|
أرجوكم ارشدوني ........... افكر في طلاقها
السلام عليكم ورحمة الله
مضى على زواجنا شهرين وايام تغيرت معاملتها من اسبوعين تقريبا أصبحت لاتهتم بي اقترب منها تبتعد احاول التحدث معها تسكت كلامها قليل جدا جدا من النوع الكتوووم انسانه غامضه اذا كنت خارج البيت لاتتصل ولاتسأل واذا رجعت لاترحب بي ولاتسالني وش سويت ؟ وين رحت ؟ اشتقت لك معاملتها جااااااااااااااااااااااااااااااافه صدقوني بالله حتى الابتسامه منها لاأراها الا نادرا وبالقووه دائما مكشره ولاعندها غير هالكلمتين ( انا طفشانه انا متضايقه ) اما الجماع ماتعطيني الا بعد ماتطلع روحي ـــــــــــــــــــ صدقوني احبهاااااااااااا واحترمها ومعاشرتي لها بالحسنى وبالتي هي أحسن اتزين لها احاول المزح معها اضحكها اطلب منها نغير جو البيت نطلع نروح مكان تقول لاااااااااا طلبت مني قبل كم يوم انها تبات عند اهلها حتى تغير الطفش اللي تحس فيه فعلا وديتها بيت اهلها وجيت أخذتها اليوم الثاني ولاتغير شي اذا جيت اكلمها واناقشها بهدوء واحاول اعرف وش فيها تغمض عيونها وتسكت او تحاول تنام وتدير وجهها اكرر الكلام اكثر من عشرين مره ولاأجد إجابه مقنعه تعبت والله ياجماعه اعطيها الحب والحنان ومشاعري الدافئه وتقابلني بالجمود وموت المشاعر كأني عايش في البيت لوحدي بالله ارشدوني وش اسوي ؟ علما بأنها قالت لي لو ماعجبك الحال ننفصل !! وفي مره من المرات جيت اعرف وش فيها واقترب منها قالت لي خلاص وديني بيت اهلي !! طبعا انا رفضت اوديهااااااااا حتى اعرف السبب ماعندها سبب ولاكلام ولانقاش كل اللي عرفته منها ( تقول كله منك انت تكذب علي تقول احبك وتصرفاتك غير ) ؟؟؟ ( انت انسان غير صريح ) ياعالم انا قربت اتجنن والله كل كلامي معها احلى من العسل غير الهدايا والمعامله الحلووه والابتسامه اللي ماتفارقني طول اليوم يشهد الله علي مااقولها مدح صريح معها لأبعد الحدود صادق في كل شي باختصار انا انسان اخاف الله فيها واعرف حقوقها لكن .................................................. .........؟؟ للأسف والله باستطاعتي ادوس على قلبي بلا حب بلا خرابيط واوديها بيت اهلها ومع الف سلامه لكن ابحث عن الحلوووووووووول حاولت استميل قلبها ( ولكنه مغلق ) لايستجيب ابدا الا ماشاء الله ارجووووووووووووووووووووووكم انا في حيرة |
اصبر عليها انتو لسا عرسان
وحاول تخلي بالك طويلللل ورايق تاكد يمكن في حدا يلعب في راسها او يدخل بينكم وانت ما تدري او انها تدلع عليك بطريقتها ممكن طريقتها غير مناسبه يعني اصبر وان شاء الله يصير تفاهم وود والله يوفقكم |
اخى انتم فى بدايه التعارف0000انتظر عليها تعرف على شخصيتها00
يمكن هذا طبعها 00قليله الكلام 00والحل بيدك000 حاول تبتعد عنها قليلا لا تكثر الاسئله عليها00 اذا عندها حديث شاركها00ولكن بدون الاسهاب والتعمق واذا ماسولفت معك 00لا تقل شىء حتى لو كان ذلك يضايقك00:29: ولاتعرض عليها السهرات والطلعات00واذا ارادت زيارةاهلها لا تمانع وكن هادى اى غيرمعاملتك من الرومانسيه الى اللامبالاه >>>>>وليس القسوه ارجو الانتباه:29: صدقنى ستنتبه الى التغير الواضح بك 00وستحاول معرفه السبب000:( :( لا تروى فضولها 00>>>>>>وقل ماكو شىء >>>>>انا عادى 000ليش فيه شىء مضايقك00:25: :25: اقلب السؤال عليها واجعلها تبحث عن السبب000المهم بعد ايام من هذا الوضع ستتغير الى الاحسن:14: |
ياأخي أصبر عليها كل واحد منكم يفهم نفسيت الآخر في هذه الفترة أنت من بيئة مختلف وأسره مختلفه وحياه غير عنها شي أكيد متغير عليها (جو الحياه الزوجية)
ربنا يوفقك منك المال ومنها العيال وحياة سعيدة |
اخوي طول بااالك شوي
لسه المشوار في اوله لازم تصبر وتتحمل شوي الله يبعدك عن الطلاق بس انت حاول تستدرجها مره ثانيه وثالثه باالكلام اذا مانفع قير شوي من اسلوبك تناساهاعاملها بجفاف شوي ويارب يتعدل الوضع يمكن احد مسمعها كلام ومقسيها شوي عليك حااااول تعرف |
انت متأكد أنها مقتنعة فيك ..
لكن هناك بعض النساء , تحتاج لأن ترى من زوجها الهجر حتى تعرف أنك لست متعلق فيها , فطبيعة المرأة تهمل وتسي للزوج اللي يركض وراها , لكن ذوقها من نفس الكأس , وخلها تعرف انه كرامة كرجل لا تمس ونصيحتي لك اركد وارزن , ولا تسيئ لشخصيتك كرجل , لست ملزما أن تهين نفسك لترضي زوجتك , طالما انك تخاف الله فيها . |
فعلا شي يقهر ........... بسألك انته مريت بفتره الخطوبه والعقد يعني هي من البدايه كانت كذه ولا تغيرت
مالاحظت هالشئ فيها ماصارحتها من قبل واذا انته من البدايه كنت ملاحظ عليها هذا الشئ ليش تستمر معاها والحين تبغى الطلاق اخوي انا كأني عرفت هذي النوعيه من النساء والله يكون بعونك لاني اعرف وحده من قريباتي نفس الشئ شخصيتها بكل اللى ذكرته انته........... اتبع اسلوب الامبالاه اذا ماجاب نتيجه اقعد معها جلسه مصارحه وتريث قليل عن فكره الطلاق اصبر عليها شوي واخر حل اعطيك اايه انك تروح معها مرشد اسري او نفسي يفهم نفسيتها وبيساعدك كثير الله يكون بعونك ان شاءلله |
اقتباس:
اخى الكريم لماذا هذه القسوة منك على كل انثى لماذا تهاجم المراة بهذا العنف وتترصد لها الاخطاء دائما ارى دودك جارحة عنيفة للمراة من قال لك ان طبيعة المراة كما قلت؟ هذه طبيعة البشر كلهم وليس المراة حتى الرجل يهمل ويسى من تركض ورائه سامحك الله اخى الفاضل |
اقتباس:
مع هالكلام .:22: |
اخي الكريم انت تقول انها متغيرة عليك من اسبوعين بس يعنى قبل كذا كل شى تمام:22: يمكن تكون حمل:14: وتوحمت عليك يعنى مو بيدها وانت لازم تصبر والله يوفقكم ويصلح بالكم :22:
|
يمكن حمل 000 لازم تحليل للتأكد
أو نظرة 000 لازم رقية شرعية أو انك لازم تثقل عليها شوي >> هذي الخطوة بعد التأكد من عدم وجود الخطوتين السابقتين |
السلام عليكم
اخي العزيز حصل لي تمام مثل ماحصل لك فقبل سبع سنوات تزوجت وكانت علاقتنا من أروع مايكون وبعد شهر ونصف تغيرت المعامله واصبحت لاتطاق بالمره ولاكني صبرت حتى مضى 3 اسابيع والامر يزدادُ سوء وبعد ذلك حدث مالم يكن بالحسبان طلعت المسكينه حامل وطبيعي الي صار معاها وانا مادري وش الطبخه وجلست شهرين تماماً وانا حالتي حاله والحمد لله على كل حال اما نصيحتي لك فعليك بالصبر فأن الصبر مفتاح الفرج وحاول ان تكسبها بكل ماتملك فأن حواء ضعيفه ذو قلب رفيف فأكسبها وأحسسها بحنانك وعطفك لها وأدع الله فأنهً يجيب دعوة الداعي اذا دعاه وأسال الله ان يسعدكما وان يوفقكما لما يحب ويرضى |
أخي أترجاك لاتستعجل بأمر الطلاق حاول تتقرب لها أكثر وحاول وعطها الأمان وبشرط أنه تكون صادق مع الله أولاً في ذلك يعني أنه لو صارحتك بأي شيء راح تكون معها وتتفهمها وصدقني لابد يجي اليوم اللي تفتح قلبها لك لأن المرأه لما تحس أن الرجل صادق معها ويصبر عليها راح ترجعله في النهايه وتصارحه مهما كانت الظروف
أخي العزيز أنا أقولك هذا الكلام من تجربه مريت فيها والله الذي لاإله إلا هو ماقدرت أسكت وأخبي عن زوجي لأن أهلي كانوا منكدين علي وضاغطين علي بدرجه ماتتصور وكنت مجبره أظهر أمام زوجي تقريبا مثل زوجتك لكني كنت بأمور ثانيه أحاول أعوضه لأني أحس بالذنب تجاهه لأنه كان طيب معاي ويتحمل مني أي شيءلذلك صارحته وقلت اللي مخليني بهذا الشكل لكن في النهايه لما زاد عليه هو الضغظ من أهله ماتحمل وتركني معلقه حتى الطلاق حرمني منه حسبي الله ونعم الوكيل لذلك قلت لك كن صادق مع الله أولاً واخلص النيه وحاول تتفهم وضعها جزاك الله خيرأوآجرك على معاملتك الطيبه معها كما ذكرت |
خوي الفاضل
بصراحه انت مب غلطان في شي ولا تشك في معاملتك لها بس ابي أقول لك شي انت لازم توديها مطعم رومنسي أومكان هي تحبه بعدين يوم تردون البيت أقعد وياها وفهمها شو معنى الحب وانه ما يجي الحب هكذا و بس. بل من المعاشره الزينه وقولها انت كيف اتحب هي تكون وليش ما يعجبك التصرفات الي تسويها وشو شعورك يوم أتسوي هذا التصرف. وشو بيكون نتيجة تصرفاتها من بعاد ونفور وغيرها و علما شو لازم اتسويه وكيف تتصرف. وخذ منها وعد انها تحاول تغير تصرفاتها وبعدين لا تزعل منها إذا تصرفت نفس الشى مره ثانيه بس ذكرها بالصار بينكم واصبر عليها شوي و أشتري لها كتاب يتكلم عن حقوق الزوج و الزوجه وان شاء الله بتتحسن مرتك اتسوي جي لان أهلها أكيد ما علموها كيف لازم هي تتصرف وياك فلازم انت تعلمها وحن عليها علشان تتعلم كل شي منك انت وإن شاء الله بتتحسن شوي شوي |
لا الوقت ولا الزمان ولا المكان ولا الطبع ولاالتطبع تجعل رجل أمامي أي كان أحبه أو أكرهه مهان
يحادثها ولاترد عليه يجب مصارحتها على الانفصال لعل هذا ماتريده قبل كل شيئ عليك مراجعة حساباتك فلعلها اكتشفت شيئ خطيرا جواللك مثلا رأت به شيئ أو أحد أوش لها .صارحها وأخبرها أنك تريد شريكة حياة وربي يوفقك |
تمهل تمهل
توكم معاريس بعدها زوجتك ماتعودت حياة زوجيه مع الايام راح تصير بمعاملتك معها احلى من العسل .... |
الحمل وارد >>>>>>>>>>>>>>>>>>>> لكن اخوي اذا من اول حياتكم بتقول يالله ننفصل بكره لما تواجهكم مشاكل الحياه والاولاد اش رح تقول <<< اعقلها ياخي ليه لكم انتم القوامه لانه المفروض انه الطلاق عندكم الحل النهائي
مو عشان اسبوعين نكد يالله نطلق ياخي اذا اتعقدت الامور كلم امها واسالها مال بنتك واش مالها في شي مكدرها ومو راضيه تقوله لي <<<< حلها مو كله طلاق طلاق ولاتعمل بنصيحة الاخ رادع( مع احترامي لرايه) لكن لو زوجي جافاني بجافيه مو كل وحده زوجها يجافيها تركض وراه بالعكس تاخده مااخد عليك انك هاجرها اسمع من الاخوات المتزوجات لانهم مرت عليهم مشاكل الحياة الزوجيه وتذكر انه مشاكل الزواج هو ملح الحياه وذكرياته اللي تزيد المعزه لانه الزوجين قدرة يتخطوها مع بعض الله يوفقك |
المشاركة الأصلية كتبت بواسطة رادع
انت متأكد أنها مقتنعة فيك .. لكن هناك بعض النساء , تحتاج لأن ترى من زوجها الهجر حتى تعرف أنك لست متعلق فيها , فطبيعة المرأة تهمل وتسي للزوج اللي يركض وراها , لكن ذوقها من نفس الكأس , وخلها تعرف انه كرامة كرجل لا تمس ونصيحتي لك اركد وارزن , ولا تسيئ لشخصيتك كرجل , لست ملزما أن تهين نفسك لترضي زوجتك , طالما انك تخاف الله فيها . لماذا تهاجم المراة بهذا العنف وتترصد لها الاخطاء |
أول شي مبروك الزواج بما انكم معاريس جدد ...
ثاني شي انت تحتاج اتطول بالك عليها ولاتيأس يمكن المكان متغير عليها ..أو اهيا متعودة على وجود اهلها يمها ... وبعدين ممكن اتكون المدام حـامل ... وتتوحم !!!!!!! وإذا ماكانت حامل حاول انك اتسافر مع اصدقائك وتخليها عند اهلها اسبوع مثلا يمكن تحس بمكانك وتفتقدك أو انا اشوف انك تكلم امها عشان تنصحها تدري اهيه ممكن تتقبل الكلام من امها وامها اكيد بتخاف على حياة بنتها بس ابعد عنك موضوع الطلاق نهائيا لانكم في بداية المشوار والحياة بحلوها ومرها جدامكم واخيرا لاتنسى الدعاء لها والله يهديها ويحنن قلبها عليك |
| الساعة الآن 06:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©