فيها مفاجأه انبسطي بس عاتبيه عتاب بسيط على انه سافر لوحده حتى مايتعود واذا مافيها مفاجأه ازعلي في هذاك الوقت ولك الحق اتمنى وصلك اللي في قلبي |
احاسيس اشكر لك اهتمامك يا غاليه
بس قلبي يقول ان مافيه مفاجأه ولاهم يحزنون والمسأله لعب وبس مقتنعه بهذي الفكره مدري ليه وهذا اللي متعبني ... واذا على ذئبه والله ليشوف ام الذئاب وام القطيع مو بس ذئبه....بس الله يجعل فيه شي يبسط والله ودي علشان لا اقلبها الحرب البارده عليه...مافيه اخس من الحروب البارده |
لا .. لا ..
ريحي بالك .... مشكلتي اصدق .. وان شاء الله الموضوع بسيط ممكن مفاجأه لكي .. والسالفه تضايق شوي بس ماتزعل ..وسعي صدرك .. الله يرده بالسلامه لكي .. |
اختي سؤال ...
زوجك من النوع اللي يتأثر بكلام اي شخص ... بمعنى اخر هل هو حساس ..؟؟؟ لأن اعتقد والله اعلم ان السبب في زملائه وكلامهم المتواصل فمشكلتنا الرجال نحشر انوفنا في مشاكل الاخرين من غير ان يطلب منا ذلك .. وموضوعك بصراحه ليس بسخيف ابدا .. ويحق لك تزعلي بصراحه .. لكن وأتمنى يااختي انك ماتزعلي لأن زوجك وانتي وولدكم ماتستاهلون ان الشيطان ينكد عليكم ولو للحظه ... وحتى لو ماحضر لك زوجك مفاجئه فخلي ردت فعلك ايجابيه وفيها شوية عتاب لاكن من دون زعل .. اعتقد انك فهمتي قصدك ويمكن زوجك حب يتغلى عليكي شوي ووده يحس بحبك له وانك متعلقه فيه لأن الرجل وبصراحه مهما كان يبقى طفل مع زوجته ويحب انها تعامله معاملة الطفل ... والله يوفقكم .. |
اختي سؤال ...
زوجك من النوع اللي يتأثر بكلام اي شخص ... بمعنى اخر هل هو حساس ..؟؟؟ لأن اعتقد والله اعلم ان السبب في زملائه وكلامهم المتواصل فمشكلتنا الرجال نحشر انوفنا في مشاكل الاخرين من غير ان يطلب منا ذلك .. وموضوعك بصراحه ليس بسخيف ابدا .. ويحق لك تزعلي بصراحه .. لكن وأتمنى يااختي انك ماتزعلي لأن زوجك وانتي وولدكم ماتستاهلون ان الشيطان ينكد عليكم ولو للحظه ... وحتى لو ماحضر لك زوجك مفاجئه فخلي ردت فعلك ايجابيه وفيها شوية عتاب لاكن من دون زعل .. اعتقد انك فهمتي قصدي ويمكن زوجك حب يتغلى عليكي شوي ووده يحس بحبك له وانك متعلقه فيه لأن الرجل وبصراحه مهما كان يبقى طفل مع زوجته ويحب انها تعامله معاملة الطفل ... والله يوفقكم .. |
لالا لاتستعجلي مو انت اسمك مشكلتي اصدق
خلاص اتبعي مقولة ( خلك عند الكذاب لحد الباب )و وانتظريه يرجع من السفر وشوفي ايش عنده وبعدين اتبعي اسلوب الذئبه <<<<< حلوه المهم الحين لاتتصلي عليه ولاتنكدي عيشته بالسفره عشان مايتحجج عليك |
أختي المصون ... حفظ الله ورعاك وسدد للخير خطاك ...
عندما غبتي عن زوجك لمدة ثلاث أسابيع ... هل عصب عليك ..؟ هل تركك لوحدك ..؟ هل قال لك كلام لا يليق ...؟ طبعاً من كلامك لا ... أختي .... حسسيه أنك مشتاقة له ... أستعدي بحفلة بسيطة ... أرسلي له الرسائل الجميلة ... ولكن أياك أن تزعلي من سفره .... لانه لم يزعل في غيابك ... وحفظ الله من كل مكروه ... |
اصغر اخواني
الف شكر على مرورك الكريم waleed4w زوجي نعم حساس بس مني يا فرحتي:( ...ومو من النوع اللي يتأثر بسهوله من الكلام من زملاه...حتى ما اخذ احد معاه راسي بينفك من الاستغراب ...وحتى لو فيه مفاجأه...وش هالمفاجأه اللي من سفريه لدولتين وبالبر...وخلال يومين ثلاثه ماعاد ابي هالمفاجأه...والله كرهتها من قبل لا اشوفها....ومتأكده انه مافيه شي بس لعب في راسه....واذا جا بدون مفاجأه ما اضمن ردة فعلي...ما اقول الا الله يعين سابرينا اسلوب الذئبه من الان قيد التشغيل..:( ..الله يستر من النتايج والله....:30: :18: |
همطاف
والله استقبلته استقبال ملوك وحضرت له مفاجأت والله ما قدر يزيح عينه منها...وفهمكم كفايه انا مو مقصره بس وش السالفه؟ انا مو زعلانه انه سافر بس ليش بغموض؟ |
خيرا باذن الله
|
أكيد لما بيرجع يكون رجعله عقله و صار يفكر مزبوط و بدون انفعال
انا برأيي انك تكوني احسن منه و ما تزيدي الذينة بلة مشان ما تخربي بيتك بايديك اصبري و انتظري رجوعه و اكيد بكون صار لين و برجع لعقله و بتتصلح الامور متل أول و أحسن الله يصلح بينكما يا رب |
تفاءلي بالخير تجدينه :)
لا تضيعين وقتج بالزعل و التفكير .. ادعيله يرجع بالسلامه .. و اشغلي نفسج بتحضير مفاجأه له:) |
انا اشوف انك تصبرين اختي لين يرجع بالسلامة بس ارسلي له رساله وبيني عتبك علييييييييييية
ولا تعودينة يسافر لحاله حتى ماياخذها عاده عنده من حقك تعصبين ....وصدقيني الرجال يبلهم صبر ايوب لانهم دائما يناقضون انفسهم ببعض الكلام وحنا الحريم ندقق على التفاصيل الصغيرة ... هنوي على نفسك دامه سافر ودعي ربي يرجعه بالسلامة وعسى المفاجئة كل خير يارب |
فهمت حبيبتي من ردودك انه رجع هل هذا صحيح؟؟؟ يعين ما في مفاجأه ؟؟؟؟؟؟؟؟؟ اذا ما في مفاجأه معناته
انه انغاص علشان رحتي عند اهلك وطولتي عليه فراح يعمل بالمثل الله يهديه المهم ما تعيدينها مره ثانيه يعني ما تتأخري عليه هداه الله ووفقكم للخير أختك في الله |
لا تستعجلي . .
لا بد أنه يرسم على شيء معين وقد يكون في مصلحتكم . . إن غداً لناضره قريب . . |
ام ميريام
اشكر لك مرورك وان شاء الله خير كما قلتي sad woman اللي قاهرني انه راح وعقله معاه...يعني ما طلع وهو معصب والا زعلان والا اني زعلته بالعكس كنت في قمة تجددي حتى وزني نزلته مو اقل من خمسه كيلو في الاسابيع الثلاثه شاكره لك مرورك بر الامان يا الله حي بر الامان ارتحت لما شفت اسمك والله انا روقت اليوم وقلت بدل ما اشغل نفسي بأطلع اتمشى مع اهلي تسلمي لي يا قمر على مرورك بقايا الصمت هونتها وكلامكم هون علي زياده والله تسلمي لي ويارب خير فتحي الباب شكلك يا سكر مو مركزه لا ما رجع توه امس بالليل سافر والله يرده بالسلامه زوجتي وانا خلاص ماني مستعجله ونشوف ايش المفاجأه! |
توكلي على الله
ان شاء الله خير بعدين ليش مستغربه اصلا الرجال دايما هيك بيحبوا ان يحتكرونا واذا كنا عندهم طول الوقت ................................ بيملوا منا عن جد مخهم غريب :25: |
متى بيرجع عشان نعرف شنهاية القصة :):)
مشكلة اللقافة:) |
اوشن دريم
الا قمة الغرابه بس خليها على ربك الله كريم فاغر انا فرحت قلت الحين فاغر شارك وبيقول شي من الدرر اللي هي طلعت بس تستنى معاي تعال صف في الطابور اجل والله قهر امزح معاك على الاقل انت ابديت اهتمامك وهو ما اشكرك فعلا عليه |
الصبر ياقلبي
مالنا ا لا الصبر يارب ترزقني واياكي والاخوات طولة البال وسعة الصدر |
مشكلتي اصدق
لااااااااااااااااااااااااااااااااااااااااااااااااا ااااااااااااااااااااا تستعجلين يمكن انه يمتحنك ولا اجزم ويمكن ليس امتحان ..... يعني هدئي السرعه ثاني شئ اعطاك مقدمات؟؟ يمكن فيه اشياء ماخطرت ببالك كم بيسافر يومين ثلاثه اسبوع كم كوني هادئه وقولي له برساله او مكامله الله يحفظك لان ماينفع الزعل ويمكن زعلك يدمر مشاريع قادمه او المفاجئه او بعض منها انتهاء تعليق على رد من ردودك حرب بارده الله يستر شكلك ناويه تخططين له تخطيط على مدى سنه ونص هههههههههههههههههههههههههههههههههه اتمنى لك التوفيق ابو فهد |
ردة فعل طبيعيه من زوجك
والمفروض قلتي له من حقك ياعمري سافر وانبسط بكذا بيختصر السفره ويجيك طاير ولهان لكن الحين انقذي ماايمكن انقاذه جهزي له الشنطه ولاتنسي الحركات الحلوه فيها وودعيه بمثل مااستقبل به من حفاوة وتكريم فهمتيني ليكن ااخر عهده بك مايجعله يرجع بسرعه |
اختي الكريمة اصبري لين ما يجي من السفر واستفسري منه بكل هدوء
وان شاء الله خير واتمنى انك لا تزعلي عشان لا تنكدي عليه وكمان على نفسك |
اختي تناسي اللي صار هاليومين الين يرجع بالسلامه
هوني الامر على نفسك واشغلي نفسك في بيتك ومع اولادك جددي في اثاث البيت وغيري فيه واذا فيه اشغال لك مؤجله اعمليها في غيابه لاتجلسي منكده على حالك .. عيشي يومك اجتمعي باهلك في بيتك او اهله ولو تقدري لا تتصلي عليه ابداا خليه يحسس بتأنيب الضمير شوي وعليك بالصبر والله يخفف عنك ويهديه ويسخره لك الله يكتب لك اللي فيه خير |
اختي الكريمه اظن مجهز لك شئ مميز
سجلي عندك : 1 ـ سياره جديده . 2 ـ إذا كان تاجر يمكن يعقد صفقه بدخل عليه مبلغ كبير . إذا كانت الدول من دول الخليج اما غير ذلك فصعب التخمين تحياتي |
حبيبتي طمنينا عليك ....
ولا تنسين الاستقبال الحلو ...(ولايكون حااار )... لا حلو...و اقرب له الهداوه... عشان ماتكونين في نظره انانيه ...انه سمحلك تجلسين عند اهلك ...ولاتكلم ولا قال شي ... واللحين جاء الوقت اللي بيشوف انتي بترحبين فيه ولالا؟؟ خليك هاادئه والابتسامه اتفارقك ... واهم شي قوليه ان وليد اشتاااقلك مرره ...وخلي اسمك يسقط سهوآ.... واذا قال وانتي ...قولي اوه نسيت حتى انا ولهااانه عليك مرره ... عشان يحس بس انك شايله بخاطرك ...على الالغاز الحلوه اللي حاطها لك... وشوفي اذا تنفع هالطريقه مع زوجك ... لان الرجال يختلفووون بالحيل ... واكتبيلنا اخر المستجداااات ....تراااي شايله همك.. وبالتوفيق,, |
حركة بتقهر خاصة احنا الستات عطول بنزعل
لكن عندي احساس انو زوجك عاملك مفاجاة او شي حلو الله اعلم خاصة انو انت بتحكي اول مرة بيعمل هالحركات وانو ماعمرو تصرف هيك يمكن مخبي شي حلو أو لما تركتيه في بيت اهلك حس انك تخليتي عنو و حس بالوحدة اكيد من غيرك فحس انو بدو يدايقك زي مادايقتيه او يحسسك بالي حس فيه وانتي بعيدة عنو الله اعلم خبرينا شو بيصير معك |
الحين ليه ما سافر وانتي عند اهلك وريحك شي غريب الله يعينك على التفكير ويصبرك يالغاليه
|
الله يصبرك حبيبتي
وان شاء الله ماوراه الا كل خير انتي حاولي تصبرين نفسك الى ان يفرجها رب العالمين ويرجع زوجك بالسلامه |
اقتباس:
|
ابتلشنا بهالازواج.......مخهم ضارب...ساعه مزاجه رايق وكلامه عسل.....وساعه يهيج ويتصرف بطريقه مستفزة....
هدي نفسك حبيبتي وانتظري زوجك لحد لما يرجع......بعدين نعرف شنو قصده وهل يحق لك تزعلين او لأ؟؟ اما حاليا والله يحق لك تنقهرين.....بس اقهري بينك وبين نفسك.....ولا تفكرين تتصلين عشان تنكدين عليه...لا تخلين الغلط يصدر منك...... وطمنينا عليك...... اختك دوووووووووت |
ونااااااااااسه مفاجأه<<<هذا الى تفكر فيه
يالله وش بيصبرك الحد مايرجع اقول قلبي وسعي صدرك وكل يوم زياره الناس الحد مايرجع ولاتنسين قولي لنا شو المفاجأه |
بصراحه من حقك تزعلين...........................بس .............مادامك ماشاء الله عليك مسكتي اعصابك عديها له ولاتزعلين...وان شاء الله آخرتها مفاجأه...
الله يسعدك |
رسول الغرام
الله يسمع منك يا قلبي مالي الا اصبر ابوفهد الحرب البارده انا قصدي اصير بليده معاه مافيه اسوأمن البرود في المشاعر مع الزوج وجوده وعدمه واحد وهو يكره هالحركه كره العمى وانا قلت لو ما بيجيب مفاجأه والله بزعل واسويها لأنه والله يوم رجعت لبيتي بهرته بالمفاجآت وحده ورا الثانيه اشي لحياتنا اليوميه واشي لحياتنا الخاصه ...وفهمكم كفايه ولا عطاني مقدمات ولا شي قال بسافر وحطني امام الامر الواقع قهرني قهر ويدري اني مقهوره ولا همه وحتى لو فيه مفاجأه مو بالشكل هذا اشكر لك مرورك اخي الكريم فيافي نجد ميته قهر لأنه فاجأني بسفره وهو المفروض يكون ميت شوق ولا قدرت اقول له من حقك لانه مو من حقه... واذا على الحركات من الصدمه ما قدرت اسوي له سي حتى شنطته بالقهر رتبتها corazon اشكر لك مرورك الكريم واذا على الزعل فمالي الا هو بس احاول اخفف واذا كلمني يبان علي اني زعلانه ما اقدر انسى بياخة الحركه على امل اللقاء والله ما خليت شي ما سويته له من لما رجعت البيت حتى استأجرت شغاله وخليتها هي اللي ترتب قلت علشان ما انشغل عنه ما خليت شي بس سافر قهر يا ربي قهر |
| الساعة الآن 04:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©