|
زوجي بيتزوج علي
اليوم زوجي قالي بتزوج عليك بعين قويييييييييييييية:eek: قلت له ليش انت مو مرتاح معاي ؟ شو ناقصك ؟ليش هذا القرار؟ قالي والله انا احبك وما فيها شي اذا اتزوجت كل الرياييل متزوجين اثنين ثلاثة اش معنى انا!!!
وانت في بيتك معززة مكرمة وتدرين اني ما احب الظلم وبعدل بينكم فلا تخافين من هذه الناحية وطلبت منه يطلقني لاني ما ابغي اعيش معاه بموووووووووووووووووت كل يوم الف مرة وخصوصا اني غيووورة جدا وبعدي صغيرة 25 سنة فلييييييييش يتزوج؟ وانا مريحاه والبي له كل طلباته دخيييلكم قلولي ايش اسوي لاني ارتبكت وما عدت اعرف افكر ما بقا لي شي على الجنون تكفوووووووون ساعدوني بدعاء او نصيحة انتظركم |
اه واه واه
جيتي على جرح عميق نحن السابقون وأنتم الاحقون حبيبتي هل لديك أبناء منه إن كان إيه الصبر وصيتي ووصيتك والهدوء التام اضبطي نفسك ولاتفاتحينه بالموضوع نهائيا هذا ياحبيبتي ترى صاير موضه الحين يقولون اللي ما يعدد مهو برجال تخيلي الحي عندنا إنتشر فيه هالشئ ولا بالسر يتزوجون ويجيبونها مفاجئه لام العيال الله يلهمك الصبر ويثبتك وقولي ورددي اللهم أجرني في مصيبتي واخلف لي خيرا منها وإن شاء الله راجعه لك وأعطيك من تجربتي مع زوجي نحن بأيام فضيله إدعي إن كان زواجه شر لك فالله يقنعه فيك أبتعدي عن الحماقات فقد يدفعك ثمنها غالي والله الرجال يبيعون أمهاتهم لاجل شهواتهم ورغباتهم الله يصبرك حبيبتي |
عليك بطرق ابواب الرحمن
الدعاء ثم الدعاء ثم الدعاء فرج الله همك |
الله يكون في عونج عزيزتي.....والله ما ادري ليش الريال يفكر بالزواج الثاني والثالث والرابع اذا كان ما في سبب قوي لذلك...
اختي الكريمة....كوني هاديه جدا...لانج اذا عصبتي الحين يمكن يعاند اكثر ....وعليج بالدعاء والله انه افضل حـــل.... والله يحفظــج ويفـــرج همــج عزيــزتي... اختــي.....لمنـــي بشـــوق |
اختي حاولي شوفي ايش ناقصه وسويه له
تقربي منه أكثر جددي حياتك وطريقتك وكلامك معه ادعي ربك كثير والجأي له والله يفرج همك ونصيحة لو عندك أطفال لاتفكرين بالطلاق وتضيعينهم الشكوى لله اصبري |
[[
QUOTE]QUOTE='][ لمني بشوق ][']الله يكون في عونج عزيزتي...[SIZE="5"]..والله ما ادري ليش الريال يفكر بالزواج الثاني والثالث والرابع اذا كان ما في سبب قوي لذلك...[/SIZE] اختــي.....لمنـــي بشـــوق[/QUOTE][/QUOTE] تدرون السبب القوي من وجهة نظري انه الشباب الحين يتكلمون عن بنات هالايام كيف انهم حلوين وما تلقا الشينة ،،،، حتى الشينة من تسنعها بروحها والتعدل صارت احلى من الحلوات يقولون هذي نعمة من رب العالمين كثرة البنات وحلاوتهم ،،،، وبدل الواحد عنده وحده ،،، لا ،، خلوه يستمتع بثنتين او ثلاث ،،، عاد هذا حظ العوانس والمطلقات والارامل ،،، الله يرزقهم ولا ينساهم من فضله ،،، شوفو مصايب قوم عند قوم فوايد ،،، المتزوجات يخافن العوانس والمطلقات ،، وانا والله العظيم ماجبت شي من عندي ،،، هذا وجهة نظر اكثر الشباب اللي اقابلهم ،،، حتى اللي يخافون من حريمهم ،،، اشوفهم يسئلون عن المسيار ،،، يعني اغلب الرياجيل ،، ناااااااااااااوي ،،، بس عاد فرق من يجاهر ويرضي زوجته ،،، ومن يسويها بالسر ويروح مسيار ،،، وبين من يخليها مفاجات وصدمة لزوجته |
لا حول ولا قوة الا بالله انه كل ما اسمع هالسوالف اكره الريايل اكثر واكثر واتاكد 1000%ان ما عندهم احساس
|
المرجو مساعدة الأخت في مشكلتها .. وعدم الخروج عن مسار المشكلة الأصل .. شكرا
|
دامك ببيتك معززه ومكرمه000
تقبليها بصدر رحب 000 لانك لو عاندتي ماراح يفيدك عنادك شي وهو راح يتزوج يتزوج واذا عندك شريكه بزوجك احسن من حملك لقب مطلقه انتي بيني له انك مو راضيه وخليه يسوي اللي هو يبيه والله يكتب لك اللي فيه خير لك |
ليتني اسلى
كاره الرياضيات ][ لمني بشوق ][ شوبارد الشمس الزرقا عيون فتانه النور والحنان متفهم جدا شكرا لمروركم الطيب والرد على مشكلتي انا رايي من راي متفهم جدا بصراحة هذا ال مفروض يصير اتم في بيتي وما دخلني فيه وال بيني وبينه انتهى خلاص ما تم في قلبي له الا الحقد والكراهية الحمد لله على كل حال |
اختي جددي لوك بين فترة والثانية وعليكي بالحركات الي فيها تجديد وكسر للروتين ومدري وش اقولك بس سمعت انه العلاقة الخاصة مهمة جدا وهي تكاد تكون اهم سبب للتفكير باخرى
|
شوفي أختي الغاليه أنا والله أكلمك من واقع تجربتي الشخصيه أنا تزوح علي زوجي وعمري 28وكان لدي طفلتان وحامل المهم تعرفين محتمعنا أصبري ميصبر إلابنات الحمايل ومن هالكلام كأن الصبر والتحمل كتب لنا معشر النساء أمالرجال لو شافوا زله أوتقصير لاليش يصبر الشرع حلله المهم جلست في بيتي ولا حتى زعلت رغم إني لم أعلم بزواجه ألاليلة العرس وبرغم أني تركت الوظيفه علشان أتفرغ لبيته وعياله(الحمد لله رجعت لعملي بعد 5سنوات من زواجه)المهم طار مع الثانيه كعادت كثير من الرجال المهم دخلت المشاكل بيني وبينه ولازالت حياتنا بين مد وجزر ووالله لو رجع الزمان ورى ماكنت جلست عنده لان أولا ماعلى ألأنسان صحته ماوجدت من جلستي ألا القولون ولهم ولغم تحياتي
|
يحرم على المرأة طلب الطلاق من زوجها بغير ما بأس من جهته، ولا داعٍ مقبول يؤدي إلى التفريق بينهما،
لقوله صلى الله عليه وسلم: (أيما امرأة سألت زوجها الطلاق من غير ما بأس فحرام عليها رائحة الجنة). |
شكرا لمروركم الكريم انا بطلب الطلاق من اجل التهديد بس عشان يرجع عن قراره اذا هو خايف اضيع منه اما اذا مش هامه غير نفسه فلا حول ولا قوة الا بالله وان شاء الله يعدل عن قرار الزواج ادعو لي دخيييييلكم دعوة بظهر الغيب ممكن الله يستجيب وافتك من المشكل هذا
|
أختي الغاليه حطيها بالك زين
الرجل لايساوم وان ساومتيه بتكتشفين اللي مايسرك صدقيني اختي حتى على حياته يموت ولا أحد يساومه والخلق الحسن والتدليل والطيب منك يمكن يخليه يعدل عن رأيه ولكن بصراحه أشك مثل ماقلتلك سلفا هذا شيئ لازم يذقونه إعقلي ولاتخلينه بدل ماهو تفكير يصير حقيقه والاستخاره والدعاء والله يصبرك |
الدعاء ثم الدعاء ثم الدعاء
|
ياخواتي لا تكبرون الموضوع الرجل ما عمل جريمه ولا شى حرام لا سامح الله ممكن يكون شى ناقصه وبيعوضه بزواج تاني وهذا من حقه اوحتى ما ناقصه شى. نحن ما نقدر نحكم عليه ما دام شى حلال وبرضى الله سبحانه وتعالى وبعدين ما فى امراه تاكل امراه .......
|
اختي الكريمه اصبري وخلي صبرك بالله يمكن يبغى يشوف ردة فعلك ويمكن مايلاقي في زواجه الثاني اللي لقاه فيك
اصحك تهتمي بفكرت زواجه وتنسي اهتمامك في نفسك ابدي من هلحين اشغلي نفسك بتغير بيتك وغرفة نومك اكثر البسي وتدلعي وغيري من شكل الشعرولونه اخلقي له الجوالرومنسي ولاتفتحي الموضوع معه الله يصبرك واتمنا اخواني واخواتي يفيدونك ولاتنسي الدعاء في اخر الليل الله يهدي بالك ويسخر لك زوجك اللهم امين |
انا اعتقد انها مصيبةى للزوجةى ونقص عقل من الرجال رلانهم بصراحةى ما يتزوج مطلقة ولا عانس لا والله يتزوج عذراء صغيرة كأننا همجيين ولو يخاف الله ويبغى يستر ع البنات يدور ع المطلقة مو بنت هاذي عين فارغة والله يعينك ويهديه
|
الله يهديك حبيبتي
اياك ثم اياك و الطلاق فان ابغض الحلال عند الله الطلاق ان صار طلاق لا سمح الله فانتي بتكونين ضحية و زوجك بيكون سعيد بحياته الجديدة حاولي تناقشي الموضوع معاه اكثر من كذا و ادعي لربي و صلي الاستخارة اكثري من الدعاء و اقري اية * وحيل بينهم و بين ما يشتهون * تراها تنفع كثيييييييييييييييير كل ما تصلي نوافل اقريها مع الفاتح و كثري من الدعاء ربي يوفقك *ميار* أختِ الفاضلة .. المرجو منكِ التأكد من صحة آيات القرآن قبل كتابتها . شكرا |
وجهة نظر:
اذا طلبت الطلاق فرضا وحصلت عليه ستجدين نفسك فى احد الايام زوجة ثانية لرجل آخر! |
خليه يفكر قبل الزواااج ميه مررررره
اختى لاتضاايقين خاطرك اصبري وتكلمي معااه بالزين كل يوم لاتطلبين الطلاق فكري فى اطفالك حراام يدفعون الثمن .... لاتفكرين الا فى مصيرهم... ربي يعييييييييييينك تضييق فيني الدنيا من اسمع زوج يبي يتزوج ع زووجته |
اقتباس:
كلام الأخت فى محله من واقع تجربتى الشخصيه مع زوجتى فأنا أغلب الأحيان أفكر فى الزواج من أخرى والسبب العلاقه الخاصه. |
أنصحك أختي الكريمة يجب أن تكوني أفضل من أول بكثير بعد سماعك هذا الخبر منه
ودعي عنك الطلااااق فلاتهدمي حياتك بنفسك وعندما يتزوج ويرى أن زوجته الأولى أفضل من الثانيه بكثير فلن يقصر في حقك ولكن عندما يجد حياة أخرى مع الزوجه الجديده فصدقيني إن كان ممن لايستطيعون العدل فسوف تلاحضين معاملته تغيرت معاك وتقبل شكرررررررررررررررررررري أخي الحبيب ... أحسنَ الله إليك .. يرجى مراعاة الخطاب مع الجنس الآخر . وشكرا |
نسال الله لك الثبات
|
اختي العزيزة ..
لاتكبرين الموضوع .. وخل عنج الغيرة فكري بتعقل ,هاي حياتج . اولا زوجج قال.. بعده مانفذ فاشتغلي بنفسج ولو كان في تقصير بالعلاقة ا.لعلاقة الخاصة حاولي تهتمين به ولو ماشي تقصير فكري بالتجديد .. لان العلاقة الخاصة مهمة واااااااااااااايد . وبعدين سوي نفسج مب مهتمة بموضوع زواجه واهتمي بنفسج وبيتج وعيالج .. تزيني ولاتبينين ان التزين له اطلعي تونسي اضحكي وحاولي تفرفشين معاه وكان ماصار شي . لان الرجاجيل صنف واحد لاغير .. مهما عطيتيه مايبين في عينه (اكيد في نسبه قليلة شاذه واصيلة) لاتخلين شغلج الشاغل ريلج .. سوي الي عليج وارضيه واعطيه كل حقوقه ..يحيث تكسبين رضا الله ورضا زوجج وبس لاتفكرين في الاشياء الثانية .. انه تزوج ماتزوج تكلم مع بنت حاولي باسلوبج الحلو تكسبينه ترى هالاشيا ماتجي بالتهديد والقوى وادعي من ربج ان ييسر الموضوع ويهونه ويسوي الي فيه الصلاح .. ترى صعب تلقين رجال بهالزمن عنده حرمه وحده بس لي مب متزوج بالحرام والعياذ بالله والي ماعنده ..تلقينه ع النت وصور وغيره وربي يوفقج |
الله يعينك اختي ويوفقك لما فيه الخير بصراحه ما ادري ايش اقولك بس دخلت ادعي لك دعوه من قلب
|
جازاكم الله خير لردودكم
والله صااار كل تفكيري وهمي انه بيتزوج حتى انه قالي يبي يسافر مع ربعه لمدة خمسة ايام قبل العيد خااااااااااااايفة انه يتزوج في هذه الفترة ارجووووووووووكم ادعولي من قلبكم انه الله يسخره لي ولا يتزوج حالتي واااااايد صعبة |
يا ودود يا ودود يا ذا العرش المجيد يا فعالاً لما يريد اسألك بنور وجهك الكريم ان تسخر زوج اختنا فيك(ميرااام) وتهديه
لما فيه الخير لاختنا وتنور طريقها وتنزل على قلبها السكينة والاطمئنان. |
كان الله بعونك والله العظيم كأنك تتكلمين بلساني له أسبوع وكل ماجلسنا مع بعض فتح هالموضوع أبي اتزوج انا متزوج الحين ولا بعد كم سنه بس وافقي اتزوج هالفتره مع إنى مابعد تميت حتى الان السنتين معه ولى ولد منه الله يخليه والحين حامل بالشهر السابع والله مليت من هالموضوع لازم كل ماجيت انام اتنكد منه من هالموضوع مع إنى ماقصرت بأى شيء سألته أنا قصرت بشي يقول بالعكس نفسي اشوف فيك لو عيب واحد حتى اخذه حجه بس مالقيت جد كرهت حياتى كل ماشفته تخيلته متزوج بس بالسر ماادري بديت اشك بكل شي
|
عليكي بالدمووووووووووووووووووووووووووووع فقد تنفع
|
يا ودود يا ودود يا ذا العرش المجيد يا فعالاً لما يريد اسألك بنور وجهك الكريم ان تسخر زوج اختنا فيك(ميرااام) وتهديه
لما فيه الخير لاختنا وتنور طريقها وتنزل على قلبها السكينة والاطمئنان |
الله يصبر كل زوجه لا حول لها ولا قوه في زوجها
|
تسلمون يا الغاليات على دعائكم لي والله حاسة نفسي بموووووووووووت الله يلهمني الصبر زوجي من النوع الي اذا حط شيء براسه يسويه يسويه الله يعيني عليه
|
الحمدلله على نعمه العقل ..
رجال هالايام موب صاحين ابد |
اقتباس:
|
تعبت تعبت تعبت ومالي حد اشكي له غيركم بكرة زوجي بيسافر بيقول انه شغل وانا متاكدة انه بيتزوج حتى قلت له احلف قال لا بموووووووووووووووووووووت بمووووووت ليش الرجال قلوبهم قاااسية ليييييييش؟؟؟؟؟؟؟
|
انه اعرف احد اسباب زواج الرجل توسع المهبل عند الزوجه والزوج مايتلذذ الا بضيق المهبل سوى عمليه واحكيله انه عندك موعد عملية تضييق المهبل ربما تنقدين حياتك صدقينى الجنس كل شى عند الرجال فلا تتهاونينبيه حاولى وعليك بالدعاء فى ليلة القدر والصلاه بسورة البقره لا تستسلمين لان الموضوع صعب مو بسهل مهما سهله بكلامه وكلهم يقولون وماينفدون مجرد احلام
|
لا حول و لا قوة إلا بالله فعلاً دي بقت موضة
|
اه على حزنى
يالى مأمنة للرجال يا مأمنة للمية فى الغربال وانتى تستاهلى 0 ليش ماقصصتى ريشة 0 علشان مايطير منك شد حيلك ولمى لة ياخيبة علشان تيجى تأخذة الغايبة |
| الساعة الآن 11:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©