|
يا جماعه متردد عطوني حل
السلاااااااام عليكم ورحمه الله وبركاته انا مترد الصراحه انا متملك من وحده قبل 5 شهور تقريبا والعادات عندنا انك ما تشوف زوجتك الا ليله الدخله ولا توهق انك تشوفها قبل هذي الليله والزواج في الصيفيه انشاء الله لان عندنا عادات قبليه تمنع الشئ هذا لا احد يقول حاول لاني خابر الوضع كيف مسوي المشكله الكبرى حتى الا تصال ممنوع مو ممنوع بس ما احد سواه قبلي من الموجودين عندنا لاكن انا اعرف رقم جوالها هل اذا اتصلت عليها سوف تتعاون معي وتا خذ وتعطي معي ولا كيف والله اني اكلكم بصراحه الوضع رايح فيها عندنا شده اكثرها ما تبيها افيدوني جزكم الله عني الف خير :confused: |
أخي الكريـــم يحق لك أنك تكلمها هي زوجتك .. جرب تتصل وفهم زوجتك أنك محتاجها في هذي الفترة وان شا الله تفهمك : )
|
يُنقل إلى مكانه المناسب " عالم المقبلين على الزواج " |
اضم صوتي للاخ ميمو...
ياخي من حقك ولا عليك لوووم.. وبالتوفيق ان شاءلله |
معقوله للحين في هذا الزمن لسه هالعادات موجوده
اخي هذه زوجتك ومن حقك تكلمها وتشوفها . صير رجال واتصل عليها وحدد موعد عشان تشوفوا بعض وماعليك من هالخرابيط |
قدرك انك ابن هذه القبيلة ان كانت قبيلة ,بالنسبة لانك تشوفها زي قلتها لأنها الآن مرتك خلاص والصبر محمود عواقبه اما تكلمها فمن حقك لكن حسب تفهمها لان بعض العوايل يربون بناتهم على ان ذلك عيب وانت لاتظلمها ان كانت من هالنوع فاصبر حتى الصيف وعلى فكرة لاتزال العوايد والاعراف المحموده لها أثر في التربيه طيب واللي ماله اول ماله تالي والمفاجئات حلوه كمان خليها أحلى مفاجئه ومبروووووووك الف...........
|
كلمها ولا يهمك
نحن من معاك |
كلمها اخوي ولا يهمك واعتقد يمكن هي بعد تتمنى تكلمها تبيك انت تبتدي وبعدين الي يسمعك يقول ماادري تكلم من يوبه زوجتك حلاللللللللللللك والف مبروك مقدما والفال للعزاب :d
|
كن جريئا وكلمها ...فهى من المؤكد تتمنى ذلك فأنت بالنسبه اليها مجهول ايضا وما دامت تحمل جوال ..فهى تعلم انه صنع للمحاثه ..واحلى المحادثات تكون مع زوجتك حلالك...العروس تحب عريسها يقتحم حياتها بإصرار ..مو يخاف ويخجل.توكل على الله بس عرفنا ويش صار ما تنسانا وتستانس معها
|
عجيب ............................. ثم ................ عجيب اين هاذه القبيلة تقع في اي موقع من العالم قبيلة تتمسك في اشياء غريبة اخي انها زوجتك الاءن ما هاذه الحواجز يا صديقي خابرها هي تفكر فيك متأكد من هاذا . وكتبت كلمة عجيب على انهو كيف للاءنسان يتزوج من فتاة ولم يراها هل يصدق هاذا .. كان لي صديق قد تزوج من فتاة ولم يراها اتعرف ماذا حدث طلقها في نفس الدقيقة التي رفع فيها الغطاء عن وجهها فوجدها كريمة يعني عين واحدة فطلقها لا ذنب لها لكن من شروط العريس ان يرا شريكت حياته اليس كذالك اخي فنصيحتي لك ان تلتقي فيها وتراها طيب بلتوفيق يا عريس الله معاكم .. اخوك احمد العبدلي
|
يجب ان تكلمها فهي زوجتك امام الله وان لا تستطيع ان تراها لوحدك حاول مع الاهل بحضورهم وان لا فصورة واقل شيء تقدر تعمله ان تكلمها
|
يا اخى مادام ان العادات والتقاليد لديكم تمنع ذلك فعليك الامتناع
مايجب عليك فى يوم وليلة تغير من عاداتكم وبعدين انت شفتها قبل الخطبة خلاص دايم ودك تشوف . كان تزوجت ماصبرت خمسة اشهر وبعدين لاتكلمها بالجوال . واذا بغيت تاخذ رايها بشى اتصل على اخوها ليقوم بايصال رايك للمعلومية سيكون لقاك بيوم الزواج ذو شوق وتحرى والله يوفقك لاتنسى تبعث رسالة خاصة لنا لحضور الزواج انا اسكن فى منطقتك وشكرا |
هلا فيك اخوي
اذا جيت الجد هو من حقك انه تكلمها وتشوفها لكن نصيحتي لك لاتخلي الامور بينك وبينها من تحت لتحت يعني من غير مايعرف احد عن موضوع المكالمه او المقابله لانه صدقني لو صار الشي هذا من غير علم اهلها واحد عرف الموضوع موقفك ماراح يكون حلو |
حسبي اللة علئ بليسك
|
قد تجد البنت الآن والله أعلم تفكر نفس تفكيرك وتعيش بقلق يشبه قلقك لأنها هي ايضا لا تعلم ما ستواجهه في تلك الليله , و نظرا لإختلاطنا المستمر بتلك النوعيه من البنات و اللواتي ما زالت أسرهم وقبائلهم تسلك ذلك المسلك فنجدهم قلقات مترددات لأنهن يرغبن بالتعرف على زوج المستقبل لكن لا يعرفن الطريقه ولا كيف يتصرفن , فهن يخشين ان يبادرن ويفسر سلوكهن بشكل خاطىء سواء من الزوج او ممن حولهن . .. لذا حاول أن تجس نبضها عن طريق أخت أو زوجة أخ ليعرفوا رأيها و ردة فعلها , لانك ان قمت بالاتصال دون تمهيد فربما البنت ترفض ان تكلمك ظنا منها بانك تقوم باختبار اخلاقها . تحياتي ............... |
انا معاك كلمها بس ما تظمن رده فعلها
تعلم اهلها مثلا او تسوي لك سالفه بس بصراحه من حقك انك تكلمها ولو اني مكانك لازم اكلمها واشوفها واقعد معاها بعد يبه هذي زوجتك حلالك وهذا حقك تحياتي مهاوي |
ياااااه شي عجيب
المفروض انك اترمسها واتحاولون تتعرفون على بعض اكثر و اكثر بس دام انك اتقول انه عادات القبيله ترفض هال الشي و محد سواها قبلك...افضل انك اتقيس النبض مثلا اتطرش اختك اترمسها و اتشوف اذا هي ودها اتعرفك اكثر ولا لا ... واذا شفت انها تبا اتعرفك اكثر فما عليك من العادات و اتوكل على الله و كلمها .. ترا هاذي حلالك :) و الله ايوفقكم و يسعدكم |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©