|
اريد ان اتزوج مطلقة
بدخل بالموضوع مباشرة
وارجوكم شيروا علي بالي تشوفوه صح ،،، لاني فعلا محتاج نصيحتكم ولد خالتي متزوج من سنه ،،، وفيه وحده تقرب لزوجته ،،، مطلقه عمرها 28 ومعها ولد وعند اهلها ويقولون هي الكل في الكل ،،، يعني كفو ،، قايمة بالبيت واهلها واخوانها ،، وحلوه وبنوته وشكل جسمها شكل بنتوته وقاصه شعرها للكتف ،، ومتعلمه عالي ،،، وسبب طلاقها زوجها محترم بس اتعرف على شلة وضاع ،، وهي طلبة منه الطلاق ،،، طبعا هي تقول انها فالبداية تبي تقيم مع اهلها عشان عملها ،،، وصراحة ابيها تترك شغلها وتجي عندي لانها في مدينة غير المدينة اللي انا فيها بينا مسافة ساعة بالسيارة اذا بتقولوا عشان ولدها ،، فانا قايل للوسيط بانه ولدها ولدي والي يريحها بسويه لانها اذا ارتاحت بتريحني وهذا هو العقل والمنطق ؟؟ 1ــ مدة شهر العسل معاها كم ؟؟؟؟؟؟؟؟؟؟ هل هي مثل البكر شهر كامل او كم لاني فعلا ماعندي خلفية ؟؟؟ 2ـ ممكن الجماع من اول ليلة ؟؟؟ خصوصا انها ام لولد وماعندها مشكلة ؟؟ بلييييزز ساعدوني والله ماعندي خلفية ولا علم عن هالامور |
السلام عليك ورحمة الله وبركاته :
أخي الشمس الزرقا بالنسبة أنها تكون عندك ـ هذا الأمر ما أستطيع أن أقول فيه شيء لأنك تستطيع أن تتفاهم معها أو مع أهلها وترون الأنسب في ذلك ـــ أما شهر العسل إعتاد الناس على هذا المسمى واعتادوا على أنه شهر وهذا غير صحيح والأصل أن تكون حياتكم كلها شهور عسل وليس شهر ولكن كذلك من حقها أنك تجعلها تستمتع بشهر العسل سواء زاد عن الشهر شهرين مثلاً أول قل ليس شرطاً شهر أما بالنسبة للجماع أنا في نظري ممكن من أول ليلة خصوصاً أن سبق لها الزواج ولكن إعرف من أين تؤكل الكتف ــ بمعنى لاطفها قبلها لاعبها بفترة كافية حتى ترتاح معها وترتاح معك |
اخوي انت متزوج والا لا ؟
|
ولكن يا أخي لماذا تريد الزواج على زوجتك هل قصرت في حقك بشيء؟؟ وهل هناك أمور وجدتها في المطلقه غير موجوده لدى زوجتك؟؟ وإن كان كذلك هل حاولت أو بالأصح طلبت من زوجتك أن تكمل النواقص التي تبحث عنها ؟؟
وفي النهاية إن أصريت على أمر الزواج فأنا لا أجد أي مشكله من المجامعه من أول ليله وليس بشرط أن يكون شهر عسل كامل فالعديد من العرسان الجدد لا يلتزمون بهذه الفترة واحرص يا أخي على العدل فالعدل ثم العــــــــــدل فهذا أمر ليس بهين |
أحب أن أضيف إذا كانت هذه الزوجة الثانية نصيحتي لك أن تضع بين عينيك العدل في كل صغيرة وكبيرة
العدل في كل صغيرة وكبيرة العدل في كل صغيرة وكبيرة العدل في كل صغيرة وكبيرة العدل في كل صغيرة وكبيرة العدل في كل صغيرة وكبيرة العدل في كل صغيرة وكبيرة العدل في كل صغيرة وكبيرة |
أخي الكريم
إذا إنت متزوج ليش بدك تتزوج على زوجتك !!! هل صدرمنها تقصير أو شئ أخي نصيحه من أخت مجربه التعدد لاعلى تقدم على هالشئ إلابعد الإستخاره وبعد الدعاء والتفكيرالعميق في الموضوع ومن كل الجوانب ولاتقدم عليه إلاوإنت متأكد إنك محتاج للزواج التاني ورجاءاً لاتفكربس في دحين بل فكرحتى في المستقبل |
مشكورين حبايبي الله يعطيكم العافية
فعلا كلامكم صحيح اما بالنسبة لزوجتي فهي والله غالية عليه وحبيبتي ،،، حتى اهلها ناس محترمين بجد وخاصة امها ،،، والامور هذي مافيها اي مشكلة ،،،، بش شوية امور حاولت مع زوجتي الله يهديها انها تزبط ،، وماهي قادرة (لاحظو مش قادره يعني مش رافضة) لانها بطبعها ماقد قالت لي لا ،،، لكن شفت قدراتها تجي عند حد معين وتوقف ،،، ماهي قادرة تزود ،،،، اما بالنسبة للعدل فإن شاء الله الواحد ماراح يتعمد انه يميل مع وحده على الثانية لانه هذي الشي حرررررررام (ياربي سترك الواحد قاعدين نسوي خير فالناس نجي على اهلنا ونتعمد اهانتهم ولا نكسب اثم فيهم ولا نضحك الناس عليهم بمعاملتنا معهم ) (اعوذبالله الله لايقوله) صحيح الزوجات ماراح يكونو مثل بعض فالمعاملة وكل وحده تحاول تكسب زوجها والشي هذا بياثر فالزوج وفي محبتهم لهم لكن اذا وصل حد ان الزوج على اساس تعامل زوجاته معه بيفرق بينهم فهذا اشوف انه اصلا مايستاهل ياخذ حتى لو زوجه وحده اما بالنسبة لزوجتي فهي عارفة وبتستغربون اذا قلتلكم انها موافقة اخذ زوجه ثانية ،،، صحيح من جواها يمكن ماتكون راضية وهذا احسه بعض الاحيان ،،، لكن والحمدالله (اهي واثقة كثير من ناحيتي باني الحب والتقدير الحين ماراح يتغير مهما صار حتى بعد الزواج ،،،، هذا اللي مخليهم توافقلي خصوصا انها عارفة الامور اللي قلتكلم عنها فيها ،،،، اخيرا الله يعطيكم العافية ويعظم لكم الاجر في ردكم عليه وهذا والله متوقعه منكم لان هذا هي فعلا الاخوه اللي بيننا في هذا المنتدى ،،، الكل منا يحاول يساعد اي عضو محتاج ،،،، واحب اعتذر عن بعض الردود اللي يمكن ماتعجب بعض الاعضاء او عن الصراحه الزايدة اللي قاعد اقولها معاكم لكن دائما احب الشخص يكون على طبيعته الحقيقة ،،، ويكون مبداءه النفع ،،، للتوضيح رعاكَ الله أخي الحبيب ... كلمة ( إن شاء الله ) تكتب على هذا النحو .. سلم الله يداك .. شكرا |
ماأقول غيرالله يوفقك أخي الكريم
ويكون بمعلوماتك انا صرت من أنصارالتعدد راح تستغرب لكن هي دي الحقيقه صح بالأول زعلت كتيروأتضايقت وبكيت لكن والله بعد الإستغفاروالدعاء أصبحت أقرب لله والحمدلله اليوم اللى مايكون زوجي عندي أصوم زي مابدي وحتى قيام الليل اللى كنت أتكاسل عنه بسبب وجود زوجي عندي دحين لوماهو موجود أصلي ولاأزكي نفسي على الله وزوجي إنسان بيعدل بيننا وبيخاف الله فأنصحك أخي بتقوى وأتحمل من زوجتك اللى يجيك ولكن بالصبروكترة الإستغفاركل شئ يصيرتمام الله يوفقك ويسعدك للمعلوميه زوجي متزوج علي من تسعه شهورفقط وزوجته حامل والحمدلله وأنا مبسوطه معه يوم يكون عندي هو زوجي يوم يطلع من عندي ماأسأل فيه أتركه لحاله تحيتي لك |
المشكلة حاقرها تقول شهر العسل مثل البكر ولالا؟؟ اخوي في النهاية هذي عروس وحياة جديدة
ياعمري يازوجتك الله يصبرها ويعينها لاتلعب على نفسك مافيه شي اسمه اهي واثقة كثير من ناحيتي باني الحب والتقدير الحين ماراح يتغير مهما صار حتى بعد الزواج ،،،، يمكن الزوجة الثانية تكسبك أكثر وتتغير بدون ماتحس على زوجتك الأولى مادري شقول بس ترى اذا زوجتك منقصة بشي خارج عن ارداتها ثق تماما انه حتى انت ناقص بشي مافيه احد كامل الله يكتب لك الخير |
اقتباس:
هذا هو العقل والتعامل الصح اسئل الله يزيدك سعة صدر ويسر امرك ويسخرلك زوجك ويحننه زيادة عليك وتاكدي انك عنده تسوين عيونه بهالتصرف الحكيم |
[
اقتباس:
ماني مصدق هذا كلامك ياشوبارد هذا وانتي جامعية // ومربية اجيااااااااال الاخت المطلقة ماني حاقرها انا اجهل عالمها ووضعها اللي هي فيه وعشان كذا انا اسئل والاخوان ماقصرو دلوني وزيادة بالرغم ان واقع شهر العسل معها احسن من شهر العسل مع البكر (هذي خبرة وفهامه) البكر يومين وتقول خلنا نرجع ماني متعودة ابتعد عن اهلي ،،، ابي امي ،،،، ولعلمك كثير من الازواج يفضلون المطلقة على البكر خاصة في الزواج الثاني ،،، مافيه شي اسمه الزوجه الثانية تكسبك وتتغير ،، الاولى مصروفها بالشهر (1500) والثانية مثلها بالضبط والاولى لها ليلة وفيها جماع على حسب وضعها الصحي والعوارض اللي تجيها والثانية مثلها بالضبط ،،، عيالك طبعا لهم مصروف خاص فيهم من ملابس وفسحة مدرسة وطلعات اخر الاسبوع ،، يعني غير مصاريف امهاتهم والرجال اذا صار عند وحده مايجيب طاري الثانية عندها ابدا واذا حصل ذكر المحاسن فقط وفي حدود ضيقه الواحد يشوف ويعرف اوضاع بيته الاول والثاني وكيف تعامل زوجته معه اول وتالي ،،،، هذا من غير كلام الناس اللي حواليه ،، اللي نص كلامهم صح ونصه غلط فلازم الرجال يتمعن ويميز ،، وتراها سهله على الرجال لانه يتعامل بعينه وعقله ،، بعدين دائما اشوفك متحاملة على التعدد ،، (هذا شرع ربك ولا تعترضين على رزقه بالزواج بين الخلق) الظاهر لانك تشوفين نماذج تعبانه وما عندهم عدل ،،، هذا غير طبيعة الحرمه ماتبي شريك في الرجال ،،، وكل هذا انا مقدره وعاذرك ،، بعدين مجتمعنا فيه نماذج يقتدى بها صالحة في التعدد عندك قصة روعه اقريها وشوفي بنت مثلك كيف تجربتها في التعدد |
صحيح ياالشمس انا بعد مستغرب من رد الاخت شو بارد ,,
وانا معك في الكلام اللي قلته .. موفق اخوي وتوكل على الله الله يوفقكم ويسعدكم والله الله بالعدل والحب للثنتين وحاول تقربهم لبعض وتحببهم لبعض لو بالمجاملات .. عشان انت ترتاح وهم يرتاحون بعد الله يوفقك ولاتنسانا من الدعاء والزوجه الصالحه الجميله .. اخوك - مشاعر |
ينقل إلى عالم المقبلين على الزواج .. مكانه الأنسب .. مع خالص دعواتي لك أخي الغالي بالتوفيق والسعادة إن شاء الله .. احترامي ؛؛ |
الله يوفقك يااخي
رد الاخت شوبارد بالعكس مافيه اي شي .. لانه من اللي نسمع ان الزوج يتغير على زوجته الاولى ترا شوبارد قصدت انك بتتغير حتى لو تغير طفيف ..سوا للأسوء او للأحسن الله العالم يعني حاول تضبط مشاعرك وتنبه على نفسك وتسأل نفسك دايم هل تغيرت على زوجتي الاولى او حتى الثانيه بعد فتره ؟؟ واذا على سؤالك عن شهر العسل يمكن تاخذ اكثر من زوجتك الاولى .. مو يعني مطلقه تتنقص واقول مره ثانيه الله يوفقك ويسعدك .. بصراحه نعم الرجال اللي يشاور حرمته انه بيتزوج مره ثانيه... |
اخوي الثيب مالها غير ثلاث ايام ( عسل ) بالشرع بعدها تبدأ العدل بالمبيت
|
اقتباس:
دخــلت لأقــول لك ما قــالـــه أخــي كــاره الرياضيات ولكنه سبقنــي اليه بارك الله فيه عليك أن تنتبــه لهذه النقطــة .... لا يوجد شئ اسمه شهـــر عسل لدى الثيب في حالة أنك معدد سبعــة أيام ان كانت بكــرا وثلاثــة ايام للثيب ... هكذا حفظ الاسلام الحقوق ( حقوق الزوجة الاولى ) فحياتك لا تخصك ... وانما انت رجل مشترك فيما بين أمرأتين ... وعليك أن تخبــر الفتاة التي ستتقدم اليها بهذا الامـــر فقد تكون جاهلــة به كما رأينا ان معظــم الاخوة الاعضاء والعضوات لا يعرفونه .... وتستاء منك أن قررت تطبيق الشرع في هذا الامـــر هذا والله أعلم ... انصحك بسؤال أهل العلم والفتيــة .................................................. ............................ أتــابع أخي الكريم ردودك وأقــرأ لك كثيرا ومنذ فترة وأنا اعلم انك تود التعدد .. وكان ذلك يثيرني وخاصة انك تمدح زوجتك ويصيبني ذلك بكل انواع الدهشة والغضب والحيرة ( خليط متضارب ) !!!! ويبدو انك وضحت في هذه المشاركة ان السبب قد يعود الى جملة ذكرتها في مشاركتك الاخيرة [والاولى لها ليلة وفيها جماع على حسب وضعها الصحي والعوارض اللي تجيها " ] فهل فهمـــي صحيح ؟ ,,,,,, أعذرني على التطفل ولكنها غاية في نفسي أود لو تجيبني على استفساري ؟ ولك جزيل الشكر . . . اسماء |
انا مع الاخت شوبارد ولست ضد ماشرع الله لكن شكلك واثق من نفسك زياده اسمحلي اخوي لكن مافي انسان كامل لهذه الدرجه ومثل لزوجتك عيوب لك ايضا عيوبك وفي هذه الحاله هي ايش تسوي
|
الله يكتب لك الخير ويعينك علي العدل....
بس حسب الشرع البكر أسبوع والثيب ثلاثة أيام..مهوب حقران... بس بعد هو أبو عيال وشلون يخليهم فترة طويلة... وبالنسبة للفرق بين البكر والثيب... لأن الثيب عارفة وشي السالفة مي زي البكر محتاجة تمهيد! |
ماني مصدق هذا كلامك ياشوبارد هذا وانتي جامعية // ومربية اجيااااااااال
الاخت المطلقة ماني حاقرها انا اجهل عالمها ووضعها اللي هي فيه وعشان كذا انا اسئل والاخوان ماقصرو دلوني وزيادة بالرغم ان واقع شهر العسل معها احسن من شهر العسل مع البكر (هذي خبرة وفهامه) البكر يومين وتقول خلنا نرجع ماني متعودة ابتعد عن اهلي ،،، ابي امي ،،،، ولعلمك كثير من الازواج يفضلون المطلقة على البكر خاصة في الزواج الثاني ،،، مافيه شي اسمه الزوجه الثانية تكسبك وتتغير ،، الاولى مصروفها بالشهر (1500) والثانية مثلها بالضبط والاولى لها ليلة وفيها جماع على حسب وضعها الصحي والعوارض اللي تجيها والثانية مثلها بالضبط ،،، عيالك طبعا لهم مصروف خاص فيهم من ملابس وفسحة مدرسة وطلعات اخر الاسبوع ،، يعني غير مصاريف امهاتهم والرجال اذا صار عند وحده مايجيب طاري الثانية عندها ابدا واذا حصل ذكر المحاسن فقط وفي حدود ضيقه الواحد يشوف ويعرف اوضاع بيته الاول والثاني وكيف تعامل زوجته معه اول وتالي ،،،، هذا من غير كلام الناس اللي حواليه ،، اللي نص كلامهم صح ونصه غلط فلازم الرجال يتمعن ويميز ،، وتراها سهله على الرجال لانه يتعامل بعينه وعقله ،، بعدين دائما اشوفك متحاملة على التعدد ،، (هذا شرع ربك ولا تعترضين على رزقه بالزواج بين الخلق) الظاهر لانك تشوفين نماذج تعبانه وما عندهم عدل ،،، هذا غير طبيعة الحرمه ماتبي شريك في الرجال ،،، وكل هذا انا مقدره وعاذرك ،، بعدين مجتمعنا فيه نماذج يقتدى بها صالحة في التعدد عندك قصة روعه اقريها وشوفي بنت مثلك كيف تجربتها في التعدد[/e] أخوي الله يسامحك انا ماعترض على شرع ربي أبد الحين اذا قالو لك زوجتك بتسوق سيارة << ماهو حرام لكن كعادات وتقاليد مرفوض لكن فرضا لو سمحو بسياقة الحريم اكيد بترفض << وانت عارف انه حلال هل تعترض على ماأحل الله؟ لو بنتك قالت بشتغل في مستشفى وهو حلال اذا كانت متسترة وانت والله رفضت هل معنى كلامك ان اعترضت على ماأحل الله هذا قصدي ياأخوي .. أتمنى تكون فاهمني صح والحمدالله أنا فاهمة وواعية ومدركة جداا مع اني ماودي امدح نفسي لكن البنات قدرات فيه من تتحمل وفيه من لاتتحمل أبداااااااا وانا رديت حسب تفكيري وتحملي لهذا الموقف فقط لاغير ولاقلتلك ليه وحرام عليك ومن هالكلام انا مجرد محاولة اقناعك بأن تفكر قبل ماتتقدم لهذه الخطوة وانت حر عسى الله يوفقك |
[
اقتباس:
الله يجزاك خير انشاءالله وعقبال عندك وكلامك في محله لازم الواحد يحببهم ببعض عشان يرتاحون مع بعض وانت ترتاح والله يرزقك الزوجه اللي ببالك وتراني بعزمك انشاءالله |
[Q
اقتباس:
الله يسعدك دنيا واخرك ومشكور على النقل |
[quote
اقتباس:
مافي شك المتزوج ثنتين بيحصل عنده تغير واذا كان مخطط زين اكيد للاحسن لكن المهم انه مايبين عليه قدام وحده منهم ،،، وانه مايل مع وحده والثانية راحت فيها ،،،، هذا بعينه النقص في تركيبة الشخص ،،،، اشوفه من حق كل زوجه تصير عندها تحسسها وتعيشها انها هي الملكة حقتك وفي نفس الوقت ماتتعرض لشخصية الثانية باي سو قدامها ،،، ولا تفتح مجال للتنافس بينهم ،،، لان التنافس بينهم يولد الحقد ويروح العدل |
اقتباس:
ومشكور على المرور وتراني من اشتركت بهالمنتدى والله متابع لكتاباتك ومعجب فيها كثير والله لايحرمك الاجر وانشاءالله يارب تسويها وتعزمنا على العرس اسأل الله لك التوفيق وفك الكرب عنك |
[QUOTE=(اسماء)][COLOR="Purple"][CENTER]
اقتباس:
واما المدح والله ماقلت الا الصدق ومقصر في مدحها خاصة مع اهلي واخواني والله انها مريضة بعض الاحيان وتخدمهم ايام ماكانو ساكنين معاي واقسم بالله ماعمرها اشتكت ولا قالت لا ومع امي انها احسن لها من بناتها وش اقول واقول مع في وصف حقها ام فيصل الله يوفقني بس واقعد بصحتي واعطيها اللي تبي انسانه مالها مثيل بالمرررره جمايلها مغرقتني من الراس للرجل والحين انا وياها بروحنا بيت لحالها وحرام ان الواحد عشان يبي يعدد يروح يدور على عذر ويسب المسكينة الزوجه الاولى ويكذب ويطلع عيوب الارض فيها حرررررام قصدت العوارض للاولى والثانية مثل الدورة يعني اسبوع هذي عندها دوره والثانية ماعندها اكيد الواحد بيوجب مع اللي ماعندها وهذيك بتنتظر الين الطهر ،،،طبعا المبيت ماله دخل في العذر الشرعي ، ثم الشي مع الثانية لما تجيها العوارض بيوجب مع الاولى وهلما جرى وبالعكس انتي اخت وعزيزه وعساني اكون وضحت والله يوفقك يارب |
[
اقتباس:
اولا انا ماقلت في زوجتي عيوب لانها الحمدالله انسانه محترمه وطيوبه انا قلت للشخص قدرات معينه يوصلها ويوقف وهذا اللي قصدته اما الثقة الزايدة في النفس 1ـ لاني دايما اعمل الصح بعض النظر عن وجهت نظر الناس في او ردهم علي . 2ـ اذا اخطيت اعتذر سواء من صغير او كبير او رجال او حرمه ماعندي مشكله ولا اكابر بالعكس احس بالذنب واستفيد من الخطاء ولا اكرره 3ـ اذا شخص قدامي احسن العمل اقوله تراك احسنت وبارك الله فيك ،، من حقه انك تمدحه على تصرفه 4ـ دايم اراجع نفسي وكلامي وتصرفاتي مع الناس والصح استمر فيه والخطاء احاول ما اكرر (تقويم النفس) (واخيرا (كل ابن ادم خطاؤون وخير الخطاؤن التوابون) من يطبق هذا الكلام صدقيني بينجح وتقوى ثقته بنفسه |
عندي شغل وشوي برجع وكمل الردود
|
[
اقتباس:
اللهم امين ولا يحرمك اجر دعوتك ومشكورة على الرد |
اول مره اسمع عن الثيب لها 3 ايام والبكر اسبوع ... يمكن مر عليا لكن ماركزت فيه
طيب واللي متزوج مطلقه وماعندها شريكه بزوجها كيف بيكون وضعها ... اقصد بشهر العسل ؟؟ معليه اعذرني لكن ابغى افهم |
[
اقتباس:
المقصود بهذا التقسيمة 3 ايام واسبوع للرجل المتزوج زوجتين يعني لما عندي زوجه واخذ وحده ثانية ثيب انام مع الثانية ثلاثة ايام متواصلة من ليلة الدخلة بدون ما انام مع الاولى بعد رابع يوم ابدا انام ليلة عند الاولى وليلة عند الثانية ،،، يعني تبدا القسمة فالنوم بين الزوجتين بعد رابع يوم ونفس الشي لما الواحد يتزوج زوجه ثانية بكر ينام معها من ليلة الدخلة اسبوع كامل بدون مايقسم في النوم مع الاولى بعد ثامن يوم يبدا يقسم النوم بين الثنتين يعني يبدا ليلة عند هذي وبكره عند الثانية اما الي ماعندها شريكة بزوجها فكل الليالي لها سواء كانت بكر ولا ثيب لانه مافي زوجه ثانية تبغا قسمة فالنوم معاها الزوج كله لزوجته واما اذ كان قصدك مدة شهر العسل فهم احرار حسب ضروفهم بياخذون الشهر تمشية واناسه ،، ولا بياخذون اسبوع هذا الشي عايد لهم وهذي المدة للثيب والبكر سواء مافيها شي المدة حسب ظروفهم وحسب الميزانية |
الله يجزاك خير على التوضيح اخي
|
[
اقتباس:
تراني الحين خاطب عن طريق الحريم ،، يعني لسا ماكلمت اهلها رسمي ،، وممكن توافق وممكن لا بعدين لعلمك تراني من اللي دائما يقول لاصحابه اذا امكانيات زوجتك مكفيتك فخلك لها ،، هذا من حقها انها تستمع بيك ،،، وانك تصير لها لحالها اما اذا كان الامكانيات اقل ،، فبدون لف ودوران عدد ،،، بس مع حفظ الحقوق للاولى (صارت طباعة ونشر هاهاها) ياربي ياكريم في ساعة هالفجر انه يزوجك الزوج اللي ترضين فيه ويكون لك لوحدك |
اقتباس:
والله يسامحكم ياالرجال من يتزوج الواحد زوجته وهو يقولها بتزوج بتزوج كأنهم مايعرفون من الشرع الا التعدد لا واذا اجتمعوا الرجال تلاقي كل واحد يمدح له فلانة وعلانة والي متزوج ثنتين يقول عددوا .. ماقول غير الله يصبر زوجتك ياعمري عليها تلاقيها تفكر ليل نهار .. اسأل الله ان يهديك ويردك لها رداً جميلاً وتشوف الي تتمناه فيها دون غيرها من النساء ... الي بيتزوج زوجة ثانية (مالها شهر عسل ) تختلف اذا هي بكر او ثيب ان كانت بكر فلها اسبوع .. وان كانت ثيب لها ثلاث ايام .. ولا تخلي الشيطان يلعب بك من البداية .. طبيعي الرجال يكونون مؤيدين للفكرة لأنها لهم ... الله يعينا يالحريم من عنده .. |
اقتباس:
يا اخت رهوفه لهم ؟!! ممكن بس الرجال الي يخااف الله شوفي كيف يشيل هم العدل والي ما يشيل هم العدل وما يخاف الله فهذه بيتمتع في الدنيا والله بحاسبه في الاخره زي لو قلنا لواحد كن ملكاً علينا الملك مسؤليه كبيره جدا وقد تحاسب على اصغر الاخطاء في دولته لكن يروها البعض انها المال والعز والشرف والامر والنهي |
الله يسهل أمرك أخوي ويعينك
وصحيح كلامك المطلقة أفهم وأعقل بس هاه الله الله بأم فيصل والثيب لها ثلاث أيام ثم تبدأ بالمبيت ليلة وليلة والله يوفقك ويكون بعون أم فيصل>>> ترى دايم يقول زوجي أنتي شايلة هموم الدنيا على رأسك |
الله يوفقك أخوي وييسر لك أمورك
خصوصاً أني ألاحظ فهمك وتخطيطك لما سوف تُقدم عليه والشيء اللي عجبني أنك فاتحت أم فيصل بموضوع زواجك وخليتها بالصورة وهذا بحد ذاته بقلل من المشاكل .. الله يبعدها عنكم وإن شاء الله يكونون لك عون في دينك ودنياك وبشرنا بالأخبار الحلوة |
اناعمري 27 سنة وغير متزوج من قبل وتزوجت مطلقة وعمرها 28 سنة والله الذي لا اله الا هو انني مرتاح من جميع النواحي ولا يوجد اي فرق من ناحية العمر لان الشخص الذي يوفق في بنت الحلال لن يحس ولن يهتم بفارق العمر ونتمنى التوفيق للجميع ((للمعلومية ))
|
[
اقتباس:
الله يوفقك يارب ويسعدك معها ومشكور على المرور ،،،،، وهذا شهادة منك اعتز فيها |
[
اقتباس:
الله يوفقك يارب ولا يحرمك اجر دعوتك بعدين لما الزوج هو اول من يعلم زوجته وياخذ بيدها ويداريها ويطيب خاطرها ،، ويكبر قدرها عنده ويستسمحها صدقيني ماراح ترفضله طلب ،،، ويهديها هدايا حلوه ،،، وهذا بالضبط اللي حصل معي |
[
اقتباس:
[/quote] علشان انتي معجبته وفاهم نفسيتك زين اهو حاس بالي انتي فيه ويبي يطيب خاطرك الله يخليه لك ،، ويخليك له ويجمع بينكم بخير ياااااااااااارب |
[
اقتباس:
اول عونة الله لكم يالحريم انا يالرجال نحبكم وندور عليكم ونتزوجكم ،،، لكن اذا انتو يالحريم ماتحبون تتشاركون مع بعض في زوج ،،، فالله يهديكم ،،، ترا كثرة اللمة والجمعة ممتازه بعدين الاولى دائما غالية ومحبوبة وهي ام العيال ،،، والثانية برضه زوجه وحبيبة والله يرزقها بالذرية ،،، ومع مرور الوقت والعدل بينهم بيصيروا خوات |
| الساعة الآن 11:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©