|
لن يكون هناك زواج الا بعد ان ينهي دراسته!!!
السلام عليكم و رحمة الله و بركاته ده أول موضوع أكتبه و كنت أحب قبل ما أعرض مشكلتي إني بجد أشكر كل إنسان أضاف معلومة أو نصيحة خالصة لوجه الله في المنتدى و إنه فعلاص ده أول موقع أحس إني عاوزة أشارك فيه جزاكم الله خيراً أعذروني إذا طولت عليكم لكن و الله ده من كبر الهم اللي على أكتافي ،،، أنا مكتوب كتابي من شاب من حوالي تقريباً سنة ، اتخطبنا في 2004 و كان مسافر دولة أجنبية علشان يكمل دراسته و لما نزل كتبنا الكتاب في 2005 و سافر تاني .... كان في مشاكل كالعادة في موضوع الجواز و اكن المفروض إننا بنكتب الكتاب علشان يقدر يخلصلي الورق اللي أقدر أسافرله بيه . و لما كانت المشاكل كتير جداً قبل ما يتم كتب الكتاب شرط عليه أبوه و أمه إنه مش هيكون في كتب كتاب غير لما يخلص الدراسة بتاعته (و مش كنت أعرف أي شئ عن الشرط ده) و تم كتب الكتاب و سافر يكمل دراسته و اتفاجئت منه لما حكالي اللي حصل لكنه هون عليه و قالي إحنا بس نصبر لغاية لما الورق يخلص (لأنه عادة بياخد فترة طويلة من 6 شهور لـ 1.5 سنه تقريباً) و كان هو قدامه حوالي سنتين علشان يقدر يخلص دراسته وافقت و صبرت ،،، لكن في نص السنه حصلت مشكلة مع الجامعه اللي بيدرس فيها و اضطر على آثارها إنه ينقل لجامعه تاني هيبدأ فيها الدراسة من الأول و هيكون تقريباً قدامه 3 سنين و نص مش كنت عارفه أعمل إيه لكنه صبرني و قالي إنه بمجرد الورق ما يخلص هيجيبني عنده حتى إذا الدراسة مش خلصت و سكت على الحال ده و عد السنه دي ... المفروض إنه هيبدأ دراسة السنه الجديدة 2007 في آخر الشهر ده لكنه مش هيروح الجامعه !!!!!! و السبب لأنه بيصرف على نفسه و على دراستة و المبلغ اللي قدر يحوشه من شغله في شهور الصيف مش كفاية علشان يقدر يدرس التيرم ده و ده معناه إن التخرج باعه هيتأجل كمان 6 شهور !!!! مشكلتي يا سادة يا كرام ، إنه اتصل بيه من يومين و قالي إن باباه و مامته مش موافقين بالمرة على إن أي جواز يحصل غير بعد الدراسة ما تكمل و ياخد الشهادة .... سؤالي ، ده يرضي ربنا ؟؟؟ أنا صحيح وافقت على إنه يكمل دراسته لكن كان الموضوع سنتين و كانت عدت منهم سنة لكن دلوقتي معقولة أقعد 3 سنين و نص تاني !!!!!؟؟؟؟؟ أنا عمري 26 سنة لما بقعد أفكر أنا ممكن يكون عندي طفل إمته يبقى مش قبل ما يبقى عندي 30 سنه .... غير إنه هو المتكفل بمصاريفه و أهله مش بيصرفه عليه و لا قرش و مع ذلك بيفرضوا رأيهم في الموضوع بصورة دكتاتورية و مش هقول لكم على المشاكل و الخناقات اللي بتحصل كل يوم ما بيني و ما بينه بسبب بعده عني ... حدث و لا حرج ،،، زوجي غيور جداً و قلوق جداً جداً جداً جداً ، و كل يوم خناق ما تروحيش و ما تخروجيش و ما تتأخريش و أنا قلت و انت تسمعي الكلام و مشاكل مش ليها أول من آخر ،، آخرها امبارح إني اتأخرت عند الدكتورة لغاية الساعة 11.00 بالليل أنا عارفه إنه متأخر لكن ده كان أمر ضروري و أنا بابا و أخويا مسافرين و مش في حد أقدر أخده معايا و خناقة قــــــــــــــــــــــــــــد كده امبارح بسبب الموضوع ده غير غنه في بلد أجنبي و أنا بخاف عليه يحصل أي شئ غلط .... و إحنا ربنا حلل الزواج علشان نعف بيه أنفسنا مش علشان يكون زواج مع إيقاف التنفيذ اللي عاوزة أعرفه أعمل إيه ؟؟؟ أطلب منه يعصي أهله علشان نتجوز و المشاكل دي تنتهي ، و يا ترى كده يبقى حرام ؟؟؟ أنا مش عاوزة حياتي معاه تكون مبينية على غضب أهله أو على أي شئ حرام ،، فيدوني أفادكم الله أعمل إيه و أقول إيه و أتصرف إزاي و هل فعلاً ده هيكون فيه معصيه لله و اللي بتتمثل في عدم طاعة أهله على فكرة هو حاول معاهم كتير لكنهم مصرين على رأيهم و آسفة للإطاله و جزاكم عني كل خير |
بعد التحية ....
طبعاً مش معقول أكتب الموضوع و أرد على نفسي ،، هههههه يا جماعة أنا بجد في حيرة أرجوكم فيدوني |
ههههههههههه..
يا خفة دمك.. أنا قرأت الموضوع أول ما طرحتيه.. لكني وقعت في حيرة مثلك.. خصوصا لما ذكرت السن.. وفكرت لك في حل.. ولكني لم أجده.. أعذريني.. فقط أحببت أن أشاركك ( حيرتك ).. وبانتظار دهاء بعض الأعضاء.. ورجاحة عقلهم.. وفقك الله.. |
اختي العزيزة
براي انك تحاولي مع اهله باللين كدة وتتكلمي معاهم في الموضوع ده وكمان زوجك يحاول كتير لحد مايوافقو بس بالاول يسالهم ايه سبب رفضهم للزواج لحد بعد التخرج ؟؟ خلي زوجك يناقش معاهم عن سبب مقنع يخليه ينتظر المدة دي .. مابيها شي اذا اتزوج ودرس بنفس الوقت بالعكس انا شايفة انه الافضل كدة لانك حتكوني جنبه في الغربة .. حاولو تقنعو هله بالكلام دة هم اكيد عايزين مصلحة ابنهم فعشان كدة اتكلمو معاهم على اسا مصلحته هو وانه عايزك جنبه في غربته ووحدته .. بس اهم شي المناقشة باللين مع ذكر الاسباب المقنعة عن رفضهم للزواج لحد بعد انتهاء الدراسة لازم يدو سبب مقنع اوكي حبيبتي وانشاء الله الموضوع ده حيتحل بس التصرف بالحكمة مهم جدا في حل هذه المواضيع واتمنالك كل السعادة اختك ذبول وردة |
أهلا وسهلا بأهل مصر كلهم معلشي سؤال مهم لوتزوجتوا في الغربة ممكن هوا يدبر أمور المعيشة ولا المسألة صعبة ؟أرجوا الرد لنتمكن من المساعدة
|
أولاً بشكر كل اللي شاركوني محنتي و حيرتي و أخدت جزء من وقتكم الثمين
أختي بحرينية و لكن : أشكرك على إن إحساسي و صلك و ربنا ييسر لي الحل إن شاء الله أختي ذبول وردة: شكراً على مشاركتك القيمة ، صدقيني هو حاول كتير يتكلم معاهم لكن كانوا بيردوا عليه بإجابة قاطعة من غير حتى مجال للنقاش . أما عن السبب : فالسبب يا ستي إنه بقة عنده 27 سنة دلوقتي و لسة مش خلص دراسته و إن إذا حصل زواج و رحتله هعطله و هيكون مش فاضي للمذاكرة و ده هيخليه يأجل التخرج بتاعة سنين تانية قدام خصوصاً كمان إذا ربنا أكرمنا بطفل :15: أختي الدمعة الحزينة: شكراً حبيبتي على ترحابك اللذيذ،،، بالنسبة لأمور المعيشة تقريباً أنا مش هزود غير أشياء بسيطة عليه ممكن حتى تفاديها ،، يعني هسكن في نفس المكان و بالتالي هيدفع نفس الإيجار و الإيجار بيشمل الكهرباء و المصاريف النثرية بتاعة السكن أما عن الأكل فطبعاً عازب زيه بيصرف مصاريف كبيرة جداً في الأكل برة المفروض إنه هقدر أوفرها ليه أو على الأقل هتكون هيه هيه نفس مصاريف الأكل باعتبار إننا هنكون فردين بدل فرد واحد ، لكن الشئ اللي هيزيد هو التأمين الصحي و ده شئ إجباري و ده شئ ممكن يتدبر ياريت الإخوة و الأخوات يساعدوني ،،، أهله ناس شديدة جداً جداً و مش عاوزاه يعصي أهله و نبدأ حياتنا بغضب منهم و في نفس الوقت تعبت من كتر الغربة اللي أنا و هو عايشين فيها و جزاكم الله عني خيراً |
يا ترى مشكلتي عصيبة أوي لدرجة إن مش في حد قدر يلاقيلي حل ؟؟؟؟
و الله إني بدأت أتعقد أكتر لما لقيت إن مش في حد قادر يقولي رأيه أرجوكم يا جماعة أنا فعلاً محتاجة لرأي و مشورة و مش تنسوني بصالح الدعاء جزاكم الله كل خير |
سامحيني أختي..
فمشكلتك معقدة حقا.. لا نستطيع أن ننصحكما بالزواج من دون موافقة أهل زوجك.. ولا نستطيع أيضا أن ننصحك بالصبر هذه السنوات.. أردت أن أرد عليك لكي تعلمي أن هناك من يشعر بك ويقف بجانبك.. ويساندك.. هيا.. يا اصحاب العقول النيرة.. أين أنتم من مشكلة أختنا في الله..؟؟ |
يعني أسيبه يا أخت بحرينية و لكن ؟؟؟؟
صدقيني فكرت إننا نسيب بعض لأنها فعلاً حكاية معقدة و مش نافعه من أي جهة ،، أنا بحبه و هو كمان بيحبني لكن البعد اللي ما بيني و ما بينه خلا المشاكل اللي ما بينا تزيد و خلانا نتضايق من بعض كتير و خايفه من كتر البعد يجي اليوم اللي فعلاً مش نحب إننا نكمل مع بعض ... و 3 سنين مش شوية ،، و الله يا أخت بحرينية إني شفت في السنه اللي فاتت سواد و الله و هم و غم و تعرضنا لموضوع الطلاق تقريباً فوق الـ 10 مرات مرة منه و مرة مني بسبب كتر المشاكل ،،، أنا فعلاً تعبانه من اللي أنا فيه أقعد أستنه 3 سنين كمان و يمكن قبل ما يكملو أكون انفصلت عنه بسبب المشاكل ؟؟؟ و يبقى ضيعت من عمري السنين على قلة فايده ، أنا مش ببص بنظرة مادية لكن أنا فعلاً تعبانه من المشاكل و مش عارفه إيه اللي ممكن يجرى خايفة أخيره ما بيني و ما بين أهله ،،، أنا ما أرضاش بكده و أخاف من ربنا مش يباركلي في حياتي معاه إذا اتزوجنا بغير رضاهم و في نفس الوقت مش يرضي ربنا إني أفضل مرهونة بالطريقة دي لإنسان حتى مش عارفه نهايتي هتكون معاه إيه ؟؟؟ نفسي أقولهم بنات الناس مش لعبة معاكم تعملوا فيهم كده ،، لكني محافظة على هدوئي و احترامي ليهم و مش بحاول أخليهم حتى يحسوا إن الموضوع ده مدايقني يا أخت بحرينية ده حتى مش بينزل أجازات منتظمة علشان أقدر أشوفه أنا عدت عليه سنة و شهر دلوقتي من غير ما أشوفه و محتمل كمان إني أستنى كمان سنه من غير ما أشوفه من غير ما أحس بأي تغيير حصل في حياتي إني بقيت دلوقتي في عصمة راجل ممكن يحتضني بدفء و حنان ،،، و مش عاوزة أحكيلك عن مدى الجفاء اللي بيحصل في مكالمات التليفون و أكيد زي ما بيقولوا البعيد عن العين بعيد عن القلب و أنا نفسي أحس بحب الإنسان اللي اتجوزته أقولك على حاجه كمان يا أختي ،،، أنا اتخطبت لجوزي من غير ما أشوفه و قعدت مخطوبة لمدة سنة كاملة من غير ما أشوفه و لما رجع من السفر قعد معايا شهر و اتكتب كتابنا و سافر بعدها بإسبوع يعني مش حسيت بأي شئ من الحب في حياتي غير لمدة شهر و بعد كده انقطاع لمدة سنة و احتمال يكملو سنتين و ياريتهم بيعدوا بأمان و هدوء لأ ده كمان بيعدوا بمشاكل و خناقات أنا و الله آسفه يا أخت بحرينية إني طولت عليكي و أثقلت كاهلك بالأحزان و المتاعب لكن و الله إن اللي في القلب كتيييييييييييييييييييييير و مش بتكلم و لا أحكي مع أي حد و زي ما تقولي ما صدقت حد يسمعني و يحس باللي أنا فيه ربنا يجزيك عني كل خير و والله زي ما بتقولوا مشكورة و ما قصرتي يكفي بس إنك اهتميتي و رديتي عليه و حسيت إنك حاسة باللي أنا فيه و جزاك الله كل خير |
هلا يا عزيزتي .. أنا قريت مشكلتج بس عندي سؤال قبل ا أفكر في الحلول .. أهلج ما لهم اي دو في هالموضوع ؟؟؟
يعني أهلد يعرفون انه انتي راح تنتظرين كل هالسنوات ؟؟؟ هل هم راضين ؟؟ والا ما يعرفون ؟؟ والامعارضين ؟؟ ياريت تجاوبي اذا ما عندج مانع عشان أفكر فحل لمشكلج وأرجع أقولج يالغاليه أدعي فصلاتج ترا دعوة المظلوم مستجابه .. |
السلام عليكم ،،، و الله أمرهم غريب أهل جوزك ،، يعني بدل ما يوقفوا حدكم بيعملو هيك و خصوصاً إنو خطيبك هو اللي بيصرف على حالو يعني ما إلهم منه عليه و حتى لو إلهم منه عليه ،، " لا يدخل الجنة منان " ،،، و بعدين بحس مش حلوه انتي تروحيلهم و تحاولي تقنعيهم بس ما فيني انصحك غير بالصبر لأنو حرام صبرتي كل هالسنين و لو خطيبك منيح حرام اتضيعيه من بني إيديكي خليكي متمسكه فيه و ما تفرطي فيه و معلش اصبري والله رح تكبري بعينو لأنو زواج من غير رضا أهله ما رح تحسي بالفرحه يوم زواجك و رح تحسي شي ناقص فضلاَ إنو رح يكون سبب في فتح باب المشاكل عليكم و انتوا لساتكم مجوزين ،،، معلش حبيبتي اصبري و يا رب الله ينولك اللي ببالك و الله ما بينسى عبده ... حورية لبنان |
شكراً دلوعة على مرورك و الله مشكورة ،،،،
أهلي كانوا عارفين إنه هيقعد سنتين في الجامعه القديمة و بعدين نتجوز و مش كانوا راضيين أوي لكن بحمد الله قدرت إني أأثر عليهم و أقنعهم إننا نستنى لكن همه مش عارفين موضوع الجامعه الجديدة اللي هتقعد 3 سنين و لما حاولت ألمح على الموضوع أمي ثارت و حصلت مشكلة ما بينها و ما بين والدته (لكن على قلة فايده) أما عن بابا فهو إنسان طيب جداً جداً و صبور و لما بتكلم معاه بيقولي دي حياتك و ماأقدرش أغصب عليك تسيبيه و أكون سبب في تعاستك و لا إنك تكملي معاه و أكون برضه سبب في الحزن و الهم اللي إنت فيه و دايماً بيوصيني بالصبر ... خايفة أفتح الموضوع مع أهلي و أوضحلهم مدى حزني يتأثروا بحزني و يفشكلوا الموضوع ،،، مش عارفه أدخلهم في الموضوع و لا لأ خصوصاً إني شايفة تمسك أهله بالرأي ده و التعسف اللي همه فيه أختي العزيزة حورية: بشكر كلماتك الرقيقة و الله إن كلامك زي البلسم رطبلي قلبي ،،، جزاك الله خيراً آسفه للجميع إني بتقل عليكم بمشكلتي لكن و الله من الحيرة اللي أنا فيها و جزى الله الجميع عني كل الخير |
هلا حبيبتي لا شكر على واجب الناس للناس وفعلا الي يشوف مصيبة غيره تهون عليه مصيبته .. شوفي حبيبتي حاولي تشوفين حد ما عائلته يكون طيب ومتفهم ومتعاون يعني وحده من خواته الي كلمتها مسموعه فالبيت او عاته او خالاته يعني حد مقرب .. او ليش ا تحاولين تزورين امه >> تجرأي وزوريها او اعزميها فبيتكم وخليج طيبه وحبوبه معاها عشان تعرف انهم عرفو يختارو حق ولدهم .. انزين
وبعدين حاولي تفتحي الموضوع بطريقه غير مباشره مثلا تسألي عن خطيبج وعن دراسته واوضاعه هناك فالبلد الي عايش فيه ومن خلال كلامج معاها راح نعرفين موقفها واركز على نقطة انج تكونين هااااااديه جدا ومافي داعي للعصبيه .. وحاولي تقنعيها بوجهة نظرج ويكن بأسلوبج وقلبج الطيب تقري تكسبيها وتوقف فصفج وبالتالي تروح تكلم ابو المعرس ويغير رايه وبالتالي تنحل المشكله .. والله فعلا اتنى من قلبي انه مشكلتج تنحل ونفس ما قلتلج سابقا أكثري من الدعاء صدقيني ربي بيساعدج واذا حابه استخيري قبل ما تعزميها عشان ربنا يحنن قلبها عليج وعلى ولدها وتوافق .. |
جزاك الله كل خير على إهتمامك و الله إني ممتنه ليكي و إن شاء الله هحاول أعمل اللي نصحتيني فيه و أكيد إذا جد جديد هبلغك و ربنا يجزيك كل خير
|
أنصحج أختي تصلين إستخارة كلما ضايقتي من الموضوع
بأنج تتركينه أو لأ ودايما إدعي الله يسرلج الزواج ويقتنعون أهله إنت في ضيق ولا أحد يعلم بمدى حزنج أكثر من الله فتقربي من الله وإدعي وإن شاء الله أمورج كلها بتيسر وعاد بعدها لا تنسين تدعيلي |
شكراً جزيلاً أخت جورجي و ربنا يكتبلك الخير بإذن الله و يرضى عنا جميعاً و يرضينا ،، و الله إني استخرت ربنا قبل ما أتخطبله و استخرت قبل كتب الكتاب و عاوزة أقولك إني بستخير ربنا في كل مشكلة بتحصل ما بينا لأني بكون خايفة رغبتي و حبي ليه يكون عاميني عن مراد الله لكن و الله مش عارفه ،،، كل اللي بيحصل أو اللي حصل إني ما زلت مستمرة معاه لكن المشاكل مش بتنتهي و مش عارفه أعمل إيه ؟؟؟ أرجوكي إدعيلي
على فكرة ،، أول ما شفت إسمك حسيت إني رجعت 20 سنة ، و افتكرت أيام الطفولة مع مسلسل جورجي ، كتر خيرك على الذكرى الجميله اللي افتكرتها |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©