|
لا عدمتك يا زوجي الحبيب...
هذي رساله بسيطه لكل زوجه ترى زوجها امام عينيها كل يوم ولا تحمد الله على وجوده في حياتها... رساله لكل زوجه ( تظن ) ان زوجها جزء من الروتين اليومي الممل.... الى كل زوجه لا تشكر زوجها ولو لمره وعلى اقل مجهوداته... الى كل زوجه اقول لها....... احمدي الله اولا.... و اشكري زوجك ثانيا انه بحياتك.... وفي نفس الوقت رساله لكل زوج يترك زوجته تصارع هذي الحياه بدونه...الى كل زوج لم يترك بصمة وجوده في حياة زوجته....الى كل زوج مستغني وعامل فيها ( ثقيل ) على زوجته....والله حرام هذي الحياه تمر بدون مشاركتكم سوا... من الاسبوع اللي فات وانا جالسه عند اهلي لظروف صحيه.... :20: من الاسبوع اللي فات وانا بجهه وزوجي بجهه....:29: المسكين صار يخلص شغله ويطق مشوار ساعه الى ساعه ونص علشان يجي بس يطمئن علي.... وكل ما صار وقت رجعته للبيت علشان يداوم الصباح احس انه يترك قلبه معاي ...مو هاين عليه يطلع ويخلينا....الله يحفظه ولا يحرمني منه:o ( قولوا ما شاء الله لا قوة الا بالله....العين حق) مراجعاتي كلها كانت معاه ....ويتصل علي يذكرني بالمواعيد..:27: ..ويحمسني اذا شافني مكسله...الله يعطيه الف عافيه والله ما قصر... بس هذا الاسبوع...ما قدر يترك دوامه بسبب ضغط العمل....بس عقله وقلبه عندي...كل شوي يتصل ويطمأن....وطبعا لأن حبي زوجي مو معاي صار لازم اكمل مراجعاتي بنفسي...:18: الله لا يوريكم على الشحططه اللي انا فيها..:( طبعا محتاجه لمواصلات....متعوده ابو وليد يجيبني ويوديني...واليوم كان لازم ادبر عمري....ما لقيت ابوي واخواني اختفوا ....ما بقي الا السواق...قلبي صار برجولي مو متعوده عليه.:24: ..الحيت على اختي تجي معاي ويااااااا الله وافقت لانها هي كمان تعبانه من الدراسه....الحمد لله امنت السواق.... جيت اتكلم معاه اختفى صوتي من الخرعه .....خليت اختي تتفاهم معاه....قعدت اقول في نفسي ....الله يسعد قلبك يابو وليد ما حديتني على اجنبي اتعامل معاه.... :22: ..رحت لمستشفى خاص معروف بضخامته... اول ما دخلت دخت من كثرة هالموظفين والاستقبالات......وسبحان الله حاجه غريبه توني انتبه لها...لما اكون معاه ما انتبه لاي رجل ... واليوم لاني لوحدي حسيت كان الرجال اجتمعوا من كل حدب وصوب في هذا المستشفى ....تعالوا دوروا لي ما تلقوني....خرررررررررررعه:24: :24: والله لا قبلها ولا بعدها..... مسوين حركاااااااااات مالها اي داعي من التعقيدات في الاجراءات....ستين الف موظف ومثلهم موظفات ومية استقبال وكم واحد علاقات عامه .... وطبعا اماكن للناس العاديين واماكن للشركات الخاصه مثلنا ....ولاني اول مره ادخله...كان لازم ملف جديد.... وهات يا معمعه في الاجراءات....وستين توقيع ومية ورقه وتصوير اوراق الى مالا نهايه....وحوووووووووووووووسه... صرت من داخلي اغلي غليان....حسيت الدنيا حر مع ان المستشفى فخم وبارد....والله شوي وابكي....احتجت اتكلم مع موظفين رجال....بحياتي معاك يابو وليد ما احتجت اتعامل معاهم...اختي انتبهت للقلق الحاصل. سألتني اشفيك؟...صحت فيها :19: قلت تتسلين علي مع وجهك انتي بعد....انصدمت وصارت ما تمشي جنبي من خرعتها.... المشكله ان الشغله الواحده ما يكملها موظف او موظفه واحده....الورقه علشان تكمل والله مريت على بنتين وثلاثه رجال..:19: . جا دور الدكتوره....ما دخلت عليها الا واعصابي مييييييح تحت في الحظيظ.... اعطتني الدوا....رحت اصرفه ....علشان الاقي الصيدليه كان لازم برضو اسأل رجل....جا يعطيني الصيدلي الادويه ..قام يضحك يطالعني بنص عين ويضحك..:19: :19: :19: ..كنت باحذفه بالشنطه على وجهه....صار يكلمني بميوووعه....يا اختي الوصفه قيمتها الف وثلاثمئة ريال....كيف تحبي تدفعينها؟ وصار يسوي حركات ما لامها دااااعي قهرني الله لا يسامحه... اخذت الكرت وعطيته ومشيت اموري....لمعلوماتكم....الكرت كرت امي مو لي....اشتريت الدوا على حسابها....الله لا يحرمني منها هي كمان....والدوا هو ابر منشطه للمبايض...الكلوميد ما نفع معاي ولا كاني تعالجت سنه كامله بالكلوميد...حسبي الله ونعم الوكيل....لا تنسوني من دعوه في ظهر الغيب دخيلتكم.... السواق انحرقت اعصابه....يا الله يا الله....كاننا احنا نشتغل عنده....الله يسعدك يابو وليد بحيااااااتك ما استعجلتني الله لا يحرمني منك .... رحت ابي اضرب اول ابره اضطريت اروح لمستشفى ثاني.....وبسم الله اول ما دخلت جو اثنين ممرضين ( نعم يا مدام؟) كأن حظي اليوم رجاااااااااااااالي خاااااااااااالص......ماعطيتهم وجه....رحت دورت على ممرضه والله يسعدها كانت متجاوبه... رجعت السياره والسواق صاير ينافخ من الزهق.... اول ما دخلت بيت اهلي طالعتني امي....تقول اشفيك وجهك مسود؟ قلت لاني بدون ابو وليد....رحت لغرفة البنات وقفلت على نفسي وبكيت....والله انا بدونك يابو وليد صفر على الشمال....مابقي احد ما احتجته في غيابك...بس والله مستغنيه عن العالم معاك... ولسا قدامي اسبوع كاااااامل من هذي الشحططه.....حسبي الله ونعم الوكيل.... معاه والله ما يحسسني باي شي من هذا كله ...يختار لي مقعد بعيد عن الرجال وهو يتمم الامور كلها.....مخدومه محشومه اللهم لك الحمد.....صدق عليه خرابيط اش كثر و افكار هدامه احيانا .....بس هو ولا عدمه.... لا عدمتك يا زوجي الحبيب |
الله يحفظك حبيبتي ويحفظ لك أبو وليد
والله يشفيك يارب كلامك أثر فيه كثير لأني جربته أثناء سفر زوجي مع إني كنت في بيت أهل ماينقصني شي والكل يهتم فيه بس سبحان الله الوحده من بعد ماتتزوج مالها إلا زوجها لو الناس كلهم معاها سبحان الخالق سبحانه |
الله يعينك عزيزتي...و ما تشوفين شر.. بالرغم من مرضك و يومك المتعب إلا أن كلماتك أسعدتني...الله يديم المحبة بينك و بين زوجك.. وفقك الله |
الله يرزقك ما تتمنين . .
ويخلي لك أبو وليد ويهديه ويسخره لك أكثر . . بس ولو طلع أبو وليد إنسان طيب جداً . . وياليت ما تشرهين عليه لأن معدنه أصيل . . بالتوفيق . . |
رزقكِ الله ماتتمنين .. وجمع بينكما على الخير .. |
الله يحفظ لك زوجك
ويرزقك بالذريه الصالحه امين |
الله يخليكم لبعض ويرزقني وإياكي بالذرية الصالحة
|
كلامك درر اختي العزيزة.. حقيقة كنت انوي كتابة موضوع قريب من موضوعك لكنني قرأت كلماتك وليس بعدها شئ أنا عكسك شعرت هذه الأيام بما تشعرين به لكن لأن زوجي على السرير الأبيض وتصدقين البيت من غيره مظلم واتمنى ابقى معه في المستشفى لكن والده مصر على البقاء هو معه .. صحيح أننا نختلف معهم .. نغضب منهم .. ونغضبهم احيانا لكن إذا حصل طارئ شعرنا بفقدهم فلو تذكرنا دائما حالنا في بعدهم عنا لتحملناهم فيما لايعجبنا منهم ولحاولنا ارضائهم بكل السبل .. اعلم انني اطلت الكلام وقد تكون كلمات مبعثرة لكنها ابت إلا أن تخرج بعد قرأتي لما خطت أناملك .. اسعدك الله مع أباوليد ورزقني واياك الذرية الصالحة عاجلا غير اجل ..
|
الله الله
الله يحفظه لك و يحفظك له و الله يبعد عنكم العين يا قلبي الف ماشاء الله و ان شاء الله دوم محبة و ود و احسان بينكم |
اقتباس:
يا هلا بالحلم الدافئ كلامك صحيح عزيزتي ....الله يهدي هالرجال اذا كانوا معنا شيبوا روسنا بدلعهم....بس اذا غابوا ...والله ما نسوى الف شكر على المرور الطيب |
اقتباس:
يا هلا يا الغلا... تسلمي لي على مرورك الطيب والشر ما يجيك ان شاء الله |
اقتباس:
تسلم يا اخي الكريم... اسأل الله ان يرزقك ما تمنى قلبك الف شكر على مرورك الكريم |
اقتباس:
واياك اخي الكريم تشرفت بمرورك العطر |
اقتباس:
تسلمي لي اختي فيافي اشكرك على المرور الطيب |
اقتباس:
تسلمي لي اختي الكريمه والله لا يحرمنا من الخلف الصالح |
اقتباس:
ابدا والله .....انتي اللي كلامك درر ما شاء الله.... والله يعيننا ويطول بالنا عليهم....والله احنا ما نسوى بلاهم الف شكر على مرورك الرائع |
اقتباس:
تسلمييييييييييييين يا عسل على كلماتك الرقيقه لا عدمتك |
الله لا يحرمك منه .
|
تسلمي لي يا نووووووووووووووور
الف شكر |
اقتباس:
اقتباس:
اقتباس:
اقتباس:
اقتباس:
مشكولتي الحلوة ..مبااااااااااااااااااركٌ.. خير المنان حينما يتزل على عبده بغير حساب مباركٌ..رزقٌ ..وعطاءٌ ..هو هدية رب السماء..ولها تُعبَد الدروب ..و تُفتح الأبواب أسعدك ربي يا غالية .. |
والله إنك زي ياأم وليد ماأعرف أتحرك خارج بيتي أبدا من غير زوجي أحس لما أكون لحالي كأني ريشة في مهب الريح ..... الله يخليهم لنا يارب ......
|
الله يحفظك حبيبتي ويحفظ لك أبو وليد والله يشفيك يارب اسمحي لي اسأل سؤال خارج الموضوع اقتباس:
الا اعرفته من الدكتوره انا بعد الابره 24 ساعه لزم يكون فيه جمع الا اذا الابره انواع [/SIZE] |
اشكر لك اهتمامك عزيزتي....اكيد انواع والدكتوره حكت لي....
ازيدك من الشعر بيت.... انا الان عندي العذر الشرعي....يعني مستحيل باي حال من الاحوال يحصل جماع... مكان ضربها في الورك...وزي الناااااااااااااااااااااار يصير مكانها......بس يخف بعد ربع ساعه تقريبا....ولازم توضع الابره في الثلاجه والا تخرب خلال ثلث ساعه....اقول لك امس جمد الدم في عروقي والله من الخرعات اذا عندك اي معلومات عن هالابر افيديني الله يخليك تسلمي لي يا ريفان |
بسمة رضا
هلا وغلا ويااااااا مرحبا وانا اقول ايش هذا النور اثاريه نورك يا قمري تسلمي لي على ما خطت اناملك ...الله يسمعني عنك اجمل الاخبار بنت طيبه الطيبه هلا حبيبتي....والله احنا زي العمياااااان بلاهم...الله لا يحرمنا منهم تسلمي لي يا الغلا على المرور |
السلام عليكم ..
أختي الغالية .. أولا شفاك الله وعافاك .. وأدام الحب والمودة والرحمة بينك وزوجك إنه سميع مجيب الدعاء .. موضوعك أثار بي الأشجان لذكرى ولادتي المتعسرة لطفلي الأول كان نتيجتها مكوثي في العناية المركزة ل3 أيام والحمد لله على كل حال،، فدمعت عيني وأحست بحرارة في جسدي لما كان من موقف زوجي معي في حالتي تلك.. أسأل الله العلي القدير أن يشفيك .. أختك .. أم حمزة |
الله يرزقك الذريه الصالحه يارب ويجمع شملكم عاجلا غير اجل
|
ما شاء الله تبارك ،، الله يخليكم لبعض ويرزقكم الذرية..
ذكرتيني بحوسة المستشفيات ومشاوير ضرب الابر!! بس والله من خجلي من زوجي ورحمة له لأنه يطلع من الدوام متأخر ، صايرة أضرب الأبر بنفسي،،في البداية يغمى عليك كم مرة قبل ما تدخلين الابرة وبعدها يصير الموضوع عادي وبتفرحين لما تشوفين زوجك مبسوط ويدعيلك عشانك ريحتيه من المشوار..جربي صدقيني انت بتراعي نفسك أكثر من الممرضات إللي يعذبونك وهم يضربون الابرة والألم يجلس بالساعات.. |
عاشقة الاقصى
الف الحمد لله على سلامتك اختي وجزيتي خيرا لدعائك الطيب والله يخليكم لبعض يارب... لحظة وداع الله يجزاك الجنه....ما ابي الا هالدعوه الطيبه...الذريه يااااااارب ام لينا... اهني زوجك بك واهنيك بقلبك.....مستحييييييييييييييل اقدر اسوي بنفسي شي مستحيييييل اشكرك على مرورك الراااائع |
الف سلامة وما تشوفين شر
الله يرزقك الذرية الصالحة ويسخر لك زوجك ويجمعكم في خير ..................ويكتب لكم السعادة |
يا الله الله واكبر ربنا يحميلك زوجك ولايحرمكم من بعض
ويشفيك ويرذقك بالذريه الصالحه وترجعى لزوجك بالسلامه يارب يطمنك ذى ما طمنتينى انا كنت هتعقد من الزواج بسبب هذا المنتدا ادعيلى بالزوج الصالح |
رجل من الفضاء
ولك بالمثل اخي الكريم اشكر لك مرورك المصريه ليه بس التشاؤم كل شي تلقين فيه الزين والشين اسأل الله ان يرزقك الزوج الصالح والف الف الف شكر على دعائك جزيتي خيرا وزوجتي شيخا قولي امين |
ماشاءالله تبارك الله
الله يهنيكم ويسعدكم و يرزقكم الذرية الصالحة ويجمعكم دائم على خير ويقر عيونكم ببعضكم أخوك |
السلام عليكم ورحمه الله وبركاته
اولا سلامتك ولاباس ماتشوفى شر ان شاء الله ثانيا اى والله انا معاك انا والله احنا بدون رجالنا اعوذو بالله ولا شى والله كل ماسافر زوجى مع زوجته الاولى اموت لانى اعرف ايش الى بيحصل لى فى غيابه وفى اخر سفره لا اله الا الله انا مع اخواتى عملنا جوله فى كم بيت بصراحه زى زوجى مافى ماشاء الله عليه مافى انسان كامل لاكن احسن من غيره مليووون مره يارب لك الحمد لاكنى غير الفرق بينه وبين باقى الرجال الى انا دخلت بيوتهم غير المرمطه والبهدله و و و و بس لااقلك لانك مجربه الله يخليهم لنا وبصراحه انا صارحت زوجى بهذا الكلام وحسيت بفرحه من عيونه باينه الحمد لله الله يجعلها دايمه ثالثا موضوع المبايض اااااااااااااه الحمد لله عانيت منها معانه الحمد لله والان انا عندى ولد والبيبى الثانى فى الطريق عقبالك وكل مشتاق ومحروم ونزلت هذا الموضوع لعيونك وو الله انه تجربه شخصيه منى اتفضلى ياستى الرابط http://www.66n.com/forums/showthread...72#post1073672 اتمنى لك الشفاء العاجل الله يعطيك العافيه لك فائق احترامى |
ماشا ءالله عليكم حبيبتي الله يبارك لك فيه ويتمم لك حملك على خير انا بصراحه كل كلمه قلتيها عن زوجك الله يحفظه لك زوجي عكسه والله عكسه تماما دائما مستعجلني وينفخ زي السواق:d ومايحب يوخدني لا لدكتور ولا لاي محل الله يهديلي اياه ادعولي
|
الله لا يحرمكم من بعض و لا من حبكم و خوفكم و تقديركم لبعض
ماشاء الله و لا حول و لا قوة إلا بالله |
الله الله على الكلام الحلو..
الله يسعد قلوبكم ويوفقكم يارب.. ويرزقكم ويرزقنا الذريه الصالحه يارب.. |
بدر المحيا
اسم جميـــــــــــل جـــــــــدا اشكرك اخي الكريم على مداخلتك اختي العزيزه ماء القمر اشــــــــــــــــــــــــكرك جزيل الشكر على مشاركتك ومساعدتك لي ذكرتيني بالدعاء الله لا يحرمك الجنه الف شكر على مرورك الكريم فتحي الباب الله يهديه ويصلحه ويحنن قلبه عليك يا رب شاكره لك يا الغاليه مرورك ومشاركتك sun-of-me تسلمي لي يا الغلا الف شكر على مرورك الكريم الساعه كم هلااااااااااااا والله بالساعه كم شاكره مرورك يا الغلا |
رزقكِ الله ماتتمنين .. وجمع بينكما على الخير ..
وإن شاء الله تفرحين بوليد وإخوانه وخواته عاجلا غير آجل اللهم آمين |
جزااااااااااااااااااااااااك الله الف خير اخي الكريم سديد الرأي
بارك الله فيك وجزاك خير على دعائك....الله يسمع منك |
الاخت الكريمة ام وليد
السلام عليكم قرأت فيما سبق مشكلتك مع زوجك ( الله لا يعيد المشاكل ) كنت اتسائل ايش صار كلما شفت اسمك في المنتدى ثم لقيت هالموضوع ودي ارد من بدري ولكن انشغلت الحمدلله على نعمه الله يديم المحبه بينكما على طول |
| الساعة الآن 02:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©