|
زوجتي لاتطبخ انقذوني
مضى على زواجنا الآن مايقارب الشهرين
لاتطبخ ولاتهتم بي كأني لازلت عزوبي ياعالم والله ماعاد اطيق الحال وش اسوي معها؟ صدقوني دائما اكلمها بهدوء واحترام وود واناقشها حول هذه المواضيع بكل حب وتقدير تخيلوا من زواجنا كل أكلنا من المطاعم ؟؟؟ هل يعقل هذا ؟ تسهر الليل ولاتصحى الا بعد العصر والمشكله انها ماتسألني انت جيعان أفطرت والا لاا ؟ وين تغديت ؟ وش تبينا نتعشى الليله تطنيش وعدم مبالاه والله ياجماعه اني ماني مقصر معها في شيء ابدا اتمنى اعرف شيء واحد مقصر فيه حتى افهم انها ردة فعل منها !! لكن الكمال لله وحده قائم بحقوقها الشرعية كامله والحمد لله افيدوني ارجوكم قربت اتجنن ماأحس اني متزوج ابدا كأني باقي عزوبي كان جسلت عزوبي ابرك لي اقل شي أكل من يد امي الله يحفظها ويخليها لي ـــــــــــــــــــــــــــــــــــــــ انا اعرف ان الحياة الزوجيه مو آكل وبس لكن بالله عليكم شهرين وأكلنا كله من المطااااااااااااااااااااااااعم ؟؟؟؟؟؟؟؟؟؟ مرض هذا نفسي آكل من يدها ولو شي بسيط تتعلم مافيها شي والله لو تسوي لي بس سندوتش بالجبنه من يدها ويكون أكل بيت أظمن نظافته يكفيني |
قلها طيب انك تبي تاكل من يدها
بعدين يمكن ماتعرف تسوي شي تعرف بنات هالوقت بعضهم حتى الشاهي وهو الشاهي اشك انها تعرف تسويه |
ياخي جيب لها شغاالة
انت ماأخذت بنت الناس على شأن تكدها ريحها |
طيب قولــها خاطــري آكل من ايدج اي شــي لو أكلــه بسيطــه مثل سندويــش..
وانت بــعد ادخــل معاها ساعدهــا في تحضـير اكــله معيــنه وشجعهــا وامدح اكــلها.. والله يوفقــك.. |
اقتباس:
ليش أخذها ديكور في البيت :30: ولا ترضعة من صدرها:15: اذا أشتهى ياكل أو حتى يقولوا الناس فلان تزوج وأنتهى الموضوع الرجل يبي من زوجتة كل شئ .....كل شئ وش الفرق بين طبخ الشغالة والمطعم كلهم اردى من الثاني ( قلة نظافة ) وبعدين لو هربت الشغالة وش الدبره يموت من الجوع أو يرد للمطاعم نوبة ثانية عمر الشغالة ماكانت عمود البيت عمود البيت هي الزوجة |
حاول تجيب لها كتب طبخ يمكن ماتعرف تطبخ
وخلها تطبخ من هالكتب ولو شي بسيط وإذا طبخت شجعها وكان الله في عونك |
أخي الكريم : السلام عليكم ورحمة الله وبركاته ..
أولا مبروك الزواج .. ثانيا : أنت ذكرت [quote]صدقوني دائما اكلمها بهدوء واحترام وود واناقشها حول هذه المواضيع بكل حب وتقدير [/quote لكنك لم تخبرنا بردة فعلها على ذلك .. فهل هي تعتذر منك بأنها لا تعرف الطبخ .؟؟.أو أنها لا تريد أن تطبخ أصلا ..؟؟؟؟ أو أنها تعدك بأن تطبخ ولا تفعل ؟ أو غير ذلك .. فأعتقد أن علاج الموضوع يختلف على حسب ردها عليك عندما تحدثها في الموضوع .. لي عودة بإذن الله عندما نخبرنا بإجابتها |
طيب اطلب منها!!
قل ابغاك تطبخين بكرة ابغى أصحى والقى فطوري جاهز!! هي تعتبر نفسها عروس وماتطبخ س المفروض شهر وخلاص بصراحة طولتها وحتى اذا رفضت حاول معها برجولتك وقوتك مو بالصراخ طبعا بس بالعقل والله تستحي من نفسها وتطبخ لك الله يخليكم لبعض |
اقتباس:
|
طيب شنو كان رده عليك
يمكن البنت ماتعرف تطبخ شف اذا كان ماتعرف ساعده وصبر عليه وانتبه لو لاكل وععععععع لا تجيب من المطعم خله تتعلم ترا ياخوي العصا من اول ركزه انتبه لاتتساهل معه صدقني بتندم بعدين |
اقتباس:
لا والله اذا بياكل من ايد الشغاله المطعم اوفر شوي لا تطبخ الزوجها وتخليه يرفع راسه قدام اهله وربعه واذا على ريحتها تتروش بعد الطبخ |
من كلامك اتوقع انه زوجتك صغيرونه واكيد كان عندهم الخدم والحشم في بيت اهلها ومو متعوده تسوي شي
او يعتمد عليها في شي وطبعاغ هادي مشكله يعني حتى لو ماتعرف تطبخ على الاقل تحاول وحتى لو خبصت في البدايه ترجع تتعلم لانه ليش الرجل يتزوج عشان يحس بالاستقرار يرجع يلاقي لقمه ياكلها يلاقي ملابسه مغسوله ومكويه ويلاقي مراه تستناه بابتسامه لما يرجع البيت انا اتوقع هادي متطلبات كل رجل من زوجته انصحك اخي الكريم خللي احد يكلمها والدتك او كلم انت والدتها خليها تنصحها وابدي زعلك منها ولا تتهاون في الموضوع وتجيب شغاله والله يهديها ان شاء الله |
السلام عليكم و رحمة الله و بركاته..
أخي قدر وضعها لسه مهي متعودة على الإهتمام بشخص آخر.. شوي شوي تتعود.. أسألها عن سبب عدم إهتمامها..هل راجع لعدم معرفتها بالأمور المنزلية أم راجع لشخصيتها... الفتيات ينقسمن إلى: 1-ربة منزل حقيقية...يا بخت زوجها.. 2-ما تعرف أمور المنزل ..وعندها رغبة تتعلم...يدفعها إلى ذلك حبها لزوجها... هذه من نفسها تحسن نفسها...ومع الأيام تصير ربة منزل حقيقية... 3-تعرف أمور المنزل بس مهملة ما لها نفس غير تجلس زي الملكه و ما تهتم غير بنفسها و بملابسها و طلعاتها ... 4-ما تعرف أمور المنزل و لا عندها اي رغبه إنها تعرف ... 3+4 دي من جد الله يخلف و يكون في عون زوجها و أولادها...بس مين عارف إمكن مع الأيام تتغير.. أنت أعرف شخصية زوجتك و عليه تكون رده فعلك... |
حاول تساعدها في المطبخ ومع الايام بتخجل وتقلك لا تدخل انا اجهزك الاكل
يبغالها صبر والله يعينك ( ترى انا كنت زيها ×××××××××خخخخخخخخخ) والحين الحمدلله اتعلمت واكيد بتعلم كمان بس انت طول بالك ومن جد جيبلها شغالة يمكن ما تحب غسيل الصحون والقدور ( زي بعض الناس) المهم انت اتفاهم معاها ولا تزعل من اشياء بسيطة وخليها تدخل المنتدى ترى قسم الطبخ فيه اكلات لذيذة وبسيطة تحياتي لك |
أخوي المشكلة فيك أنت , لو أحست بحزم الرجال منك , وأنك أسهل ما لديك أن تستغني عنها
وأنك منت طايح عندها , كان مللت من اهتمامها , لكنها رأت منك أنك ما تقدر عليها ومهما كان الأمر فإنك راجع لها , لا محالة لضعفك امامها . ولعلمك ما في رجل يطلب من زوجته روحي افعلي لي وسوي لي , هذا الأمور تلقائية وواجبات كان الأجدر معرفتها قبل الزواج , لكن هذه الأمور تأتي من طيب خاطر ومعرفة سابقة بوجوبها ولهذا قال مدح النبي صلى الله عليه وسلم ذات الدين لأنها تعرف حق الزوج ومكانته , أم المراة الجاهلة بحق زوجها فهي نقمة عليه وكفارة ذنوب . بين لها أنك منت راضي عن اللي يسير منها واتركها ولا عاد تراجعها وعلى هذا الأساس عاملها , حتى تعرف ماذا تفعل . |
اشكركم جميعا
ماقصرتم والله .......................... ـــــــــــــــــــــــــ الاخت أم البنين4 ولايهونون الباقين كلما ناقشتها في هذا الموضوع 1/ اما انها تسكت ماترد بشيء 2 / او انها تقول طيب اصبر علي اتعلم ( تسكتني بالكلمتين هذي ) من شهرين وهي على هذا الموال جبت لها كتب طبخ تقرا فيها شوي وتطنش ارجووووووووووووووووووووووووكم اريد الحل مللت والله مللت والله اني قائم بحقوقها الشرعيه كامله واخاف الله فيها واحبها واحترمها واقدر مشاعرها لكني اريد زوجه ( بكل ماتعنيه الكلمه من معاني جميله ) |
كلامهم كلهم صح..
انت كلمها وان مانفع انا في نظري انك تلجأ لوالدتها او والدتك عشان يعلمونها الطبخ اذا كانت ماتعرف او يشوفون لهم صرفه معاها ... صراحه مو حاله |
شايفه حالها باقي عروس
|
نسيت اقولكم عمرها 30 يعني ماهي صغيره
|
اخي البنت بتدلع عليك
وانت اطلب منها الي تبغاه انتو لسة فيبداية زواجكم ما في حد يعرف عنالثاني شي يعني قوللهاابغاك تطبخي لنا اليوم حبيبتي اتمنى بكرة افطر من اديكي او تغدى بالبيت وكل يوم قول لها كدة وادا تعدر الامر كلم امها خليها تلم بنتها شوي |
معقول هذا حالها بهالعمر:30:
اممممم لازم شدة شوي ياأخوي قلها ترى السالفة مهي سالفة طبخ بقى الكنس والتنظيف وغسيل الملابس وبعدها بيجي طفل طيب بقولك حركة اخوي صار له موقف مشابه وقالت زوجته مابغى اطبخ الحين راح دخل المطبخ وجلس يطبخ وهي بالصالة وخلص الغداء وأكل وغسل الصحون وطلع ولبس وراح برا البيت ولارجع الا المغرب!!<< أكل لحاله طبعا وهي جالسة جوعانة!! قال بتسوين لي عشا ولا احطك عند أمك تعلمك؟ قالت بروح لأمي وداها وقالت تعال الساعة 12 قال لا بجيك اذا علمتك امك الطبخ!! ولما جت الساعة 2 دقت عليه تعال قال لا خلي امك تعلمك قالت مالك الا أفطرك بكرة بس تعال ومن بعدها وهي متعدلة |
أخي الله يعينك ..
زوجتك ليست بصغيرة كما قلت .. وايضا هي لا تعرف أمور الطبخ وأنت تشجعها على عدم التعلم من حيث لا تدري .. انصحك أخي أن تفتح معها الموضوع مجددا ..وتقول لها بأن لديها مهلة ( أسبوع مثلا )) وبعدها مستحيل أنك تشتري أي وجبة من المطعم ..وخلك حازم باللهجة .. وانتبهه من أنها تستجدي عطفك بعد الاسبوع وتجي تقول لك بس هالمرة وتتطاوعها وتشتري لأن هذي المرة راح تجر وراها مرات .. إن شاء الله تخليكم على الخبز والجبن والزيتون عطها الأمان ..وقول لها أنا مستعد أني اتحمل الأخطاء اللي ممكن تصير في البداية ... بس المهم أنك تتعلمي ... وإذا ما وافقت تطبخ بعد الأسبوع .. وأنت قرصك الجوع تقدر أنك تسوي زي ما قالت الأخت شوبارد (( أنك تحاول تسوي لك أي شئ وتاكل لحالك )) أو انك تروح للوالدة وتاكل عندها يوم ...يومين .. (( وهي جالسة بالبيت .... )) بعد هاليومين وإذا ما اعتدل الوضع .... ارجع وكلمها بهدوء ... وقول لها أنك صبرت عليها شهرين .. عطيتها مهلة أسبوع ... وبعدها يومين زيادة وأنك حافظت على مشاعرها ولا تكلمت لأحد بأنها لا تعرف الطبخ لكي لا تتكون لدى الآخرين سمعة سيئة عنها .. فإن كنت قد قررت أن تتعلمي فأنا معك وسأصبر عليك بشرط أن تبدأي من الغد .. فإن وعدت ولم تفي ..(( فآخر العلاج الكي )) قل لها بأنك ستأخذها في زيارة الى أهلها ..ولابد أن تطلع والدتها على الأمر وقل لها أنك لن ترجعها حتى تتعلم الطبخ .. (( انتبه أدري أنك معرس جديد وقلبك عليها وراح تحس أن هذا الأسلوب جاف ويمكن تقول ما أقدر أقسي عليها لكن تأكد أن هذي المعاملة هي اللي مخليتها ما تحاول تتعلم )) أسأل الله لك التوفيق |
الله يعطيكم العافيه جميعااااااااااااااااا مشكورين الله يوفقكم
وأخص بالشكر اختي الفاضله ام البنين الله يخلي لك ابناءك ويصلحهم راح ابدأ معها ان شاء الله من بكره وكما تفضلتي ( آخر العلاج الكي ) الله يصلح الاحوال انا ارتحت كثيييييييييييييييييير يوم فضفضت لكم وكتبت مشكلتي الله يريحكم في الدنيا والآآآخره |
أخي الكريم
كثيرا ما أسمع من يشكي من هذه الحالة من النساء أنها لاتطبخ لزوجها وقلبها يتقطع حسرة لكنها لاتفصح لزوجها السؤال أخي: هل مليت لها المطبخ مقادير عشان تطبخ لك؟؟؟ ترى كثير من الشباب لما يتزوج ماتعود على المسؤلية انه يجيب اغراض الطبخ للبيت ولما تقوله زوجته يقول أشياء مالها داعي ولا يعلم أنها اساسية في الطبخ لاتجيب لها شغالة ولا شي وديها لسوبر ماركت وقولها شيلي كل اللي تبغينه للمطبخ بدون ماتقوللها تحتاجينه أو لا!! اتركها تشيل اللي تبي والنهاية راح تشوفها بعينك وفقك الله هذا رايي والله أعلم |
اخي عندي أضافة بعد ماقرأت بعض الردود
ارجوك إلا القسوة في بداية الزواج بالهداوة بالأسلوب اللين وربي كثير مننا أول ماتزوجنا تلخبطت أوراقنا مو قادرين نطبخ مع أننا كنا في بيت أهالينا طباخات شويه شويه على البنت بتطبخ لك المرأة تحب المطبخ لكن صبرك عليها فأنت لست بكامل |
اختي الكريمه نور شكرا لك
انا بصراحه مااعرف شي من اغراض المطبخ دائما اقولها وش تبين مقادير للمطبخ قولي لي اروح اشتريه تقول لاتشتري شي مو الحين بعدين اذا بدأت اتعلم هذا كلامها على طوووووووووووووول كم مره اجيب اشياء بسيطه واحطها في الثلاجه والله انها تخرب بعد فتره ارميها خلاص انتهت صلاحيتها ؟ |
أنا أقول يمكن الملامة مو عليها على أمها اللي ما علمتها الطبخ وهي في هذا السن أو إنها تتدلع عليك لأنه شافتك طيب ومعطيها وجه أكثر من اللازم .
|
تصدقون اني جلست تقريبا سنه وانا ما اطبخ الامرتين في الاسبوع
لا واذا طبخت اطبخ شكشوكه وبعدها تصلح حالي وصرت الحمد لله طباخه بشهادة الجميع والسبب ان زوجي تركني في مجاعه ما يشتري يخليني اموت جوع وبعدها اضطر واقوم اطبخ |
ههههههههههههههه والله ضحكتني زوجتك يمكن ماتدري ان الزواج مسؤليه
تحسبه تمشي ومطاعم ووناسه هههههه قل لها الصراحه لاتسكت هي ماعندها سالفه ماحد علمها واذا ماتعرف تطبخ ودها اسبوع عند اهلها وخل امها تعلمها غريبه والله بعض الناس المفروض يعودوا بناتهم تحمل المسؤليه مايخلوهم كذا كان الله في عونك اخوي والله يبغالك صبر |
والله ياخوي ماراح ازيد على الي قالوه الاخوه بس بقولك تجربتي مع زوجي
انا في بداية زواجي ماطبخت ولا شي معرف اسوي حتى البيض وبعد شهر قالي ابيك تطبخين وراح وجاب مقاضي للطبخ جا الفطور عملتله نواشف وبيض مقلي ابن الحلال اكل وما تكلم اجا الغدا وكانت الطامه قلت بصراحه معرف قال كبسه ماتعرفين؟؟؟ قلت ااام لا قال طيب شوف وبدا يطبخها قدامي ( هو متعود على الطلعات للبر والطبخ علشان كذا كان يعرف ) وخلص الغدا وتغدينا وكانت احلى كبسه ذقتها في حياتي ومن بعدها بديت انا اعلم نفسي والنت ماقصر افتح النت على اي اكله ابيها لغاية ماصرت الان طباخه بشهادة الجميع عقبال زوجتك يارب |
........................
ابغى اقول ترى الحياة الزوجية تفاهم ومودة ورحمة وحنان يعني ما في شي اسمه وديها عند امها ربيها لا تعطيها وجه في شي اسمه دلعها فهمها بادب ساعدها ترى الرحمة حلوة والكلام الحلو والمعاملة الحلوة تريح البال وتجبر الانسان يحترم اللي قدامه بلاش العصبية في الردود تحياتي ....... للجميع |
انتبه انتبه انتبه أغلب الردود جدا قاسية لو عروسة ولي شهرين ولا ثلاثة متزوجة وزوجي وداني لأهلي كان الطلاق تم حتما والله مستحيل أدق أقول تعال خذني ولا أهلي بيرضون انت اسأل الوالدة أو وحدة من خواتك وشهي طلبات الملوخية مثلا عاد هي تقولك ملوخية--ثوم--زيت.........جيبها كلها للبيت وقول والله وأنا عند صاحبي أو عند أخوي أو أي احد شميت ريحة الملوخية واشتهيتها وابيك تسوينها لنا بكرة ان شاء الله واذا قالت ما أعرف جيبلها التلفون وقول دقي على امك أو امي أو اي حد يعلمك وان شاء الله بتاكل الملوخية بكره ولو ما سوتها انتبه تقسى عليها ولا على قولت الاخ تحسسها انك مستغني عنها وعشان الأكل أعوذ بالله |
رح كل برا وخلها تموت من الجوع يقولون الجوع كافر بيخليها تعرف من جد
|
عادي أخوي اطلب منها تسوي الأكل وقول لها خلص ماعاد أشتري أكل من برى هذه زوجتك ومن حقوقك عليها أن تهتم براحتك ومأكلك وملبسك كما أنت تعمل وتكد من أجل توفير لقمة العيش وما دمت قد استخدمت اسلوب اللين والدعابه ولم يجدي نفعاً جاء دور الحزم والشدة ولدي فكره قم بعملها وهي أن تأتي في يوم من العمل وقد تناولت غدائك في الخارج وعندما تحضر للبيت اطلب منها أن تجهز الغداء لك وبالتأكيد سوف تطلب منك أن تحضره من الخارج عندها أصر على موقفك ولا تحضر وحينها سوف تضطر هي لعمل الغداء خاصة أنها سوف تكون جائعه جداً وأنت والحمد لله المعده متروسه :) جرب ولن تخسر شيء
|
شف ابيك تعرف اول شي ان الوضع طبيعي
شفيك مستغرب؟؟ ترى اغلب المعاريس يقعدون شهرين وانا وحده منهم واخواتي وصحباتي وووو يختلفون الناس وفيه الي قعدو سنه المهم مابيك تكبرها وتحس انه نقص بها عاااااااااااادي جدا ثانيا: ياخي تبيها تطبخ مافيها شي قلها يلله ياعمري نروح السوبر ماركت نتقضى للمطبخ ابدا لمح وقل نمر نجيب كتاب طبخ عادي مافيها شي او قلها بكرى حبيبتي ابي اذوق طبخ ايدينك يعني المساله عاديه بس هي شافتك ساكت تحسبه عادي والبنت جديد عليها الوضع ماتعرف لاتلومها وهي توها عروس بالبدايه ادخل معاها المطبخ ساعدها بعدين حتتعود هي بعدين شكلك تكره اكلك المطاعم حيل علمهاااا ودائم ردد انك تكره اكل المطاعم مسكينه البنت ماتعرف توها وبالتووووووووووووووفيق |
الله يعطيكم العافيه جميعاااااااااااااا
انا عااجز عن شكركم حقيقة باقة وردة أهديها لكل واحد منكم معطرة بأريج الشكر والعرفان أشكركم بلا حدود أشكركم الى ان انتهي من الوجود كم أسعدني هذا التواصل الرائع منكم أحبتي في الله لاحرمني الله فيض حنانكم ووفائكم وعطائكم الزاهر ــــــــــــــــــــــــــــــــــــــ أختي الفاضله سلطانة البشوشة صدقيني انا ماطنشتك بالعكس قرأت ردك وكان جميل الله يعطيك العافيه ياوخيتي لاتاخذي بخاطرك انا عممت الشكر للجميع بلا استثناء ـــــــــــــــــــــــــــــــــــ ولمن ظن اني سأقسو على زوجتي لااااااااااااااا ولم ولن ولن ولن أقسو عليها في يوم من الأيام مهما حصل منها من تقصير كلي حب وإخلاص وتقدير لزوجتي رعاها الله وأسعدها دوما صحيح اني مللت الوضع ... لكن الله يهديها ويسهلها من عنده الأكل مو كل شي ولا منتهى السعادة ولم يكن مطلبي ومرادي.... والطبخ ليس غاية بل هو وسيلة والرسول صلى الله عليه وسلم أوصانا بالنساء خيرا وقال ( خيركم خيركم لأهله وأنا خيركم لأهلي ) ( خلقن من ضلع أعوج إن ذهبت تقيمه كسرته وإن تركته ضل معوجا ) أحببت عرض مشكلتي التي تؤرقني لما رأيت من عقل ناضج وفكر راق وروح حلوة مرحة يتحلى بها أعضاء هذا المنتدى العامر الجميل أكرر شكري ولكم عاطر الود والمحبة ولن أستغني عن بقية الآراء هاهي الدنيا أخذ وعطاء ^ ^ ^ ^ ^ ^ ^ ^ ^ ^ ^ وفي الختام أحبك يا زوجتي الغاااليه أحبك كثيرا http://www.66n.com/forums/images/icons/tongue3.gif |
اقتباس:
زوجتك كبيرة في السن يعني اكيد عارفة كويس الي لها والي عليها وعارفة انه الزواج مسؤولية كلمها بصراحة وبجدية واكيد راح تتفاه ممعاها اعانك الله وان شاء الله نسمع عنك اخبار جديدة |
ياخي جيب لها شغاالة
انت ماأخذت بنت الناس على شأن تكدها ريحها _____________________________________________ مستغرب انا من هالجمله او الرد بالله عليج حق شنو الشغاله ليش ما يجيب عروسه شرايج مو احسن ؟؟؟؟ عجبا والله ترا احنا يا الرجاجيل مو قضية طبخ طبعا ما بيموت جوع لكن يا بشر احساس احساس حتا بيض وطماط ما تسوي له على الاقل تحسسه انها تسوي شي عشانه _______________________________________________ اخوي هاذهي النوعيه من الزوجات لا تنفع ويا هال العين الحمرا اسمع يوم الاجازه وشكلها ما تعرف تطبخ وتصبر شوي وضح شوي من نفسك امسكها من يدهاا بطيب ولطف وحنان وقولها يا زوجتي اليوم نبي نطبخ بروحنا انا وانتي ندخل المطبخ ونطبخ اي شي خاطرنا فيه وش رايج خاطري اليوم ناكل من طباخناا وربي يفتحها عليك بس مثل ما قلت لك كل شي بالطيب والين ادري اخي الكريم انك مو ميت جوع بس شغلة تحز فالنفس وعارف ربي يريح قلبك وجيب لها كتب طبخ واقعد وياهاا سلااااااام اخوك مايهزك |
وي وي اشبك معصب دوبك شهرين مو سنه
ترى لسه البنت عروسه شوي شوي عليها وبعدين يمكن ما تعرف تطبخ ترى انا زيها وزواجي بعد شهر ونص ما اعرف اسوي قهوه ولا شاهي ولا حتى اندومي بس مصيري حتعلم ان شاء الله انت ساعدها خفف عليها ادخلو مع بعض المطبخ يا اخي سوو سلطه مو تقولها سويلي كبسه بالله قلي ع المستجدات عشان اعرف من بدري ايش حيسير فيا |
أخي لا تعتقد ان اللين هو الحل السحري للنساء , صدقني سترى بنفسك أن اللين يرونه منك وخور في رجولتك
سوف ترى مع الأيام تميل للحزم , لأنهن كما أخبر عنهن الصادق المصدوق خلقن من ضلع أعوج , وانهك يكفرن العشير , فلا بد من مزج الحزم مع اللين , اما اللين الدائم ستجد غبه مع الأيام , وستزيد عليك , وستصبح عادة والأيام تثبت لك !!!!!!! |
| الساعة الآن 05:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©