|
البنات قتلوني؟؟
اول شي السلام عليكم
انا بنت عمري 20سنه واهلي يتكلمون بالزواج وانه احد خطبني ويبوني اتزوج بس انا ارفض ولما حسيت انهم متضايقين لرفضي الزواج من اي رجل حبيت اعرض مشكلتي واقولكم ليش انا ارفض دايما الزواج ادري انه السبب شوي عادي بس انا متضايقه منه وايد انا عندي سواد شديد بين الفخذين وبقول سوده كبيره في رجلي اليمين وبقع سوده خفيفه برجلي اليسار وما ادري هل من الممكن ان اللي خطبني بعدين يتزوجني يتضايق من هالشي والا اني اقول للخاطب انه فيني هالمشكله انا متضايقه من هالمشكله وكل يوم ابجي منها والبنات اللي اعرفهم ذبحوني كله يقولون ليش ما تتزوجين وشفيج واذا لبسوا قصير اشوف رجولهم واتحسر على اللي بيتزوجني واقول بيشوف هالبنات ويطالعني انا اخاف يطلقني ساعدوني |
اختي بالنسبة للسواد حاولي دائما تلبسين ملابس داخلية الي تسمى نص(شورت ولازم قطني) أو بناطيل قطنية لأن الاحتكاك يولد اللون الأسود ايضا احضري علبة جليسوليد واعصري عليها ليمونة وادهني المنطقة يوميا قبل النوم,,
الموضوع يبغى اهتمام فقط بالنسبة للبقعة السودء اذا كانت وحم فراجعي دكتورة جلدية تشيلها لك بالليزر,,, لاتكبرين الموضوع اختي |
ياحبيبت قلبي الله يصلحك ويسعدك
الموضوع هذا شيليه من راسك تماما والله يخلي العلاجات وجلسات توحيد اللون اللي في مراكز التجميل حبيبتي الموضوع هذا يبغاله عنايه فقط لاغير اقولك انا طريقتي اولا/ لازم تجيبي شورتات قطن وجميع الأوان اذا تحبي ثانيا\ لما تغسلي لازم تنشفي المنطقه تماما وتلبسي الشورت على طول اذا كنت لابسه تنوره او فستان شوفي انا على طول بالشورت وجايبه نفس الوان ملابس يعني حتى اذا بان يبان مناسب ومااخجل ........على فكره انا كنت اعتني بنفسي من ايام المتوسط كنت البس شورت تحت المريول. ثالثا\ عليك باليمون عند الأستحمام اعصري ليمونه وملح وسكروشوي زيت وافركي فيها المنطقه بالقشره وبعدين اتحممي لو تعمليها مع كل استحمامه وبتشوفي الفرق على طول رابعا \اذا احتجتي في السهرات ممكن تحطي كريم اساس او البسي الكيلون الشفاف اللي بلمعه وبنفس لون بشرتك تطلعي خيال خامسا\ممكن تبدأي جلسات العنايه بالجسم في احد المراكز لتوحيد اللون سادسا\خلي العريس يجي وخلينا نفرح فيك ترا هذي ماهي مشكله ابدأ ولاتقطعي رزقك عشان كذا والله يوفقك وينور بصيرتك |
أولا اشكرج ثاني شي مو وحم لا
شوفي انا قبل حفيت وكان في وحده قاعده انا بيضه وقالتلي حاطه شي برجلج قلت لها لا ولما طلعت جلدي صار احمر ويحككني وقمت احكه رجولي حيل وبعد فترة صارو سود يخرعون |
اشكرج روح الغالي على كلامج
انا اقول جذيه بس لما انخطب ابجي وتجيني حاله مو طبيعيه من الخوف عارفه الرياجيل الحين يشوفون الحريم بالتلفزيون واخاف يعلق علي والا شي انا حساسه وايد |
يااااااااااعزيزتي عادي جداا صدقيني مولدرجة انك ترفضين الزواج ياه بتشوفين في الرجال أشياء متلتلة
وبتقولين والله انا احسن ادخلي منتديات نسائية وشوفي نسبة كبيرة جدا ممايعاني من المشكلة هذي ومتزوجات بعد كثير اقولك الحل يخفف من السواد ويصفي البشرة لكن مايروح على طول واهم شرط عشان تشوفي النتايج المرضية الاستمرار دايم قشري جلدك اما بصنفرة جاهزة مقشر لوريال الأخضر روعة ماأستغني عنه او زيت زيتون وملح ومن بعدها سوي خاطة جليسوليد مع ليمون وكل يوم ادهني المنطقة فيها وشوفي نصايح روح الغالي كنت بكتب بعضها بس مايحتاج لأنها قالتها مهم جداا الشورت القطن |
أنا ولد ولا أعتقد سواد الفخذين
ممكن يكرهني في الحرمه أما أنها توصل لطلاق هذا بالعكس المفروض انك تفرحين انك افتكيتي منه لأنه مجنون وطفل |
اقتباس:
|
الله يهديج اختي ,, مسويه من الحبه أبه,, مثل ما يقولون,,,:18: السواد في هذا المنطقة شي عاد,, طبيعي يعني عند الكل مب بس إنت من بين هالبشر,, و تقدرين تخففينه باستخدام كريمات أو أنواع معينه من صابون الاستحمام.:26: . تقدرين تسئلين المتزوجات هن عندهن الحل الأكيد.. و أنا باستفيد وياج...:28: بس إنت ودري عنج هالوسواس .. و اتوكلي على ربج و اتزوجي.. ولا تراج بتندمين بعدين :29: |
اشكركم كثيرا على الردود
والله رحت لامي قبل شوي وقعدت ابجي :29: ولما قريت ردودكم ارتحت شوي راح اجرب نصايحكم وان شاء الله يا رب يخف وافتك من العقده اللي فيني اشكركم |
مرحبا
كل سنة وانتي طيبة ياحلوة البنات ماقصرو بالردود الرائعة والنصائح التحفة بس حبيت اقلك انك مكبرة الموضوع كتير واعملي هالنصائح وبعدهيك لاتتأزمي مافيه داعي لهالاشي هادا لو بعيد الشر فيكي تشوه خلقي شوكنتي حتعملي؟الحمدلله مافيكي شي انت زي البطة هيك لاتكبري المواضيع بعدين انت شكلك صغنونة وحساسة وحيجي يوم تضحكي من هالكلام لشو البكا!!!!!!!!!!!!!! الله يوفقك خلينا نفرح قريب نشوف موضوع عيك بتحكي فيه انك خطبتي موفقة |
اختي الرجل يفكر بالجنس اول شهر فقط وبعدين تبقى العشرة الحلوة اهي اللي تهمه
اختي الرجل ليس كلهم يفكرون بهذه الطريقة وليس كلهم يهمهم الجمال الجنسي وبعدين هذا ليس سبب وجيه لترفضي خطابك راجعي عيادة جلدية لتتخلصي من هذه المشكلة ( البسيطة ) |
ياعيوني ياما بنات يلمعون زي القشطة وزوجها يبصبص هنا وهناك ومايشبعه شي..
يعني يعتمد على شخصية زوجك وتدينه ماله دخل بيضا ولا سمرا ولا حتى مبقعه.. وتحسبين انتي الزوج يدقق ويطالع؟؟ بيجيك طيران بشهر العسل ماصدق يتزوج ولارح يدقق في هالاشياء وحتى لو لاحظها قولي عين صابتني وسوي نفسك مو مهتمه لان لو بينتي انك مهتمه وزعلانه وكبرتي الموضوع بيكبر الموضوع في باله ويقول ايه والله زوجتي فيها سواد لكن لو سويتي انه عادي ونص البنات كذا عشان الجو في ديرتنا ولا الرطوبه بداخله بيقتنع انه عادي ومارح يدقق.. ياختي البنات يتزوجون وفيهم عيوب اكثر من كذا..هالبنت اللي تشوفين سيقانها بيضا وش دراك هي مونسه زوجها ولا منكده عليه؟؟ انتي لو عرفتي كيف تدلعين زوجك وتمتعينه وتغرينه وترقصين له والله بينسا ابو السواد وبيدوخ عندك.. فيه بنات قمة البياض والنعومه ولكنهم مايشبعون ازواجهم جنسيا!! يعني بالعربي مو مواصفات الجسم هو المهم.. المهم انتي تعرفين كيف تشبعين زوجك وتسوين له كل اللي يبيه.. والرجال اللي بيقارن زوجته ببنات في التلفزيون حنا في غنى عنه بصراحه.. |
السلام عليكم ورحمة الله وبركاتة
انا رأيي من راي اخواتي الي سبقوني ولا توقفين نصيبك علشان هذا الشيء اتمنى ربي يوفقك من كل قلبي :14: :14: :14: :14: :14: :14: |
اشكركم لنصايحكم بس انا اللي مضايقني انه السواد ماكان موجود نهائيا
وفجاة طلعلي من سنتين بس ريحوتوني وجزاكم الله الف خير |
عليك بالرقية الشرعية وقرآءة القرآن
|
ابي اسأل اذا ممكن تستحدم كريمات التقشير فى المناطق الحساسة
|
نفسسسسسس مشكلتي صار لها سنه فقط ولكن منكده علي وحسستوني بردودكم انها مشكله سخيفه
صغرتوها بنظري بعد ماكانت تعني مسأله اساسيه <= طبعا هي مهمه ولكن كنت اكبر هالموضوع اذا ذكرته ... راح اجرب نصايحكم وجزاكم الله الف خير |
| الساعة الآن 05:46 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©