|
هل تحب المرأة الذي يكثر الجلوس في البيت ؟؟
|
أخوووي أنا أفضل أن يكون عندي في البيت
ولا أن يخرج ولو ربع ساعة هنا اكون سعيده |
بالبدايه احب اقول اني انا (( بيتوتيه)) يعني ما احب اطلع كثير
و عشان كذا انا افضل ان زوجي يجلس معاي انا وعيالي بالبيت واذا جا يطلع قال شرايكم نطلع نغير جو ((طبعا هذا يصير في الاحلام )) اما اذا بيجلس معاي بالبيت وينكد علي فالله يستر عليه يطلع احسن و انا اجلس مع عيالي و بيتي |
مع اني مو متزوجه
بس افضل ان الريال يكون عنده شي يقضي وقته فيه ، اهتمامات غير الشغل سواء اذا يخصص يوم لربعه، او نادي صحي او اي شي ثاني مو على طول بالبيت ولا دوم مع ربعه وخارج البيت يعني يحاول ينسق بين الاوقات اللي يقضيهم برا واللي يقضيهم معاي لاني بصراحه ما اتحمل الريال اللي يقعد مجابلني 24 ساعه ولا راح ارتاح اذا طلع ولا قمت احصله الا بالليل يعني ابيه يطلع شوي عشان الحق اشتاق له شلون باشتاق اذا جابلني طول الوقت؟؟ |
اذا طلعنا من البيت تأففتم
تقول الوحده ياكثر خرجاتك وتخليني لوحدي ؟ واذا جلسنا قلتم طفشششششششششششش وش انتم مايعجبكم العجب :( |
السلام عليكم و الله أخي حيرونا النساء إذا كنت في الخارج قالوا انه نسينا و لا يريد الجلوس معنا و اذا كنت معهم قالوا لماذا دائمنا في البيت
|
أفضل شي
( لا إفراط ولا تفريط ) الرجل مايجابل الزوجه 24 ساعه راح يصير فيه ملل وفتور يجلس بالبيت ويطلع ويروح ويرجع .. عادي بس مايكون على حساب زوجته وديروبالكم شباب لاتجابلون الزوجه 24 ساعه لأن بالنهاية بتطردكم :) والله يرزقكم الزوجات الحنونات اللي يتمنونكم معاهم طول العمر |
اي احسن يقعد في البيت بس يخصص يوم في الاسبوع حق ربعه ديوانيه اي شي وانا ارتاح منه شوي ونشتاق حق بعض
مشكووور على الموضوع |
|
شخصيا لااحبذ وجود الزوج كثير في البيت لانه لي اهتماماتي الخاصة واحب ممارسة هواياتي وعملي وزيارة صديقاتي واقاربي وعنايتي بنفسي وتثقيف نفسي وهو كذلك ياريت لو يكون له اصدقاء صالحين مثقفين متفتحين على العالم وله هواياته الخاصة واعماله وطبعا لا يمنع تنظيم حياتنا والتنويع والتجديد في الحياة اليومية
وفي النهاية خير الامور اوسطها |
بالنسبه لي لا افضل وجود الرجل فتره طويله في البيت
علشان احس بالشوق والحنين له ويسلمو على الموضوع |
لو بيدي
بكل صراحة قفلت الباب ورميت المفتاح وما خليته يطلع |
اقتباس:
احس كل انسان يحب يكون لوحده اوقات .. بس ما يزودها ... عشان ما يحس الطرف الاخر بالاهمال والمهم انه لما يكون مع الطرف الاخر ما يحسسه انه طفشان او متملل او انه جالس يؤدي واجب :22: يعطيك العافية اخي واح متفائل على الموضوع الحلو:d :d |
حلو ان الزوج والزوجة ينظمون وقتهم
سواء يجلسون مع بعض او يطلعون مع بعض واحنا نحتاج لاوقات نكون بعيدين عن بعض شوي بس مو كثير علشان نشتاق لبعض وتحياااااتي |
أفضل شي
( لا إفراط ولا تفريط ) |
يشتكي كثير من الزوجات من كثرة خروج إزاجهم واهمالهم بيوتهم
ولو تشوفون الاستراحات والمقاهي والدكات لعذرتم النساء والبيت في الوقت الحال احوج ما يكون لبقاء رب الاسرة فيهم حتى يعرف يربيهم زين يسلموووو على الموضوع يا واحد متفائل |
يا اخي انا ما اقول انه المرأه تحب زوجها يطلع من البيت
انا ما احب زوجي يسهر ويروح استراحات لكن ابغى اقولك شي طبيعة الرجل زي اللاستيك لابد ان يبتعد عن زوجته قليلا ويعود اليها متلهفا مره اخرى لكن تكون طلعاته في حدود المعقول وابتعاده عن زوجته يكون من فتره لفتره لانه هذا امر طبيعي عندكم اذا حاسبت المرأه زوجها على ابتعاده وعاقبته على ذلك فقد لايعاود الابتعاد عنها مجددا لكن هي بدورها تكون قد كسرت دورة الحب الطبيعيه لديه تحياتي يارب اكون افدتك |
انا اقول لا إفراط ولا تفريط
فيه اوقات مثل الغسيل والطبخ المفروض يكون خارج البيت عشان مايمل وهو جالس الحاله لكن الاوقات الثانيه عادي بالعكس بكون مبسوطه لما يكون عندي ويحسسني بحبه واهتمامه والله يعين الجميع يارب |
خير الأمور الوسط ..
أنا طليقي من ثاني ليلة من زواجنا كاشت مع ربعه بالبر.. قولوا الله لا يبلانا .. :) |
| الساعة الآن 09:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©