زعل زوجي بسبب سهري في بيت اهلي حلت الرد485
السلام عليكم..
متضايقة..ماأعرف أنا الغلطانة ولا زوجي ولا وين الخطأ.. أمس قلت له يوديني لاهلي زيارة.. وداني العصر..وارسل لي رسالة الساعة12يسألني متى يجي ياخذني..قلت له خلاص تعال مع اني فالينها أنا والبنات... قام قال خلاص فليها ونامي عندك طبعا بزعل..قلت لا خلاص تعال.. قال لا مابجي نامي .. قلت أوك..وارسل يقول اعملي حسابك بجي اخذك الساعة..قلت له ليش هذا كله وش اللي صار.. مارد..قلت الله يجزاك خير.. طبعا ماقدرت أنام عند البنات..طلبت من أخوي يرجعني الساعة7والبنات راحو معنا بالسيارة..يت الساعة سبع دقيت البنات ودخلت.. نمت على8الى3..أول ماصحيت قاعد يدق في الكلام وأنا ساكته..لحد قبل العشاء سألته الحين وش فيك زعلان عشان ليله سهرتها.. ولا عشان رحت لأهلي.. لانه دايم يستصعب مشوار اهلي وكذا..قال أصلا ماعاد بتروحي لأهلك الا في المناسبات..قلت طيب ولايهمك..قام يهزئ فيني منتي ادمية ماتستحين جايه الصباح ماكنك متزوجة..وهي كلها ليلة ماقد سويتها قبل..وقام يقول انتي اصلا مابتعقلين الا لما اسوي معك شيء..والواحد يقعد عزوبي افضل له..قلت منت مجبور الحين ادق على أخواني يجو ياخذوني..قال ان دقيتي ماعاد لك رجعة..المرة اللي راحت مشيتها لك..لكن هالمرة الله يستر عليك..وان تبغين امك تراها قريبة أوديك لها للابد ..طبعا اخذت الجوال وكنت بدق على اخوي .. ولما قال اذا طلعتي من البيت ماعاد لك رجعة تعوذت من ابليس ونزلت الجوال ودموعي على خدي ( تم تعديل العنوان ليتناسب مع المضمون) (حلت الرد 485) http://66n.com/forums/showpost.php?p...&postcount=485 |
رد: هل أنا غلطانة؟
السؤال ليه يعاملني كذا؟!!! اذا مايبيني يصارحني وانتهينا ..
|
رد: زعل زوجي بسبب سهري في بيت اهلي
أتوقع لما كلمك يسأل متى يأخذك من نبرة صوتك متضايقه لانك فالتها مع البنات فزعل من الموقف
لا تبكين تعوذي من الشيطان وأغسلي وجهك وصالحي زوجك |
رد: هل أنا غلطانة؟
اقتباس:
وفري الزعل للشيء الأعظم والله لا يجيبه مو ما يبيك بس تضايق من الموقف |
رد: زعل زوجي بسبب سهري في بيت اهلي
بما أنك تزوجتي فلا بد أن تفصلي حياتك عن حياة أهلك
لا بد أن يكون لكم أنتي وزوجك شروط وقواعد تمشون عليها لكي لا يحدث صدام بينكم كلنا يا أختي ودنا نجلس مع أهلنا وأخواتنا كل يوم ولكن بمجرد ما أصبح لدينا زوجة وأولاد فلا بد أن تكون أسرتنا أول القائمة لا أهل ولا أخوات ولا صديقات يفضلون عليها... يمكن زوجك كان ينتظر منك اتصال لأخذك من بين أهلك لو أنك أنتي من بادر بالاتصال كانت نقطة تحسب لك وكانت ليلة جميلة مع زوجك ولكن الظاهر أنه شعر أنك غير مهتمه به ومشغولة بالسهرة تصرفك أنك ترجعي بيتك الساعة 7 صباحا تصرف غير سليم وكلام زوجك صحيح.. لو أنك بقيتي في بيت أهلك كان أفضل... إن شاء الله مشكلة بسيطة وبجلسة صفاء وهدوء مع زوجك تنحل الأمور.. |
رد: زعل زوجي بسبب سهري في بيت اهلي
وعليكم السلام ورحمة الله وبركاته.
هل سنعود لنقطة الصفر؟! أم ستعتبريه منعطف وسيمر. 1/لاحظي زوجك كيف كان إنفعاله من التراكمات السابقة انتبهي جيدا على تصرفاتك.. 2/عندما حدثك عن مجئيك ربما يكون إحتاجك بقربه عند وجودك مع أهلك حتى لو كنت لم تءهبين. 3/عندما يصدر كلمات غاضبة لا تقولي ساتصل على أخي وتزيدي من غضبه خطأ ماتفعليه.. الحل / 1/كوني كأنه لم يحصل شيء.. 2/جهزي متطلباته والغداء أو العشاء وكوني مبتسمة وقولي له حتى لو كنت فللتها لكن وجودي بقربك لا يعد له شيء.. 3/أوقفي عن معاتبته عن الكلام الذي صدر منه وتغافلي كليا و انتبهي أن تفتحي سيرة ماذكره. 4/زوجك يحبك حافظي عليه فلا تجعلي المواقف الصغيرة تنغص عليك حياتك.. 5/التغافل جميل جدا وتعودي على أن تمتصي غضبه بدفء الكلمات وليس المثل وإلا سيكسر أنت أو هو وهذا مايريده الشيطان. وفقك الله. |
رد: زعل زوجي بسبب سهري في بيت اهلي
يا بنت الحلال هو كان محتاجك بعفته
غير كذا. كان قال. اريح من مشوار و عادي تنامي هالمرة لذا بغيتي تسهري بيت اهلك. اشبعيه قبل وبينساك في ذيك الليلة |
رد: زعل زوجي بسبب سهري في بيت اهلي
عشان ماتفهمون تصرفه انه حاجة بقولكم ترى انا معي العذر الشرعي وهو عارف .. وهو ينام قبلي واظل جالسة لوحدي لقبل الفجر .. ترى حتى لما نكون مع بعض أغلب جلسته على الجوال .. يعني يبيني جالسة في البيت بين أربع جدران وبس .. مو تذكرون لما نصحتوني أخفف من لزقتي لزوجي .. واخفف من خنقتي له .. هذا انا تركت له مساحة بس النتيجة عكسية تماما .. وخلق منها مشكلة من لامشكلة .. والى الان ماني مستوعبة ليش هالزعل والكلام اللي قاله..
|
رد: زعل زوجي بسبب سهري في بيت اهلي
هل كان اخر يوم لك.
هل هو يعرف متى تطهري؟ هل انت فهمتيه ان اخوك سيرجعك؟ |
رد: زعل زوجي بسبب سهري في بيت اهلي
اقتباس:
لا ماقلت له بصراحة .. بس مابتزعله هالنقطة بالعكس افتك من ترجيعي وشيلة الشنطة حقتي .. |
رد: زعل زوجي بسبب سهري في بيت اهلي
خلاص. اذن السبب
التملل من المشوار اتفقي معه. انك اذا تأخرتي ستستأذنيه بأن ترجعي مع أخوك وبس. الامر بسيط |
رد: زعل زوجي بسبب سهري في بيت اهلي
اقتباس:
ياأختي انا اروح اسبوعيا لاهلي .. وفي وقت الاجازة .. يكون زوجي فاضي ماعنده شيء .. وبيت اهلي يبعد عني ثلث ساعة تقريبا .. وش التملل هذا.. |
رد: زعل زوجي بسبب سهري في بيت اهلي
وهو صادق
خييير جايه االبيت الساعه 7 وتقولين مانمت عند اهلي خلاص نمتي ولا مانمتي قضى اليوم والليل وصرنا يوم جديد وترجعين تنامين الين 3 العصر بسالك سؤال تصلين ؟؟؟ وواجبات زوجك حياتكم الزوجيه كيف وانتي كذا تجين 7 وتنامين 8 وتصحين 3 حياة البؤس ماكانك متزوجة ووراك زوج وبيت وحياة رتبي وضعك ياتقعدين عند اهلك وتجين وتجلسين وتنظمين وقتك او اطلعي الساعه 12 ع فكره ترى الرجال بصفه عامة يكرهون الي تنام زي كذا وتسوي زي كذا ليه تقلبين نظام ربي النهار للعيش والليل للنوم كوني زوجة صاحيه راعية بيت صح اذا تبين تسهرين روحي لااهلك ع اساس يوم كامل مو الليل وتجين الصباح تنامين مااستصيغ الانسان الي ينام النهار احسه فوضوي |
رد: زعل زوجي بسبب سهري في بيت اهلي
مو متملل من المشوار متملل من الذهاب نفسه العشوائي
ليش كل ويكند تروحين اذا فاضي ع قولتك فرصه خليك قريبه منه واهلك روحي لهم من عصر الخميس الين الساعه 12 يجي ياخذك ترجعين تنامين معاه وتعيشينه جو انه متزوج يوم الجمعه فاهمه زوجك اعاني من عشوائية زوجي |
رد: زعل زوجي بسبب سهري في بيت اهلي
اقتباس:
أنا بسألك اللي عندها عذر شرعي تصلي؟ ثم ردك هذا كأني يوميا على هالوضع .. ياملكة اقولك أول مرة أسويها .. وش فيها إذا يوم بنهاية الاجازة تونست مع بنات أخوي وأختي !!! كفرت يعني.. |
رد: زعل زوجي بسبب سهري في بيت اهلي
اقتباس:
|
رد: زعل زوجي بسبب سهري في بيت اهلي
احبه
عندك زوج صح وعايش معاك ؟صح طيب مو من حقه تخبرينه انك بتتاخري قبل تنزلي او تتفقي معاه ع قضاء كل الليل عند اهلك ونامي وعصر اليوم الثاني اتفقي معاه يمرك الحياة الزوجيه تختلف عن العزوبيه تحتاج تنظيم ترجعين البيت نشيطه وهو مبسوط ومشتاقين لبعض احبه انتي الان متزوجه خلفك زوج انسان ينتظرك واكيد كان محتاجك خصوصا انكم مااتفقتوا تنامين عندهم |
رد: زعل زوجي بسبب سهري في بيت اهلي
اقتباس:
يعني هو ماله حق يزعل هو اللي خلاني سهرانه عندهم وهو يعرف ان النوم صعب عندهم في الاجازة لان البيت أغلبه شباب يسهرون ويواصلون .. |
رد: زعل زوجي بسبب سهري في بيت اهلي
استغرب من تصرفك لانه ماتعود عليك
المفروض عارفه ان فيه سهره بنات وقلتي له مسبقا انه بتنامين مو لما يتصل يتفاجئينه |
رد: زعل زوجي بسبب سهري في بيت اهلي
اقتباس:
|
رد: زعل زوجي بسبب سهري في بيت اهلي
اها زعل لما قلتي فالينها. حس انك طنشتيه و هو ينتظر اتصالك.
|
رد: زعل زوجي بسبب سهري في بيت اهلي
ما اشوفك غلطتي
لكن داري زوجك وتعاملي معاه عادي |
رد: زعل زوجي بسبب سهري في بيت اهلي
اقتباس:
|
رد: زعل زوجي بسبب سهري في بيت اهلي
في شغلة صارت البارح ماأعرف إذا لها علاقة بردة فعله اليوم .. اشتريت من عند جارة أمي عسل ب300ريال وطلبت من زوجي يسحب ويعطيني اعطيها امي تعطي جارتها وبعدين أنا بعطي زوجي .. قالي مامعي بالحساب الا93ريال .. ووراني الرصيد بعد مصورة في الجوال .. طبعا تفاجات لان باقي من الراتب بعد مايدفع الايجار والاقساط2400 .. قلت له معقولة صرفنا2400ريال .. قال لا .. حولت لامي 900ريال .. 500كل واحد من اخواني حطها عشان مساعدة لامه .. و400حطوها عشان يشترون غسالة وشغلات لامه واخوانه .. سكت وقلت الله يجزاك خير ويرزقك من واسع رزقه .. يمكن انصدم لاني مابادرت من نفسي وقلت لاتشيل هم انا بعطيك فلوس لاخر الشهر .. انصدم من ردة فعلي.. تتوقعون لها دور بموضوع سهري؟
|
رد: زعل زوجي بسبب سهري في بيت اهلي
واضح وش كان يبي
بعدين يختي وش نظام اذا تهاوشتو ماتبيني بروح لاهلي ترا يعني هذا الكلام مايحسس زوجك بالامان من ناحيتك يعني بعبارة اخرى ترا عادي تطلقني ما مت عليك!! وحتى اذا ضاق صدرك فعلا ليش تدقين ع أمك عشان تكلم اخوك يجي يأخذك اصلن ليش تفتحين لزوجك مجال يجيب هالطاري ازعلو مع بعض بس خلو زعلكم يقربكم لبعض مو يزيدكم فجوه |
رد: زعل زوجي بسبب سهري في بيت اهلي
اقتباس:
ممكن توضح لي وش كان يبي؟مافهمت |
رد: زعل زوجي بسبب سهري في بيت اهلي
لومنك بما ان وضع زوجي المادي شوي كان اشتريتي العسل علئ حسابك
قلة المادة توتر الرجل بالذات اذا كان مسوؤل عن بيته واهله |
رد: زعل زوجي بسبب سهري في بيت اهلي
ازعلي. بس مو يعني تقولي له. اذا ما تبغاني ودني لاهلي
لانه هو زعلان. فسواء كان غلطان او انتي. هو بيقول كلام ينفس عن غضبه و بيحاول يغيظك. مو يعني انه بايع. ازعلي بدون ما تقولي الجملتين: اذا ما تبغاني وديني بيت اهلي انا بتصل على اخوي و اروح الروحة هناك لا تجيبين طاريها. وقد يكون فعلا. انه متضايق من الراتب و انه خلص |
رد: زعل زوجي بسبب سهري في بيت اهلي
اقتباس:
|
رد: زعل زوجي بسبب سهري في بيت اهلي
اقتباس:
بالنسبة للراتب هو اللي حاط نفسه بهالموقف .. طيب عارف ان ماعنده يحط مع اخوانه ليش!! واخوانه كل واحد راتبه دبل راتب زوجي .. ولا عشان زوجي متزوج موظفة خلاص مايعرف يقول ماعندي امكانية .. وانا قلت له المفترض تعطون أمك على اساس نسبة وتناسب يعني اللي راتبه عالي يدفع أكثر واللي راتبه يالله يكفيه يحط اللي يقدر عليه ولايكلف الله نفسا الا وسعها.. مع ان تصدقين يامسز كنت بعطي زوجي200واقوله هذي مساهمتي في الشغلات اللي جبتوها لامك لاني اعتبرها مثل امي وانا مثل بنتها .. بس لما شفت ردة فعله قلت مالها داعي.. |
رد: زعل زوجي بسبب سهري في بيت اهلي
ال500ريال
لإخوانه العزوبية او متزوجين؟عندهم وظايف😳 |
رد: زعل زوجي بسبب سهري في بيت اهلي
اقتباس:
وتفضيلك لمجلسه ع مجلس بنات اخوانك يعني خليك مستقبلا ملكعه وفضلي جلسته عليهم بالقول والفعل وشلون يعني مثلا اذا جيتي تروحين لهم وطلعتو مشوار مني مناك بيني له عادي اذا طولنا لأَنِّي اصلن مستمتعه معك والعكس اذا جا بياخذك قولي له ان البنات لزمو علي اجلس بس والله ماودي احسني مشتاقة لك لللل وهلم جرا ردة فعلي اذا قالي انتي مب زي الحريم حسب مزاجي اذا متنرفزة بزعل وبشيلها بخاطري عليه وبناقشه في الكلمة ليش تقولها وش قصدك لكن منيب فاتحه له باب اروح لاهلي |
رد: زعل زوجي بسبب سهري في بيت اهلي
اقتباس:
حطو مرتين مرة من400ريال يقول بيشترو غسالة لامه وبيجيبو اغراض لاخته طبعا اللي تدرس في الجامعة وتاخذ مكافاة واغراض لاخوه في المتوسط.. وحطو500من كل واحد مصروف لامه واخوانه.. |
رد: زعل زوجي بسبب سهري في بيت اهلي
ماشوفك غلطتي ..
بس الرجال إذا يبي يتهاوش ومالقى مشكلة .. يفتعل مشكلة من لاشيء ويتهاوش عليها .. |
رد: زعل زوجي بسبب سهري في بيت اهلي
ماشوف في غلط كايد بالموضوع ومسألة التأخير والنوم والطلعه هذي بينك وبين زوجك
ربما يكون الزوج متضايق او فهم غلط الموضوع عادي والمشكله بسيطه هووشه وانتهت اعجبني بعض الردود بعتابك على مسألة اول البنت ماتزعل ودني لاهلي حتى لو الزوج قال كلام ينرفز الردود كثيره ولا نستسهل كلمة (وديني لاهلي) في كل مشكله . |
رد: زعل زوجي بسبب سهري في بيت اهلي
زوجك ما كان عنده مشكله يجي ياخذك
لكن لما قلتيله يلا تعالي (مع اننا فالينها) حسستيه انك مبسوطه بعيد عنه لكن بتتكرمين وترجعين بيتك يعني قالك اجي وخاطرك يجي قولي يلا تعال وبس ماله داعي مع اننا فالينها (حسستيه انه هادم اللذات) وما حب يكون كذا بنظركم بتقولين ليش يدقق بكلامي اقولك لانه شخص حساس والمفروض عرفتي هذا عنه من اول وعلى فكرة حتى انتي حساسه مو هو بس وتدققين على كل حركة منه شغله على الهامش وشوله يشيل شنطتك زوجك خير؟! انتي تشترين شنط لنفسك والا علشان يشيلها زوجك!! حسيتك متحكمة وتبين تعودينه يخدمك ويذل نفسه لك حتى بشيل شنطتك يعني ما اشوفها حلوه رجال يشيل شنطة حرمه (اتكلم عن الشنطة اليدويه لاني ما اعتقد انك بتروحي لاهلك بشنطة سفر) |
رد: زعل زوجي بسبب سهري في بيت اهلي
اقتباس:
|
رد: زعل زوجي بسبب سهري في بيت اهلي
اقتباس:
بالنسبة للحساسية شوفي كيف تساهلتي فيها لما كانت من زوجي وكيف انتقدتوني عليها لما كانت مني .. |
رد: زعل زوجي بسبب سهري في بيت اهلي
فعلا..
زي ما قالن الاخوات.. كلمة "مع ان فاللينها" هي الي قهرته يعني مستانسه من غيرك ومع غيرك .. بتقولين هلي وخواتي.. ولو ،، المفروض تعال خذني وخلاص من غير ماتبينين انه خرب عليك الوناسه.. ، |
رد: زعل زوجي بسبب سهري في بيت اهلي
ماشوف الكلمة فيها شي ..
أنا لو أقولها لزوجي .. بطيب خاطر بيقول دام مستانسة خلج معاهم كملوا السهرة .. لكن يتضايق لما يشوف زوجته مبسوطة ؟؟ هي كلمته بشفافية وبحسن نية .. كل ليلة هي معاه بالبيت .. ليلة وحدة مايقدر يتخلى عن أنانيته ويسعد لسعادتها ؟ مايفكر إلا في نفسه وشهوته وراحته ؟؟ ومايبي تكون سعادتها مع غيره ؟؟ |
الساعة الآن 12:35 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©