|
حصل اللي ما توقعته بحياتي كلها...فيه خير لي ولا شر؟؟؟
السلام عليكم و رحمة الله و بركاته
اليوم السبت و قبل امس كان الخميس مو قادر انام كل شويه افكر بعد اللي صار وربي شيء فرح قلبي كثييييييييير والله منحرج كثير اقول ولا ما اقول ابقول لكم القصة كاملة بس الله يرضى عليكم اقروها كلها: يوم الخميس بالليل كان في عزيمة كبيرة في بيتنا رجال و حريم ابوي ارسلني و قالي انت المسؤول عن العشاء و لما رجعت والعشاء معاي دخلت على مطبخ بيتنا و كنت ابسأل امي كل شيء جاهز من سلطات و حلويات؟؟ لما دخلت لقيت عندها بنت لما شافتني اختبت ورى امي و انا هربت و طحت و عقالي و شماغي طاح و قمت صلحت نفسي و خرجت ولا كأن صار شيء.......لا احد يضحك ............................ بصراحة البنت شفتها بكامل زينتها و طاحت في قلبي والله العالم......اعجبتني من كل النواحي افكر فيها كل يوم.....ابغى اخطبها من اهلها بس اخاف يرفضوني و يقولون هذا قليل ادب دخل على بنتنا بالعزيمة و شافها سبحان الله اذا هذا سبب زواجي كل يوم ابفاتح ابوي و امي بالموضوع علشان اخطبها بس خايف و كمان خايف يقولون لي مافي نظرة شرعية لأنك شفتها بكامل زينتها بالعزيمة ....... والله انا شفتها بالغلط والله ما كان قصدي شيء ....... اكلم ابوي و امي علشان اتقدم لها؟؟؟ اخاف يرفضوني و يطردوني شر طردة ......... انصحوني افيدوني الله يجزاكم بالخير......هل بعد اللي صار لي نظرة شرعية ولا لا؟؟؟ طمنوني علشان اعزمكم على الفطور:30: و دمتم بخير |
دام الشغلة فيها فطور 0000 اقول لك 00
قول لابوك وامك ليش خايف يطردونك شر طردة 000 لايكون كل يوم طالبهم بنت شكل 00 ومادمت شفت البنت ليه تريد نظرة شرعية 00 مو لازم نظرة اهم شيء يخطبونها لك 00 والله يكتب لك اللي فيه الخير 00 هاه متى أجي على الفطور 00 تلقاني من العصر مسنتر عندكم |
الله يوووووفقك يارب :)
قللي طيب هي تقرب لك او شي من هذا القبيل؟ |
اقتباس:
ممكن بسبب اني شفتها بلحظة و توترت و ارتبكت فيها ابغى اشوفها و انا مرتاح نفسياً مو اشوفها و بعدين تكسرت مثل اللي صار اهم شيء خايف وربي خايف تكون البنت قالت لأهلها او هي ترفضني بسبب اللي صار و اذا انت بنفس المدينة اللي انا فيها و ربي ابشر بالفطور و دمت بخير |
:17: :d
اقتباس:
|
اقتباس:
ممكن تكون من بنات صديق ابوي بس والله البنت مره اعجبتني لما شافتني اختبت ورى امي من الخوف بصراحة احب البنت اللي تستحي مره:17: و دمتي بخير |
اخي توكل على الله ولاتخاف وكلم الوالد والوالده يخطبونها
مااتوقع ترفضك علشان هذي السبب انت مو متعمد تدخل وتشوفها........... صدفه........... ان شاءالله نقول لك مبروك قريبا |
ياسلااااام
واحنا كمان والله فرحنا لك بالخبر نصيحتي لك لا تستعجل .. اول شي استخير ربك .. وكرر الاستخارة .. وبعدها فاتح أهلك بالموضوع .. وإذا إنها من نصيبك ربي بيجمع بينكم إن شاء الله .. *** |
آنا راح أجاوبك عشان الفطور ترى :d
هههههههههههه ياخوي بارك الله فيك دامك تحس انك مقتدر والبنت دخلت قلبك افتح الموضووع على طووووووووووول :22: كلم الوالده وقولها فلانه شلونها ؟ شنو اخلاقها ؟ وووو حلاته الرجال مايستحي بهالسوالف وانته طالب الحلال يعني خلك واثق . وعطنا آخر الاخبار ولاتنسى الفطور :25: |
على فكرة اخوي..
البنت مسسسسسسسستحيل تقول لاحد من اهلها انه انت شفتها لانه احراج بقووووة يمكن تقول لوحدة من صديقاتها او لاخواتها بس مستحيل توصل لابوها او امها.. ((هذا من تجربتي الشخصيه)) لانه صار نفس الموقف اماااا بالنسبة لامك.. ما اتوقع انها قالت لابوك لانه بصراحه ماله داعي.. الا اذا كانت شخصية امك من النوع الي تقول كل شي على الوالد انا من رايي تفتح لهم الموضوع و تتوكل .. اذا سنك يسمح لك بالزواج و مستعد.. وبالتوفيق يارب واتمنى لك حياه سعيده باذن الله |
اقتباس:
او يمكن تريد النظرة لانك اشتقت لها 000 وتبي تشوفها 00 ترى نعرف هالمشاعر زين 00 :d ما اعتقد البنت ترفضك بسبب اللي صار 00 بالعكس تفرح لانها اعجبتك 00 اهم شيء تاكد انها غير مخطوبة 00 ولا متزوجة 00 لاتروح بداهية ومانحصل لافطور ولاغيره 00 :24: |
اقتباس:
لكن البنت ما اعرف ايش يتقول لما تعرف انه اللي خطبها هو اللي شافها بالغلط والله طمنتي قلبي الله يطمنك:17: ودمت بخير |
اقتباس:
كيف ما استعجل و انا احاول انسى اللي تركوني قبل الزواج بتسعة ايام؟؟؟ اخخخخخ يا راسي:24: ابستخير ان شاء الله اليوم وابكلم امي و ابوي على الفطور و ان شاء الله خير يارب و اببشركم بعد كم يوم عبير الأحلام الله يجزاك خير على النصح و المساعدة التي لا تنسى الله يوفقك ويسعدك الله يحفظك يا رب و دمتي بخير |
اقتباس:
الله يستر......لو ترفضني خلاص ابترك المدينة اللي عايش فيها طول عمري>>>>>تخطيط قديم ابكلم ابوي و امي خلاص قررت اقولهم كل شيء الله يعطيك العافية يا اخي و ابشر بالفطور بس انت فين ساكن؟ :22: و دمت بخير |
اقتباس:
خوفي هو بس من البنت انها تفكر اني كنت استرق النظر خلاص طاحت بقلبي لازم اخطبها وربي لو وافقوا لأخلي الملكة بعد اسبوع:17: الحمد لله مقتدر و عمري 21 سنة و موظف.......ابوي يقولي انت اخطب و المهر و القصر و الأثاث و العشاء كله على حسابي الله يعطيك العافية ام تالا على رفع معنوياتي:17: وبارك الله فيك وفي ابنتك تالا و دمتي بخير |
اقتباس:
والله ما اعرف يا اخي لا انا متأكد انها غير مخطوبة ولا متزوجة لكن مو عارف ليش اقتباس:
هههههههههههههههههههههههههههههههههه :d |
آنا ساكن بالكويت ... بعيد عنكم :d
بس ماعليه طمنتي الله يطمنك دنيا وآخره ابوووك صراحه رجال والنعم والله لبيت كل الآباء مثله على قولة اخوانا المصريين حط ابطنك بطيخة صيفي انته لما دخلت ماصرت مثل الشباب اللي يبصبص ويطالع بالحريم والعياذ بالله بالعكس طلعت وغظيت بصرك واحترمت هيبة اهلها والبنت واكبر دليل انك طحت وتبهدلت لووووول :23: صدقني اذا كانت غير متزوجه بالعكس راح تفرح فييييك حيييل وتطير من الفرحة امين بس انت توكل على الله وسو الخطوة الاولى |
هذا من بركات هالشهر الفضيل
بس حلوه ...... صدفه خير من ألف ميعاد ومافيه اي داعي للتأخير دق الحديد وهو حامي لاتروح البنت من ايديك الله يوفقك ويسهل أمرك ويعوضك أخوي ترانا نتنظر ما يستجد معك وان شاء الله تبشرنا بكل خير |
كاره الرياضيات أصبر بجي معك للفطور
أخوي نصيحه لك قبل ما تطلب منهم انهم يخطبونها أسأل أمك عنها اليوم وهي قاعده تصلح الفطور سو فيها نشمي وأقعد ساعد شوي وانت تساعد أسألها عن البنت وعن أخلاقها ومن هي بنته وعن اللي تبيه وإذا أمك مدحتها فاتح أبوك على فطور بس أسمع لا تفاتح قبل الفطور إذا أفطر وعين من الله خير قله والله يوفقك يارب كاره الرياضيات عسى حميت الموتر بجيب شماغي وبجي <<<<ياثقل دمك :) |
اقول بلا كثر بربرة حنا نحتري العلوم السنعه..
وبعدين مصدق انها بتعلم اهلها انك شفتها؟؟ مستحيل.. ثانيا الشوفه الشرعيه من حقك وشو تبي تعتمد على لمحة طبعا لا لازم تجلس قدامها وتشوفها وتكلمها بعد من حقك.. اسمها شوفه شرعيه مب صدفه سريعه.. وشلون تتوقع انك تسترق النظر وانت شماغك وعقالك طاحو من الربكه؟ ثانيا حتى لو توقعت انك تسترق النظر عليها بتخق معك.. لانك ما عاكستها ولا لحقتها بالعكس جيت للبنت من الباب قمة الاحترام..وهي بتنبسط مرررررة انك معجب فيها قبل لا تخطبها يعني مو اختيار امك ولا ابوك :) |
اخ كوجاك 00 وين احمي الموتر هالحين 00
ترى الناس رمضان يعني الفطور المغرب مو الصبح 00 وتكفى مانبي نسولف كثير اخاف يحذفون موضوع الاخ بسببنا 00 يقوم مايستقبلنا عالفطور وعلى فكرة 000 دمك جداً خفيف وداخل مزاجي >> خوش مزاج |
اقتباس:
<<<<<<خق الولد وصدق وبعدين أنا قلت حم الموتر من الحين انت تعرف وين الرجال فيه يمكن في الغربيه لا تكون انت في الغربيه بعد ماله داعي اجي كعابي من الرياض <<<<<<<<شكلك بيجي باند يمش الف |
ياسلام هذا نفس اللى ياكل وهو فاطر يقولون ربي خلاه ياكل ورحمه
ياخي اخطبها وعجل لاتروح عليك ومبرووووووك مقدما واعيلي بلزواج |
اقتباس:
يا اخي اعصابي والله متوترة مره وربي مو قادر انام لأنه اليوم ابكلم ابوي و امي بالموضوع:24: اخيراً راح اتزوج ان شاء الله و اصير ابو ايلاف:15: :17: |
اقتباس:
ان شاء الله لي خير في اللي صار الله يعطيك العافية اختي على هالنصيحة و الإفادة الطيبة و دمتي بخير |
اقتباس:
لا تنسى عملي محقق و شاطر في هالشيء:22: خلاص اليوم ابسأل امي عن البنت في كل شيء و اقولكم الأخبار:17: و دمت بخير |
اقتباس:
خلاص ابطير من الفرحة:17: الله يسعدك يا رب والله مو عارف كيف اشكرك و دمتي بخير |
اقتباس:
اللهم آمين و دمت بخير |
الله يسهل أمرك الآن عليك بالإستخاره
ورفاتح أهلك بالموضوع وبالنسبة للموقف صراحه لاتشيل هم البنت راح تنبسط اذا عرفت انك خطبتها يوم شفتها تكون طريقة خطبتها غير اعتياديه بالعكس هي يمكن تفكر فيك بعد وانت مارحت تعاكسها او من هذا القبيل بالعكس راح تجي البيوت من ابوابهاا اسئل الله العظيم الجليل في هذا الشهر الكررريم ان يوفقك وييسر امر زوااجك بالزوجة الصالحه التي تقر عينك بها وتسعد معهاا واحب اقولك شغله لاتحط في هذي البنت الأمل كله يمكن يكون نصيب ويمكن لا ماتدري وين الخيره فيه الله يوفقك |
رب صدفه خير من الف ميعاد
ياما سمعنا قصص زواج نجحت اساسها توفقيق الله ثم صدفه لقاء توكل على الله واستخر الله يوفقك اختك بالله جينز |
اتوكل على الله وكلم اهلك
سبحان الله ماتدري يمكن ربنا قدر انك تدخل المطبخ في ذاك الوقت بالذات عشان تشوف البنت ويصير نصيب بينكم اذا انت جاهز للزواج اعقدها واتكل على الله وربنا يوفقك يارب ولاتنسى تبشرنا واهم شي الفطور ترى وراك وراك ماراح ننسى |
أكيد البنت جالسة تفكر فيك مثل ماأنت تفكر فيها
عشان كذا لا تخاف روح أخطبها و توكل على الله ترى البنات يحبون بسرعة من أول نظرة يعني ألحين تلقاها هيمانه فيك |
اولا / تستخير ،3مرات
ثانيا / تكلم امك ثالثا / تتوكل على الله وحقك علينا الدعاء بالتوفيق مررررررررررررررره ودنا نسمع اخبار توسع الصدر لا تنسانا من الدعاء |
|
ربي يوفقك اخي العزيز وتكون زوجتك وام اولادك بالمستقبل. فاتح اهلك ليش يتعصبوا دام امك شافتك واكيد هي تعرف اخلاقك وانت ما استرقت النظر. توكل على الله ولا تنسانا على الفطور اخوك في عمان ارسلي احد يشيلني :d :d
اتمنالك كل خير :22: اخوك: ذاهوك |
توكل على الله وإن شاء الله ماريح تحصل رفض لا منها ولا من اهلها وبين عليك ولد مؤدب واكبر دليل إنك ارتبكت لما دخلت المطبخ وشفتها وهربت والله يوفقك بالشهر الكريم
|
أفااااااااااااااااااااااااااااااااا ... كل هالأخبار الحلوة ... والأفراح الجميلة ... وأنا آخر من يعلم .. <<<<<<<< منافق يبغى يلحق ع الفطور :23: حبيبي الغالي .. وأخي العزيز .. لا تعلم بمدى سعادتي .. وفرط فرحي بسماع هذه القصة الجميلة .. وبإذن الله .. وحسنُ ظننا بالله أنه عوضك سريعاً عن من تركوك ... فضلاً عن إكرامه لك بعودتك إلى والديك .. وحرصك على برهما ... فاحمدِ الله عز وجل .. حمداً كثيراً طيبا مباركا كما يحب ربي ويرضى .. واجعل لسانك ذا يلهجُ بالحمدِ للحميد الكريم البصير ... فلولاه لم يكن ما كان .. حتى وإن لم تتم الأمور ( لا سمح الله ) ... تكفي السعادةُ التي غمرت قلبك ... ثم اعمد إلى الاستخارة .. مرة تلو المرة .. وكرّةً تلو الكرّة .. ولا يحتاج أن أقول لك تقدم خطوة ... لأنه يبدو أنك تقدمت .. وحادثت أهلك ... !!! <<<< رجال :22: أبقى وإخواني على أحر من الجمر بأن نسمع آخر الأخبار الطيبة ... وأود أن أهمس في أذنك همسة : روض نفسك قبول على كلا الأمرين ( القبول والرفض ) وهذا ما يتعارض قليلاً مع شدة فرحك ... نحنُ نتمنى لك الخير .. ومادام أن الفتاة وقعت في قلبك .. فإن شاء الله يكون الأمرُ خيراً ... لكن حتى لا تُصاب بصدمة جديدة .. وتصل إلى حالة نفسية سيئة كما المرة الأخيرة .. فهمتني يا غالي :d آخر شيء قبل الفطور ....... يا ويلك ما تعزمني والشباب ع الفطور ... حتى لو ما تم الأمر .. ترى الفطور طارح برقبك طاح :25: <<< مصدق نفسه :26: كنت أبغى أقلك ... آآآآآخ منك تعال هنا ... كيف دخلت المطبخ من غير ما تعطي الحريم خبر .. وإنت عارف إنه البيت مليان حريم ؟؟؟ <<<< اكفش يا ولد :28: |
أخي الحبيب ... أيضاً أحببتُ أن أذكرك بحديث النبي صلى الله عليه وسلم .. حيال العنوان الذي اخترتَ لموضوعك ...
يقول عليه الصلاة والسلام : (( عجباً لأمر المؤمن فإن أمره كله خير ، إن أصابته سراء شكر فكان خيراً له ، وإن أصابته ضراء صبر فكان خيراً له )) . فاعلم أن هناك خيرية لك بإذن الله .. حتى لو لم تكن تراها .. تحياتي ؛؛؛ |
يا أخي توكل على الله وفاتح أبوك وأمك بالموضوع
ومن يدري ممكن أيضاً إنك أنت كمان دخلت قلب البنت ولكن حياء البنت لا تستطيع أن تبوح ذلك لأهلها . والله يقدم لك إلا فيه الخير ... وبالتوفيق ،،، |
اعقلها وتوكل والف الف مبروووووووك مقدمآ
وننتظر الاخبار الزينه والله يكتبلك مافيه الخير تحيتي |
| الساعة الآن 06:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©