|
معاناتي مع اخي
نسكن بشقه صغيرة تضمنا انا وزوجي واطفالنا واخي الذي ينعدم بداخله الاحساس سكن معنا بطلب من زوجي لمده محدوده وهي الى ان ينتهي من دراسة التوجيهي والاخ ماكذب خبر تسمر بالبيت والان هو انهى دراست وتوظف عند زوجي ولكن الطامه الكبرى انه ينوي ان يعيش معي طول العمر وهذه معاناتي بالتحديد
انا احس اني تحت ضغط عالي وانني بوجه المدفع جاء عندنا وانا معي طفل واحد والان عندي ثلاثة اطفال واريد ان اسقدم خادمه والبيت مايكفي وين تنام الخادمه عند اولادي مستحيل والبيت كله غرفتين وصالونوصاله طبعا الاخ مستوطن الصالون وانا متضاقه من وجوده وسبب لي ضغوط ترجع على زوجي واطفالي ولمحت له اكثر من مره احيانا اقول اسكن عند اهلك انا بحاجة خادمه ويتوقع اني امزح يعني مااخذ الموضوع بجد لا واللي يقهر اكثر انه سامع كل شيء يدور بيني وبين زوجي بغرفة النوم كذا مره وكم ملره شافني بملابس عاريه جدا ومع كذا مايحس كانه لازق بغراء وزوجي رافض اني اطرده يقول عيب عليك تطردين اخوك وانا اقول له خلاص احنا خذينا بيده وكمل دراسته وسندنا ظهره بالشغل وش يبي اكثر مابقي الا نزوجه ويسكن معنا هو والعروس لا والسخافه عاد اذا كان متابع فيلم بالصاله يطرد اطفالي واحيانا يدخلهم علي بالغرفه ويسكر الباب كان البيت بيت ابوه وانا اكتب الان وطالعه روحي منه صدق فيه ناس عديمه الاحساس والمسؤليه |
حقيقى شىء فى منتهى البرود . عزيزتى كونى حازمة معه واجعليه يذهب للعيش مع أهله ولا تعطى فرصة لتدخل زوجك فى الموضوع . الله يكون فى عونك من هالضغط العصبى . وتقبللى مرورى
|
حاولوا انكم تستأجرون شقه يسكن فيهابالقرب منكم ويسدد الأجار من راتبه كونه موظف..واحذري انه يشوفك بملابس عاريه لانك تأثمين حرام عليك..مايجوز لك هالشي..والله يعينك..
|
والله يشوفني عاريه من تصرفاته البايخة يدخل علي بغرفة النوم بدون استأذان وكذا مره نبهته ومافيه فايده انا الحين مابغى اتفاهم معه على اي شيء ابغاه يطلع من بيتي وبس
|
اذا الموضوع وصل انه يدخل عليك في الغرفه وانتي شبه عاريه
فهذا انتي لازم تكلمينه لحالكم وتقولين له انه لازم تدور لك سكن لأني بجيب شغالة وما اقدري اجيب شغالة وانت موجود ولا اطرحي عليه فكرة الزواج وانتبهي من موضوع انه يشوفك وانتي عاريه ترى فيه ناس من الشهوه ما يشوف من قدامه وخاصه انه توه شباب يعني في قمة شهوته يعني يا انتي بتتسببين عليه بالعادة السرية ولا بيجي يوم ويتهجم عليك الله يستر علينا وعليك يارب |
طيب وين والدك , ووالدتك .....؟
|
يالله
الله يعينك طيب كلمي امك ابوك اشرحي لهم الوضع |
فعلا وين أهلك؟!
ياختي خبريهم مافيه أحد كبير يقدر يتدخل؟! اذا مافيه قولي بصراحة معليش ياخوي انت عارف العائلة كثرت وانا قلت لأبو فلان أنه يبحث لك عن سكن ونحاول نساعدك في المصاريف!!! واذا رفض قولي له انا جادة! وتعامله مع أطفالك قولي له بصراحة مالك حق تطرد أولادي من الصالة علشان حضرتك تتفرج على التلفزيون؟! مين سمح لك؟! أولادي أولى!! قوليها بقوة حتى لو زعل! وحاولي انك ما تتنازلين عن اي شيء علشانه! الله يكون بعونك وضع صعب فعلا.. |
يااعزائي اهي موجودين لكنهم مو قد المسؤليه وامي اذا شكيت عليها تطلعني انا الغلطانه وتقول انتي عصبيه ونفسك شينه وابوي لاهي بالدنيا وكانه ولدي مو ولدهم ولااحد حاس فيني حتى زوجي متعاطف معه ويقول اهلك ظالمينه ومع هذا يتكلم بزوجي قدامي الاخ مااحد عاجبه والمعروف ماينفع مع هالاشكل وهو مايبغى يروح لااهله يقول انهم طمعانين براتبي وماعنده سياره وبيتي اقرب له للعمل من بيت اهله مع انه يقدر يشتري سياره بس يقول حاليا مااعرف اسوق بعدين اتعلم السياقه وكل شيء بعدين وانا بموت من الضيقة كانه قاعد فوق راسي
|
والله البلشه الله يعين قلبك الظاهر الاخ بيوفر حق السكن
بس طولي بالك صحيح شي يرفع الضغط بس في النهايه اخوك وخلي صبرك عليه احتساب الاجر والاهم بر بوالديك انك مخليته عندك غير كذا والله ماقدر افيدك ماعندي حل غير اني ادعيلك ان الله ييسر امرك |
ادعي له بالهدااااااااااية ولا تضيق خلقك يا اختي
ولما تدخلوا غرفة النوم ..نقصوا اصواتكم وشغلوا المكيفاااااااات خليك حنونة عليه آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآه ذكرتييييييييييييييني بأخي الشقييق الاصغر عاش معي اثناء دراسته الجامعية ثلاث سنوات ونصف وكان باقي له ترم ويخلص من الجامعة ..كان يجلس عندي كثيييييييرا..وكنت احيانا ما احس اني ماخذة راحتي لكنه اخي وسندي بالحياة وعزوتي وحبيبي وشقيقي (ما عمره رفض لي طلب ..من سوق او غيره ..ياما جاب لي اشيااااااااء بس يفهم اني ابيها ضروري...يروح يجيبها في جوف الليالي ) آآآآآآآآآآآآآآآآآآآآآآآآآآآآآه تدرين ...الحييييييييييييييييييييين اخوي هذا في القبر ..صار له حادث قبل اختبارات الترم اللي فااااااااااااات آآآآآآآآآآآآآآآآآآآآآآآآآآآآآآآآه يا حبيبي كل شيء في البيت تذكرني فيييييييييييييه بل حتى لف السمبوسة ..كان يأتي من الجامعة ويلفها معي ونتفرج سوى للتلفاز بل حتى مصباح غرفة النوم غيره للون اخضر (صبغه بقلم ) وملابسه و اغراضه وكتبه آآآآآآآآآآآآآآآه رحمك الله يا حبيبي اقسم لك ..اني اكلمك وتحت يدي ورقة مكتوب فيها بخط يده الجمييييييل كلما اذهب للشارع واشوف المطاعم اللي كنا نروح ناخذ منها عشاء لما اروح العاصمة اتذكر في كل مكان سالفة كان يقولها لي تصدقيييييييييييييين احيانا اتذكره ..واقعد ابكي كأنه مات امس ..حبيبتي ادعي الله يهدي اخوك ولا تضايقي منه وادعي الله انه يحفظه رحمك الله يا شقيقي واسكنك فسيح جناااااااااااتك إنا لله وإنا إليه راجعون والحمد لله على كل حال |
الي قبلي كفو ووفو ...
|
زوجوه وافتكوا منه
معليش, صحيح اخوي على عيني وراسي لكن الوضع الاجتماعي ما يسمح انه يعيش معي والله لو اهلي طاردينه من البيت يمكن اسمح له يسكن معي صارحيه فيها كوني صريحه ولينه بنفس الوقت قولي ان البيت ما يشيلكم وانه على عينك وراسك لكنك منتي مرتاحه في بيتك واذا ما نفع كلمي اهلك يجبرونه يرجع وإذا ما نفع اطرديه |
زوجك يحن عليه وانتي تبين فراقه
مع العلم انه اخوك غرييييييييييبه استغفر الله بس الله يذكر امي بالخير وربي بيتنا مايسكر بابه كل شوي جاينا احد خوالي ونستاااااااااااااااااانس بعد ورب البيت |
عزيزتي:
إذا كان أهلك مثل ما قلتي(سلبيين)لا تنتظرين منهم يحلون مشكلتك.*** زوجك لا تفتحين معه هذا الموضوع أبداأبدا مو حلوة في حقك إنت تبغين أخوك يطلع وزوجك يقول لا(مع إنه من حقك)*** واضح إنك إستخدمت أسلوب التلميح وما نفع إنتقلي الحين للمرحلة الثانية التصريح ثم التصريح ثم التصريح مع الحفاظ على ألفاظك*** أتمنى إن الطريقة السابقة تفيد *** في جميع الأحوال ادعي الله واحتسبي الأجر*** أتمنى إن الموضوع لا يصل إلى الطرد المباشرالعنيف(يعني هوشة)*** أخيرا .. الله يحفظك... |
يُنقل للمكان المناسب .
|
اختي الكريمه السلام عليكم وحرمة الله وبركاته
الاخوه كفو ووفو ولكن لنأتي الى نقطه اخيتي اخوكي عوده لين على ان يعيش بمفرده.. اختي اخوك يحسك والدته صدقيني يحس بحنانكم انتي وزوجك اكثر من امك وابوك وهذه الحقيقه ولا يريد ان يترككم لئنكم مصدر حب وحنان له.. جميع ما ذكروه من عيوب صحيحه الاخوان .. ولكن لنأتي الى اخوك لو كلمتوه وقلتو له اطلع وخزت في نفسه وما راح لبيت اهلك واستأجر شقه وتلاقففوه عيال بليس والله لا يقول وضاع هالولد.. بتحسفين على كل كلمه قلتيها له ان يطلع... اخيتي الكريمه كل شي بالتفاهم وشوي شوي راح يقوى عوده فصبرا جميل والله المستعان انصحيه نوري عقله بالدين لا تبيني له مدى ضيقك فهو اخيك قبل كل شيء وحتى لو راتبه كثير هو في بداية حياته ولكن كم عمره اخيتي ؟؟ وشوي شوي انتي فهميه بركاده واسلوب لبق.. هذاالجيل متحسس من الامور هذه واقرب هاويه يذهب اليها اذا لم يحصل على الناس الي تحن عليه وكما ذكرتي الاهل لاهين عنه وهو صغير وكأنك انتي ربيته وامه هو يجد فيك منبع الحنان والطيبه اختاه.. مع مرور الايام ان شاء الله راح يفهم.. نوري قلبه بالايمان وطاعه والصلاه وان شاء الله اموركم خير احترامي ولي عوده بووركتم |
طيب قولي لأمك او ابوك وهما
يفاتحانه بالموضوع واقنعيهم انك ماترتاحين بوجوده ولا حتى تاخذين راحتك في بيتك الصراحه موقف صعب الله يكون في عونك |
قدموا على شغالة ويوم توصل خليه يواجه الأمر الواقع ويصرف نفسه بروحه اهم شي لا تطردينة مهما كان هذا أخوك .
|
ارسلي له رسالة لجواله من مواقع في النت تقدم هذي الخدمة برسوم
او بريد اليكتروني |
الله يعينك00000
|
حرام عليك ترى كل شي يتعوض في الدنيا الا اخوك
حاولي تحلين مشكلتك بدون ماتجرحين احساس الغير واتوقع لو عرف انك مسويه من جلوسه في بيتك مشكله يمكن مستحيل يدخله ثاني مررره حتى لو في زياره . عشان كذا بقلك لاتخسرين اخوك وزوجك ينتقدك من غير مايقولك حاولي تفهمين غيرك مثل الوالده او الوالد وهما يتصرفوا |
السلام عليكم
الامر مو لهالدرجه كلكم تتحاملون عليه الولد اصلا يحب اخته ولانو يحبها يمكن يشوف فيها الاخت والام بس يخيتي انا برايي انج تجلسين وتكلمينه بكل حب واخوة ولا تنقهري منه وقولي له ياخي الحين كبرت ممكن تعيش بيت الاهل وانا كل يوم اجي اطمن عليك واشوف احوالك بس لا تتحاملين على الولد وصدقيني من محبته لج اهو جالس عندج وتصرفه مع عيالج دليل على حبه لج لانو يحسهم اخوانه واذا تبين تعرفي صدق كلامي سوي عمرج مريضه وتشوفي كيف بيخاف عليج وسلامتج من اي مرض اهو اخوج لا تنسين هالشي تحياتي صقر المغرب |
بما ان زوجك متساهل كثير بالامر ومو مهتم لضيقتك ومعاناتك قول ليه خلاص استأجر شقه صغيره له بنفس الحي والسكن الي انت فيها والقريب من عمل اخوك ويسكن فيها وياتي لكم فقط زياره وايضا لامانع ياتي عندكم وقت الغداء ويتغدى معكم الله يكون بعونك واهتمي وانتبهي لنفسك وعليك بالملابس الواسعه والساتره طالما هو موجود بالشقه إلخ الله معك |
حرام عليك تحاولين تطردينة من البيت أخوك مستحيل يجي غيرة اصبري ولا تفكرين بس في اليوم ماتعلمين لوكنتي فيمابعد تعيشين عندة وفي بيتة وعند زوجتة هل تظمنين زوجك لم يموت او لم يطلقك
وهل ظمنتي الاستغناء عن اخوك اخوك عظيدك في الدنيا والمحبة والصداقة في الدنيا |
السلام عليكم
انا رايي مع امير الشباب ويمكن انتي مضايقه منه الحين بس تاكدي لما يغيب عنج بياكلج قلبج عليه وعن انو يشوفج في وضع غير صدقيني الولد مافي في عقله شي وعلى نيته وربي يصلحكم واهو في الاخر ستر عليج تحياتي صقر المغرب |
ابحثي له على زوجه
تكون مناسبه له شيسوي الواحد اذا بعض الناس ما عندهم احساس خصوصا الأهل الله يعينج أختي |
أختي الكريمه
كم عمر اخوك ؟ وكم راتبه تقريبا ؟ وهل بيت اهله بعيد عنكم ؟ وهل له اخوان ؟ الله يرعاكم |
كلامك اثار شجوني على اخواني البعيدين عني
و كلام كل الغلا 2005 اثر بي بقوة يا أختاه كل ما أقدر ان أقوله انك الان لابد أنك متضايقة جدا لذا لا تتصرفي إلا و انت هادئة لكي لا تجرحي اخيك حبيبك أتدرين ,, و انا أقرأ كلماتك ,, كنت أقول الحمد لله ان لها زوجا يعينها ان تساعد أهلها ترى هذي بحد ذاتها نعمة عظيمة كوني سياسية و دبولوماسية مع اخيك يالغالية و لاتنسين ربما هو لازال في مرحلة المراهقة يعني لا تدققين كثير على تصرفاته مع أولادك و كوني اكثر حذر من ناحية ثيابك و اذا اضطررت اقفلي باب غرفة نومك اذا كنت ترتدين ثياب لزوجك فقط |
اشكر الجميع على المرور
وان كنت اشوف بعض الردود تلومني لكن انا عندي خمسه اخوان واخوات ولااحد فيهم مد يد العون له ومع هذا هو رفس النعمه برجله وزوجي الحمد لله اخلاقه عاليه مع كل الناس مو مع اخوي وبس لكن حتى زوجي ماسلم منه يتكلم معه وهو شايف نفسه وكاننا احنا ضيوف عنده ومره زوجي انتقد اسلوبه يقول ليه يدخل مايسلم علينا ونفسه شينه ومع هذا حنون عليه لكن انا تحملته بما فيه الكفايه وماني مضطره اجامل على حساب راحتي وراحة اولادي واهله وهو مايبغى يطلع من عندنا علشان مايبي يدفع مصاريف ساكن ببلاش وياكل ببلاش وش عليه وانا كلمت امي وردها سلبي وقلت له دبر امورك واطلع ومن قوة الوجه يقول ليه انا لومكانه مااعيش ببيت النسيب حتى لو ايش والمثل يقول هين فلوسك ولاتهين نفوسك |
اختي انت كنك تصفين خالي اخو امي نفس الحكاية مع امي
عاش في بيتنا واكرمة والدي اخر كرم لعيون امي وياما حل له مشاكل في الشرطة وغيرها وياما وياما ولما توفى والدي .... ماقصر رد المعروف باحسن منه مد يده على والدتي وطردنا من بيت جدتي وغيرها وغيرها اذا اخوك طبعه اسمحيلي وسخ فلاتنتظرين ان تقع الفاس بالراس قوي عينك واتعاملي معه بما يستحق والله يعينك |
يا قلبي هو بااااااقي صغير لا تاخذيه
صديق يقول لك كذا... لكن من داخله متأثر ومتضاااااايق الله يخلي لنا اخوتنا ولا يحرمنا منهم كلامك يا اخي امير الشباب اثر فيني كثييييييييير و لو جارت عليك الظروف ..وتوفي زوجك أو صار شيء لا سمح الله مصيرك لآخوك لو ما عندك اب الله لا يحرمنا من غاالي حبيبتي ..انتي الحين متضايقة منه وما تحسي بقيمته واهميته انصحك يا قلبي ما تخليه يخرج ويروح عند شباب طايشين واحمدي الله انه معك وما راح لشلة فااسدة وتعرفين اوضاع اغلب شباب وشابات اليوم الا من رحم ربي انا اخي رحمه الله كان يجلس في البيت كثييييييييييرا وعندي خاصة لآنه لا يحب الخروج كثيرا و يقول ان اخلاق الشباب لا تعجبه وتسبب له النرفزة ( مرة كلمته وهو راح مضظر مع بعض شباب الجامعة ..وهو كان معهم بالسيارة لآن ما كانت عنده سكن ..وانصدم كثيييييير انهم راحوا السوق وقاعدين يعاكسون بنات وهو ينصحهم ويعصب وطفش كثيييير ذلك اليوم ..وهو يا قلبي ما عنده لا فلوس ولا سيارة ..رحمه الله كم كنا مقصرين معه ) تفاهمي مع زوجك واولادك واليوم اللي ما يكون فيه اخوك موجود البسي على راحتك أو اطلعي وعيشي حياتك ..هي كلها كم شهر او سنة ويروح من عندك ..مستحيييييل يعقد عندك العمر كله ثم انك مستفييييدة من وجوده ..يعني اشركيه في اعمال البيت مثل تصليح لمبة ..ذهاب للسوق (انا من يوم توفى انقطعت الهدايا عن زوجي لآنه كان هو من يشتريها لي ) ..اشياء كثييييييييرة .. آآآآآآآآآآآه رحمه الله والله في بيتي اشياااااااااااء كثيييييييرة هو سواها ..وغرفته ما زالت فيها رائحته وغطاء جواله الحمد لله على كل حال اللهم اغفر لاخي وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الذنوب كما ينقى الثوب الابيض من الدنس ..اللهم نور قبره واجعله روضة من رياض الجنة وارزقني بأولاد يشبهونه خلقا واخلاقا واجمعني به في جنات النعيم اتمنى لك يا حبيبتي راحة البال والسعادة ..الله يحفظ لك اهلك واخوانك وزوجك وعيالك |
لم اوضح نقطة اذا ما اعجبك فيه شيء مثل الاخلاق أو النظافة او او الخ
صارحيييييييييييييييه بهدوووووووووء ولا تنسي ان سنه حرج وتوقعي ان يرفض في البداية لكن اهم شيء انه يعرف انك تعاني الله يوفقك ويريح بالك |
ياناس انتم مو فاهميني انا كلمته اكثر من مره وماياخذ كلامي بعين الاعتبار وبعدين هو مايساعدني بشيء ابد يعني بعض الاحيان اطلب من جارتي تقول لزوجها يجيب لي غرض وهو جالس عندي كانه جدار حتى الجيران يقولون غريبه ساكن عندك ليه مايروح لاهله وانا ترى صغيره يعني متى بعيش حريتي واولادي صغار مادخلو المدرسه ومع هذا يمد يده عليهم بصراحه لو فيه خير كان بان عليه يعني وش خيره اللي مابيطلع الا بعد موت زوجي الله يطول بعمر زوجي ويحفظه
|
السلام عليكم
حتى لو ساكن فلازم يساهم ولو باقل شي والصراحه ماحب الانسان الاستغلالي ودامج تحسين انو يستغلج فلازم تحاسبينه ويصير توضيح للامور لاني اشوف انو وضعكم صار فيه الاستغلال مو المساعده خيتي تكلمي معاه بصراحه دام عنده راتب ويسدنه واصلا حرام عليه ياكل رزق عيالج لا الله ولا رسوله يرضون هالشي تحياتي صقر المغرب |
| الساعة الآن 09:19 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©