|
هل اعيدها ام اتزوج عليها( مستجدات بالرد 105-126-133)حلت المشكله
السلام عليكم ورحمة الله وبركاته
انا عضو جديد واعجبني المنتدى الله يجزي كل من قام عليه انا متزوج من 14 سنه وعندي 3 اطفال الله يجعل فيهم الخير والصلاح من 5 اشهر زعلت طليقتي وتركت البيت وراحت عند اهلها هههههههه بسب انها عايشه معي مضلومه المهم كلمت ابوها قلي خليها لاتكلمها عشان تحس بغلطها واتفاجأ با ابوهوا هو الي قلها اتركي البيت ورحوي اشتكيه في المحكه وبالفعل راحت واشتكة في المحكمه طالبه الخلع اولادي قالو طلقها عشان تتربا ورجعو وقالو اصبر عليها مع العلم انها تركت الاولاد ولا سئلت عنهم بس تكلمهم بالجوال المهم انا طلقت والحين انا في حيره هل اصبر عليها من اجل الاولاد او اتزوج عليها مع العلم انها بنت خالتي هي بصراحة طيبه بس تسمع كلام امها كثير وانا بصراح احبها هههههههه بس هي جرحتني كثير والله والله والله اني عمري ماضلمتها وكنت احرم نفسي من اشياء كثير عشان ابسطهم واولادي عارفين وواقفين معي بس اكيد يحنو لامهم ارجو ان تنصحوني هي الان عايشه في مسلسل المضلومه وماتبي ترجع مستني النصح منكم والله يجذاكم الخير |
وعليكم السلام ورحمه الله وبركاته
ثلاث اطفال وثلاثة عشر سنه عشـره وبنت خالتك وانت تحبها الى الان وتهون عليك حاول ترجعها واذا هي رافضه وماقدرت ترجعها روج شائعه انك بتتزوج يمكن وقتها تحس على نفسها وترجع لك الله يوفقـك |
المصدومه مره اشكرك على رد المشكله ان ام طليقتي (خالتي) هي اساس المشاكل لانها عاشة مع زوجها معاناه وهو متزوج عليها وطليقتي الان رافضه اي احد يدخل في الموضوع حتى لم اولادها يكلموها تسكتهم والله تعبت مدري وين الصواب
اكيد انت بنت وبتفهمي البنات اكثر مني ارجوكي لاتبخلي علي بالنصيحة |
هلا اخوي ، فيه ناس بالمنتدى ارائهم سديده البليغ، رجل الرجال يقدرون يساعدونك
بالنسبه لي رأي يمكن يكون صح او غلط لو تطنشها فتره لاتخلي احد يكلمها وتروج اشاعه بين الناس انك ناوي تتزوج يمكن تحس انها غلطانه وتبدا تراجع نفسها وتعرف ان ماورا امها سالفه |
هههههههههههههههههههههه الله يبارك فيكي بس المشكله الاولاد رافضين فكرت الزواج او الاشاعه
|
عليكم السلام أخي الكريـــــــــــــــــــم .. أصلح الله حالكمــــــــا ,، وهداكما لما فيه الخيـــــــــــــــــر ,، يتضح من كتابتك أنك تحبها وتحاول تحافظ على العشرة التي بينكما .. اكتب بورقة ما هي الإيجابيات والسلبيات التي ستعود عليك إن أرجعتها ..!! واكتب العكس أيضا .. ماذا تتوقع يحدث عند زواجك بامرأة جديدة .. وأم جديدة لأبنائك ..!! ،, لماذا لجأت الآن إلى المحكمة بعد 14 عاما من الزواج ..!! ما السبب الذي جعلها تحس بالظلم الآن وقد كانت تجاهلته بالسنوات السابقــــــــــــــة ..!! هناك العديد من الأسباب أنت أخي الكريم أدرى بها .. ,، أيضا أخي الكريـــــــــــــــــــم الجأ للاستخـــــــــــــــــــارة فبها تتسهل الأمــــــــور بإذن الله ,، ,، وفقك المولـــــــــــــــى .. |
اشكرك على الرد قلت في السابق ان تدخل اهلا بحماقه وللاسف امها تقول ومصره على ان سبب خراب بتها هي امي واقسم لكم ان امي لاتتدخل ابداً وبالنسبه للمحكمه ابوها هو الي قال لها
|
إذا رجعتها بترجع المشاكل لأنها ما بتخلي طبعها ( وهو أنها تسمع كلام الناس) لذلك نصيحتي لك تزوج وعيش حياتك وبعدين رجعها لان أبوها متزوج على أمها والظاهر البنت مثل أمها الله يفرج همك ويصلح حالك |
ههههههههههههههههههه شر البليه مايضحك اسمحليا اخوي
بس شو رايك تكلمها وتقنعها في اللي يصير قولها الحين انا احبج واعزج وانتي سرتي اطالبين بالخلع ؟؟ فهمها هي مقتنعه بهالشي ؟؟ مقتنعه بتصرفها بهالطريقه بعد عشره عمر ؟؟ قولها تبين الطلاق بطلق .. الامور طيبه بس مااقبل اني اخلع لو شو مايصير .. وجوف اذا ماتعوذت من الابليس واستمرت بعنادها طلقها وتزوج ثانيه وعيش حياتك والحياه مستمره انا مع اخويه مجموعه انسااان بكلامه |
هل انت تعاملها معامله سيئه؟
وش حادها تطلع من بيتها عقب هالسنين وهالعيال؟ عطنا السبب الحقيقي بارك الله فيك. |
واحت الاحزان السلام عليكم والله والله والله وربك يشهد ثم اولادي اني اعاملها مثل اي شخص طبيعي احترم اهلها واعزهم طلبتها تنفز ما هي محرمه من الطلعات والدخلاة بس هي تقول اني ضالمها ماوديها السبرماركة ما اطلعها امشيها ما اخذ رئيها في المشتريات ماقلها كلام حلو هههههههه والله كله هذا كلام امها وانا ماني وحش ولا يهودي انا مسلم بس هي الله يهديها مالها اي شخصية
|
اوراق ملونة السلام عليكم اشكرك على ردك والله هي اصلاً ماتعرف معنا الضلم ههههههه بس سمعته من امها مثل(في عيد الفطر اشتريت لها غسالة ملابس جديده نوع سامسنج 8ك فل بس من نوع الحوض العلوي وفرحان لم شافتها قالت ما ابيها رجعها ليش؟ هي تبيها من النوع الي ينفتح من الامام كان عندي في البيت امها اناقلت ماني مرجعه قامت تصرخ جات امها وغلطة علي وسحبت بنتها وقالت لها تعالي انا اشتري لك غساله وقامت تهتف الموت ولا المزله وتقول لبنتها هذا يهينك ويزلك
|
امها اجنبيه؟
وش السالفه؟ ولاتقولي انت مسلم مانت يهودي ترى فيه بعض المسلمين يهونون اليهود عند جبروتهم وظلمهم.. اذا هي تتدلع خلها لحد مايطيح اللي براسها واذا هي عندها حق عطها حقها والمشاكل اللي زي كذا الافضل يتدخل فيها احد حكيم من طرفي العائله.. اما ترجع الامور طبيعيه ولاكلن يشوف حياته |
طيب انت بنفسك قلت انه كلامها انك ماتشاورها وانت فعلا اشتريت الغسالة وبدون ماتقولها
احيانا احنا نحب الاخرين بطريقتنا نحن وليس بطريقتهم وهي تنتظر منك شئ اخر الله يهديها يارب ويردكم لبعض هذه عشرة عمر وماتهون ودامكم تحبون بعض فلا تتخلو عن بعض بهالسهولة لامور من السهل حلها حتى لو امها تتدخل انت لبي لها طلباتها بالشكل اللي هي تبيه لانه الغسالة هي اللي تستخدمها وهي اللي تتعب فيها فتبي شئ يريحها وتكون تعبانة من شغل البيت وامها الله يهديها تحرضها كان بامكانك تحتوي الموقف وربي يردكم لبعض ردا جميلا خليها عند اهلها فترة وبعدين كلمها وناقشها ووضح حبك لها |
واحة الاحزان
السلام عليكم ... ليش انفعلتي انا ماقصت شي بس انا محتار ومصدوم انتي تعرفين ان الزواج العائلي مشكله بمشكله وامي وامها مع انهم خوات بس الله يهديهم عندو مع بعض وهذي هي سبب المشكله |
السلام عليكم
حبيبي نيوتيلا انا لااعصم نفسي من الغلط كل بني ادم خطائون بس هل هذا عزر لانهاء عشرة عمر ؟؟؟ |
الأخت تبا غساله اوتاماتيك اخويه صامد اوتاماتيك تغسل وتنشف بروحها من غير تعب
ومن جي سوت هاليوله وهالحفله هي وامها واتوقع انت بأيدك العصمه تقدر تواجها بالموضوع وتقولها شي بيني وبينك لاتدخلين امك بينا .. على قوله اخوانا الجداويه هيآآ تفتكرها سايبه ياشيخ... |
هههههههههههههههههه
الموضوع خلص وقع الطلاق بس سؤالي هل اصبر عليها او انساها وكلاهما صعب |
اقتباس:
مم وقع الطلاق .. انا اقول انساها وطالع جدامك والله بيرزقك في بنت الحلال اللي تصونك وتقدرك وانت يوم بتتزوج مرة ثانيه اشترط على راحتك لاتقعد ساكت ومتردد قول كل اللي بخاطرك قولها اباها دينه وتخاف ربها مابا اطلع اسرار بيتي لاهلها ولا لاهلي اللي بيني وبينها يبقى مدفون ورى عتبه الباب ابا اعيش باقي حياتي بهدوء مابا مشاكل وعوار راس وصراخ .. خلك جي عند كلامك وانا متاكد مليووون بنت تتمناااك وهذايج الله يهديها ويخلف عليها وعليك انت محتاج تستقر لانه المشاكل تسبب عقد وامراض قلب وضغط وانهيار عصبي انساها وانسى امها فوقها .. وطالع حياتك مع بنت الحلال ... بطبيتك ركبوا فوق راسك واستغلووك لانك طيب وعلى نياتك .. استوي شرير عشان يحسبولك حساب ويحترمونك ولايطولون حسهم عليك وانت ريال شو كبرك بلحيتك .. مايصير الحشيمه مطلوبه جان ماتعرفها خلها عدال امها وبعيد عنك .. |
والله اشكرك بس انا عندي مشكله عيالي معي لان حتى عيالها ماسئلت عنهم وعندي بنت عمرها 13 سنه الله يحفظها انا خايف عليها والله هي انصدمت مثلي ودايم تقول ماما باعتنا وتقلي اصبر عليها لعل الله يهديها وتحس بغلطتها
|
اقتباس:
قوله لبنتك امج تحبج بس تعبانه شوي وبترتاح في بيت امها وبعدين حاول تحتويها حنانك ولاتخلي ياهلة تمشي كلامها عليك ياهل هاي ماتفهم باجر بتعرس وموب نشاده عنك انت بضيع عمرك بالشقى والمرض والصراخ مع وحده موب فاهمتنك ولا مقدره وجودك كزوج لها وترى عادي العيال مايضيعون ان شالله بس الواحد مايضيع عمره و عيالك مع خواتك امك اتوقع العمات حنونات .. وجي عاد انت لاتضعف من اول موقف مع بنتك خلك قوي شوي وبنتك موب ياهل تقدر تفضفضلك باي وقت بس موب تخليها تتحكم فيك وامها هاي باجر بتحس بقيمه عيالها وخلها راكبه راسها على بالها بتقعد تتحكم فيك العمر كله والله ناس ماتيي الا بالعين حمرى ماعليك منها .. بتتحكم فيك وفي حياتك منوه الريال فيكم؟؟؟ والله صج موضوع يزعل الاخت زعلانه ولاتنشد عن عيالها .. برايها لاتسال عن العيال .. هي الخسرانه بس لاتقعد تتمسكن عند العيال وتصيح وتقول كلام عنك راقب عيالك زين .. ان كيدهن عظيم |
اقتباس:
واضح الاخ فاضي وجاي هنا يطقطق علينا :rolleyes: |
الله يحفظك ويرعاك انت كفو الذمن يربي الي ماتربا
|
لاوالله ياواحة الاحزان انا اضحك من القهر والله والله والله اني متشتت وابي الي يسحبني لبر الامان وما استعجل وادمر عيالي الي امهم سوت فيهم كافيهم
|
انا اختك يااخي الكريم
بالنسبة لزوجتك مافي مشكلة الا ولها حل والشاطر والذكي والناجح اللي يبحث عن الحلول ويصلح الامور اسهل شئ الطلاق وهدم عشر ة سنين لكن البناء يحتاج بذل جهد ولكن عاقبة الصبر جميلة انت حاول تصلح الامور وتشوف شخص حكيم بالعائلة يستطيع التأثير على زوجتك وربي يجمعكم على خير يارب حرام عشرة عمر تضيع بسبب واهي واعذار غير مبررة والشيطان يجري من ابن ادم مجرى الدم ممكن انا اشوف السبب غير مقنع للطلاق بس الشيطان يكبر ويزيد الفرقة بينك وبين زوجتك في الاسلام في علاج وحل لنشوز الزووجة ولم يأمر بالطلاق الفوري وحتى ان تم الطلاق طلقة اولى تمكث الزوجة ببيت زوجها لانه ربما تصفى النفوس مابينهم ادعي الله اخي الكريم انه يفتح على بصيرتك ويدبرك بتدبيره ويكتب لك مافيه الخير والصلاح لك ولطليقتك ولابنائك الزم الاستغفار واكثر من الدعاء وربي يجمعكم على خير |
اذا كان كما تقول ويكفينا الحلف بالله..
نسأل الله ان يفرج لك كربك ويخلف عليك بخير |
إذا إهي تحبك راح ترجعلك دامك منت مقصر معها بشي
وبعدين مافي أم ماتخاف على عيالها أكيد قلبها يغلي عليهم الحين الله يصبر قلبها على فراقهم |
اقتباس:
|
اقتباس:
أولا)تقولك أنك ماتأخذ برأيها وهذا من حقها الزواج شراكه.. والمرأه تحب أن يشاورها زوجها ويأخذ رأيها.. فهذا يشعرها بشخصيتها وبأهميتها لاشيء مركون ليس له رأي.. ثانيا)تقولك ماتقولي كلآم حلوو..أي غير مشبعها عاطفيآ..ياسيدي العاااااااطفه مفتااااح المرأه..فمتى أشبعت عاطفتها ملكتها.. ولا سوف تشعر بنقص بداخلها..وتفتقد أحساسها بأنوثتها.. حتى وأن كنت عاطفيآ بأفعالك لايكفي..نحن يامعشر النساء هكذا ..تطربنا كلمات الحب .. وتدغدغ مشاعرنا مفردات الغزل والثناء والمديح. مقياس حب الرجل عندنا تلك الكلمات... |
اقتباس:
أولا)تقولك أنك ماتأخذ برأيها وهذا من حقها الزواج شراكه.. والمرأه تحب أن يشاورها زوجها ويأخذ رأيها.. فهذا يشعرها بشخصيتها وبأهميتها لاشيء مركون ليس له رأي.. ثانيا)تقولك ماتقولي كلآم حلوو..أي غير مشبعها عاطفيآ..ياسيدي العاااااااطفه مفتااااح المرأه..فمتى أشبعت عاطفتها ملكتها.. ولا سوف تشعر بنقص بداخلها..وتفتقد أحساسها بأنوثتها.. حتى وأن كنت عاطفيآ بأفعالك لايكفي..نحن يامعشر النساء هكذا ..تطربنا كلمات الحب .. وتدغدغ مشاعرنا مفردات الغزل والثناء والمديح. مقياس حب الرجل عندنا تلك الكلمات... أنا معك أن هذا لايصوغ لها أن تترك بيتها وأبنائها..لكن حاول جاهدآ بأسترجاعها وأذا عادت ضع تلك الأمور بعين الأعتبار.. |
معليش مدري ليه طلع ردي مرتين^_^
|
أخي الفاضل لا تستصغر احتياجاتها .. مثل ما قالت الأخت السابقة الكلام الحلو مهم لدى غالبية النساء.. ممكن حتى اللفة في السيارة أو حتى علبة الشوكلاته تخليها تحس أنها أسعد زوجة في العالم. النقطة الثانية.. الطلاق بيد الزوج لم يوضع عبثا بل لأنه في الغالب الأكثر تعقل .. الوضع ليس فقط طلاق بل ماذا بعد الطلاق؟ الأطفال ستتأثر نفسياتهم حتى ولو تظاهروا أمامك بعكس ذلك.. ستبحث عن زوجة أخرى ولا تعلم هل ستنسجم معها ؟ وما مصير أطفالك معها و ماذا لو أصر أطفالك على أن تعود والدتهم هل لديك قدرة على فتح بيتين؟ والأسئلة كثيرة عموما تصحيح وضعك الحالي أرى أنه أخف بكثير من القفز لوضع أخر وفقك الله |
بصراحه بعد ماقريت ردودك على الموضوع
اللي مطنشه حتى عيالها ماتسأل عنهم ماوراها خير وشكلها انسانه ماديه همها المشتريات والسوبرماركت والخرابيط بصريح العباره خلها تولي حاول تنساها بس لاتتسرع بالزواج لين تختفي مشاعرك تجاهها وطنشها لاتخلي احد يكلمها ولا يسأل عنهـا الله يصبرك ويوفقك انت طيب وتستاهل كل خير |
اختي الخلوقة السلام عليكم ورحمة الله اشكرك من اعماق قلبي والله يكثر من امثالك ولاهان الاعضاء الباقين طليقتي انسانه بمعنا الكلمة ولاكن للاسف تتئثر بامها كثيرررررر البارح بنتي العنود تقول ما احد ياثر على امي غير جدتي وللاسف جدتها لاتفقه شي سوا خراب البيوت مع العلم انها خربت بيت ابنها وجعلته يطلق حسبي الله ارجوكي اعطيني طريقه اذا امكن انتي امرأة وتعرفين كيف الطرق للوصول لقلوبكم
|
اختي المصدومه السلام عليكم ورحمة الله طليقتي ليست ماديه ابداً هي مسكينه فوق ماتتخيلي وطيبه بس عندها مشكلتان انها تسمع لكلام الناس وخاصه امها ولاتحب النصيحة بمعنا ان كل من ينصحها يقلل من قيمتها وبالنسبه للاولاد ابوها الله يعطيه العافيه هو من طلب منها ان تقوي قلبها وتترك الاولاد حتى يساعدها في الطلاق
|
انا من رائى انك تشيع انك بتتزوج ..مثل راى بعض الاعضاء الكرام وتذكرانه الصفة التى بها لهى حب امها يخليها تسمع لها كثير وبعد عين امها الله يعطيها طولت العمر تراها بتكون لك وما في مؤثرات عليها وتذكر انه المرأة لوابدت نوع من الصلابه فانها بكلمة واحده ممكن تنهار وبكلمة واحده ممكن ان ترجع والله انهن مسكينات فحافظ على قلبها وعلى قلوب ابناءك وعلى العشره الحلوه لان 13 سنة عشرة مش بالقليله بين الزوج والزوجه ومن العلم هل سوف تاتيك فرصه لتكون عشره بعدد السنوات التى قضيتها مع ام عياك هذه ام لا حافظ عليها وارجعها بعد ما تلقنها درس انك متزوج من ثانيه
|
اقتباس:
واذا امها ماماتت وعمرت فوق ميه سنه شو ذنبه هالمسكين يتحمل ويتغربل بالله عليك وبعدين هو غلط بالاختيار من البدايه وماادري كيف صابر وساكت طول المده وانا متاكده انه فيها عقده من شي وامها معقده اكيد اذا طلقت ولدها من زوجته واذا هاوشت زوج بنتها عشان غساله بتتوقع بيقدرون يكملون والله لو واحد من اهليا ليفرها بيت اهلها .. وبعدين ليش ماتحشمه وتحترمه جوف رجال شكبره بشنباته يهاشوونه عيب عليهم والله لهدرجه امها ماتحترمك اقول اخويه خلها تولي عنك وطلقها ترى اللي يقولك خلها بذمتك مافكر فيك وفي مشاعرك كل همه الحرمه ماتطلق انت فكر فيها جم عمرك ؟؟؟ وجم بقى من عمرك بتعيشه؟؟ ومايحترمونك ولايحترمون كلمتك واخرتها تطلب الطلاق بسبه امور تافهة..ماعندها شخصيه خلها وبدل الحرمه الف من تتمناك وزوجتك هاي خلها عند امها تنفعها .. يمكن محصلتلها معرس يديد وتبا ظبطها مايندرى شو تحت راسها .. انت لاتفكر وكل اللي تفكر فيه حياتك من حقك تعيش وتتخذ قراراتك الصحيحه وماعليك من اللي يقولك لااطلقها فكر عندك عيال لايكون باجر بنتك بتتزوج وامها بتسوي فيها شرات مايصير الحين بعد الواحد مايامن هالنوعيه من الحريم اختي عشر سنين متحمله الضيم من ولد عمي وتحتها اربع موب 3 واخرتها تطلقت ووتعال جوفها اليوم متزوجه شيخ الشباب بسم الله عليه ومرتااااحه وعيالها ترمسهم ومتواصله معاهم مااقطعتهم انت باجر بتتزوج والله بيعوضك وماعليك منها هاي طبها عنك |
روضة بوظبي السلام عليكم ورحمة الله اشكرك على اهتمامك انا ودي اسئلك سؤال انت متزوج؟؟؟
|
اقتباس:
اكيد لا اذن الحل بيدك اصلح امرك مع طليقتك وانت قلت انها طيبة يعني يبيلها قرصة اذن وتتعلم وصدقني الطلاق مو سهل على المراة ويكسرها يمكن الان بهالفترة تراجع نفسها وتهدأ وتعرف اخطائها ولو رجعتو لبعض ان شاء الله حاول تشاركها اتخاذ القرارات لانه بينكم حب ومودة وعشرة واشبعها عاطفيا الله يجمعكم على خير يارب زوجتك طالما انها طيبة يعني الامر قابل للاصلاح لكن لو كانت زوجتك لئيمة ولا صعبة المراس محد يلومك لو تركتها |
اقتباس:
لا موب متزوجه .. بس على قدر كافي من تقدير الحياه الزوجيه والعشره الزوجيه وكيف تكون .. حتى لو بعد سنين .. الزم ماعليه الوآحد يحفظ ماي ويها.. .. ولا يهين كرامته ..اكثر مما أنهان بس حالتك مثل الحآلات اللي اطلعت عليها ... انسابك مايحترومنك ولايقدرونك زوجتك تخون العشره وتفضي باسرارها لاهلها .. سكوتك دليل ضعفك وخوفك من خساره زوجتك تركها تهينك وتصفعك مع امها وانت اهلك مالهم دور باللي يصير موضوع ماينسكت عنه وراح تظلم نفسك اكثر واكثر لو استمريت معاها بالنهايه عقلك براسك وتعرف خلاصك واتوقع مابقى في العمر كثر اللي راح لاتضيع باقي عمرك مع انسانه فاقده الثقه واهلها مايحشمونك ولا يحسبونلك حساب .. شو تبا اكثر ريال موب صغير ماعليه قاصر الف من تتمناه ماسكينك من رقبتك يقودونك وين مايبون خل كرامتك وعزة نفسك الحين يقررون موب انت تقرر.. وتذكر تركت بيتها لاتفه الامور وادعت انها مظلومه تبا تلعب فيك .. كل شي واضح اخوي الكريم |
| الساعة الآن 05:53 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©