|
ادعو لروح الطير بالشفاء
السلام عليكم اخواتي العزيزات لا اعرف ان كان احد لاحظ ان اختنا في الله روح الطير لها موضوع في قسم استفسارات الحمل و الولادة بعنوان حامل بالتاسع و عندي طلق .. قلقانة جداً تشكو من التهابات و اعراض طلق و خائفة للغاية فأرجو منكم الدعاء لها بالشفاء و ان يرزقها الله ساعة وضع ميسرة و مولودا سليما معافى بحول الله و قوته (لا أعرف ان كان في حد تاني نزل نفس الموضوع بس احتياطا قلت أطرحه لكم) |
اسأل الله لها الشفاء والصحة ويتمم حملها على خير
|
يارب يتمم لها على خير وتولد بالسلامة بإذن الله وتقر عينها بشوفة البيبي |
الله يسهل ولادتها يارب و تقوم بالسلامة
|
الله يسهل امرها و يرفع عنها و يشفيها من كل داء
|
الله يقومها سالمة هي ومولودها وييسر لها ويهون عليها
|
الله يسيرلها ويسهلها ولادتها ويرزقها بالطفل السليم المعاااافي
|
الله يسهل لها ولادتها ويسر عينها بطفلها في أفضل حال .. الشهر التاسع قلق :( |
الله ييسر لها ولادتها ويبارك لها فيما رزقها
|
:* قرأت موضوعها وكنت حابه أرد عليها بس بذاك القسم ممنوع الرد وبصراحة شلت همها وقلقت عليها الله يهون عليها ويقومها بالسلامة ويرزقها بالطفل السليم المعافى ويخفف عنها :* بصرآحة روح الطير إنسانة تدخل القلب وتنحب الله يحميها لعين ترجيها :* aseera 01 وألف شكر لكِ على مبادرتك الأخوية |
الله يسهل ولادتها ويرزقها بالمولود السليم
|
من امس وانا افكر فيها سبقتيني
دايما ان شاء الله سباقه لفعل الخير تقوم بالسلامه يا رب يا ريت ما تمشي كتير حبيبتي روح ومن ثم ابدي بالدعاء : ويخرج من بين الصلب والتراءب واشتري شاي الرازبري وهو شاي ورق التوت يساعد على الطلق والافرازات اللي قلتي عنها معقول البيبي يعملها ببطنك ولازم ينزل لان يقولون اللي تتأخر بالولاده يععملها ببطن امو البيبي انتي تقولي انو بنصف التاسع يمكن مش حاسسبه مظبوط ومش ضروري مثل او جمل تتأخري وتاخذي الشهور كلها البكريه غير وخصوصا اذا كانت بنت ولكن الولد يكون مستعجل تقومي بخير يا رب انتي وحزن النفس وكل اللي على وشك الولاده ما تنسونا من دعاكم |
الله يشفيها ويعافيها ويسهل ولادتها يارب
|
الله يشفيها .. ويقومها بالسلامه .. ويقر عينها بعافية جنينها
اختي اسيره :: شكراً لمبادرتك الطيبه |
اسأل الله العظيم ان يقومها بالسلامة ويحفظها من كل شر
|
الله ييسر لها ولادتها ويبارك لها فيما رزقها |
الله يشفيها ويعافيها
ويرزقها ساعة ولادة هينة ميسرة ويقومها وطفلها بالسلامة وتبشرنا على خير إن شاء الله |
ربي يقومها بالف سلامة
وتقر عيونها بشوفة طفلها سيلم ومعافى. |
الصراحة ،،
تفاجآت جدا يوم قريت اسمي ، و فرحت كثيييييير بوجود أخوات لي يخافوا علي و يدعوا لي بظهر الغيب .. ربي يديمها نعمة لنا يارب .. و أخص بالشكر حبيبتي أسيرة .. و ربي يتمم لك حملك على خير يارب .. و قريت موضوعك تبع أمس ، و أنصحك من جد تهتمي بالحديد .. لإنه راح تحسي بدوخة و ضعف شديد إذاا تقدم الحمل و كل ما تقدمتي شهر ، كل ما نقص الحديد .. و أنا كنت بالخامس و الدم عندي 10 و دحين بالتاسع و وصل 8 .. عشان كذا ، انتبهي من جد على نفسك .. :) . . حبيباتي .. تسلمولي و الله ، و ربي يفرج هم كل وحدة و يحقق لها أمانيها .. :) . . عن حالتي ، فالحمد لله .. الدوخة و الصداع و الضعف الشديد و الخمول .. بدأ يخف شوي مع إبر الحديد و المغذيات .. و الأسبوع اللي فات ، وصلت لمرحلة ما أقدر أقوم و لا أفتح عيوني من التعب و لا أرفع كاسة موية .. وصفت لي الدكتورة 10 إبر حديد ، رحت مرتين و أخدت الإبر و باقيلي كمان كم مرة أخد الإبر في الوريد .. قلت أتحمل الألم و لا يجيني نزيف لا سمح الله وقت الولادة و تجيني مشاكل أنا في غنى عنها .، و خاصة يوم قريت مشكلة الأخ أحمد الأزهري و وفاة زوجته الله يرحمها وقت الولادة بسبب النزيف ،. خفت و اتشجعت أخد الإبر .. بس مرة مرررررررررررررررررررة توجع .. و زوجي يضحك يوم يشوفني أصيح من الإبرة ؟؟؟ : ( (( و من جد وقتها افتكرت أمي الله يقومها بالسلامة ، من شهووووور و هي كل بعد أسبوعين تروح المستشفى و تاخد إبر و مغذيات و سحب دم ، و حزنت عليها من كل قلبي .. )) . . أمس أمي دقت على ( داية = ممرخة = اللي تولّد بالمنازل ) ما أعرف إيش تسموها ؟؟؟ معروفة هنا بالمررررررة ، و لها خبرة و ورثت المهنة من أمها و جداتها .. و بأقول اللي عملته و قالته ( يمكن أحد يستفيد )؟ جات دهنت لي زيت زيتون و قاست لي من برة بخبرتها - مو مثل المستشفيات تعبوني - و قالت لي : النونو بيتحرك كثير ماشاء الله و يبغى يخرج خلاص و نازل على تحت ، و إنه هناك ( طلق ) من جدددد .. و الرحم مو مقفول ، مفتوح شوووووي .. بس إنه ( سدادة عنق الرحم ) ناشف و هو اللي مقفل الطريق .. و قالتلي كمان ، إنه حساب المستشفيات لموعد الولادة ( غلط ) مو بعد 3 أسابيع .. و إنه ولادتي قريبة مرة بإذن الله و يمكن هذه الأيام .. نصحتني يومياً .. أكل تمر عالريق + زبدة و أكثر منهم في الصباح .. و بعدين أسخن كوب حليب مع هيل و زبدة ، و أشربهم ،، و إن شاء الله بعدها عنق الرحم راح يلين .. و قالت إن شاء الله لو استمريتي كذا ، ما راح تتعبي بالولادة .. سألتها عن الأعشاب و هذه الأشياء ، قالتلي ( لأ .. لا تاخديها .. بس القرفة إذا بدأ الطلق و الرحم فتح ) و قالتلي أمشي كثييييير .. . . و أمس جمعت أدعية تسهيل الولادة و نقلتها على جوالي و بأقراها على موية الزمزم إن شاء الله .. لإنه هي أكثر شئ تخفف ألم الولادة و الدعاء في نص الليل بأي دعوات و طلب تسهيل الولادة من ربنا .. و خايفة من وقت الولادة ما يكون فيه أحد و أخد تاكسي لا سمح الله .. مافيش أحد من أخواني هنا .. و زوجي حاليا بيشتغل بوظيفة مؤقتة ، مكانها بعيد عن بيت أهلي .. يعني لو جاني الطلق .. فيبغاله نص ساعة لحد ما يجيني ، و نص ساعة لحد ما أوصل للمستشفى .. و قبل كم يوم وحدة مصرية - زوجة صاحب زوجي - ولدت بسيارة التاكسي و هي رايحة المستشفى .. و زوجها من الفرحة ، أعطى اللي بجيبه لسواق التاكسي .. . . فاتحة اللاب توب و أتصفح المنتدى و اقرى من جوجل ( تجارب الولادة ) .. و مخدات وراء ظهري .. و كل ما تعبت ، أرقد و أريح ظهري كم ساعة و أقوم أتوضأ و أصلي الفرض و أكل و أرجع أنام .. و لو تعبت من النوم ، أرجع أفتح اللاب توب نص ساعة بالكثير و أتعب من جديد من الجلوس .. . . كتبت قصة حياتي .. ^_^ أمي نايمة ، و الشغالة نايمة ، و زوجي معزوم على زواج و قلت له خلي الجوال بيدك ههه .. و أنا جالسة لوحدي .. و أشوف مرات طلبات ولدي و أسكته عشان لا يزعج أمي و يصحيها .. بعد شوي بأجيب موية الزمزم و أقرى الأدعية اللي جمعتها .. الطلقات بتروح و تجي على خفيف طول الوقت .. . . ألف مليون شكر لدعواتكم .. اللي من جد راح تعطيني قوة دافع أكثر .. لإنها عندي أغلى من كنوز الدنيا كلها .. :) بس نصيحة للحوامل ، يجهزوا أغراضهم من بدري .. لإني كنت أأجلت للأشهر الأخيرة ، و دحين ناقصتني كم حاجة ضرورية و مو قادرة أبدا أروح اشتريها .. و زوجي مو فاضي حاليا و أجلت الكم غرض لبعد الولادة ،. و أهم شئ إني جهزت شنطة المستشفى .. |
الله يسهلها ويرزقها ساعة السلامه
|
اقتباس:
|
أسأل الله العظيم رب العرش الكريم أن يشفي أختنا روح الطير شفاء لايغادر سقما وأن يسهل لها ولادتها وربنا يقومها بالسلامة والعافية هية وطفلها يارب إنك تعينها وتسهل عليها ما أستصعب عليها من أمرها ياحي ياقيوم يارب إنك سميع مجيب الدعاء .
|
الله يسهل عليك ويرزقك ولاده سهله ميسره
ويحفظ لك أمك من كل سوء ويشفيها لاتنسينا من دعواتك وقت الولاده :) |
الله ييسر أمرك ويهون عليك ويقومكم بالسسسلامه
|
حليلج يا روح الطير .. الله معاج ويكون بعونج ويهون أمرج وييسر ساعتج ..... اللهم آمين.
سبحان الله أمس كنا في البيبي شوب أنا وزوجي لشراء بيجامات لمهرة .. ولعب الشيطان في راسي وقلت له: شو رايك اخذ كم غرض للنونو .. لكنه طلب مني التريث باعتبار أن الوقت لا زال مبكراً .. لكن كلامكِ حمسني قليلاً ;) وما دامت الولادة قريبة بإذن الله فتذكريني الله يرضى عليج بدعوة حلوة ;) |
الحمد لله انك دخلتي وطمنتينا عنك..ياروح
تهلاي في راسك مليح... وما تنساي تدعي لينا... |
فينك يا روح الطير ليكي يومين ما طمنتينا يارب تكوني بأحسن حال:22::22: وللا يا ترى ولدتي في غفلة منا:11::11: على كل حال احنا بس بنطمن عليكي و لو قادرة تطمنينا لا تترددي و إن شاء الله تقومي بالسلامة و لو اني حاسة كدة انك ولدتي:23::23: |
وعليكم السلام ورحمة الله وبركاته
ربي يسهل ولادتك اختي روح ويقومك بالسلامة ويرزقك الطفل الذي يقر عينك وقلبك شكراً اختي aseera 01 |
لاااااااااا لسى ما ولدت :'''(
الداية قالتلي دا الاسبوع و ماصار شي للاسف :( المشكلة انه الطلق اللي جاني من اسبوعين ، خلاني افتكر الم الولادة و اخاف من الولادة بس مصيري اولد عاجلا ام آجلا ، فين حاهرب ؟؟؟ :'''( افكر اطلب إبرة الظهر و ارتاح من الكابوس هذا.. أسيرة ، نصيحتك حلوة .. باعملها ان شاء الله ،، و اطلع و انزل بالدرجات ^^ مهرة ، ايوة احسن استغلي الوقت و فترات التخفيض و خذي للبيبي ^^ سيلا ، بالزاف افهم لهجتكم ^^ بنت الحكمي، نور الايمان، احب زوجي، عبير الرياض و كل اللي دعولي ،، و لكم مثلها يارب و بميزان حسناتكم .. و نردها لكم بالأفراح ،، و بانسخ الأدعية اللي جمعتها هنا ان شاء الله .. لعيونكم ^^ |
روح حبيبتي لاتنسيني من الدعاء بالوظيفة الصالحة عاجلا غير آجل
|
اهلا بك يا أختي و الله كنت أقول فينها مالهاش صوت .. اكيد راحت تولد اتاريكي لسه .. على كل حال الحمد لله انك طمنتينا عليكي و يارب ولادة سهلة ميسرة سريعة ان شاء الله:22::22: بالنسبة لصعود الدرج و نزوله و الله يا روح كانت الطلقة تيجي و انا على السلم أروح اتعلق في رقبة زوجي الله يحفظه و ما اقدر اتحرك و بعد ما تفوت أكمل الصعود او النزول صحيح كنت في الاخر ما فيا أي نفس بس و الله ساعدتني كتير رحلة الصعود و الهبوط في ان الرحم يفتح اسرع بس بعد ما خلعت رقبة زوجي هههههه:25::25: لأنه كان الوحيد معايا بولادتي الاخيرة من اولها لأخرها :11: لأني أعيش في بلد اوروبي و ما لي بعد الله هنا غيره :15::15: بالنسبة لحقنة الظهر انا لم اجربها بس اختي جربتها في ولادتين في بلدين مختلفين و لم تكن محظوظة :25: او ان جسمها لا يستجيب لها الله اعلم فلم يحدث اي تخدير و اضطروا يعملوا لها بنج كلي:29::29: بس دي كانت ولادة قيصرية و فضلت فترة تشتكي من الم بالظهر بعد كل حقنة:29: بس اكيد في اخوات جربوها و ارتاحوا عليها :17:المهم انك تستخيري الله بالنسبة لحقنة الظهر و سوف تفرج ان شاء الله :17: و بالله عليكي ما تنسينا من دعائك ساعة الولادة يا أختي فالحمل و الغربة :(و بعد زوجي لظروف عمله:(:( و اولادي :23:و عملي:29: كله كله سوا ما يهونوا الا برحمة رب العالمين |
روح حبيبتي لاتنسيني من الدعاء ربي يسهل ولادتك اختي ويقومك بالسلامة
شكراً اختي aseera |
حبيبتي روح الله يقوومك بالسلامه ويقر عينك بالمولوود الصغير ..
ويشفيلك والدتك وتشوفوها باحسن حال ياارب .. حبيبتي انتبهي على نفسسك وانا كل يوم بدخل بشوف ولدتي الحمدلله ولا لسا وبشوف اخبارك ياعسل .. ودمتي بصحه وعاافيه يارب =) |
الله يهون عليك ويقومك بالسلامه ..
أنا أخذت إبرة الظهر طبعاً من قبل الولاده وأنا أسأل وأستخير ربي و ببالي إني أجرب الألم وأشوف مو خسرانه بس صراحه ماقدرت : ( اتوقعت إني أقوى من كذا:18: وسبحان الله من جد كانت خيره إني أخذتها لأنه بعد ماوصلت الــ 10 سم الله يهديه حبيبي كان يتغلى<<< مو مكفيته الخمس السنين اللي فاتت:d وسوى أكشن راسه مو راضي ينزل ونبضه بدأ يخف فانتظروا نص ساعه وحولوني قيصري وسويت بنج نصفي.. ارتحت من آثار البنج وشفت ولدي بعد مانور الدنيا.. والحمدلله ماعانيت من أي آثار جانبيه لها غير الشعور الغريب واللي يضايق لما تحسي بثقل رجولك بعد مايحطوها .. |
الله يقومك بالسلامة ياروح الطير ويفرح نظرتك , أستخيري حبيبتي في ابرة الظهر أنا أخذتها مرتين وقيصري والحمدلله أموري طيبة . لاتكثرين مشي والله تتورم الرجول على الفاضي , أمشي بس من غير ماترهقين نفسك وراك سهر وتعب , عشان كذا ريحي نفسك هاليومين . شكل البيبي يتغلى شوي مش راضي يطلع الحين , أول ماتشوفينه أقبصي أذنه . مشكورة أختي صاحبة الموضوع . |
يسعدكم يارب، باكتب و انا جالسة عالكنب و حاطة مخدات وراء ظهري
و جوالي بيدي ، زوجي نايم عند اهله عشان امس دوامه خلص بالفجر و ماني حابة اصحيه من دحين امس مرة كنت تعبانة و دايخة ،، و اليوم من ساعتين قمت و رجولي توجعني من فوق لتحت و خاصة المفاصل اللي من فوق و حاسة بطلق خفيييييف و دحين بيزيد شوي، اخاف ادق على زوجي و اصحيه و يطلع زي قبل، طلق كاذب : ( و حاسة انه نفسيتي مو مهيأة للولادة، بس فين راح اهرب؟ :D و بإذن الله مانساكم من دعواتي، و باشغل حالي دحين بالمنتدى ،، عشان لا افكر كثير و ما احس بالوقت، والمشكلة انه شنطة المستشفى بسيارة زوجي . . |
المفترض انه ولادتي حسب حساب الدكتورات بعد 10 ايام
بس الداية جاتني قبل اسبوع و قالت باولد قريب ان شاء الله و نشوف كيف ؟ يقولوا المييية تكذب الغطاس :D الله يستر، بيجيني زي المغصصص من جهة اليمين و المشكلة انه امي رايحة تتغدى عند اختي الكبيرة و بتاخدني معها و بنخرج بعد نص ساعة ماعرف اذا النت بجوالي يشتغل من هناك و لا لا؟ * |
الحلم الدافئ باستخير و أخذها ان شاء الله
لانه الطلق اللي جاني من قريب، خلاني افتكر الم الولادة باقوم اغير ملابسي |
الله يشافيها و يعافيها و يتمم لها على خير
|
|
| الساعة الآن 04:38 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©