|
زوجي ينتقد و يقارني بغيري
السلام عليكم ورحمة الله وبركاته اليوم صار لي هالموقف مع زوجي وذبحني من القهر ،كنت جاهزه عشان اروح بيت امي ولبست تيشرت وبانطلون طبعا تحت العباءة ،جافني قال ما تستحين على ويهج تقعدين جذي جدام ابوج واخوج قلت له ان اخوي على طول بره البيت وابوي دايما في غرفته واحنا نقعد بروحنا مع امي ،قال لي بعد بدلي والا ما في روحه ،بدلت وبعد لبست بانطلون وتيشرت شوي اوسع من الي كان علي بعد قال لي ما تروحين بدلي ثيابج بدلت قلت له يعني انت تبيني البس هاذي اللبس في البيت عشانك ولا يهمك البسه في البيت ،رد علي :19: وقالي ولا ابيج تلبسين لي ولا شي من حلو جسمج عبالج *** :19: ما عرفت ارد عليه لاني انصدمت برده علي وسكت عنه يابني بيت امي وانه طول الطريق ساكته مع ان الكل يقول لي ان جسمي زين وبالنسبه حق وحده والده مرتين واايد زين وانه مقتنعه بجسمي انه مو متينه ولا ضعيفه معتدله واي احد يجوفني يقولي اني حافظت على جسمي بعد الحمل والولاده ولو ان تغير مو مثل قبل بس زين وكل اللي يجوفوني وما يعرفوني على بالهم اني مو متزوجه واذا عرفو اني متزوجه وعندي عيال يقولون لي مايبين علي ،،انه ما امدح في نفسي بس هذا اللي ينقال لي من الكل الا زوجي ما يجوف هذا الشي:( |
اولا المفروض ما يقارنج بأحد
بس عطيه عذره يمكن معصب وثانيا لو سامعه الكلام بلا جدال ما خليتيه يعلق عليج لا تزعلي مني |
انه ما جادلته بحمق او استخفاف وهو ماكان معصب كان يتكلم برود وهذا اللي قاهرني
|
كبري راسج والله انا متأكد إنج عنده تسوين مليون
|
هـــلا وغــــلا
وانـــا مع الاخ jassem لو ما جادلتيـــه كـــان احســـن وبعدين اعذريه وانسي الموضوع لانه معصــب وطلعت منه الكلمة ..وصدقيني اختي اي شخص اذا كان معصب ما يحس بالكلام اللي يظهر منه خليج عاديه عزيزتي وسوي نفسج مب متأثرة وناسيه الموضوع...واذا تبين تغيرين الموضوع قولي له ادري اني ما اشبه شاكيرا..لاني انا احلى منها هههههههههههههههههه.....ربي يحفظج عزيزتي ويسعدكم اختج.........لمنــي بشـــوق |
ابدا صدقيني انتي حلوه علشان جذيه قاللك بدلي
بس انتي جادلتيه عصب وقاللك هالكلام علشان تبدلين |
لا تصيرين حساسه وايد000 اهو يشووفك تلبسين هاللبس وكان يتضايق ويكتم من اول بس الغيره اشتغل مفعولها وفقد السيطره علي نفسه يمكن ما يبيك تجادلينه 00 او لبس البنطلون كله ما يعجبه مو شرط ان جسمك مو عاجبه 000 في نوعيه تحب لبس البدل والتنانير والتايورات تحس بانوثه غير شكل فيها واعرف وده جذي زوجها يقولها البسي شي يحسسني باغراء الا البنطلووون احس انك عامل او مسترجله والناس اذواق 0000 عاد ذوووقه جذي الله يعينك--- قووولي له اختارلي انت شنو البس؟؟؟
والله يهنيكم |
عادي حبيبتي هو مو قاصد المعنى , ولو مايحبك و يغار عليك كان ما اهتم بلبسك
صدقيني من المحبه |
اشكركم على مروركم وتخفيفكم من القهر اللي ما خف الا قليل منه ،وهي مو مسؤولية حساسيه او شي انه وايد كلمات اسمعها من زوجي بس افوت شاسوي ، هو اصلا ما يحترمني ودايما يستهزء بي ،مثلا يقولي انتي جفتي ويهج بالمنظره ولين اقوله ان انت ما تحترمني يقول لي اتغشمر وياج اقوله تبي تتغشمر ،تغشمر بس بدون تجريح ،انه مو حساسه واااايد بس الكلام يجرح الصراحه ،حتى ثقتي بنفسي اهتزت
|
أختي الكريمة
في أغلب ظني أنك لا تتجملين لزوجك .. وهذا ربما يضايقه وأظن أن زوجك ينتظر أن يأتي هذا التجمل والتزين منك أنت بدون أن يطلب وربما كرامته تمنعه من أن يطلب ذلك منك .. لذلك تأتي ألفاظه خشنة وتتملكه الغيرة وخصوصاً إن رأى أنك تتجملين فقط وأنت عند أهلك وكنوع من الدفاع الذاتي عن الكرامة فهو يلجأ إلى الهجوم .. وإظهار أن شكلك لا يعجبه وأنه لايهتم . ورأيي أن تجربي التجمل والتزين له .. وأظن أنك ستلاحظين تغييراً كبيراً في ألفاظه وطريقة تصرفه .. ولكن إنتبهي ففي أول الأمر سيظهر أن الأمر لا يعنيه كثيراً .. فلا تحبطي .. بل داومي على التزين والتجمل له .. وسترين الفارق الكبير إلى الأفضل الذي سيحصل لزوجك . هذا هو رأيي وهذا ما أظنه .. يسر الله لك أمرك |
زعلي عليه ولا تعطينه ويه
|
حبيبتى طنشى اعتبريها زله لسان و ان كان هو قالعا ببرود فمن الممكن ان يكون من داخلة معصب و لم يبين لك
|
نفسي اعلق على زوجتي مثل كذا بس بدون ما تزعل ،، انا لو اقولها مثل هذا الكلام تروح تبكي وتقفل على نفسها في الغرفة وإلا في الحمام ..... شغله تجيب المرض ...... الواحد تعب من شغله ( سدد وقارب).... الله يعين بس...
اختي علاقتك مع زوجك علاقة صحية جداً وهذي تعليقات بسيطه ناتجه من غيرته عليك صدقيني ... والله يسعدك .... بعدين اسمعي الكلام من اوله احسن لك .... الله يحفظك ويسعدك وطولي بالك.... |
أختي الفاضله / أسال الله أن يوفقك دنيا وأخره ويشرح لك صدرك وييسر لك أمرك ويسعدك مع زوجك قولي آمــــــــــــــــــــــــــــــــــــــــــــــــ ــــين أختي الفاضله / زوجك على حق ولا تخلقين مشكله من لا شيء وتصير مثل القشه التي قصمت ظهر الجمل والنهايه طلاق . زوجك قال لا تلبسين البنطلون كان أطعتي زوجك وأرضيت الله وأغضبتي الشيطان ومن الطبيعي أنه يكون في ردة فعل من لسانه لكن واثق أنها ماهي من القلب .. وبعدين صحيح كيف تلبسين بنطلون أمام غير زوجك وهذا لا يجوز بفتوى من بعض المشايخ والبعض الأخرى حرمه حتى أمام الزوج لأنه تشبه بالكافرات هداك الله.... لكن أجازوه في داخل البيت مع الزوج فقد ويكونان لوحدهما ولا يراهم أحد وتلبس الي هي تبي ( وترى زوجك هو جنتك ونارك ) أسال الله لي ولك ولزوجك التوفيق والسداد لكل خير ..! |
لا تصيرين حساسة اختي الغالية ..
للأسف ..الرجل في مجتمعنا الشرقي له أن يقول مايشاء .. إذا كان زوجك معصب كلمة و رد غطاها يكون أحسن .. |
معلي حبيبتي..
طولي بالج وهدي اعصابج.. ترى الدنيا ماتسوى.. أنا بس مستغربة هو ليش معصب من البداية.. أكيد صار موقف بينكم قبل الطلعة.. أنتي تعدلي وتزيني ولا تخلين له فرصة ينتقد شكلج أو جسمج أو لبسج.. وإذا قال هالكلام مرة ثانية.. قولي له من عيوني.. إذا زوجي ماطعته أطيع من..؟؟ خليه يتوهق وينصدم من الرد.. ويسكت.. وإن شاء الله مايعيدها.. بس أهم شي ثقتج بنفسج.. ليش تهتز؟؟ رايه فيج.. راي شخص واحد.. في حين إن كل اللي حواليج يقولون إن جسمج حلو وزين.. الله يهديه لج ويوفقكم يارب.. |
افرحي يابنت زوجك يغار عليك وكان الواجب عليك السمع والطاعة ولبس لباس ما يفصل جسمك يعني تنورة وبلوزة او دشداشة نسائية ........ السلام
|
[quote=غريب قادم]أختي الكريمة
في أغلب ظني أنك لا تتجملين لزوجك .. وهذا ربما يضايقه اختي الكريمه اشكرك على مرورك ومشاركتك بس لاحظت منك ومن الاخوان والاخوات انكم حاطين اللوم علي انه ،صح انه ما اتجمل لزوجي باقولج ليش السبب الاول ان ما يقعد في البيت باعطيج برامجه اليومي عشان ما اطلع انه المهمله في ايام الاجازات يقعد من النوم الظهر يتقدى يستحم يطلع من الظهر يروح القهوه ما يرجع الا المغرب يصلي ويرد يطلع ومايرجع البيت الا الفجر ،وفي ايام الدوام يرجع من الشغل في نفس الوقت اللي يرجع فيه ولدي من المدرسه وانه اللي ارجعه يعني ما في وقت اني اتزين ،يتقدى وينام يقعد على طول يستحم ويطلع وما يرجع الا انصاف الليالي في الوقت اللي انه مليت وانه انتظره واقوم اغسل وجهي من المكياج وابدل ملابسي وانام،ودي اتزين بس متى واصلا انه ساكنه مع اهله بالبيت وما عندي الاغرفه وحده وهو عنده 3اخوان يعني مو معقوله اقعد طول يومي متزينه وهو محد واخوانه الللي موجودين بالبيت |
السلام عليكم ورحمة الله وباركاته يااختي العزيزة انا احس فيك انتي دخليت من شان اتفضفضي وطلعي اللي بصدرك .... الله ايعينك انا اقول ما اتعصبين ولا شئ خليكي كدا وادا هو سايك قاللك ايش فيك قوليله ....انا مضايقة .,..بيقولك من شنو قوليله لانه مو عاجبة زوجي وادا سالك صارحيه قوليله منو اللي بي سمعني الكلام الحلو مني اللي بيمدحني منواللي رايه اهم شي عندي ....وقوليله ادا كان بيدي اخلي جسمي احلى الاجسام في عيونك لكن هدي حكمة ربنا ......وبنسبة للزينة انا انصحك اول ما دشين دارك تتزينين ...لانه مو منهم ماللي ايشوفوه بالشوارع الله ايسامحم ....وربنا ايوفقك ان شاء الله
|
شكرا كايند هارت وباتبع هالنصيحه وبنجوف في احساس او خلص
|
| الساعة الآن 03:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©