|
ذكريات ليلة الدخله للمتزوجين
السلام عليكم ورحمه الله وبركاته
كل عام وانتم بخير ان شاء الله ومن العايدين والفايزين عندي سؤال للمتزوجين والمتزوجات لانكم انتم اللي تقدرون تفيدوني واكيد ما راح تقصرون الله يعافيكم سؤالي انه في ليلة زواجكم اكيد مريتم في شي اسمه ليله الدخله وهو ان يدخل العريس على عروسته لاول مره يراها هذا طبعا اللي عندهم العادات والتقاليد انه ما يشوفها الا ليله الدخله وطبعا تعرفون ليلة يكون متواجدين اخوات العريس وامهم واخوات العروس وامهم واكيد حريم خالات العريس وعماته وخالات العروس وعماتها يعني الدنيا زحمه بزحمه :o كني اشوف وجهي منحرج بقوه ههههههههه اكيد تبون الزبده سؤالي للي مروا بهالتجربه انهم يقولون لي انا اذا دخلت على زوجتي وسلمت عليها هل ابوسها قدام هالعالم بصراحه موقف لا يحسد عليه الواحد طبعا والا اسلم واجلس جنبها بعض الناس يحطون كيك ومن انواع الحلا والعصيرات يعني بعضهم ياكل زوجته قدام هالناس وهي تاكله هل هذا صحيح صاير انا بصراحه اللي جاء في خاطري اقوله اني اذا دخلت اسلم عليها وابارك لها واجلس جنبها هذا اللي مفكر اسويه هل انا على صح او لا ونسيت اقول بعضهم يبوس راسها وش رايكم انتم يالمتزوجين اكيد مريتوا بهالحاله انا اللي شاغل بالي هالسالفه والا الباقي مقدور عليه ياليت تقولون لي اللي مر بهالتجربه انه يفيدني اثابكم الله الجنه اخوكم مظلوم الحب |
اخوي عادي حلالك كل زوج اول مره يبوس راس حرمته و جدام الناس
|
ممكن تكتفي بالسلام العادي وتجلس جمبها وممكن تبوس راسها بس مع زحمه الفستان والكعب والتسريحه والطرحة اتوقع بيصعب عليكم الموضوع هههههههه
يعني بالعربي انت شف الوضع حسيت يوم سلمت عليها انها قريبه منك وبحركه بسيطه ممكن تبوس راسها اوكي.. لكن لو حسيت انها سلمت من بعيد ومحتاسة بالفستان والطرحه وحسيت راسها بعيد يبيلك ترفع نفسك وهي تنزل راسها وكذا طنش واكتفي بالسلام.. |
في عائلتنا عيب تحبها ولكن اهم شىء لا تنسى ركعتين والدعاء
|
أخي عادي إن الزوج يدخل على زوجته ويبوسها على رأسها أوخدها حتى لوقدام اهلها
بس مايزيد في القبلات . |
اخي الكريم الامر جدا طبيعي ولكن هناك امور يجب ان تحذرمنها
اولا اكتف بالسلام والمصافحه واحذر من تقبيل الراس لان هذاخاص بالوالدين ولمن هو اكبر منك والعلماء اجلس بجوارها بكل ثقه واحذر ان يكون في المجلس من ليس لك بمحرم انضر الى زوجتك مبتسما ابتسامة خفيفيه واحذر من التكشير اختر من العبارات الرقيقة التي فيها مدح واطراء واحذر من التلبك والكلام الجارح ومدح نفسك الخ قدم لها هديه جميلة واهم شئ الورد الابيض والاصفر والاحمر في باقه واحده ارفع راسك واحذر من التعليقلت الساخرة التي قد تواجهك ولا ترد فقط اكتف بالابتسامة في وجه المتحدث ثم اصرف نظرك الى حلالك وفقك الله في حياتك |
اقتباس:
|
انا اشوف انك تكتفي بالمصافح مادام عند اهلك ومعارفك مصصصصصصصصصصصافح بس
والقبلات اذا رحتو للبيت خذ راحتك |
انا من الكويت ......... وعندنا ليله الدخله على قولتك هههههه بس مافي لا بوس ولا شي
يعني يدش المعرس يقعد شوي ويقوم اهو وزوجته ويبتسم لها ويقطعون كيك وياكلون بعض واذا مشوا يمسكون ايد بعض بس |
آه آه آه يازينه من ليله ماشفت أحلى منها وياالله التوفيق لكن لاتبوسها قدام الناس علشان ماتصيبك العين فقط ضع يدك على رأسها وقل بصوت منخفض جداً اللهم إني أسألك من خيرها وخير ماجبلتها عليه وأعوذ بك من شرها وشر ماجبلتها عليه / وإذا رحت للبيت الأفضل كل واحد يصلي ركعتين يطلب ربه التوفيق ................
|
نصيحة خليك طبيعي ولا تتصنع أو تقلد أحد ..
كل انسان له طبعه ...قل بسم الله ............. ادخل صافحها وبس كما قالت الاخت ( العفو نسيت اسمها) اما البوس قدام الناس احراج بالذات قدام البنات اللي مو متزوجات . واذا ضروري تبوسها .......بوسها في جبهتها ( على راسها ) بالنسبة لي احتقر العريس اللي يكثر من البوس قدام المعازيم او قدام الناس ............. وأحسن حاجة انك تتصل بعروستك وتتناقشوا وتسألها ايش تسوي .. |
انه اقول تسوي الشي اللي يريحك وانه بعد ما آأيد الزوج اللي يبوس زوجته جدام الناس ،اول ما تدخل عطها ذيك الابتسامه الحلوه وسلم عليها واقعد يمها وبعدين لين رحتو بروحكم خذو راحتكم
|
انا بقولك احلى خطه مجربه اطرد المصوره برا مدام انك زيي بدوي ولاتحب الزحمه لان المصوره بتسوي لكم حركات مايعلم فيها الا الله ومدام انك ماشفتها يعني هي تستخي منك وانت نفس الشي المشكله قدام الموجودات
الخطه 1- طرد المصوره 2- اذا كان ولابد التصور صور في غرفه في قصر الافراح وانتم رازين خششكم قدام العالم يعني بتكون صور طياريه وسريعه 3- لاتسلم ولا تلمسها ولا تقرب لها سلم على الموجودين بكلمه السلام عليكم 4- الاتفاق مع احد الخالات او العمات اتفاق سري يكون بمقتضاه طرد خالاتها وعماتها وخالتك وعماتك بعد بكلمه خلو المعاريس على راحتهم شف القف وحده من الخالات او العمات جريئه يعني هي اللي تقوم بالمهمه 5- لاتحسب حريمك بيجن معك مهن فاضيات لك بيكونون بالصاله يعني الاتفاق مع وحدة ضروري جدا ولاتروح للشقه الا وهي معك عشان اهلها مايستفردون فيك ربنا يوفقك لما يحب ويرضى |
هناك حركة رومانسية تؤثر كثيرا في قلب المرأة ، ولكن لست ادري ان كانت مألوفة او مقبولة في مجتمعكم .
عندما تصافحها وأثناء وجود يدك في يدها ارفع يدها الى مستوى فمك وقبل يدها بينما تنظر في عينيها نظرة حب ( لا تنظر الى يدها بل الى عينيها اثناء ذلك ، دع نظراتكما تتعانق ) . |
اقتباس:
هالحركة الخليجيين مايحبونها ..:21: القبلة على الراس ارقى عندنا..;) أو إذا إنت من النوع الخجول :o وللي بسرعة ينحرج أكتفي بالمصافحة ..:22: وبالتوفيق..:14: |
يعني يقعدون ياكلونك بعيونهم يبردون وجهك بسوالفهم او يتوشوشون عليك وجالسين على قلبك ولا يقومون فانصحك بأن يكون معك سند لطردهم يعني خاله عم اخت كبيره ام تقول خلوا المعاريس على راحتهم وعلمها تقول كذا عشان ينقلعون عنك وربي ماعندهم مشكله يجلسون للفجر ولو عندك شيشه يشيشون :)
وبعدين لاتصافحها حط براسك انها مستحيه ولا راح ترفع عينها بعينك تخيل ياخي مامدت يدها والله لتقوم تمسّح عرقك ببشتك ولا يكفي وتصير ملطشه لكل اللي شافوك انا احط الاحتمال الاسوء عشان ماتطيح فيه ردد كله لو مامدت يدها وشلون بيكون شكلي ولو جيت تبوس راس ولا جبهه ووخرت عنك فالمصيبه اكبر خلك زي ماقلت لك سلم وانت واقف واقعد واشتغل بالتصريف المخفي يعني شغل حريمك يصرفون ويصرفون نفسهم بعد التصريفه الكبرى ربي يهنيك ياشيخ دنت لسا قديد <<< على قولت اخوانا المصريين |
اقتباس:
بهاذي والله انك صادق:22: ياخي هاذي سوالف حريم ما يخلونها خرابيط وتصوير مالها داعي والله مشكله اذا جابولي مصوره ما اقول الا الله يعين بس ههههههههه مشكورر اخوي uhhh على الرد الله يوفقك |
uhhh
حلوه السند علشان تصريفهم البعض منا يغفل عن هالعلوم هذه .. تخبر عزوبيه اذا دخلنا مانشوف ننعمي ... لكن بالنسبه لي ماعندي اي تحركات حتى الابتسامه الى بعد انسحاب جميع الاطراف من ارض المعركه :d شاكرا لك تنبيهك |
اقتباس:
هههههههههههههه:d :d حلوه يشيشووون ذي تجي عليهم تصدق على قولتك اني مفكر اني ما اصافحها اخاف تكسحني ههههههههههههه وامسح عرقي ببشتي ههههههههه:d خلاص بسلم واجلس احسن شي لا يصير مريت بنفس الموقف بس:14: :14: :14: |
يالله لك الحمد رحم الله امرء عرف قدر نفسه يعني قبل مايصير شي احسب حساب الفشله
وبعدين ياخوي حنا مانتورط دام حنا بالمنتدى ولك من الناصحين ان شاء الله واي سؤال استفسار حاضرين واذا تسألني عن الموقف اني متزوج انا متزوج ولله الحمد الحين مكمل سنتين ونص شف يالغالي احسب بالتقويم من يوم عرسك لمدة اسبوع وانت تتعرف عليها يمكن تستحي منك لكن عادي شف التقويم متى كان عرسك احسب من بعد الاسبوع وكمل ثلاث شهور ممكن تصير مشاكل وممكن بعض المشاكل تفكر فيها بالطلاق .......... ممكن طول المده من ثلاث شهور الى سته يعني تتراضون اسبوع تهاوشون اسبوع لكن بعد المده المتوقعه راح تكون سلطان زمانك وراح تقول معقوله كنت بطلقها |
قصدك احسب من بعد العرررررس
ياخي انت ذكرررتني بواحد توه متزووووج بالصدفه قالي بعد زواجه باسبووووووع بس ياخي العرس شيييييييييين هههههههههههههههه والحين الحمدلله مبسوووووط بعدين هاذي الدنيا يووم حلو ويوم مرررررر وانا اعتقد من وجهة نظرررري ان المشاكل اول الزواج انها تبدا من اختلاف الاراء فيما بينهم والله قاعد اسوي خبرررررر انا هههههههههههههههه |
انا اتكلم بوجه عام ولو خسب اخوي المطلقات والمطلقين لتحصل نسبه كبيره منهم تطلقوا قبل ست شهور انا قصدت من كلامي لاخوي ان يصبر على المشاكل لانها متوقعه وانه مايتوقع كل ايامه حلوه معاها من يوم العرس الى مايجون العيال مثلا انا بقوله ماراح تفهمك ولا انت راح تفهمها في الفتره الاولى والله من وراء القصد
|
انا عن نفسي
زوجي يوم زواجنا لما دخل قدام الحريم باس راسي وسلم علي وجلس جنبي بس نصيحه لا تسويها خوفا على زوجتك انا زوجي لما سواها دخت على الكوشه وحالتي حاله اذا انت شخص تخاف من الحسد والعين لا تسوي شي بس سلم عليها مصافحه باليد واجلس .... أضمن لك من عيون الناس |
كل عام وانت بخير
والله يتم لك على خير ويوفقك تبي رأيي اول ماتدخل سلم عليها وبوس راسها((((((( لها ذكره حلوه بداخلها بعد الحفله وعمرها مابتنساها)))) واجلس جنبها واطلب انت يدها وخليك ماسكها واشبك الاصابع لها تاثير بالنفس لك ولها ولا بغيت تطلع حب راسها بدون سلام اليد وقلها حتوحشيني وبتلقى النتيجه اخر الليل بالتلفون راح تنقال او اكيد حتفكر بالي صار انت وهي طول الليل:14: :14: :14: :14: :14: |
اكيد هاذا راح اللي اسويه اني ما ابوسهاااااااا
قدامهم واذا شفت اني الوضع اني اصافحها صافحتها واذا كان ما يسمح ماني مصافحها اكتفي بالسلام والمباركه لها اخاف امد يد ولا تمدهاااا هي هههههههههههه فشله بقوووه خل نحط اسواء الاحتمالات على ما قال خوينا uhhh بس عندي سؤال يعني من بعد ما تخلص الزفه عادي يقول لزوجته مشينااااا ياخذها ويروووووووح حتى لو ما طولوااااا عشان ياخذون راحتهم تعرفون الحريم وسوالفهم ربطه يبون الجلسه عند المعاريس على طووووول يعني يقولها مشينا نروح بتزعل والا لا ويسبقها للسياره ههههههههههههههه واحد مستعجل |
:17:
اقتباس:
مشكوووور اخوي على الردددد بعدين اي تلفوووون هذا يوم العرس بتكون معااااااااااي |
أنا عن زوجي شو كان يسوي بصراحة ........... سلم علي بإيده وباركلي ورحنا....... لأن زوجي قالي بعدين العلاقات من البوس على الراس أو على الخد ما يحب حد يشوفه لأنا نعتبر هذي أشياء خاصة وما لازم حد يعرفها............
|
السلام عليكم
انا اشوف انه تقرأ المعوذات قبل الدخول للعروسه واهلها في الكوشة وتكتفي بالمصافحة ولاتبوسها عشان لايقولون يمووت فيها ويحسدونكم الاحتراس ازين واذا رحتو البيت الله يوفقكم صلو ركعتين وبالتوفيق يااارب |
اول الــــــــــــــف مبــــــــــــــروك عقبـــــــال ماتزوج عيالك يارب
انا من رايي تسلم عليها وتبوسها على راسها لانها سنة الرسول صلى الله عليه وسلم واذا ماقدر سلم عليها واقعد جنبها وبس والله ويوفقك ويرزقك الذريه الصالحه |
مشكوووووووووووووووووووووووووووووووووورين على كل اللي ردووووووووووووووووووا
بدون استثناااااااااااااااااااااااااااااااااااااااا اااء جميعاااااااااااااااااااااااااااااااااااااااااااااا ااااااااااااااااااا اعجبني بصراحه تفاعلكم مع الموضوع واللي يحب يفيدني بشي اكثررررررر الله يجزااه الف خيررررررررررررررررررررررررر اخوكم مظلووووم الحب |
رأيي من رأي البتول ..
حتى ما يكون جااااف يصافحها وبس وحتى ما يكون أمام العالم ... يعني يصافحها ويقبل اليد .. أبلغ كثيراً !!! |
اخوي انا بقولك عندنا فيالخليج
ادخل ومن الباب للمحرا ب هههههه اقصد للكوشه صافح حرمتك وبوسها على راسها ولا تنسى الابتسامات وبسسسسسسسسسس لانه على اليد احس محرجه للبنت جدام ربعها !! |
أعتقد أنك تريد من كل واحد كتابة ذكريات ليلة دخلته،،
وإذا قصدت شيئا آخر فهو: هناك مرحلتين: 1- دخولك أول مرة أي في قاعة الأفراح،، هنا تفعل ماهو دارج في مجتمعكم وأعرافكم،، فهناك من يحبذ قبلة الرأس وهناك من يرفض الفكرة،، اسألها أو اسأل أخواتك عن الأمر،، 2- الخلوة أي بعد ذهاب المعزيم ودخلوكما الغرفة وليس معكم أحد فهنا تختلف البداية من شخص لآخر ولكن عموما تبدأ بالكلام الجميل وألا تبين لها أنك لم تتزوجها إلا لأجل الجنس فهذا الشيء يفقد ثقة البنت في حبها لك لأجلها هي وليس لأجل شهوتك،، ولاتضغط عليها لإتمام العملية في ذلك اليوم أي (خذوا راحتكم) بالعامية،، وفق الله الجميع لما يحب ويرضى،، |
السلام عليكم و رحمة الله وبركاته .. أنا تخيلت نفسي مكان العروس مرة و مكان المعازيم مرة .. الأفضل .. أن تمسك يدها اول ما تقرب منها .. (تمسك الكف ولكن لا تصافخحها مثل ما تصافح الرجال وتهز الكف من فوق لتحت..مش لوة الحركة) .. ثم تقبل رأسها أو خدها .. كنوع من كسر تاحاجز والتودد لها .. يعني .. العروس تحس انك رومنسي وحنون .. والمعازيم يحسوا انك حنون و طيب ومهتم في عروستك .. ولا تنسى ركعتي الشكر والدعاء قبل الدخول .. الله يهنيكما و يسعدكما .. ويرزقكما الذرية الصالحة .. |
أنا أفضل إنك تصافحها فقط مع ابتسامتة جميله في وجهها ولاحق ياأخي في البيت خذ راحتك....
|
انتم كيف العاده عندكم؟؟؟
بس من رائي الشخصي سلم عليها بدون بوسات بس اهم شيء خل يدك بيدها وحاول تسحب التوتر منها انا زوجي سوى معي كذا وكان يفرك يدي باصبعه وبصراحه ارتحت مره وعلى فكره كانت اول مره اشوفه فيها غير الشوفه الشرعيه الله يوفقك اخوي ويااارب تكون سبب السعاده لك ويرزقك الذريه الصالحه الباره بوالديها |
يالله ما احلى هذا الموضوع لقد ذكرتني بليلة العرس و ما فعله زوجي معي فإذا بي ابتسم ثم اضحك ان زوجي لا يحبذ ان تكون علاقتنا الخاصه امام اعين الناس و انا في الحقيقه اتضايق من ذلك واحبه ان يهتم بي ويكون حنونا في البيت و خارج البيت و مع ذلك فقد حدثت امور اخرى هذه الليله و كلما تذكرتها اضحك كثيرا اننا لسنا مثلكم فلابد لنا ان نتجه الى المصور في الاستوديو و عندما ذهبنا دخلنا مكان التصوير ومعي احدى قريباتي مراعاه لشعوري بالخجل و قد اتفق مع المصور ان يقبلني وان تكون صوره للذكرى و قد كانت مفاجاه و رفضت ومع ذلك فقد كانت و مازالت من احلى الصور و كذلك اثناء الزفاف انتهز احدى الفرص و قبلني على راسي وامام الجميع و خاصه ابي ولك ان تتخيل مدى خجلي و مدى غضب والدي الذي شعر فجاة اني كبرت وجاء من ياخذني منه و امام عينيه ولكنها من اجمل الذكريات المس يديها و اسمعها من كلمات الحب و قبلها فكل ذلك يهدئ من توترها وقلقها من اسلوب معاملتك لها و يعدها لما بعد حينما تكونا في المنزل اشكرك لاثارتك ذكريات جميله للجميع |
اثقل واكتف بالمصافحه00وفي البيت طلللع الهبال00
|
اقتباس:
وليس زوجته !!!! |
يغلق لتحقق الفائدة
|
| الساعة الآن 02:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©