|
اشك في خطيبي يهمني رأي الرجال والبنات
السلام عليكم
اتمنى تكونون كلكم بصحة وعافيه وعلى فكره ترى المنتدى وحشني بشكل ماتتصورنه مالااح اهذر زيدة:15: بدخل بالموضوع على طول الموضوع ومافيه خطيبي اللي مخطوبة له حاليا دفع جزء من المهر واصروا ان نملك انا رفضت لاني احس اني احتاج فتره اكبر للتفكير خصوصا ان احس ان خطيبي فيه شوية غموض بعد مادرى برفضه وطلبي تاجيل الملكه تقبل الموضوع بصدر رحب وبعدها بدت المشكلة :30: طبعا انا ساكنة ب .............والبلد التي يسافر لها قريب منا كثير ماناخذ ربع ساعة الا واحنا هناك كثرت روحاته لتلك البلد وتردده عليها وكل مره مع شله وكان يعطيني خبر ويستاذني عن طريق اخته وكل مره اقول طيب ومره رفضت وطاعني وماراح لان مايرجع الا على وجه الصبح وهو وراه دوام وطلب المره الثانية وبعد رفضت والحمدالله مارراح المره الثالثه وهي الاخيره وافقت ان يروح وراح وكنت مطمانه لان اللي بيروح معاهم مو نفس الشله اللي راح معاهم من قبل لان ماكان لهم عندي اي ثقه حسيتهم شله خربانه وصدقت اشكوكي اخت علمتني ان تهاوش معاهم عشان واحد منهم اجر شقة ووحده اعوذ بالله ومارضى فتهاوش معاهم وانا شبه مصدقة للقصه اما الشله اللي راح معاهم الاخيره ظل نفس الشي من الساعة 6 بالليل الى 5 الفجر والشكوك اذبحتني هل هو يسوي شي غلط خصوصا ان تلك البلد متوفر فيها اللي مو متوفر عندنا بكل سهوله الواحد يلاقي واحيانا اقول لا يوم انه طاعني ولا راح في المرتين معناته انه ما في شي يهمه هناك غير تضيعة وقت واحيانا اقول لا يمكن يبغى يكسبني الى ما يملك علي وينفضح واضيع للمره الثانيه وهذا اللي ما ابغاه ومو عارفه انا يوم تكلمت مع اختي قالت لي لازم تفكرين اكثر من مره قبل ما تقررين تدخلين حياة جديده معاه وعلى فكره اختي ماتحب خطيبي بسبب انه شخصية ضعيفه يعني ماراح استفيد من نصحيتها شوروا علي وش اسوي عشان اطرد هاشكوك او امشي معاها وانهي كل شي ابغى ارتاح نفسيا لاني باقي خايفة من زواجي الاول:24: يرجى عدم تخصيص اسم البلد / البتول |
تزوجى بمن يحب قلبك
ولا تستمعى لكلام الاخرين |
السلام عليكم .. انا لا أتفق الاخت نجمة صغنونة بالمرة .. الحب ليس كل شيء وخصوصا في أمر اختيار شريك الحياة .. العقل فالعقل أولا ...
أختي معشوقة سوسو .. لديك متسع من الوقت .. فلا تضيعيه في شكوك وابدئي من الآن بالبحث في الامر واسألي عن سبب ذهابه إلى هناك .. حاولي الاستعانة بشخص ثقة (رجل) يستطيع التقصي في الأمر .. واقطعي شكك باليقين ولا تتعجلي في شيء أبدا .. وادع المولى عزوجل ان يثبتك ويظهر لك الحق ويوفقك ويرزقك الزوج الصالح .. ادع الله بشدة إلحاح وكوني على يقين وانت تدعين باستجابة الدعاء وانفراج همومك .. اللهم آآآآمين |
أتفق بالرأي مع الأخ جادور ، خلي أخوك أو أبوك يسأل عنه أكثر
و يبحث عن سبب سفره لتلك البلد و ياليت لو تعرفوا وين بيروح لما يسافر هناك؟ |
قال رسول الله صلى الله عليه وسلم : إذا أتاكم من ترضون دينه وخلقه فزوجوه
الحديث واضح أسئلي نفسكِ هل ترضين دين خطيبكِ هل ترضين خلقه أجيبي عن أسئلتكِ بنفسكِ وأستفتي قلبكِ والسلام ختام |
أختي الحبيبه
أولا انت رااااااائعه تعرفين ليش لانج تنبهتي لهالموضوع وحرصتي على الاستشاره المهم حبيبتي شوفي ما دامج مو مرتاحه لموضوع سفراته لازم تتقصين عن الموضوع سواء بشكل مباشر او غير مباشر لانج اذا طنشتي الموضوع باسم الحب راح تتعبين عقب |
اشكر وفقتكم معاي وانا ان شاالله راح اخذ بنصيحتكم واسال بس انا اللي محيرني انه يجي ياخذ رايي واذا رفضت ما يروح هل هذا يدل على انه مسوي شي غلط لان اتعرفون اللي يسوي الغلط ينرفز اذا منعتيه منه مو يتقبله بكل رحابة صدر مثله
والا انتوا وش رايكم؟؟ وعلى فكره يوم سالنا عنه قالوا ان الحمدالله مو من النوع اللي يسكر اعوذ بالله او يدخن بس للاسف يشرب شيشه اللي ان شاء الله لو كان من نصيبي بامنعه منها والصلاة بس يوم كان في الثانوية ماكان يصلي بس الحين الحمدالله مدوام عليها بالمسجد وعمر ماسمعوا انه له علاقات ماترضي الله او شي رغم كذا ذابحتني الشكوك لان الكل قالي ان يروح عدة دول بس للتمشية فقط مو راعي هالحركات بس بعد شاكه مو عارفه اشلون ارتاح |
معليش عندي مداخة بسيطة ..
من متى الزوج يستأذن من زوجته لمن يطلع مشوار وينتظر منها السماح ... هذا كيف لو كانت كمان خطيبته مو بس زوجته ؟؟... |
قطر الندى من اول ماخطبني وهو يعاملني كذا خاصة بروحات مثل هذي اما الطلعات العادية اللي يطلعها من البيت بس يعطيني خبر انا رايح للمكان هذا وكل هذا طبعا عن طريق اخته مو مباشرة واتمنى انها المعاملة هذي تستمر بعد الزواج مو بس كذا لان هو بعد يدري عن كل تحركاتي بس ما استاذن منه طبعا لانه رجل غريب الى الحين وماله اي امر علي
|
أستخيري وإذا أحسستي بالراحة فعجلي بالملكة
أتمنى لك التوفيق |
زوجتي وانا
انا الى يومك هذا استخير لو احسست بضيق وقررت ان انهي الموضوع الاقي ان الامور كل مالها وتتسهل اكثر واكثر كنا متفقين ان الملكة بعد سنه طبعا امدة الحين قلت وفجاةالقى اللي كان موقف امور الملكة انحلت ويبغون انملك من كثر مااني تفاجات خفت مافرحت لان لسه فيني خوف من زواجي الاول |
ادري اني اقرقر وايد بس المشكلة اني احاتي وماعندي غيركم فتحملوني الله يخليكم
اختي اللي اصغر مني وحاليا بالجامعة دايم اطلع في خطيبي عيوب وتزيد علي الوساوس ماادري لانها تكره او ان معاها حق تكره عشانه طيب زيادة عن اللزوم يعني بنظرها ضعيف شخصية ويحب يضحك كثير وينكت على هذا وهذا وهي زعول مره ودي اعرف وشلون اتصرف اتبع قلبي واستخير ربي واتوكل او اواجه اختي واعرف وش فيها بالضبط عليه |
الـبــاب الـذي يــجيـك مـنــهُ ريــح ســدهُ وسـتــريـــح
اختــي:
. والـذي هـذا أولــهُ يــنــعـاف تــاليـــهُ. وأنـتـــي تـقولـيـن ان الـرجـال غــامــض. يــعـنــي يسـوي شــــئ خـطــأ ولا يـريــدكــي أن تـتــطلــعي علــيــهُ: إذا هـو أثــم ( فـألأثــــــــــــــم هــو مــا حــــاك فـي النـفــس وكــرهـــت أن يــطــلع علــيــهُ النـاس. . وفـقـــــــــكــــــــــي الله يرجى سرعة تغيير الصورة الرمزية المخالفة / البتول |
| الساعة الآن 07:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©