|
من اتزوج ؟
مرحبا يا اخواني
سؤالي متعب جدا من اتزوج اتزوج الي احبها او اتزوج الي تحبني يمكن غريب سؤالي صح فيه انسانه جدا معجبى فيني مدري احس انها تعاملني بشكل ثاني وبطريقه ثانيه هي بنت خالي دايم تجي مع ابوها عند أمي وبشكل يومي تجي عندنا يعني هي من بد اخواتها تزور بستمرار وبطريقه ملفته للنظر ولله ما اكذب اذا قلت تجي بشكل يومي مع ان خواتي كلهم متزوجات ولا فيه الا انا وامي بالبيت وصار اليوم موقف حسسني بهذا الشعور سلمت عليها وجلست بعد صلاة المغرب مع أمي وبنت خالي طبعا هي اصغر مني بسنه بس عمرها 22 قالت كلمه خلتني اضرب اخماس في اسداس قلت عطيني ترمس القهوه قالت ابد اذا ما صبيت لك من اصب له يمكن كلمتها عاديه بس هزتني شوي مع العلم انها كانت صديقتي وحنا صغار بحكم تقارب السن كنا نلعب مثل عيال الشوراع ماكنت احس انها بنت لدرجه كنا بايام الابتدائي ناخذ الالعاب الناريه ونشبها وندخلها تحت الباب حق الحمام عاد تخيلو ياما تضاربنا اشياء كثيره فجئه انقطعت علاقتنا يوم بدت تكبر ونا بديت اكبر معد يخلونها تجي وتلعب معي بدت تكبر ونتو عارفين شلون البنت تكبر وصارت العلاقه جدا رسميه ومرت السنين ونا بكل فتره احس البنت تبيني وكل تصرفتها توحي بذالك ونا عارف وصلتني الاخبار بس اليوم هزتني شلون هذيك البنت الي كنا نتضارب يجي يوم من الايام ونتزوج ويصير بيننا مثل باقي الازواج ونا عمري مافكرت فيها والحق يقال مايعيبها شي ابدا لا اخلاق ولا جمال ولا شي بديت افكر فيها بجديه من تلك اللحظه الي رمت السهم علي وكنها تقول يلا الكوره عندك انا ما اكررها بس ما احبها هي تحبني انا مستعد احلف بس ودي ادخل الموضوع براسي بس منب قادر الى الان صورتها في بالي طبعا هي يوم كبرت صارت تتغطى مني بس ساعات اقول هي تحبني ويمكن حبها لي يقصر كثير من المسافات بيننا وساعات اقول زياد انا اذا جلست معها كني جالس مع اختي بس ليش هزتني اليوم اشياء كثيره داخل عقلي ودي افهمها جلست افكر بمنطق قالت انا مستحيل اتعرف على بنت وتصير علاقه بيننا وهذا مايجوز شرعا واصير احبها حتى الي بتزوجها ماراح احبها في البدايه مجرد ارتياح ونا بنت خالي ربيت معها لدرجه انها معلمه في جسمي اثار التربيه ( قد ضربتي بالكاس حق المويه القزاز في رجلي وعلمت فيها الا اليوم ماراح انساها ونا كنت مهددها بس الله كريم ههههههه) فهمتوني خاصه اني قررت اتزوج خلاص بعد عده استخارات بس ليش طلعت بنت خالي الحين انا احس اذا اختها برتاح من اشياء كثيره خاصه انها عارفه نوع اللعلاقه الي بيني وبين امي وهذا الي مخليني افكر بجديه انتظر الردود |
تزوج من تحبك , أفضل من تتزوج من تحب
وشكراً |
انا مثلك اخوي زياد
انا احب وحده .. و فيه وحده شبه متأكد إنها تحبني .. و متحير مره أقول مالك و مال وجع الراس تتزوج وحده تحبها ما تدري هل هي راح تحبك بقدر ما تحبها أو لا و مره أقول يا رجال تزوج الي تحبك .. تشيلك فوق راسها و تشكلها على الي تبي استخرت مراااااات عديده.. و الحمد لله اتتني رؤيا واضحه و كانت لصالح الي احبها استخر يا زياد و إن شاء الله .. ربنا عظيم رحيم لا ينسى عباده السائلين.. سبحانه |
استخير الله والله يعينك ويسخر لك الخير والطيب
تحياتي |
تزوج من تحبك :22: , أفضل من تتزوج من تحب ولكن بعد أستخارة الله تعالى وشكرا:14:
|
اقول يالاخو
البنت اخلاق وجمال امسك فيها بيدينك ولا تفرط فيها دامت البنت تحبك بنت تعرفها وتعرف اصلها واخلاقها ولا بنت تتعرف عليها |
يا اخي انا اقول اذا ما تحبها لا تظلمها
يعني الزوجه كمان تحب تشوف نظرة الحب و الاعجاب في عيون زوجها يعني انت اذا تزوجتها راح تحبها و خلاص ما راح تحط عينك على امرأة غيرها و لا بعد كم سنه تنوي تتزوج عليها بحجة انك من اول يوم ما حبيتها فكر مليا و استخر و لا تظلمها و لا تظلم نفسك و اذا شفت انك تستطيع تمنحها قلبك و حبك فلا تتردد و الله يجعل الصالح في ما تختار ان شاء الله |
عذرا للجميع!
لكن ليس الحياة مجرد انها تحبك خلاص أو إنك تحبها خلاص! هذي حجياة وليس فلم هندي! يا أخي انس أنها تحبك تماااااااااااااااااما!! وفكّر بمدى صلاحيتها لك كزوجة! مو صحيح انها اذا كانت تحبك راح تسعدك! يمكن ما ترتاح معها كشخص!! يمكن العكس كاااااااااانت تحبك! لكن بعد الزواج تتغير مشاعرها! مثل هذي الأمور حساسة وتحتاج تفكير أكثر من مجرد مشاعر عارضة! مسألة برود مشاعرك أمر طبيعي ولا يدل على عدم تناسب بينكم! لكن الفترة الماضية لم يكن موضوع الزواج ملح في خاطرك! ولكن حاليا حينما بدأت تفكر جديا في الزواج كان لكلمتها أثره! في الحقيقة أتصور أنك تبحث وتفكر وتجد في دراسة مدى التناسب الفكري والنفسي بينكم فإذا رأيت ذلك فتقدم وإلا فحبذا ان تخبر والدتك ان تبين لها أنك تحترمها احترام الأخ لأخته وانه ماله داعي كثيرة الزيارات وو الخ حتى لا تحطم آمالاها! وبصراحة اكثر وودت انك من البداية بمجرد علمك بوجود شيء من الميل تجاهك انك بيّنت لها من خلال والدتك أن لا تفرض نفسها عليك! حتى لو كنت تريد الزواج بها! لأن تركها تتعلق فيك بهذه الصورة له أثره عليها وعلى علاقتك بخالك.. لكن لو من الأول وضعت حدود ما حصل هذا الاضطراب! اكرر اترك عنك مسألة محبتها لك ومسألة مشاعرها وركّز على مدى التناسب بينكم... ومسألة الحب والشوق والوله ووو الخ لا تخاف ستتولد رغما عنك مع الأيام والعشرة والمكالمات وو الخ... فمعظم الناس لم تتحرك مشاعرهم إلا بعد لارتباط الرسمي..رغم وجود علاقات قوية بين الأسرتين قبل الزواج...ولم يمنع وجود تلك العلاقات القوية سابقاان تتولد علاقة زواج سعيدة بين اي طرفين من هذين الأسرتين بالتوفيق |
فكر قبل ان تظلم البنت
وتقلها بكره انا عمرى مافكرت فيكى وهااااااااا الخرابيط الى فى بالكم سلام |
بصراحه اخوي كلمتين بقولك ورد غطاهم
امي دايم تقولي (((اخذي اللي يحبك ولا تاخذين اللي تحبينه))) ليش ما تقدم وليش لا واشوف الوضع كل متوفر خاصة انك عارف انها بتقدر امك وبتشليها فوق راسها توكل على الله وبالتوفيق |
من الواضح أخي الكريم أن لها معزه في قلبك ولكنك تحاول أن تقنع نفسك بعكس ذلك وواضح جداً من كتاباتك لتذكرك لأيام الطفوله واستمتاعك في سردها وما دمت غير مرتبط بقصة حب ولن تقوم بذلك مع زوجة المستقبل فأرى أن ابنت خالك هي أنسب فتاة لك خاصة أنك متأكد من أخلاقها وحبها لك
|
حبتيييييييييييييييييييين .... (ماشاء الله عليك) !!
يارجال الواحد متبهذل على مايلقه واحدة تحبه ، ويقعد يتمرمط في هالشوارع وفواتير تلفونات ورسميات وحركات مال أمها داعي ... وأنت لقيت وحدة تحبك على طووووووووول .. ماشاء الله !! توكل على الله يارجال وخلك عنك هالخرابيط .... بنت شاريتك بأغلى الأثمان ، لا تبيعها بأبخسها ... بس لا تنس تقولنا متى العرس علشان نباركلك ... |
لا يوجد عندي كلام زياده عما قاله الاخوه سوي لا تحطم قلبك اولا ولا قلب احد ثانيا
|
إذا أنت مو حاط في بالك وحدة معينة أوتريد وحدة معينة ..
تزوج من تحبك ولا تحطم قلبها وتخذلها لأنها يمكن تتمناك من وهي صغيرة .. بس مو تقول لها أنتي حبيتني أول وماتزوجتك إلا لأنك تحبيني.. |
مشكورين يا اخوان على نصائحكم
بس انا استخرت وحسيت برتياح لهذا الموضوع وفكرت فيها بالعقل وبصراحه صرت انظر لها بشكل غير يعني فيني شي تحرك لها حسيت برتياح والصراحه كان لنا ماضي المفروض يصير مذكرات طبعا وحنا صغار صراحه فكرت ولقيت كل شي ابيه فيها ونا قلت لمي عشان نخطبها واستغربت من الموضوع وقالت لي ما توقعت انك تبيها كانت تجي وتروح ماعمرك قلت عنها شي قلت عاد هذا النصيب انتي راضيه فيها قالت ولله لو ابي اخطب منب لاقيه مثلها ولنب مدروه لك الا وحده زيها قلت اجل توكلي على الله وبصراحه حسيت انها مناسبه لي مدري فهمتوني ولا لا يكفي انها طيوبه وحبوبه حتى قبل فتره لاعب انا وياها اونو مانخلي حركاتنا الا الحين وحنا بزران ونتهاوش يمكن تقولون علاقتكم قويه بس تربينا مع بعض كانت 24 ساعه في بيتنا يعني يوم كبرت ماتغير الا انها صارت تتغطى مني وبس برتاح وريحها صدق كنت اعمى ونا حاط موضوع قبل فتره عن الزواج سبحان الله يرزق الواحد على قد نيته بخلي امي تخطبها لي والف شكر لكم |
ياجماعه تراني ماعرف بنات ولا عمري كلمت او تعرفت على احد
هي كانت قدلم عيوني ونا قررت اني اتزوج وحطيت موضوع فجأه قالت كلمه خلتني اراجع حساباتي بس ليش احطمها وتحطمني انا اعرفها وعرف شخصيتها لا وبعد اعرف شلون تفكر بس ماكنت اتوقع انها تبيني ونا كل المواصفات الي ابيها فيها وزود تخب علي بعد ولا فيه أحد في بالي ابدا تراكم خوفتوني تحطم ومدري ايش الموضوع بكل بساطه ارتحت لها وهذي الراحه من زمان بس فكرت فيها كا زوجه بجديه ولقيت اني ما راح احصل مثلها ونا من النوع الي مايهون علي اكسر قلب احد فما بالكم بوحده تربينا سوا وعلاقتنا انا وياها كانت كبيره جدا لا اانا ما افكر كذا يكفي انها تحبني وتحترمني ويكفي انها فكرت فيني اني اكون زوج لها ونا قلت لكم هي حركت فيني شي دايم تصرفاتها فيها شي يوحي لي بشيئ حتى في الكلام ننسجم مع بعض زي ما كانا صغار ولله لها سنين وهي كل يوم عندنا بحكم قرب بيوتنا من بعض |
الله يوفقها ويوفقك صراحه البنت هذى ذكيه .........وانت ماشاء الله شخص رياضى تقبلتها برحابه صدر .....سبحان الله موضوع متسهل من الله .,,,,,,,,,,,الله يبارك فيكما ويجمع بينكم بخير اذا كان خير لكما والله يرزقكم الذريه الصالحه
|
مبروك أخي والحمد لله على مثل هذا القرار..
بس أحنا نقصد انك ما تعلقها او تتزوجها لمجرد أنها بنت خالتك وعارفة وضعك.. حبينا انك تقدم وأنت بالفعل تشوفها مناسبة والحمد الله الموضوع جاب نتيجة متوقعة انك فعلا وجدت نفسك تجدها مناسبة ووهذا اللي نبيه......ز بالتوفيق |
| الساعة الآن 03:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©