|
الوضع المادي
المال هاذه الأيام اصبح الزواج صعب بدون توفر امال فسؤالي للأخوات لو خطبك انسان اخلاق ودين ومظهر جميل ولكن عيبه انه لايملك المال اي سوف تعيشين بمستوى اقل من مستواك عند اهلك هل توافقين عليه ام لا ؟ هل تستطيعي الصبر على هاذا الوضع ؟ |
ما اظن
الا اذا كنت انا اشتغل.. و هذه هي الصراحه والله يووووووفقك |
اهم شي الاخلاق المال مومهم اهم شي الراحه والسعاده والتفاهم
انا في رأي اعيش معاه في اقل من مستواي واساعده ونبني كل شي مع بعض لو اخذته غني وصار شي لاسمح الله وخسر كل شي راح اعيش معاها يعني ماتفرق مع خالص شكري اختك:الحائــــرة................. |
من غيــر لا أطول بالاجابة : ايـــــــــــه اوافق .. عشان لا أكون متهمة بأني متخوفة من العنوسه للحد اللي يجبرني ارضى بأي شي .. بقول : لا تاخذكم ظنونكم .. بقول لك سالفة وبحاول اختصر فيها .. بوحده من المناسبات السعيده بالعائلة .. جمعتنا حنا البنات سهرة .. ولأن الجو مشحون بالأحلام والمشاعر والأمنيات .. مجاراة للمناسبة .. تهيضوا البنات وكل وحده بدت تسافر فيها أحلامها بالعريس .. قالت وحده منهم : - ما ابغى واحد على قد حاله .. ابغى واحد يسفرني ويطلعني أشوف الدنيا !! قلت : ووش عيبه اللي على قد حاله .. سألتني سؤال .. وهي تدري ان جوابي بيكون هو نفسه اللي قلته قبل كم سنه .. لكنها ظنت اني غيرت رأيي - بتوافقين ؟ - ايه وليه لا .. أهم شي دينه بعدين اخلاقه والسفريات والفلوس مو مهم .. ردت : - يوووه يا فلانه بكره حتى سيارتكم تحزن ... وحتى فستان سهرة ما يقدر يجيب لك وما بتحضرين عروسنا !! قت : واذا حتى لو معاه سيكل وش عليكم ؟ وما سلمت من تعليقاتهم وضحكهم ... والحين بعد اكثر من سنة .. راعية السفريات تزوجت .. مثل ما بغته .. بس الأهم ما لقته الحين تشتكي من سوء معاملته .. ومن الفرق بالمستويات -مثل ما تسميه - بين اهلها واهل زوجها .. وذبحتها مقارنة نفسها بسلفتها اللي تسافر كل اجازة اوروبا .. وش استفادت من احلامها ..ولا شي ما عندي نيه اتشمت لا والله .. بس بقول الواحد / ة .. يطلب ربه الصـالح / ـة وبقول بعد ان قريبتي هذي نتيجة سيئة لأفكار أمها اللي خلتها تقيّم العريس على اللي عنده من ماديات اعتذر على الاطالة |
المال ولا شيء لكنه بدون مافي شيء>>>>>>>مقولة شهيرة
الرجل مو بماله الرجل بدينه و اخلاقه و افعاله الوضع المادي ليس مهم لمن تريد الستر و العفاف والله بيساعد ان شاء الله كل شاب يريد الزواج و حالته المادية بسيطة يا رب ودمتم بخير |
الرجل مو بماله الرجل بدينه و اخلاقه و افعاله
ان تكونوا فقراء يغنكم الله من فضله ولا تنسوا انه ابائنا انهم ما انولدوا وفى فمهم معالق من ذهب تحياتى لك |
اذا كان انسان طموح
ويسعى لرفع مستواه المادي بس توه في بداية الطريج مافي مشكله لكن اذا كان مكانك سرررررر صعبه |
ما اعتقد اني راح ارده ... بس لأنه مامعه فلووووووووووووس ..
هذا سبب تاااافه ... والله اذا كان اخلاق و دين ومظهــــــــر .. اوافق وبشـــــــــــدة بعد .. . . . اختك نهااار |
أخوي يعتمد على المستوى المادي إن كان أقل مني بكثير فبالتأكيد سوف أرفض وذلك لأنني معتادة على نمط معين من العيش وصعب جداً أن يتأقلم الإنسان مع وضع دون مستواه ولكـــــــــن إن كان مستواه المادي ليس بأقل مني بكثير أي قادر على تلبية كافة المستلزمات الرئيسية للبيت بحيث إنني فقط سأستغني عن الكماليات حينها بالتأكيد سأوافق عليه
|
بعد تجربة لا وألف لا ، لان الموضوع ليس ما فقط ولكن مستوى عام اجتماعي ومادي وعادة بتكون تربية وعادات ، لا لن أقبل أبدا ،
|
انا خطبني ولد عمي بس هو وضعه غير عن وضعناا..انا متعوده كل شي اطلبه من هلي يتنفذ ولو شو كان..بس ولد عمي شغلته بسيطه..ومستواهم وايد بسيط..حتى اخته تقولي ان احنا كنا نقوله ان انت مابتقدر تعيشها مثل ماهي تبي..هي بنت مدلعه وكل شي بخاطرها ماتخليه..انا محتارة اوافق..وانا قلت بقول لاهلي اذا يباني ينتظر لين مااشتغل عشان نتساعد بس ادري هلي اساسا مابيوافقوا عشان الفروق الاجتماعيه بينا..
|
مثل ما قالت عذوب لو هو بيطور نفسه وطموح
بوافق .. وغير كذا لا .. اخواني احب اذكركم بحاجة اتصور انها ما تفوتكم مو بالضرورة ان الي ما عنده فلوس يسير ملائكي ولا في منه .. والي عنده فلوس ما عنده احساس ولا اخلاق ! انتو تقولون لو تاكدت انا من دينه واخلاقه احب اقول لكم ترى لو وش ما قالت الناس عن فلان ما راح تتاكد البنت من الحقيقة الا بالعشرة لان الناس تحكم بالظاهر وش مدريها عن طبايع الشخص الزينة والشينة وطريقة تفكيره .. وبعدين اي شخص لو مهما كان دنيئ قدام الناس اكيد يبي يتكلف الاخلاق عشان سمعته وصورته .. الناس وش مدريها عن باطنه ؟ الي اقصده اني لو جاني فقير ومدحته لي الناس ( الي ما عاشروه ) ما راح اوافق واعيش نفسي بمستوى زي كذا واقول اي اهم شي طلع اخلاق ! وش مدريني يمكن لو عشت معه اكتشف انه مو بس فقير فلوس فقير تعامل فقير انسانية واحساس وقتها بحس بغبن غبن كبير مرررررررة |
ماشاء الله الكل وفى
الرسول صلى الله عليه وسلم قال "من جاءكم من ترضون دينه وخلقه فزوجوه" والحمدلله ربي مايضيع احد اذا جت الزوجه يجي رزقها معها ومن فكر بالشىء هذا ورفض ولد الحلال فان فكره قاصر؟؟؟ |
لا
ابي مال |
شخصياً ..
لا تهمني المادة مطلقاً لا تمثل لي أي عقبة .. !! مو عشان عمري بدأ في العد التنازلي لا .. هي فكرتي من زماااان |
| الساعة الآن 03:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©