الجماع اصبح بالسرقة
 

الله يكون في عون الناس من زمان لما كانت العيلة كلها في غرفة واحدة و يفصل بينهم الستار فقط

و أنا أقترح أن على الأبوين تعويد أبناءهم على عدم النوم في النهار حتى لا يقلقوا راحتهم في الليل



الله لا يحرم حدا منهم

مازلت اتذكر كيف ايام الطفوله والنوم في غرفة واحده مع الوالدين .. لكن بالتأكيد انه وضع غير صحي

اقتراحك جيد اخي محمد لكن صعب التحكم بمواعيد نوم من هم بسن مادون الثالثه .

شكرا على المرور ..

تحياتي

على الأقـل انت تحصـل وقــت للسرقــة .. غيرك حتى وقــت السرقــه ما يحصلـه !:(

السلام عليكم
أنا لدي طفل أقل من ثلاث سنوات بصراحه منظمه نومه والحمدلله يعني يقوم مع الأم في الصبح الساعه عشره مثلا وبعد الغدا ينام فقط ساعه أو نصف ساعه وتحاول الأم ماتخليه ينام طول فترة المغرب والعشاء والله مايجي الساعه 11في الليل إلا وهو نايم واطفال المدارس ينامون من 8وكذا يصفالك الجو وسلامتك بس شوية نظام في البيت من قبل الأم والله يعينها .

كم عمر طفلك وانا اساعدك على تنيمه في غرفته مريت بهالمرحله وحليته

انتظر عمر طفلك
وعلى فكره ولادي ينامون في غرفتي على سرر لكن مافي غرفه غيرها في البيت لكن من ثلاثة اشهر قدرت اسيطر عليهم وصاروا يناموا في سررهم

في انتظار ردك

الله يعينك اخي الكريم

بعرض تجربتي وان شاء الله تفيدك في شي...

اذا اردت ان الطفل ينام فترة طويلة، اطلب من زوجتك بالليل انها تسوي له مساج بأي زيت خاص بالاطفال

واتسبحه ( تحممه ) صدقني بينام اطول فترة ممكنة خاصة الاطفال اللي اقل من سنة..

اما الاطفال اللي اقل من 3 سنوات او اكثر فلازم تختار ساعة محددة مثلا الساعه 8 او 9 بعد العشاء والاستحمام

بماء دافئ ، تأخذهم للسرير واكيد في البداية بيعاندون لكن خلك انته او زوجتك جادين شوي ولا تتكلمون

معاهم وكل ما يحاول ترك السرير رجعه الى السرير واجلس جنب السرير بهدوء الى ان يتعب وينام صدقني

ما تكمل اسبوع ولا الطفل تعود على النظام ( انا اخذت الفكرة من برنامج يعرض في التلفزيون ) ....

ومره قالت لي الدكتوره ان الطفل لازم يفصل عن غرفة نوم الوالدين في عمر 6 شهور ، وانا فصلت اطفالي

في سن الـ 6 شهور وحطيت في غرفتهم الجهاز اللي فيه سماعات ، والسماعات في غرفة نومي انا وزوجي

ولما يصحون من النوم او يبكون اسمعهم من السماعه على طول والغرفة تكون قريبه جدا...والحمد لله ما كنا

نعاني....اتمنى تجربون الخطة....واي استفسار انا في الخدمة... بالتوفيق

اختك.........لمني بشوق

أخي الفاضل..

الموضوع إن شاء الله سهل...

ممكن خلال 3 أيام تنظم نوم أولادك وتستمتع بوقت طويل مع زوجتك..

طفلي عمره سنتين إلا شوي... ومن بعد السنه بشوي صرت أنيمه بسريره... وخليته يتعود على هالشي... بس لاسمح الله لما يكون مريض أو حرارته مرتفعه بينام عنا حتى أراقبه..

المهم.. إنت إجمع أولادك وكلمهم بطريقه جديه وحنونه أنه من اليوم وطالع كل واحد ينام على سريره لأنهم أصبحوا أولاد كبار.. والساعه 9 خلي كل واحد يروح على سريره وممنوع أي حد يجي غرفتكم منعا باتا..:29:

وصدقني إذا عملتوا هذا النظام واستحملتوا محاولات كثيره من أطفالكم في أول ليله بس... رح تلاقوا الوضع ماشي تمام... ورح تتغير حياتكم بطريقه رائعه...:17:

جرب وادعيلي...

أنا هلأ قرأت رد الأخت لمني بشوق... معها حق 100%

اذا ال 24 ساعة مافيها وقت للسرقة فهذا موضوع لازم حله ....


اشكر مرورك اخي حارس الازواج تحياتي ... ديزاير

مادريت ان الاطفال عندهم قيلولة زينا :d ينام بعد الغدا

المشكلة الاولاد لاجاهم النوم مايقاوموا واذا ناموا مايصحوا الا بالعافية ..

اشكر مرورك اختي راما الجنوبية ... تحياتي .. ديزاير

الافضل تقليل ساعات النوم اثناء النهار

اختي EMAN007 وحده عمرها سنتين ونص والثاني عمره سنة ... ياربي احفظهم لي

وانتظر منك الطريقة لانك قلتي طبقتيها من ثلاث شهور يعني لسى طازه :d

تحياتي .. ديزاير

والله مشكلة أعاني منها
وأحيانا أشك إن طفلتي مركبة حساسات تصطادنا إذا حست بشء ولوكانت نايمة في غرفة ثانية تصحى وتجي

انا بنقل الطريقة لزوجتي وبشوف ايش هو اثرها ... طبعا لازم توافق هي عليها ..

بس الاحظ لمن يبدأو يلعبوا بالسليله كأنهم يدوخوا وهذا شي حصل من كم يوم ( سليلة = مرجيحه ) يعني هذا حل مؤقت

لكن انا مااحبذ اني احطهم في غرفة لوحدهم الا بعد 3 سنوات وانا قارئ الاثر النفسي للطفل عند فصله مبكرا في غرفة مستقله ..

اشكرك اختي لمني بشوق على مرورك واهتمامك ... اخوك ديزاير

الله يحفظلك طفلك واطفال كل اب وام ... انا عندي الولد ابو سنة ينام في سريره لكن البنت اللي سنتين ونص ماتنام في سريرها نهائيا ....

والطفل اساسا مايفهم التوجيه مادون 7 سنوات فمااظن انها طريقة مجديه اني اجمعهم واكلمهم ...

لك كل الشكر والتحايا اختي dand00n

ديزاير

أخي أنا عندي طفله عمرها 4 سنوات و طفله الثانيه عمرها سنتين ونصف وطفل عمره 7شهور
البنات من فتره حطيتهم في غرفه لوحدهم
بس غرفتي وغرفتهم في جناح واحد
ونسكر باب الجناح ونخلي باب الغرفه تبعهم مفتوح وكمان باب غرفتنا
من الساعه 9 وأنا أقول الستعدو لنوم وإذا جات عشره خلص يروحو للحمام وأنتو بكرمها ويفرشو أسنانهم وعلى أسرتهم وشوف الدوخه وتعب حتى ينامو أحينن تجي الساعه 11 دوبهم نامو
والنونوالصغير بعد الرضاعه ينام وإذا صحي أعطيه الهايه ويرجع ينام
وبكذا ما يكون عندي مشاكل
وباقي الوقت لي ولزوجي
بس على فكره في نص اليل تجي البنت الصغيره وتنام تحت رجولي وكم مره طاحت من على السرير بس هي فتره وتعدي

انا اطفالي لايمكن يقربوا من الغرفه
وابوهم موجود


لان شخصيته قويه


وله هيبه عندهم



تصدق حتى اذا سافر كانوا ينامون معي

ومره لقى واحد منهم نايم عندي وتوعدهم ماينامون على فراشه


والحين حتى اذا سافر

انا بغرفتي لحالي

وبيني وبينكم حريه شوي

من دونهم الله يحفظهم ويصلحهم

اولادنا واولادكم
امين

السلام عليكم ورحمه الله وبركاته


...... لازم من كده مافيه حلاوه من غير نار

خليهم يناموا وروحوا انتوا غرفه تانيه تنازلوا شوى

والله يعين

الله يعطيك العافيه

لك فائق احترامى

اخوي عمر ابني سنة و9 اشهر كان مجنننننننني بجد وبعدين قررت وضع حد للموضوع وخاصه بعد متابعتي لبرنامج سوبر ناني

اول يوم حطيته في سرير الساعة 9 بالليل وقعدت بعيد شوي اطالع الارض ضله يبكي مدة ساعة كامله شفقت عليه لكن كنت ناويتله جد المهم بعد ساعة لقيته استسلم ونام

اليوم الثاني نفس الشي بس بديت اتحرك كل دقيقتين نحو باب الغرفه بهدوء وانا اطالع الارض ومااطلع فيه واهم شي مايشوف عيني في عينه بعد 1/2 ساعه بدا ينام

اليوم الثالث كان نفس اليوم الثاني مع التنبيه لما تحطه في سريره لازم تقله الحين ياحبيبي وقت النوم وتقبله حتى يفهم انه وقت نوم ولازم طفي الضواو حتى يعرف انه وقت نوم ولاافضل تعودوا على طريقه معينه

اقصد مثلا امه تحممه وتنيمه كل يوم بساعه معينه واهم شي ماتتغير كل يوم الساعه افضل شي للصغير الروتين

المهم بعد كم يوم بتلاقي الطفلين في سابع نومه تصير تحطهم في السرير وتروح ولحالهم يناموا

الموضوع يمشي على الطفل اللي عمره من سنه لحد سنتين ونصف

والله يخليلك اياهم ويحفظهم

وبدك الصراحه احلى وقت عندي بعد الساعه 9 بالليل البيت يصير هدوووووووووووووووووووووووء

ويجي زوجي نقعد مع بعض بدون تدخلات وحشر الاولاد بينا

السلام عليكم ورحمة الله وبركاته
انا مع الاخت لمني بشوق في ردها واشوف انو تنظيم النوم هو الحل المؤقت الين يروحو ينامو في غرفتهم بالسلامة
انا عن نفسي مرة ما عانيت من هذي المشكلة الحمدلله لأنو زوجي مررررررررة ما كان يسمح انو ينامو الاولاد على السرير حقنا
حتى لو كنت انا نايمة لوحدي في الغرفة وهوا خرج ما يسمحلي اخلي البيبي جنبي حتى لو كان دوبو عندو شهرين او ثلاثة
علشان كدا من الاساس متعودين ينامو في سررهم ومن عمر سنتين خليت اول بيبي عندي تنام في غرفتها طبعا كان عندي شغالة ولو قامت في الليل تجي الشغالة تدقللي باب الغرفة تصحيني
اما البيبي التاني من بدري نومتو في غرفتو من سنة تقريبا وكنت اجلس معاهم في غرفتهم الين ينامو علشان يتعودو وبعدين سارو ينامو لحالهم لما يجي وقت النوم

بالنسبة لأعمار سبع سنوات وست سنوات وأكثر من ذلك ، فيمكن منعهم من النوم أثناء النهار من خلال مشاركتهم في الألعاب المختلفة وجمعهم حولها ، بالإضافة إلى تدريسهم وتعليمهم بوسائل ترفيهية وتشجيعية وهذا كله عادة يتم من خلال الأم الأكثر تواجدا مع الأبناء ، وعند الليل تجدهم قد بدأوا للإستسلام للنوم ، ويمكن للأم ان تجلس معهم بداية نومهم على السرير حتى يغطوا في النوم .


أما أعمار الثلاث سنوات حتى خمس سنوات فهم أكثر حاجة للنوم من أخوانهم الأكبر سنا لكن الفرق أنهم لا يجهدون أثناء النهار بسبب المدارس ، ولذلك فإيقاظهم صباحا مع الأم أمر مهم وحتى مع وقت استيقاظ أخوانهم للذهاب إلى المدارس أفضل والمكوث معهم طيلة النهار ، ولأنهم أكثر حاجة للنوم فيمكن منحهم قيلولة قبل اذان الظهر أو بعده بقليل لمدة لا تتجاوز الساعة ليستعيدوا نشاطهم لبقية النهار ، وبعد العشاء ستجدهم قد استسلموا للنوم.


خلاصة القول أن النوم أثناء النهار من أكبر الأخطاء التي تسبب سهرهم ، بالإضافة إلى أن الطفل يحتاج إلى وجود والدته بجانبه قبل نومه ليشعر بحنانها وبالأمان فلا نمنعهم من ذلك ولو لنصف ساعة قبل النوم.

صدقت اخي ديزاير

وفي موضوع اخر كتبت عن معاملة زوجي لااولادي

وانه قاسي قليلا ويعتبر ذلك من اصول التربيه


وجهة نظر

لااوافقه عليها لانني مثلما قلت احب ان يكون صديقا خصوصا للولد

اذا كان في فترة المراهقه وهي الاهم

جزاك الله خيرا على الدعوات

ولك بمثل

السلام عليكم
أوخيتي
هذهِ سنة الحياة

بداية عالم الحياة الزوجيه

انتما فقط
ثم يأتي بعدها مرحلة الانجاب وتربية الابناء
وفي هذه المرحله
يتباعد فيها الزوجان
لنشغالاهما في تربية ابنائهم وتحقيق مطالبهم
ولكن هذا لا يمنع ان تمارسا حياتكم بكل حريه
صحيح ان الطفل يكثر بكائه في الليل ولكن بأستطاعتكِ
ان تعالجي الامر
1-ان تحاولي ان يصحو باكراً لكي ينام مبكرا
2-ان تجهزي كل متطلباته مثل الرضاعه وغيره من ادواته
لكي عندما يصحو وينوح يكون الامر سهلاً عليكي
وليس هناك حاجه تستدعي الى قيامك
حاولي ان تربي ابنائك على النوم مبكراً وعلى ان ينامو في غرفتهم
هذا
وأسأل الله ان يوفقكم
وجزاكي ربي كل خير

السلام عليكم ورحمة الله وبركاته . وبعد
طبعا ما شاء الله كفوا ووفو وأنا بصراحه أقولها بإختصار أن هذا الموضوع بيد الزوجه لأنها هي اللي جالسه مع الأطفال فتقدر تخليهم يصحون بدري وتضبط نومهم لكن إذا ما تبي الله يكون في عونك زيي خذ عاد :
تخلي العيال ينامون الظهر وانا في الدوام ( طبعا دوامي شفت واحد من الصبح إلى المغرب ) ويصحون قبل ما أوصل أو بعده بشوي يعني يكون نام على الأقل ساعتين . يصحى ويجلس معنا طبعا شبعان نوم وابشر بسهره صباحي واحيانا تخليه ينام إذا طلعت أنا من البيت بعد المغرب يعني من العشاء للساعه 10 أو 11 ويصحى ، لدرجة أني ساعات أضطر أخذ أمهم للغرفه وأخذ حقي بدون أستمتاع ، ولما أقول لأمهم نظمي نومهم تقول وش أسوي ما أخليهم ينامون طول النهار وإذا ناموا أصحيهم بعد .
فقلت لكم : الأمر بيد الزوجه .
وشكرا

الله يعين والله خوفتوني انا بطريق جايني بيبي الاول صراحه خوفتوني بالمره