|
ماذا تضع في درج سيارتك؟
السلام عليكم
اخواني واخواتي ماذا تضعون في درج السياره ؟ بأبدأ بنفسي بما اني من عشاق الحلويات فدائما موجود في الدرج والجيوب الخلفيه للسياره (لبان (علكه) _حلاوه ليمونيه _حلاوة كفي_حلاوة نعناع) طبعا كل ماأحد يركب سيارتنا لازم يفتح الدرج او يفتش الجيوب. والأن دوركم ماذا تضعون في درج السياره؟ عشان استفيد ربي يسعدكم ويفرج همكم وينولكم مرادكم ويسخرلكم ويوسع رزقكم اختكم في الله |
عطر واستمارة السياره بس العطر دايم يتبخر مع الشمس اذ عندك حل للمشكله هذي علمني
|
والله يا روح ، صراحة أحط بالدرج فواتير المحلات اللي يكون عليها لفظ الجلالة .. وأنقهر من اللي يجيك يحط دعايات لمحلاتهم وتلقينها معلقة على قزاز السيارة يكون فيها لفظ الجلالة !!!
صراحة درج السيارة أخر مكان أفكر إني أفتحه للأسف .. |
للآسف:29: الدرج عند فاضي مافيه إلا اوراق خاصة بالسياره :d و أستماراة السياره (والرخصة عن قريب:26: ) اضعها في (الشماسه) لان النقط التفتيش في كل خط:22: وكل شوي يطلبونها؟ مشكوووره على هذا الموضوع ياروح الغالي :25: وفي انتظار ردود الاخوان (نريد الأستفاده) اقتباس:
والله ياخوي هذه الشمس لانستطيع التغلب عليها :d لاكن افعل ما أفعله بالنسبة للعطور خلها في السياره إلا وقت الظهر والعصر خذها معك في البيت (حفاضاً من أشعة الشمس:21: ) تحياتي وتقديري ,,, |
بالنسبه الي
طبعا درج سيارتي بحط فيه اوراق السيارة والرخصة والعطر الى احبه وايضا شريط القران الكريم اسمعه الصبح لما اروح الكلية شكرا كتير على الموضوع وبالتوفيق أن شاء الله |
والله انا اعتقد انه الدرج مال السيارة حق الملكية والاوراق المهمة وحتى اوراق البيمة وعزكم الله حتى اوراق الحوادث لانها وااايد مهمة
|
درج السيارة اول شي ..
1. قرآن كريم ( حجمه صغير)ما ادري احس اني لا سمح الله اقول ساعات يمكن فجأة احس بضيقه او لا سمح الله بيصير لي موقف واكيد راح احتاج فيه اني اقرأ القرآن ..والله انه هالإحساس دايما يرافقني عمري ما تنقلت بأي وسيله بر جو الا والقرآن او اوراق بها ادعيه واذكار في شنطتي .....سنين وانا على هالحال .. 2. اوراق تخص الوكالة اللي يكون مواعيد تشييك السيارة ..والدفتر الخاص بالسيارة ساعات اضطر استخدمه ان ما فهمت زر من الأزرار تخيلوا ..لأني من النوع ما ادقق بكل زر وشو وظيفته في السيارة من البداية .. 3. معطر للسيارة+ كريم واقي من الشمس . 4.اوراق المخالفات اللي تحرر مباشرة من شرطي المرور :30: اخبيها من الوالد .! 5. واهم شي بعد في سيارتي وما اتحرك بدونها ابدا ابدا وممكن ارجع للبيت عشانها غرشة المااااااااي .. شكرا لروح الغالي .......على موضوعك وتحياتي لك |
الاستماره وعطر
العلك اخليه بالدرج الي جنب يدي يعني افتحه واخذ واحد بدون ما يلاحظ الي جنبي ايش الي اخذته:d :d :d خاصه اذا بدينا بالكلام مقلب من ايام الثانويه بس المقلب هذا ما اكلته انا اخونا في الله يحب الثعابين وكان معه ثعبان في جيبه ( اي وربي حاطه بجيبه) وعملنا خطه ع واحد مننا (مسكين الولد الي حط فيها) حط الثعبان في درج السياره ويوم انا نبي نمشي حلفنا ع الولد انه يركب قدام ( مو اكبر واحد فينا بالعمر بس عشان المقلب) مشينا شوي والسواق كان يمشي خفيف تحسبا للامر ...... قال للولد افتح الدرج وطلع كاسيت ( الولد في باله يختار كاسيت ع كيفه) يوم انه فتح الدرج الا والثعبان قدامه ( يوومااااه) من كثر صياحه حنا خفنا معه وحنا دارين بالثعبان ( اتوقع حتى درج سيارته لما يفتحه راح يكون حذر):d |
حاطة بدرج سيارتي الأوراق المتعلقة بالملكية والتأمين وووو..
وأيضا قفازات بيضاء أستخدمها عند القيادة نهارا حتى لا تحترق يدي من لهيب الشمس.. فقط.. |
اقتباس:
ذكرتوني بالغاليه ام الجمايل ( سيارتي ) بالورشه لها كم يوم وانا هالحين مستاجر سياره :( سيارتي فيه ثلاثه دروج وفيها عطرين نظارة شمسية + طبيه " سبير " قلم لتسجيل بعض الاشياء على الطاير اشرطة كاسيت ( قران , دروس منوعه , قصيد ) اورارق من كل الاشكال والانواع ( اوراق السيارة , فواتير , اوراق بنوك , اوراق مراجعات حكومية مختلفه........ ) الاخت الفاضلة روح الغالي السلام عليكم مشكوره على الموضوع الخفيف و الانيق |
درج السيارة
مزحووووووووووووووووم ومتلخبط عطر ما أعرف كم عددهم وأوراق كلها مهمة تخص روح قلبي أتورط بس لما يطلب مني أبحث فيهم عن ورقة مهمة يريدها وأشرطة وقلم وفيه حلا و..............وبس |
انا حاط فيه مصحف صغير وعلبة اسعافات اوليه صغيره واوراق السياره واوراق الكفاله للسياره هذا يكون بالدرج الرئيسى اللى مقابل الكرسى اللى بجانب السائق.
نجى الحين للدرج على يمين السائق حاط فيه عطر وشوية فكه حديد قلم ازرق واوراق الستيكى نوت الصفراءومفك براغى صغير (مادرى ليش حاطه يمكن ناسيه) وهوية العمل . واظن ماله داعى اذكر شحاط فى شنطة السياره لان الصفحه يمكن ماتكفى:d |
اقتباس:
هذا صار مكتب مب سيارة ..:d أنا ما احب السيارة العفسة..:23: |
اقتباس:
انا بعد ما احب العفسه هذى كلها داخل الدرج يعنى ماحد يشوف الا اللى يفتحه وموجوده بشكل مرتب. بالعكس انا اهتم بسيارتى كثر ما اهتم بنفسى وكل اللى يعرفنى يشهدلى ولله الحمد. وللعلم اكثر سياراتى اللى استعملها كنت ابيعها غصب من كثر ما يلح على اللى يبى يشتريها. |
اقتباس:
|
الدرج الكبير فيه بطاقات الملكية وأوراق متنوعه
والدرج الصغير مليان هلل وعلوك من كثر ما يرجعون لنا أصحاب البقالات الباقي والشنطه الخلفيه فيها بساط عشان إذا بغينا نكشت في أي مكان ....:25: |
اقتباس:
لا لا مازعلت كل واحد درجه بسيارته ويعرف خلاصه :d :d :d :30: لو اقول شحاط بشنطة السياره شتقولين عنى اكيد بتقولين :23: |
اقتباس:
مشكور اخي على مرورك وبالنسبه للعطر ماعندي خبره فيه بس باين عليك درجك مرتب مافيه حوسه ربي يسعدك ويفرج همك وينولك مرادك ويريح بالك اختك في الله |
اقتباس:
مشكور اخي على مرورك وبعدين يااخي شيل الأوراق مره في الأسبوع واحرقها او افرمه بذاك الجهاز<<<<<<<ماأدري ايش اسمه اشوفه في المكاتب وعاجبني وبلاش حوست الأوراق وعشان دائما تفتح الدرج حط لك حلويات عشان تضيف الناس في السياره وربي يسعدك ويفرج همك وينولك مرادك اختك في الله |
اقتباس:
مشكور اخي على مرورك الرائع مادام سيارتك مشبوهه والرخصه طول وقتها بالشماسه الله لايهينك حط في الدرج حلويات عشان الضيوف والله انها ترد الروح خصوصا بعد عناء الشغل وتصبيره الين الغداء اليوم اختي مريت عليها في الشغل جات فتحت الدرج وضيفت صحبتها حلاوه ليمونيه وربي يسعدك ويفرج همك وينولك مرادك ويريح بالك اختك في الله |
اقتباس:
بسم الله عليك ايش الهدوء والرتابه اللي انت فيها ربي يسعدك ويفرج همك وينولك مرادك اختك في الله |
اقتباس:
مشكور اخي على مرورك بس ودي اعرف ايش اوراق البيمة وربي يسعدك ويفرج همك وينولك مرادك اختك في الله |
اقتباس:
مشكوره ياعسل على مرورك القران الحمدالله موجود في الشنطه يدي وعجبتني كثير كريم واقي الشمس وليش المخالفات انا بأقول للوالد <<<<<<انت لسه تنتظريه بكره تجددي الإستماره تنفضحي ربي يسعدك ويفرج همك وينولك مرادك اختك في الله |
اقتباس:
ربي يسعدك والله انك ضحكتني على مقالبكم وليش الأنانيه وتعطي اللي جنبك علكه اوحلاوه جربها وحط حلويات في الدرج وضيف اللي جنبك قوله عندي لك هديه افتح الدرج واختار والله انه بيفرح واذا كان عنده اطفال قوله خذ عشان فلان وفلان (تهادوا تحابوا) ربي يسعدك ويفرج همك وينولك مرادك اختك في الله |
اقتباس:
مشكووووره على مرورك وحلوه حركتك القفازات وبسم الله عليك الرحمن الرحيم ربي يسعدك ويفرج همك وينولك مرادك اختك في الله |
اقتباس:
بسم الله عليك وعلى السياره اخوي فهد وبالنسبه لأدراج السياره بصراحه يادوب ثلاث ادراج ويبغالك درج كمان من كثر هم طيب ليش عطرين؟ وعجبتني احط دفتر وقلم عشان الطوارء وربي يسعدك ويفرج همك وينولك مرادك اختك في الله |
ليتني اسوق سيارة
كان قلتلك وش الحركات اللي حطيتها وسويتها :d |
اقتباس:
حمدالله على سلامتك ياأحلا عروس بسم الله عليك الرحمن الرحيم حصنتك بلا اله الا الله وبالنسبه للدرج هذي مهمتك ياسكر شيلي العطورات وخلي عطر واحد بس وكل يومين غيري العطر وبعدين الأوراق يوم اجلسي معاه وقولي له الأوراق اللي مومهمه نرميها وبعدين رتبي الأوراق الأشياء اللي نادر يستعملها حطيها في كيس والأوراق المهمه حطيها برا في متناول اليد ورتبي الأشرطه وحط علبة الحلويات عشان تحلوا ايامك ربي يحليها لكم ومشكوره ياعسل على مرورك اللطيف ربي يسعدك ويفرج همك وينولك مرادك ويخليلك روح قلبك ويلم شملكم ويألف بين قلوبكم اختك في الله |
اقتباس:
ربي يسعدك تعجبني دقتك في الوصف عموما انت منظم بس ليش البرغي الصغير وعجبتني فكرة الأسعافات الأوليه والمره الجايه احكي لنا عن شنطة السياره ربي يسعدك ويفرج همك وينولك مرادك ويخليلك زوجتك ويلم شملكم ويألف بين قلوبكم المره الجايه حط حلويات عشان زوجتك تسليها في الطريق اختك في الله |
اقتباس:
حبيبتي بحرينيه لا والله احس انه مرتب ومنظم ودقيق بس ياليت يحط حلويات |
اقتباس:
ربي يسعدك انت وزوجتك وانا اقول ليش دائما سيارتك تحك في الزفيلت والمطبات <<<<<<من كثر الهلل يأخي اجمعها بكيس واتصدق بها ويعجبني البساط شكلك راعي كشتات اهوووووووووو وجاي الشتاء دحين ربي يسعدك بسم الله عليكم الرحمن الرحيم حصنتكم بلا اله الا الله ربي يسعدك ويفرج همك وينولك مرادك ويريح بالك اختك في الله |
اقتباس:
بصراحه حمستني اعرف ايش حاط بالشنطه وتأكد مارح نقول شي بالعكس نستفيد اكيد انت ماحطيتها الا ولها فائده هيا ننتظرك اخوي ربي يسعدك |
اقتباس:
يعني انا اللي اسوق ياشوبارد انا احطها بالجيوب الخلفيه اكثر شي عشان استعمالي عندك فرصه الجيوب الخلفيه تعبيها مثل ماتحبي هيا فكري وقولي لنا ايش بتحطي ومشكوره على مرورك ياأحلا قمر ربي يسعدك ويفرج همك وينولك مرادك اختك في الله |
اقتباس:
اشكرك أختى على التعليق الجميل ومدام انتى اصريتى تعرفين ايش حاط بالشنطه فأنا راح اقول ولو انى اعتبره سر من اسرارى الخاصه لكن تستاهلون يا اعضاء المنتدى الرائع ويمكن تستفيدون. انا عندى ثلاث سيارات ولله الحمد والمنه :11: عين الحسود فيها ............ سيارة العائله وسيارة العمل وسيارة المدام بحكم ان مسموح لدينا قيادة المرأه للسياره فى الكويت. راح أبدأ بسيارة العائله لأنها الأهم عندى وخصوصا وقت السفر وهى من نوع الدفع الرباعى. 1-علبة اسعافات اوليه صغيره 2-طفاية حريق صغيره نسبيا (الله يكفينا ويكفيكم الحريق) 3-قفازات لزوم البنشر والأعطال وخصوصا فى الصيف. 4-مصباح تنوير (كشاف او تريك) 5-واير قلص او سحب للمساعده على الطريق او لزوم الكشتات والتغريز. 6-اشتراك لبطارية السياره. 7-سجادة للصلاه. 8-صندوق عده صغير . باقى السيارتين مافيها شى يستحق الذكر وخصوصا سيارة المدام اكثر مافيها قفازات اليد الخاصه بالنساء طايحه بكل مكان بالسياره . |
موضوع جميل
بـــــــــصراحـــــــــــــه في دروج السيارة وفي الأبواب الأماميه وفي الدرج الأوسط بين المرتبتين الأماميه تبون تعرفون مصرين أنزلوا 1- أشرطه قديمه مره 2- بعض أغلفت الإشرطه ما أرميها لأن عليها أسم الله فأتكاسل وأضعه في الدرج وكل يوم أقول بأحرقه لين فلل الدرج 3- والله ولا أبـــــــــــــــــالغ في الدرج الاوسط ما يقارب على ثلاث أو أربع علبه عطـور فاضيه ما بين عطر الشيخ وعطر الفارس وعطر رجالي أخر لكن ناسي أسمه 4- ومطويات وقلم ومقص أظافر وشرططون 5- ومرطب الشفاه 6- وبخاخ ربو 7- أما الدرج الامامي في السيارة يوجد فيه أسرار خاصه بي ولن أخبركم بذلك ههههه / ودمتم 8- والشنطه الخلفيه لسيارة فيها دافور نار لشاهي وماء وصابون وكرسي وكشافه وفراش وغيرها الكثير عفواً نسيت أذكر لكم وأسبير كفر . أخوكم / السيف المسلول |
درج سيارتي
1مفكرة ادون فيها بعض الملاحظات 2نظاره شمسية 3قلم ناشف 4مناديل 5كيس اجمع فية هلل الباقي الي يرجع من البقالات بس هاذا الي عندي |
أختي الكريمه
موضوع حلو أن احط في الدرج أوراق السياره وبعض الأوراق القديمة تحياتي وفي حفظ الله |
باقول لكم اللي بسيارة زوجي بس قولوا ماشاء الله وأذكروا ربكم..
أولا: بالدرج الأمامي.. أوراق السيارة الاستمارة والملكية والتأمين ووو.. ثانيا: التكاية اللي بين الكرسيين الأماميين: عطرين على الاقل.. شنطة السيديات.. فواتير وأوراق مالها معنى.. واير الجارج للجوال.. معطرات للسيارة.. علبة نظارته الشمسية.. أحيانا الجواز.. عشان إذا دقت في راسه يدق سلف ويسافر.. أما النظارة الشمسية نفسها فيحطها فوق بمكان مخصص لها بالقرب من المصابيح.. ثالثا: شنطة السيارة... على الأقل بسطتين.. صندوق العزبة.. يحتوي على فرن صغير ودلة قهوة وغوري للشاي.. وأيضا شاي وقهوة وهيل وطابي..:23: وبهارات وزعفران وملعقة معدنية وسكر وفناجين وبيالات ووووووووووو.. السليبينغ باق.. أو فرشة النوم.. متاكي عدد 2.. مساند عدد 2.. مقاعد رحلات عدد 2 .. شنطة المصابيح اللي تعمل على بطارية السيارة.. أعذروني إذا نسيت شي.. |
ما عندي سياره بس والدي يحط حلويات بطعم النعناع وورقه بها دعاء الركوب ودعاء السفر
|
اقتباس:
بسم الله عليكم الرحمن الرحيم حصنتكم بلا اله الا الله طيب ايش رايك اجيب سيارتنا عندكم تحط المستلزمات وترجعها بس بصراحه ولامره جا في بالي احط هذي الأشياء بسيارتنا وانا اقول لما تعطل سيارتنا عشرين سياره توقف وتطلع سلك اشتراك السياره واقول ياحظهم ايش دراهم ان سيارتنا بتعطل اليوم سبحان الله اجل هي من الضرويات..... شكرا اخوي على طرحك لمحتويات شنط السياره .........والله استفدت كثير لك الأجر ان شاء الله ربي يسعدكم ويحفظكم جميعا ويسخرلكم ويفرج همكم ويألف بين قلوبكم اختك في الله |
| الساعة الآن 07:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©