ممكن تنصحوني؟؟
 

سلام لكل الاعضاء الكرام
انا ابصراحه عضوه جديد بالانتساب لكني من زمان اتابع المنتدى من بعيد يعني بدون مشاركات

حبيت اخذ رايكم في موضوع لاني محتاره فيه واااايد

انا مخطوبه من فتره و مشكلتي انه خطيبي مب مهتم فيه وايد ... ما جد سمعت منه كلمه حلوه الا فيما ندر يمكن مره ولا مرتين بس ...مع انه كان ينتظرني من فتره طويله.. تقريبا 3 سنوات

وفترة اتصالاته حاليا بين 2-3 ايام (قبل يوميا و مرات اكثر من مره في اليوم) لا اتقولولي انه مشغول عشان هذا مب عذر .. انا مب طالبه غير 5 دقايق في اليوم

والحين انا متردده و افكر اني انهي السالفه بيني و بينه لاني افكر و اقول دام انه في فتره الخطوبه هاملني ف شو بيصير بعد الزواج واللي امحيرني اكثر انه كان ينتظرني 3 سنوات
ليش منتظرني كل هال الفتره... وعقب لا كلمه حلوه ولا غزل :mad: ابا افهم :mad:

ارجوووووووكم محتاجه لردودكم و نصايحكم
لا تهملوني بلييييييز
يمكن اتكون مشكله بسيطه عندكم بس انا لا فرايكم وااايد ايهمني
قولولي شو اسوي ؟؟ كيف اتعامل وياه؟؟؟؟

حبيبتى الايام الولى كان متعذب انه مش طايلك وانتظر 3 سنوات حتىتتم الخطوبه يعنى اكيد بيموت فيكى .لكن دلوقت لما ضمن انك بتاعته اكيد بيفكر فى الطريقه اللى تجمعكم فى بيت واحد فى اسرع وقت وده كفايه انه ياخد منه وقت وانشغال وتفكير .اصبرى عليه ولا تتسرعى وما تندلقيش عليه قوى كده . وممكن لو الموضوع ذايد عن حده انك تقوليله بطريقه ظريفه او حتى بتهريج وتشوفى ردة فعله ايه يمكن تكون فيه حاجه جواه انتى مش عارفاها . والصراحه راحه . وربنا يسعدكم مع بعض.

بيرو اقولك ما قالي كلمه حلوه الا مره ولا مرتين ؟؟؟
يعني معقوله 3 سنين من الانتظار و بعدين لا كلمه حلوه ولا شي؟؟
ما يصييييييييير؟؟؟

وليه ما تستفتحي الكلام من طرفك , يمكن خجول ,,,

اخوي جمر تسلم على الرد
بس هو مب من النوع الخجول ابدا ...


وابصراحه اتوقعت ردود اكثر من جي ... :(

وينكم؟؟؟؟؟؟؟؟؟؟؟؟
افا ما هقيتها منكم
ما هقيت انكم تهملوني :( :( :( :( :(

:'(

هلا وفا....انا اظن انه من النوووووع البارد بس لا اكثر...مشكلتك انك راح تتزوجين واحد بارد هو انتظرك 3 سنوات صح....يعني يبيك بس طريقه حبه بارده

تسلمين عهودي الغاليه

انا ما اتحمل ريال بارد :s والله مب عارفه كيف اتصرف

كل اللي حولي ايقولولي لا اتكملين وياه ... وايقولولي بعد انه اذا الريال في هال الفتره ما اهتم في خطيبته يعني بعد الزواج ما راح يهتم :(

صح هال الشي ؟؟؟؟

انصحك انك تصارحيه

ثم بين فترة وفترة تحسسيه انه اذا ما اهتم فيك ممكن يخسرك

ليش حرام انش تتركينة وبعدين ليش انتي ما اتفاتحينة بالموضوع وانتي ابطريقتش حاولي اتحركين مشاعره بكلمه حلوة منك

اموووره تسلمين على الرد ... بسويه انشا الله
انقذتيني :)

باقة رد ثانكس على الرد و بكلمه وانشا الله
و ياااااااا رب اطلع وياه بشي

و حبيت اشكر كل الاعضاء على نصايحهم
استفدت منهم واايد والله لا يحرمني منكم و من نصايحكم

حاولى ان تواجهيه و تعلمي منه مالسبب الذي يدفعه لاهمالك

لا تعلمين ربما لديه ظروف او حالته النفسية سيئة

لا تتركي زوجك في المستقبل لرغباتك الشخصية

ابدأي حياتك بالايثار و الحب

و اسعي لاسعاده قبل ان يسعى هو ..

انتي اتصلي به و علميه على حبك ..

و اهتمي بأمره ..

و ارسليله هدايا

و هذه الامور

وفقك الله

وفااااااا مبرووك اولا


وبعدين,, ممكن الريال يستحي يرمسك كلماات حب وغراام ,,, او يبي يفاجئك بكل كلمه حلوووه عرفتهاا البشريه بعد العرس,,,
وانتي ليه ماتسالينه ليه موب يرمسك كل يوم,, او اساليه ليه اول يغلسس علييك الحين,, غير طريقته


اتمنالك التوفييق وفااااا :rolleyes:

ممكن اتكلم اول شي عن العادات وبعدين اعطيك رايي؟اول شي الظاهر انك اماراتيه ونعم فيك وفي اهل الخليج كلهم على فكرة انا ما ابعد عن الخليج انا من السعوديه0عندنا العادات في فترة الخطوبه ما في اي علاقه تكون بين المخطوبين وانا انسان خاطب وامر في هذا الشي يعني مافي اي علاقهبيني وبين زوجتي ان شاء الله وطبعا هذا من مبداء الشرع الاسلامي ثانيا كون انك تتركينه عشان ما يكلمك ذي الايام انا اقول حكمي عقلك وانظري هل هو انسان صالح؟ ان كان رجل صالح فاحمدي الله على ذالك ومن غير المنطق انك تتركي رجل صالح عشان ما تغزل فيك في لحظه ما00 وحاولي تشوفي ليش ما يفكر فيك ان كان بينكم عادي ممكن يدق عليك ويكلمك وليش ما تساليه عن سبب انه ما يكلمك ممكن يكون معذور0 واكرر عليك احمدي الله انه رجل صالح ان كان فعلا هو صالح واذكري انه كم من فتاه يدخل زوجها البيت وهو سكران وصار الشي هذا شيء عادي وكم من فتاة مهانه من زوجها 0وبرضو الشي عادي جدا0 اتمنى ان الله يوفقك

انتظار ، ريان 20 و الاخ بو عمران
ما اعرف كيف اشكركم ...

و ابا اقوللكم اني كلمته و قلتله اني حاسه انه هو مهب مهتم فيه و وعدني انه يهتم فيه اكثر و اكثر

و الحين الحمد الله حاسه انه مهتم فيني شويه اكثر من قبل :)

وبو عمران نبهني لنقطه واايد مهمه كانت غايبه عن بالي و هي " واذكري انه كم من فتاه يدخل زوجها البيت وهو سكران وصار الشي هذا شيء عادي وكم من فتاة مهانه من زوجها "

الحمد الله انه زوج صالح و يعرف ربه و يحاول يسعدني ....واتمنى انه ربي ايقدرني و اقدر اسعده

احلى و ارق تحيه لكم :)

والله اذا تبون الصدق انا بقول لكم نحن الرجال يوم نركض ورى شي ويكون صعب نحبه وااايد ونتعب عليه بس عقب ما نحصله نبدى نبرد اشويه اشويه عقب ترد فتره نحب نرجع له مره ثانيه يعني مثل ما تقولون حالنا متقلب فالله يعين الحريم علينا

السلام عليكم ورحمة اللة وبركاتة

أهلا بك أختي. الحل الأفضل في رأي أن تصليى صلاة الإستخارة طالما لم يحث أي شيء الان (أقصد الزواج) واعلمي أنة ما خاب من استخار.

بارك اللة فيج واللة يوفقج....

من رأيي أنك تحاولين تلفتين نظره وتكونين صريحه معاه يمكن أهو ينتظر منك المبادره يعني يريد يدلل عليك شوي او انه باردوهاي طريقته في الحب, وحرام تهدمين حياتك

عليكي بالصبر مازال الوقت مبكر

مساء الخير الصراحة موضوعك شدني لاني بعد اعاني من هالمشكلة وابي افهم شنو يصير للرجل مرات يكون هايم وعاشق حد الجنون ومرات كاشت وبارد كانه لوح ثلج ، لكن هذا سر لكل رجل

الاخ انا غريب

صدقت باللي قلته من جي لازم الوحده ما اتحسسكم بالامان :p

عزيزتي سمكه
انا من بداية المشوار وانا استخير الرب ..صح اني ما احلم ابشي لكني احس براحه ... و ما خاب من استخار :)

ليالي 2004
انا بالفعل لفت نظره لهال النقطه وصارحته والنتيجه مطمنه لحد الحين :)

hagy
الصبر ما ينفع في هال الحاله لانه معناته انه طرف ايعاني و الطرف الثاني ولاحاس او داري
والطرف الاول راح ايشيل في قلبه وبعدين بيي وقت و بينفجر فيه و بيكون الانفصال هو الحل لانه الصراحه ما كان مبدائهم الاساسي
و تحياتي لك

الغاليه ساهره
الريال اصلا ايكون متقلب
فمن جي مره ادلعي عليه و مره اتغلي و مره عيشيه ابحب ومره طنشيه وهكذا
بس ترا كل شي له حدود لازم اتعرفين متى اتسوين هال الاشياء :)
تحياتي لج