|
خيانة زوجي+عشيقته+زوجته الثانيه+حيرتي=جنووووووون لامحاله
االسلام عليكم ورحمته وبركاته
أخوتي في منتدانا الرائع أشيرو علي التمست فيكم الخير أنا متابعه دائم مشاركتي قليله بحكم ظروفي أحترت من زوجي وأنا أمام خيارين ولازم أختار وأحدد موقفي أطرح لكم مشكلتي لعلي أجد مايرحني أمامي مهله يومين وقراري مصيري مشكلتي بأختصار أنا متزوجه قريب لي من أربع سنوات وحيدة أهلي(مشكله)حالتهم الماديه ممتازه 000000 اي قرار بيصدر مني هم معي زوجي بالنسبه له كنت حلم أمنيه له سعى بكل الطرق لكسب ودي ورضاي وتزوجنا حياتنا في البدايه ممتازه كنا عاشقين بعض الكل يحسدنا وصرنا حديث المجالس مثل مايقولون 000للأسف زوجي قبل الزواج كان راعي بنات بعد زواجي بشهور رجعت حليمه لعادتها القديمه وذا طبع فيه 00طبعا أكتشفت خيانته وبديت بيننا المشاكل :16: :16: أخذت رقم اللي يكلمها وكلمتها 000واللي كلمتها قالتلي أنا قريبتها وأعطتني أسم زوجي بالكامل وقالت أنه مواعد قريبتها بالزواج 000واجهته أنكر وقال كذب وأنها بتنتقم وأنها علاقات قديمه و00و00و00وغيره من الاعذار اللي تكفي انه يبري نفسه 00وكبرت مشاكلنا وتدخل الاهل000ووصل الامر لضربي وخرجت لبيت أهلي لاني كنت تعبانه وفي شهور حملي الاخيره وطلبت ماارد بيتي الآ بعد النفاس 00قبل مااكتشف خيانته لزوجي العزيز غرفه مستقله في بيت أهله وانا ساكنه في نفس العماره ذي الغرفه مجهزه بتليفون وكمبيوتر ودايما فيها ولما اشتكي من تغيبه عني يزعل ولازم علي أقدر الظروف هو المسؤل عن أهله ولازم يكون عندهم 000بعد فترة النفاس رجعت بيتي زوجي تغير علي كثير وصار كل أسبوع يغيب عن البيت يوم كامل ويلغي وجوده وقبل مايطلع الحلو يجهز نفسه كأنه عريس يهتم بأدق التفاصيل في نفسه وش عطورات وش ملابس حتى سيارته ماتركها في حالها أهتمام مو طبيعي000ولما أسال وين تكون ؟؟الاجابه مع أصحابي مع العلم أصحابه كلهم أعرفهم أقارب لي مهم راعين سوالف بنات ولا نوم بره000مكالمات خرجات أهمال أستهتار 000مراهق00رجعت المشاكل بينناماقدرت أصبرخيانته متاكده منها أنها تعدت المكالمات واجتهه جربت معه كل شي مانفع أتركيني اللي براسي اسويه 000عنيدجدا خرجت لبيت أهلي بعد شهر رجع لي يتأسف ويعتذر 00ورجعت مره ثانيه لبيتي 000تغير معي للأحسن خرجات مافي بس المكالمات بالساعات أغلب الوقت في غرفتة حسبي الله عليها شاغلته وأكتشفت أنها مو وحده زوجي عشيق0000وأسبوعين ورجع لخرجاته ونومه بره البيت بس هالمره لما يرجع ياسلام على العلامات اللي الاقيها في رقبته وصدره وانتم عارفين قصدي00000:( آه منك يازوجي الله يسامحك0000ولما أسأله ياعيني على الاعذار000صبرت وتغاضيت قلت يمكن يحس يمكن يأنبه ضميره000مافي فايده000صار بدل اليوم يومين0000الين مليت وتركته ونفس الاسطوانه رجع لي متندم وووو000المهم انا طنشته لاني تعبت ولاني مشغوله بحملي الثاني0000وفجأه زوجي تغير كان جاف ويقول ذا طبع فيني صاير حنون ويهتم فيني تغير 00حتى في فترة النفاس يتقرب مني يسأل عني يزورني كل شي فاقدته منه عوضني فيه ودايم يقول أنا قصرت معك بعوضك انا غلطان وان الانسان يمر بلحظات طيش وانه فاق لنفسه 000((((كان دايم يقول انه يبغى يتزوج الثانيه00))))))رجعت لبيتي وفعلا لاحظت تغير عليه الا المكالمات بس قليله مومثل أول 000معاملته فعلا تغيرت الاموضوع الزواج 000كثر منه اليوم كله أبغى اتزوج طيب ليةحبيبي وش ناقصك ؟؟موناقصني شي 000ركزوا معي (((((زوجي ماعندة قدره ماديه ولا جنسية))))) مقصر معي وقالي أنه تعبان جنسياويعاني من ضعف أنا عايشه معه كأني أخته ومرضه ذا جاء له بعد ولدي الثاني000تفهمت وقلت معليش وطيبت خاطره وفهمته انه ماهمني وانه عادي ومستعده أعيش معه بدون ذا الشي واهم شي اني أكون معه والله ماأهملت نفسي يوم وذا طبعي والكل يشهد بأناقتي حتى هو دللته ودلعته مهتم فيه كأنه طفلي:15: كل شي في ذا المنتدى طبقته سكت وتغاضيت عن أشياء الله مطلع وعالم بحالي وآه ثم آه من زوجي صرفني لبيت أهلي وقال عندي زواج أحد من معارفنا في مدينه ثانيه كلها يومين وياخذني ومو يومين الاأسبوع تركني واكتشفت بعدين ان الزواج ماحضره فينه؟؟ الله العالم00وبعدأسبوع جاني وكنت زعلانه منه أعتذر لي واجهته بالكلام اللي وصلني قال كذب وحلف انه حضر الزواج 000ومتأكده مليون في الميه انه كذاب 0000الوضع الجديد زوجي كل يوم يخرج ماادري وين نومه أغلب الايام بره أكله بره كل شي بره يقول عندي شغل طيب اللي يشتغل يرجع شبعان نوم ومتكشخ الله يعزكم حتى الشور صار بره وش الشغل اللي يخليه يهمل بيته ويكون في بيت ثاني000وتدرون غرفته هجرها يعني اللي يكلمها صارت عنده حتى الزوجه الثانيه ماعاد يجيب سرتها يوم استغفلته واخذت جواله ولقيت في الرسايل المرسله رسالة أنا كنت راسلتها له وفي نهاية الرساله وضعت حرفي وحرفه لقيت نفس الرساله راسلها وحاذف حرفي و بداله حرف حبيبته وأخذت الرقم واتصلت واللي ردت علي أنثى لا وبعد مو اي أنثى حبيبته القديمه اللي واعدها بالزواج واللي أنكرها وقال أنها بتنتقم0000تصدقون عمره ماارسل لي رساله يقول كلام فاضي واهم شي القلب000الان هو طول اليوم بره واحيان اليوم كله مايجي الا اذا ناقصنا شي 000اقوله متزوج ينكر ويحلف طيب وين تروح شغل وش هالشغل مو لازم تعرفين000 كثرت المشاكل بيننالدرجة أرفع صوتي عليه واحيان اسبه واطلب الطلاق وهو متمسك فيني وناكر الزواج حتى الوالد تتدخل وحاول معه بالين والشده وهو مصر على رايه ومتمسك فيني 000أنا محتاره وش أسوي ماأقدر أصبر في بيتي وهوموعندي ولما يرجع لي ملابسه متغيره ومتعطر واحيان لما أكلمه بره في المكان اللي يروح فيه ويدعي انه عنده شغل مافي صوت هدؤء واحيان أكلمه وصوته نايم والعجيب انه يتابع مسلسلات الوالد ةلما كلمه كان في شغله قبل مايكلمه كان مكلمني وصوته نايم وفي نفس الوقت لما كلمه الوالد كذب عليه ويقول انه مع الشباب في البر 000الان ان بين امرين 1-ياارجع له واصبر مع اني عارفه نفسي مااقدر زوجي كذب علي واستغفلني وخدعني وحرمني من حقوقي وأعطها غيري000 2-ياأجلس عند أهلي وما ارجع الين يستقر ويعترف لي000 محتاره انا استخرت ومحتاجه مشورتكم00000 معلومات تخص زوجي 1-زوجي ومتأكده منه موراعي استراحات ولاسهرات مع الشباب سبحان الله أصحابه كلهم خيرين 2-اكتشفت اني راحة زوجي النفسيه يعني لما أكون في البيت ترتاح نفسيته ولما أكون عند أهلي زعلانه تتعب نفسيته وبشهادة أهله 3- دايم يقول انه يعشق الحريم ويحب التجديد وحتى لو اجدد كل يوم في نفسي ماراح يرضيه وذا طبعه ومو نقص مني 00والله نفسيتي تعبت والله جعل لكل انسان طاقة وانا خلاص طاقتي استنفذها000 والحمدلله على كل شي سامحوني على ركاكة أسلوبي لاني تعبانه ولاتنسوني بالدعاء |
اختي الكريمة 000
مادام يتعب نفسياً اذا ذهبت لاهلك فاعزفي لى هذا الوتر حتى يخاف الله فيك ويعطيك حقوقك الزوجية |
انا فى نفس الحيرة مع الفارق ان انا المسئولة عن البيت وانه ينكر ويعمل لك خاطر ويعاملك كويس احسن لك من انك تعرفى والله ما عندى رد لك لأنى زيك واقراى قصتى على الرابط بالتوقيع
|
لا حول ولا قوة إلا بالله العلي العظيم والله لا ادري بماذا أنصحك يا أختي فمثل هذه المواضيع دائماً تتكرر ولكني أنصحك بالابتعاد عن الطلاق وذلك لأن لديكي أطفال ولن تستفيدي شيئاً من طلاقك منه ومادام زوجك يتأثر نفسياً بغيابك إذا هذا دليل على حبه لكي فغيبي عنه بالأشهر لعل هذا يصلح من أمره شيء وعليكي بالدعاء والاستغفار وقيام الليل فبإذن الواحد الأحد لن يرد الله رجائك
أسأل المولى أن يرد لكي زوجك ردا جميلاً |
اذا اتاكم من ترضون دينه وخلقه فزوجوه .........
|
أنا أعرف وحدة مثلك تماما يمكن انها انت!!
لاحول ولاقوة الا بالله ليه ماتدخلين واحد ثقة من اهلك عمك والدك يعني عشان يخاف شوي! او اصبري وخذيه على قد عقله وطنشي حركاته عشان عيالك واكسبيه بالتدريج وادعي ربك بكل صلاة وترى الرجال يتغيرون دايم يمكن ربي يسخره ويهديه عسى ان شاءالله |
كيف يتجرأ رجل بقول انه يعشق النساء ويحب التجديد أمام زوجته!!!!
|
ياريت أقدر أساعدك
أستخيري وادعي في كل صلاة وإن شاء الله سيلهمك المولى الاختيار الصائب |
والله حالة
الله يعينك ويهدي زوجك |
السلام عليكم ورحمة الله وبركاته
اهانة .... خيانة ... زواج بأخرى بالسر ... حرمان من الحقوق الزوجية ... عدم اهتمام ..... الخ الخ الخ وماذا بعـــــــــــــــــــــد .... يعني بهذلة وقلة قيمة .... ربك يعينك على هذا كله ... لكن انقوللك ايش اللى جابرك على هذا كله ولم يمر على زواجك اربع سنيين .. يعني السنوات الحلوة للزواج.... لا اعرف بما انصحك .... لكن انقولك حاجة وحدة... الانسان يعيش مرة واحدة فقط ... |
أخوتي بارك الله فيكم وأشكركم على ردودكم0
جلستي عند أهلي هو ماأفكر فيه وصدقوني يمكن أحتاج عنده ولاتجيني الحاجه عند أهلي لانه مقصر عني في الماده معتمد على أهلي بس أحيان تجيني لحضات ضعف لما أفكر في الوالد والوالده ماأحب أشوفهم متنكدين ونفسي أتأكد من سالفة زواجه لانه مصر على النكران ليه ؟؟ماادري 000 ونسيت أضيف زوجي مبتلى بالشك الله يصبرني 000ويعوضني الخير |
اختي اكبر خطأ هو اعتمادك على اهلك بالمصروف 000 والزوج حتى لو فرح لهذا وارتاح الا انه لا يلبث ان تقل مكانة المرأة عنده 000
لان الرجل يحب المرأة التي يمارس عليها دوره الرجولي واهمه الانفاق 000 فإذا لم يقوم بدوره عندك فسيبحث عن امرأة اخرى يحقق هذا معها 000 نصيحتي اقطعي اي مصروف من جهة اهلك 000 الا ترفضي بشكل مباشر بل فهميه انهم رفضوا اعطائك او ماشابه من اعذار 000 وعيشي على قدرة زوجك واجعليه هو القيم عليك 000 عندها فقط سيحبك ويستغني عن المرأة الاخرى 000 |
أخوتي أدعولي بالثبات وبأن الله يسخر لي زوجي
مشكلتي ان زوجي معتبرني أنسانه ضعيغه ومتذبذبه ومو صاحبة قرار واني مو قادره أستغني عنه وان طنشت مصيري أرجع له 00 أشيروا علي بنصائحكم00 |
حبيبتي ادعيلك من كل قلبي وللاختdivarf
بدعائها((((يارب زوجى ينسى المرأة التى اخذته منى ومن اولادى ويصبرنى ويريح بالى ويقوينى على العمل وتربية اولادى كل من يرى اسمى يدعو لى بهذه الدعوة عل الله يفرج كربتى]))) اللهم امين |
اختي حبيبتي طنشششششششششششششششششششي زوجك وخليكي عند اهلك بما انك مو محتاجه له بشيء كمان حقك الشرعي مو ماخدتي خليكي عندهم وشوفي اخرتها معاه يعني طنشي زي ماهو مطنشك وشككيه فيكي يعني دائما حسسيه انه انت كمان بتحبي التغير وانك ماتبين العيال انا ليش جبتهم وجبت الهم لي خلاص ماعاد بدي اياهم وكثييييير من العبارات وخليه يشك انت متيقنه انه يخونك مع وحده وليش هو مايشك وحتى لو ارجعتي للبيت ما تهتمي فيه واكثري من هذه العبارات والله اليوم مررررررره مبسوطه واذا سئلك ليش قوليله مافي شي ومن هالكلام يعني حسسيه انك انت كمان ممكن توقعين بالغط وخلي ارقام صديقاتك بدون اسماء حطي احرف هيك بلتهي فيكي وبتسيري شغله الشاغل وفقك الله لما يحب ويرضاه وطمنينا عليكي
أختك في الله |
|
انتي وش تنتظري بعد هذا كله مو كفايه تطنيشه ونومه برا البيت انتبهي لنفسك لايكون يعاشر حريم بالحرام وبكره يوهقك في امراض انتي في غنى عنها
روحي لأهلك واتركيه يصارع في هذه الحياة لوحده مصيره يمل ويرجع ولكن اتخذي موقف جاد وصارم لأن مثل هالأمور مافيها لعب ابدا صحتك وصحة اطفالك اهم من اي اعتبارات اخرى وصدقيني راعي البنات لايمكن يتوب لأنه تعوّد عليهم ومستحيل يسلى الله يصبرك وينير بصيرتك لاتخاذ القرار المناسب |
اختي عليك بالدعاااااااااااااااء
في نوع من الرجال كذا يحب النسااااااااااااء فعلا , يحب التغيير , سبحان الله غصبا عنه شهوة زايدة وحب للأنوثة ما يمل حتى لو انه لا يستطيع ان يوفيهن حقوقهن اذا حاولتي تقنعينه لا يقتنع .............وهو يحبك صدق ولا يريد ان يفقدك أبدا .........لأنك بالنسبة له الحب الحقيقي في حياته أنصحك بالدعاااااااااء ان الله يغير ه ويكره النساء والجنس والعلاقات الغرامية الله سبحانة وحده القادر على ذلك . لا استطيع ان اقول لك اضغطي عليه بأنك تهددينه بالطلاق اذا استمر في تصرفاته . فرج الله همك . |
غاليتي
سامحيني لو قلت انتي السبب في تفاقم المشكله مو على اي مشكلة ودني لبيت اهلي خلي بيت اهلك للشديد القوي و حركات الدلع الموجوده بالمنتدى صدقيني اللي تسويها لزوجها بكثره راح تخسرة انا عملت بنصيحة اختي ((حائزه الامل )) كوني كالمد و الجزر انا كعاداتي اطير بعيد عن الموضوع و لكن الكلام اللي راح اقوله لك مهم جدا جدا جدا كيف تتخلصين من هالعنكبوت؟؟ ((العنكبوت ))= اللي سرقت زوجك منك عندي كلام كثير مدري كيف اوصله لك لانه خاص بالبرمجه العصبيه و تغيير الشخصيه صدقيني انا جربت وارتحت كثيييييييييييييير الحمد لله اذا حبيتي ارسل لك المعلومات شوفي طريقه وانا حاظره انا بأحاول ارسل لك رساله خاصه و ان شاء الله تفيدك تحياتي لك |
اقتباس:
اهلين عبوره ليش ترسالين له بالخاصه ياقلبي اكتبي هنا علشان كل الاعضاء يستفيدون يمكن فيه اعضاء يدخلون وعندهم نفس المشكله بس زوجها مايسمح له تكتب وانا اعرف كم واحده هنا من زميلاتي حضور فقط ماتقدر تشارك علشان كذا خلى الدعوات لك من كم شخص بدال واحده |
ياعمري الله يفرج همك ويهدي زوجك واهم شي اكثري الدعاء في الثلث الاخير0
|
وعليكم السلام ورحمة الله وبركاته
الاخوان وفوا وكفوا لكن جربي هذي الطريقة ترى لها أثر كبير على الزوج مهما كنتي زعلانة ومتضايقة منه ومن أفعاله لاتبينين له بالعكس خلك مبتسمة وتضحكين مو معه لا مع أولادك اتركي اهتمامك بملابسك ومكياجك بالبيت يعني بمعنى الكلمة " أهملي نفسك " خلي الأمور متساويه دخل البيت طلع عادي " صفر على الشمال " الرسائل قلليها وبعدين اقطعيها عنه لاتسألين وين رحت ومن وين جيت ولاتتصلين فيه اذا دق عليك أحد بجوالك " الوالد_ الوالدة _ صديقة_ أوأحد أقاربك " ابتسمي ابتسامة تذوب القلب وردي بصوت خافت وكلمات حلوة ........ مشتاقين لكم .... ......من زمان عنكم .......... ومن هالكلام يالغالية أنا مااقولك هالكلام بقصد ابعاد زوجك عنك لا صدقيني راح يحس بالفراغ اللي عندك وبالتغيير المفاجئ فيك راح يسألك بالبداية قولي عادي مافي شي وبعدين صرحي له جربي هالطريقة الزوج راح يتأثر على طول الله يعينك ويسخر لك زوجك اللهم آمين أختك : عقوداللؤلؤ |
مؤلم بالفعل هذا الشعور!!
جبر الله خاطرك ووفقكِ لما يحبه تعالى ويرضاه،، |
اختي لا ترجعي ابدا روحي بيت اهلك وربي وفهمي انه انتي بنت عالم وناس مو مثل بنات الشوارع الي بعرفهم الله لا يسامحهم اختي خليكي قويه وحطي حد وروحي بيت اهلك وخلي يتعب ويتعب ويتعب لحد ما يحس بانه ما حيحصلك الا ازا صحي على حاله اما سكوتك رح يخلي يزيد ويزيد وانت حتنجني عشان هيك تصرفي صح وارجعي بيت ابوكي اصلن يمكن هو متمسك فيكي عشان وضعك المادي وبس
يعني ما بعرف كيف سكتي لما شفتي على جسمو العلمات الي بدل على انه كان نايم مع وحده الله ريتها تنام مع عزرائيل انتي لازم تاخدي موقف ورد فعل عنيف عشان يتعلم وادعي كتير وان شاءالله ربنا بساعدك وبرجعلك ياه وببعت بنات الحرام عنه يا رب |
اقتباس:
اختي الغالية ريفان انا لقيت الكلام اللي كنت ناويه ارسله في منتدى ثاني شرح مطول عن البرمجه مع قصص و صدقيني غييييييرت فيني كثير على الاقل ارتحت من الحرب اللي كنت فيها و ودي اكتب رابط المنتدى بس اخاف يكون ممنوع و يحذفون المشاركه |
راح اسوي نقل لنفس الموضوع مع انها قصه طووويله و اتمنى انكم تقرؤونها و تقرؤون الاسرار السبعة التي تجعل زوجك هائم بك
|
| الساعة الآن 04:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©