|
ابي مصروفــــــــي
تحيه طيبه للجميع
هذا اول موضوع لي ارجوا من الجميع المشاركه الموضوع هو بالنسبه لك ايه الزوج هل تعطي زوجتك مصروف شهري (طبعا لها فقط ملابسها عطوراتها شغلات خاصه بها ==== الخ) سواء تعمل او لاتعمل الزوجه ابغى اعرف تعليق كل واحد منكم === مقدار المصروف بالنسبه للراتب === هل تلح زوجتك بطلبه كل شهر ام انت تعطيه اياه بدون الحاح ===هل اذا اعتذرت لها مثلا تعاتبك \\ تزعل عليك \\ ويعطيكم العافيه |
اسفه على تطفلي وارجوا السماح لي بالمشاركه
انا زوجي يعطيني مصروف شهري يصل احيانا الى 300 ريال شهريا علشان اذا احتجت شي تكون الفلوس متوفره اما اذا اعتذر انه مايستطيع يعطيني المصروف لأسباب معقوله فأعذره ويمكن اعطيه فلوس اذا احتاج وما ازعل لأن السعاده والتفاهم بين الزوجين اهم من الفلوس |
أولا أأسف على التطفل أيضا..ولكن أعتقد أن الأمر يعود على مااتفق عليه الزوجان ..اما يعطيها المصروف في
اليد.وهي تشتري اللي تبغاه ..والا هو يروح معاها ويدفع..ويتفاوت مره يدفع كثير ومره قليل ... وفي منهم يعطيها ويدفع عن المشتريات... وبالنسبه لزوجي يعطيني في أي وقت من الشهر ..ولا ألتزم بمصروف ..ولكن على حسب الحاجه...وما يقصر في المشتريات ويا حظه المتزوج من موظفه...تعتمد على نفسها.. |
أنا موظفة لا يعطيني مصروف وغالبا أنا اللي أكمل نفقات البيت وأعطي عبالي وأحيانا أسدد الفواتير ولكني أتمنى لو مرة يهدي لي هدية
|
مافيه مصروف معين يمشيه كل شهر لكن في اي وقت احتاج شي يروح معي ويدفع حق المشتريات
|
بصراحه انا موظفه وزوجي الغالي ما يقصر معي كل فترة يعطيني يعني يمكن بالشهر مرتين غير ان الفيزا معي اذا احتجت شي بس عمري مااستعملتها ولو نقصني شي اسحب من حسابي وغالبا اذا كنت بشتري له هديه هو يزعل يقول خلي فلوسك وجمعيها بس انا احس اذا ما كانت هديته من فلوسي مالها طعم
وبالنسبه لمبلغ المصروف بصراحه يختلف على حسب المناسبات يعني اذا فيه زواج هالشهر يزيد علشان المكياج والكوافيره واذا في العيد يزيد علشان ملابس العيد يعني مو مقصر معي الله يجزاك خير واتمنى الازواج يردون ونشوف كيف يصرفون على زوجاتهم تحياتي دلوعه زوجي |
والله أنا كرجل ما أعطي زوجتي مصروف شهري
لكن أروح وإياها للسوق وأحاسب عن مشترياتها طالع بنك متنقل وأعتقد لو تعطيها مصروف بيكون أوفر للزوج لأن الزوجة ذكية إذا صار لها مصروف بتصير توفر من مصروفها إما إذا كان من جيب الزوج بتشتري وبس مادام إن البطل وراها يسدد المشتريات |
مع زوجتي ما في مصروف محدد كما ذكر الأخ صراف آلي متنقل مع الزوجة، ولكن دائما عندما يكون عندها مشوار تأخذ مني ما تحتاج من فلوس ،و بعض الأحيان أفتح شنطتها وأشوف كم معاها وأضع لها فلوس.
وهي طالبة بالجامعة فتحتاج مصروف دائم وماشاء الله عليها كافلة يتيم ومشاركة ببعض الأعمال الخيرية، والحمدللة مو مقصرين معاها بس الزوجة لازم تتحاسب لأنه إذا فتح باب الصرف مشكلة، كل فترة بكون نقاش صغير على المصاريف ونتفق عليها والحمد للة . وشكرا. |
صاحبة الرد
(أنا موظفة لا يعطيني مصروف وغالبا أنا اللي أكمل نفقات البيت وأعطي عبالي وأحيانا أسدد الفواتير ولكني أتمنى لو مرة يهدي لي هدية) احتسبي كل ذلك عند الله وابدأي انتي وستجدين لذلك مفعول السحر صاحبة الرد (اسفه على تطفلي وارجوا السماح لي بالمشاركه انا زوجي يعطيني مصروف شهري يصل احيانا الى 300 ريال شهريا علشان اذا احتجت شي تكون الفلوس متوفره اما اذا اعتذر انه مايستطيع يعطيني المصروف لأسباب معقوله فأعذره ويمكن اعطيه فلوس اذا احتاج وما ازعل لأن السعاده والتفاهم بين الزوجين اهم من الفلوس) 100 0/0 أما إذا تبون رايي تعطيها مصروف إذا هي ما عندها وظيفه وإذا عندها وظيفه ما بينكم حساب |
انا عني مو موظفه وزوجي الله يخليه لي يعطيني كل شهر حوالي 350 الى 400 بس في المناسبات يزيدهم وبطبيعة الحال انا ما اصرفهم كلهم على حسب الضروره بس وايام يكون هو معي في السوق فيحاسب :22: بس اكيد في بعض الشهور مايقدر ,,, تعرفون ظروف الحياة...... |
بالنسبة لي فأنا موظفة وراتبي ممتاز ولله الحمد...واصرف على اخواني واخواتي لانني المسئولة عنهم
اما بالنسبة لزوجي فهو يصرف على البيت وعلي...واحيانا انا اشتري احتياجات البيت من راتبي اذا كنت محتاجة شي ضروري وزوجي مب موجود .....ما عندي مصروف شهري محدد زوجي بين الحين والاخر يحط في شنطتي فلوس من غير لا ادري....الله يحفظه....وما يسأل عن راتبي ابدا....واحيانا يمنعني من الصرف ويقول هذه مسئوليتي..:22: .وعادة نروح السوق مع بعض.. وانا من النوع اللي ما احب اروح الاعراس والمناسبات الا اذا كانت لأحد من اهلي والمقربين جدا جدا او صديقة مقربة.....وبصراااااااااااحه زوجي يحب المجاملات والهدايا سواء انا اللي اقدم له او هو يقدم لي ...ولله الحمد والسمووووحه على الاطالة اختكم.........لمني بشوق |
انا موظفه لكن زوجي ما يعطيني ولا ريال و لما اكون بالسوق معاه وشريت شي لنفسي انا اللي ادفع لكن اذا للعيال فناااادر جدا ما هو يدفع يعني معتمد علي في الصرف على نفسي والعيال لكن هذا الشي مو امريحني ويخليني طول الوقت مهممومه لانه مقتدر واحنا ساكنين مع هله يعني لا ايجار ولا شي ولاحتى نطبخ وانا صرت مااقدر اوفر من راتبي لهدايا الاهل او اسهم او اي شي
صدقوني لو بالسنه مره احصل منه هديه حلوه ولو ورده كنت نسيت همي وصار اللي اصرفه حلو على قلبي وهالشي احس انه احيانا يكرهني فيه وصدق الرسول لما قال ( تهادوا تحابوا ) على فكره انا كلش مو امقصره معاه بالهدايا وحتى قبل ماااشتغل مااقول الا الله يهديه |
انا اعطي زوجتي مصروف شهري 1000 ريال
وتزداد في العيد في العيد السابق عطيتها 4000 ريال |
انا ارى انه الضروري اعطاء الزوجة مصروفا ثابتا بشكل دوري "يفضل شهري" وكذلك اعطاء الأولاد مصروفهم الخاص وتعليمهم كيفية الاستفادة منه ولا شك ان ذلك انه اثرا طيبا كبيرا على الجميع سواء كان الوالد او الزوجة والأولاد ...
ويفضل ان لا يكون المبلغ ثابتا وإنما يكون له ارتباط بدخل رب الأسرة فيتغير بتغير الدخل زيادة او نقصان .... على سبيل المثال ان يكون 10% من الراتب على ان يأخذ الزوج في باله حالات الذروة كالأعياد فيكون لها وضعاً خاصا. والله ولي التوفيق,,,,, |
مشكوررين من كل قلبي والله يوفق الجميع
|
اقتباس:
اما عن نفسي 00 في اول سنه وثاني سنه لم يحدد لي مصروف00 لكن كل ما احتجت اعطاني وهو ايضا يحاسب عن مشترياتي00 حتى ان بعض مشترياتي تصل الى الخمسه الآف00 كن بعد هذه التجربه احببت ان يقتططع لي مصروفا شهري00لعدة اسباب منها اصرفها كما اشاء اهدي من اشاء اوفر منها ومصرفي هو 1000 وابنتي 600 هو احب الفكره وايدها بشده حتى يضبط الميزانيه00 وقترح ان يكون هذا المصروف قابل للزياده في اوقات الاعياد والمناسبات والسفر00 وفاتورة الجوال هو يدفعها والحمد لله مشينا على ذالك فوفرنا الكثير من الراتب وقبل يأتي آخر الشهر ونحن مفلسين علما ان راتب زوجي مرتفع |
| الساعة الآن 07:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©