|
آه يا زوجي ... كيف تحبني وتخووون ؟؟ ألتجأت اليكم بعد الله
بالبدايه لا اعرف كيف ابداْموضوعي ... ولا كيف اطرحه بين ايديكم ... ولكن قبل كل شيء
اتمنى من المتزوجين ومن لهم الخبره في موضوعي بأن يردوا علي .. قبل الجميع ... بصراحه انا في حالة صدمه كبيره الان لا يعلمها الا الله ... انا لي سنه ونصف متزوجه تقريبا ... وتزوجت زوجي وهويحبني .. وانا احبه .. وهو رجل محافظ على صلاته .. وهذا اللي خلاني استغرب من افعاله ومشاكله ... من اول ما تزوجت وخلال ايام شهر العسل ... مرت الايام الاولى جميله .. لولا انها صدمني في نصف شهر العسل بأصراره الخروج لوحده احيانا ... وكذبه علي في احيان اخرى ... وفي النهايه اكتشفت انه يخرج عشان يشرب الخمر انصدمت صدمه مايعلمها الا ربي ... وبكيت .. ولما شافني كذا بكا هو ايضا واعتذر لي .. ومرت الايام وسامحته .. وحاولت انسى الموضوع قد ما اقدر ... وبعد 6 شهوووور من زواجي ... عشت فيها ايام جميله وكان يعاملني فيها معامله طيبه جدا ... الانه صدمني الصدمه العضمى لي ( بالخيانه ) .... بصراحه انا ما قد شفته يكلم قدامي .. الانه كان هذيك الفتره كان دايم يردد اسم بنت قدامي ويقول هالاسم حلووو ... وبعدها جاني اتصالات على جوالي من بنت .. وكانت تقولي عطيني فلااان << تقصد زوجي وقالت لي كلام والله لواني جبل انهديت من الانهيار .. مو مصدقه اللي تقوله عن زوجي ... بكيت وانهرت .. وهو انكر ... وبعد هالسالفه بكم يوم دقت علي وحده وقالت انا ابي انصحك .. وترا زوجك يكلم بنت اسمها كذا <<< نفس اسم البنت اللي كان يردده قدامي ... وهالاتصالات كلها كانت مجهولة الهويه .. وكانت قدام زوجي ايضا ... انا انهرررررررررررت ... مو مصدقه زوجي اللي يحبني ويعاملني معاملة طيبه يسووي فيني كذا .. خاصه اني مو مقصره معاه بشي ... مدلعته بكل شي ... حفلات وهدايا .. ومعامله طيبه ... وانا جميله وتوني صغيره ... ليش يسوي كذاااااااااااااااا فيني ؟؟؟؟؟؟؟؟؟؟ هو طبعا انكر ... وبكا مره ثانيه لما شافني ابكي ... ودايم يحلف لي انه يموت فيني ومن هالحكي برضوه حاوات انسى السالفه ... لاني ما ودي اهد بيتي ... غم انها جرح عجزت انساه ... ومرت 9 شهوووو بعد هالموضوع ... مرررت جميله هادئه خاليه من المشاكل ... حسيت ان زوجي تغير الى الاحسن فيها وهو دااااااااايم يحلف لي انه سعيد معي ويخاف على حياتي انا وياه ... وما يبغا يصير فيها شي .. وحملت بالايام الاخيره وهذا اللي زاد سعادتنا .... لكن للاسف ... هاليومين انا حاسه في زوجي تصرفات مو طبيعيه ...اكتشفت انه يدق على رقم غريب من جواله ويجلس فتره طويله يتكلم معاه ... :( وزوجي من من عادته يكلم زملاه مو اكثر من 5 دقايق ... سكت اكثر من مره .. ولكن اشوف اتصالاته على هالرقم زادت وكلما له فترة اتصاله تزيد .. وما يكلم على هالرقم الا لما يطلع من البيت ... انا شكيت وبكيت وتعبت نفسيتي لدرجة اني سقطت حملي من الحزن ...مما زاد حزني اصعاف ... وامس سالته عن هالرقم ؟؟؟ تلخبط وتلعثم وما عرف وش يرد علي ؟؟؟؟ وانا متاكده ان هالاتصالات مو طبيعيه ؟؟؟؟ وانا في حالة بكا ما يعلم فيها الا ربي ... واحاول اخفي حزني عنه .. ما ابيه يحس اني شاكه في شي ... واعامله طبيعي ... لكن الى متى ابسكت .... علمووووووووووني ... شيروا علي وش اسوي ارجوكم لاني من جد قربت انهار ... وانا مو مقصره مكعايه في شي ابد بشهادته .... ارجوكم عطوني اراء سديده ... ولاتنسوني من دهعاكم ان الله يوفقني وهدي زوجي |
والله ياحبيبتي المشكلة في ضعف الوازع الديني وإلا يعني كل واحد حتى لو مو مرتاح مع زوجته يخونها بطريقة أو بأخرى وين الخوف من الله صحيح كثرت الفتن بس حتى النساء تمر عليهم الفتن
رأيي صارحيه بهدوء وفي جلسة رايقة بينكم وبيني له أنك تحبينه ولا يمكن تفرطين فيه وإنك تشوفين شي ولا تقدرين تسكتين عليه ( السكوت لا يفيد لأنه يظنك نايمة ولا تدرين ) قلبي معاك |
ياربي :(
وش يبغون غير كذا ؟! ماأدري وش يملى عيونهم بعض الرجال ؟!! قلبي معك والله قريت كل كلامك وأناأدعيلك واضح إنه زوجك فيه خير ويحبك وخايف من زعلك عليه حاولي تدخلين له من هنا لا تستكتين لأنك سكتي مرة ومرتين وماتغير شي !! يعني صارحيه وقوليه انا عرفت كل شي ووواضح قدامي تصرفاتك ، وش ناقصك ؟ قوليله إنك تجرحني بتصرفاتك ؟ ترضاها علي البنات يتكلمون عنك ويجون ينصحوني ويقولون انتبهي لزوجك وانت تحسب نفسك بطل عندهم !! كلميه وقوليله أنا ماأبغى كلام وتتغير شهور وبس وخليك صارمه معه وانك جازمه لو ماتتغير خلاص رح للبنت اللي تبيها وخلني بدون ماتجرحني << لاتقولينه الا وانتي متأكدة إنه بيخاف عليك وبيفكر بجد هالمره الله يكون بعونك يارب ويرجع زوجك لحضنك ويبعد عنه طريق الشر ( لو مااعجبك ردي أو تحسينه ماينفع لك اعتبريني ماكتبته ) |
اولا عليكي بالعقلانيه وعدم الهور ومناقشه الموضوع بهدوء وفي حاله تكونان فيها في حالة استقرار وراحه نفسيه مثلا بعد العصر او المغرب شاربن شاي رايقين تقولين له حبيبي فيه موضوع متعبني وودي اتكلم معاك فيه بس بشرط انك ما تتضايق .
وبعدين انتي هدفك الاستمرار مع زوجك والعيش حياه كريمه لازم الصبر شوي . فيه معوقات في الحياه لو الواحد مننا مايصبر ويتجاوزه ماراح يحصل هدفه . والنصيحه ياختي اذا زوجك يحبك وفيه يوم بكا علشانك بكيتي فحافظي عليه .وحتى لو لخبط شويه مسيره يرجع لك بس انتبهي تفرطين فيه بسبب الامور الصغيره هذي .اي نعم اقول صغيره لان مصلحتك مع زوجك واستمرارك معه . وارجو منك تسمعيننا اخبار زينه................ |
اختي
والله انا اوؤيد الاخت غاليه وما شاء الله عليها عندها من الحكمه الكثير نفع الله بها وارجوا انها ما تبخل على من اراد النصيحه وجزا ها الله خير واقر عينكي بعودة زوجك للحق وهداه |
حالة الكثير للاسف يموووت فزوجته ويكلم غيرها الله يعينا..
بس انا ودي واحد من الرجال يفسرلنا السبب يعني مثل ماقالت الاخت مافي بينهم مشاكل ولاشي ويدور رضاها طيب اش سبب الخيانه.؟؟؟؟؟؟ |
ربنا يهديه
ويبعد عنه الشيطان اختى ... ارقيه بالرقية الشرعية |
أنا حاسة فيك
وأعرف أن يسقط زوجك من نظرك بمعصية وأستشعر طعم الغدر وأي شيء يكون خصوصاً إن لم يكن له عذر في ذالك .... نصيحتي أن تصبري وثقي بالله والله لئن وثقت بالله سيعود إليك لاتحملي مجددا حتى تتخطي كل ما أنتِ عليه حالتك النفسية وحزنك سينعكس بالتأكيد عليك لذا إهتمي بنفسك ولاتقصري فيه وحاولي بالمقابل التركيز علي زوجك والإهتمام به والمصيبة ليست في الخيانه لكن الشرب أم الكبائر لذا فكري وركزي على نفسك .... وثقي في الله وليس في أحد وليس من مشكلة في المصارحة أو التلميح من بعيد لزوجك حاولي أن تجلسي معه جلسة مصارحة وإحتفظي بأعصابك .... وفقك الله ورعاكي |
الله يعينــج عزيزتي....ويبعد عنج الهموم والحزن والضيق ياااااااااااااارب..
عزيزتي الواضح من كلامج ان زوجج يحبج واااااااااايد وهذا امر مهم...ولكن الاهم انج تحطين لهذي التصرفات حد...لان سكوتج المتكرر يخليه يكرر الغلط....اجلسي معاه وكلميه بهدوء وكوني جاده وخليه يعرف ان تصرفاته لا ترضي الله تعالى ولا ترضيج...ودائما ادعي له في صلاتج بالهداية والله يعوضج خير بدال حملج...ويهدي زوجج ويسعدكم يااااااااااااااااااارب العالمين.. اختج.........لمني بشوق |
اقتباس:
اختي عاقله ... زوجي دينه جيد جدا .. وهذا اللي مخليني استغرب يصلي ويصوم ويقراء القرأن .. انا فكرت اصارحه .. بس خايفه من ردة فعله ... وهو حاس اني شاكه فيه .. ما اقول الا الله يهيديه |
اختي غاليه ...
من جد ردك عجبني .. انا فكرت اسوي نفس اللي قلتيلي عليه ... بالظبط ... بس الى الان خايفه من ردة فعله ... وانا شكلي بسوي كذا بس استنى انه يكرر الحركه ثانيه ... وتكون نفسيتي احسن ... والله يساعدني ... ولا تحرمين من دعائك |
اختي سمرقند ...
انا صبرت بما فيه الكفايه ... بس الى متى وهو مقاصر غليه بشي ... انا كنت خايفه من اسلوب المصارحه بس كلكم شجعتوني عليه |
الاخت غدو ... انا مثلك اتمنى احد من الرجال يعطيني تفسير ...
لاني من جد مليت .... الاخت صغنونه ... اما الرقيه الشرعيه فكرت فيها ... بس مدري وش اسوي ولا وش اقوووله اللي عنده خبره يعلمني تكفووون |
t3b2006
اختي العزيزه ... هو شرب الخمر مره وحده من تزوجنا ... ودايم يقول انه ندمان بس انشالله يكون صادق في كلامه .. اما اهتمامي فيه اكثر مما تتوقعين ... لا في شكلي ولا في بيتي ولا حتى فيه ودايم احرص اسويله مفاجأت قد ما اقدر ... وش اسوي اكثر من كذاااااااااااااااااااااااااااا لكن ما اقول الا الله يسامحه ويهديه يا رب |
اختي لمني بشووووق ...
وجميع الاخوات ... يعني انتم تأييدون اني اصارحه ... بس انا اخاف انه ينكر كالعاده ... وتصير ردة فعل سلبيه .... والله من جد نفسي اصارحه وارتاح لاني تعبت من التمثيل اضحك قدامه ... وابكي من وراه الله يعين بس |
"حالة الكثير للاسف يموووت فزوجته ويكلم غيرها الله يعينا.."
صح مليون بالميةةةةةةةةةة اغلب الرجال يفعل ذلك رغم انه يعشق زوجته و انا زوجي يفعل ذلك بجد لا افهم كيف يجتمع الحب و الخيانة ياريت حد يشرح لنا كيف و ماذا نفعل كان الله في عونك و عوني و عون الجميع |
ااااااااااااااامين ...
ما اقول الا الله يعينا ... وحسبيي الله على بنات الحرام اللي ما يخفون ربي ... مشردات ما عندهم اهاالي ولقوا رجالنا ملفى لهم ..... |
اه ه ه ه...ياقلبي والله حاسة فيك وكأن قلبي هو الي ينزف موقلبك ...مريت بمثل شعورك وتعبت وانا أفتح معه جلسات مصارحة ...لكن....ياخذ اللي بخاطري ويبدأ مسلسل النكران وقلب الموازين على رأسي انا ...هم لا يعرفون أن للخيانة رائحة كريهة بسرعة تنتشر ...صحيح لا نراها ولكن نعرف انها موجودة وعندها تبداالثقة تنهار والقلب والعقل يتعب ...انا من رايي ولا شيء يبرر الخيانة وكل الكلام اللي بيكون بعدها كلام لايسمن ولا يغني ...عموما ياأختي خليك قوية واختاري انك تصارحيه في وقت مناسب واختاري حتى الكلمات ....الله يوفقك ويهدي لك زوجك ... |
أختي نار الخيانة صعبة أنا كنت أحسد نفسي على زوجي و كنت أقول أنه ما بيقدر يخوني لكن أكتشفت أنه العكس ما عليك أختي إلا أن تصبري و خصوصا أنك تقولين بأنه يحبك .
اجلسي معه و بيني له كيف ان حملك قد انزل بسببه بيني له اخطائه و لا تسكتي وهدديه بانك سوف تطلبين منه الطلاق و بانها آخر مرة تسامحينه فيها. |
اختي الله يكون بعونك انا صار لي مع زوجي زيك لكن قبل مااصارحه استخرت وما صارحته وكلمت شيخ بالهيئه
وبدأ معي حل مشكلتي خطوه بخطوه وهالحين انا بتحسن وماشيه على كلامه والله اني ادعيله من قلب الله يجزاه عني خير الجزاء ويعلم الله اني اتألم لك يااختي بس عليك بالأستخاره قبل كل خطوه لو كانت صغيره وعليك بالدعاء وصلاة الليل ولاتستهينين بالأستخاره تراها عجيبه وسريعة النتائج اسأل الله الكريم رب العرش العظيم في هذه الليلة المباركه ان يقر عيني وعينك بصلاح ازواجنا وهدايتهم ..آمين وصلى الله على نبينا محمد وسلم تسليما كثيرا |
أنا أنصح كل البنات أن يتقوا في الشباب ولا يهدموا بيوت الناس بالحفر للشباب بكلامات الإعجاب والمهاتفات الجوالية وإصطيادهم في الأسواق إتقوا الله يابنات إتقوا الله فلعل غذا تتزوجي فتتسلط بنات على زوجك فكما تدين تدان
كل ما يصيب الرجال من مصائب الخيانة سببها البنات التافهات في الغالب |
انا أيضا اتمنى احد من الرجال يعطيني تفسير لهالموضوع وسبق ووجهت هالسؤال لرجال المنتدى وما فيه حد رد على ...
أدفع نص عمري وأعرف سبب خيانتهم على الرغم من راحتهم بالحياة الزوجية وأعترفهم بذلك حتى بدون سؤالهم !!!!!! يعني يحب زوجته وهو مرتاح معها ودايما يتمنى انه ماينحرم منها و ((يخون)) على الرغم انة معترف بهالشئ بدون محد يسأله !!!!!!!!!!!!!!! ياجماعة الخير فسروا لي السبب؟؟؟؟؟؟؟؟؟ آخرتي بستجن ......... |
^
^ بعض الرجال عيونهم زايغة ومايملى عيونهم شي السبب ضعف الوازع الديني حاولي معاه وادعي ربك ليل نهار وتصدقي واكثري من الإستغفار يارب يسخر لك زوجك000 |
كيكة جزر ...
ما اقول الا الله يعيني ويعينك .. ويرقنا على قد نيتنا انشالله ... هذا الللي انا خايفه منه ... اصارح ولكني سويت شي مشكوره على ارد |
أختي حياتي أليمة
ياريت تخبريني شلون تصرفتي في الموضوع....... |
اختي نسمه ...
طيب ياليت تعلمين وش الخطوات اللي قالها لك الشيخ .. او عطيني رقمه ...واسمه عشان استفيد ... ارجوك ظروري على الاقل يمكن ارتاح شوي والله يهديلك زوجك |
اخوي مخاوي العز ...
لاحياه لمن تنادي... سيئات الاخلاق ... والساقطات ... سعادتهم هدم البيوت اللله يكفينا شرهم ... اختي انتظر الامان ان مثلك انتظر الاجابه وما اظن اني راح القا اجابه اختي شوبارد كل شي جايز ... وما نقول الا الله يعين |
ما خرب الرجال ألا اللبس الشيه عاري والعباءات الوضه والتوسع في لبس النقاب والعطورات الفواحه والترقيم والبناطيل في الأسواق وخروج الشعر والضحكات في الاسواق والشوارع ولين الكلام عند رؤية الرجال هذا الذي هدم بيوت المسلمين وكره الرجل في زوجته
|
للأسف ..
الرجل الذي اعتاد على هذا قبل الزواج صعب يتركه بعد الزواج .. أعتقد أنه مع الوقت سينضج ويرى كم ان هذه التصرفات تافهة .. وخلال هذه الفترة ما أقول إلا الله يصبر الزوجات ويقوي قلوبهم .. |
الله يعيــــــــــنك حبيبتي ...
ويبعدك عنكم بنات الحرام واولاد الحرام ... ماشاء الله الكل ماقصر وانصحك تكوني جريئة ولكن لاتهدمي بيتك باسلووب غلط |
اصبري عزيزتي واكثري من الدعاء والإستغفار
وحاولي تنصحين زوجك أو تهدينه شريط إسلامي أسأل الله العظيم رب العرش العظيم أن يهدي زوجك على صراط المستقيم وأن يوفقكما في حياتكما ويرزقكما بالذرية الصالحة |
أنا أنصح كل البنات أن يتقوا في الشباب ولا يهدموا بيوت الناس بالحفر للشباب بكلامات الإعجاب والمهاتفات الجوالية وإصطيادهم في الأسواق إتقوا الله يابنات إتقوا الله فلعل غذا تتزوجي فتتسلط بنات على زوجك فكما تدين تدان
كل ما يصيب الرجال من مصائب الخيانة سببها البنات التافهات في الغالب .......................... اخوي مخاوي والاخت شوبارد تعليقا على كلامكم قصه صارت معي انا شخصيا كنت يوم من الايام مع زوجتي رايحين نتعشى في احد المطاعم في الرياض وشوي الا ها البنتين ما رين ونظراتهم غريبه وحاده . اخذنا مكان فيه بارتشن وقفلنا الستاره وسواليف . الستاره من جهتي ماهي مقفوله مره وكنت ا لمحهم يمرون رايحين رادين . المهم واخر شي الا والستاره مفتوحه وتقول لي وحده منهم لو سمحت ابيك شوي ... وش رايكم وش اكثر من كذا وقاحه |
اقتباس:
:eek: أف.. قــــوية هذي حسبي الله عليــــهم ... يارب اكفينا شر الحراام واهله |
يمكن بعض الاخوان ما يصدق
بس والله انها صيره معي صح المدام زعلت شوي وتضايقيت بس قدرنا نهديها . واخذت اسبوع كامل تراقب حركت عيوني كل ما رحنا مكان عام |
اختي الحبيبة اعانك الله على تجاوز هده المحنة
والله انا متالمة لالمك واحس بنفسي اني صاحبة هدا الموضوع لدا ادعو لك من كل قلبي وانصحك بان تحافضى على بيتك بكثير من الصبر والتروي وقولي كما قالت امنا عائشة رضيالله عنها وارضاها (فصبر جميل) ولا تتهوري وتترك زوجك لاخرى فخدي هدا الامر بتحدي وصدقيني انك ستحسين انك اقوى من هدا المشكل ومن تلك التافهة اللتي تحاول سلبك زوجك وراحتك وقولي حسبي الله ونعم الوكيل فيها واغرقي زوجك حبا وكلاما جميلا واغدقيه ميساجات جريئة و بكلام يجعله كثير الرغبة بك ولاتتركي له مجالا للتفكير باخرى فهدا زوجك لا تخجلي منه ابدا فهدا ما يجعل الرجا ينجدبون نحو تلك التافهات ارجو حبيبتي ان اكون قد افدتك الى اللقاء مع كل دعواتي لك بالتوفيق |
الله يهدي زوجك ويرزقك الذريه الصالحه لازم تصارحينه عشان مايتعلق بهذي الامور ويحس انهاعاديه فقط لتسليه بعد هلبنات سراحه يقهرون ليش تكلم واحد متزوج ماقول الا الله يبعدهم عنا
|
:25: E=الشقردية]ا
لله يهدي زوجك ويرزقك الذريه الصالحه لازم تصارحينه عشان مايتعلق بهذي الامور ويحس انهاعاديه فقط لتسليه بعد هلبنات سراحه يقهرون ليش تكلم واحد متزوج ماقول الا الله يبعدهم عنا:( :( الله يهديك يا اشقرديه ذولي اي واحد يلقونه ........حتى لويطلع جدك تحرشوا فيه الله يكفينا احطاط الاخلاق |
اشكر كل اللي مر على موضوعي ... وافادوني بنصحهم ودعائهم وكلامهم الجميل ...
اما اخر التطورات اللي صارت لي مع زوحي ... انا ما حبيت اصارحه بسرعه واتهور واخاف يصير شي موزين امس وحنا جالسين نناظر التلفزيون .. وكنا طبيعين ونظحك ... فجأه سكتت شوي وغصب عني .. من دون قصد انفجرت ابكي مثل الاطفااااااااااال واشد ....... وهو انصدم .. وحاول يهديني ويسالني وش فيك ... وتأثر مررره لبكاي ... وانا كل مره اقول ما فيني شي <<< مستمره في البكاء بشكل هستيري ... زوجي خنقته عبره وقام يحاول فيني ويقول اذا ما علمتيني وش فيك ترا بزعل من جد انا حسيتها فرصه اني اقرب الموضوع بس مو بشكل صريح ... قلت بصراحه جتني رساله قبل لا اسقط حملي على الايميل ... من وحده تقول لي انتبهي على زوجك وشوفي وش يسوي من وراك ... وانا سكت وما علمتك لانها ما تهمني << مسويه واثقه فيه ومن الحزن اللي فيني سقطت حملي ... وجلست اعطيه محاظره ساعه كامله ان حنا لازم نحافظ على حياتنا ولانننا سعيدين هذي نعمه من ربي ولازم ما نخربها .. طبعا هو كالعاده .. قام يبرر .. ويسوي البرئ اللي ما يعرف شي ... بس حسيت انه تأثر لما قلت له هالحكي .. بصراحه ما حبيت اصارحه على طول ... قلت انتظر شوي .. الين اشوف نفع معاه ولا لاااااااااااا ... فماااااااااااااااااااا ادري ... اللي سويته صح ولا غلط .... علموني <<< من جد تعبانه ومحتاره |
جدا كويس الحمدلله جات من رب العالمين البدايه وكويس انه بدا عليه التائثر
وافضل انك ما صارحتيه لعله يعقل . من الان اذا كان زوجك يحب الاهتمام ازائد ولايشعر با الملل خليك قريبه منه على طول وحاولي انك ما تمللينه . والله يوفقك بس حلوه مسوي فيها بري |
والله اللي سويـــتيه صح ..
الله يحفظكم يارب |
| الساعة الآن 06:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©