|
حقا تائهه وحائرة فساعدوني ...
لا ادري من أين ابدأ بالحديث
ولا ادري هل هي مشكلة ام ماذا بحد ذاتها انا ابلغ من العمر 25 عاما تعرفت الى شاب عن طريق التشات تحدثت معه هاتفيا ولم اخرج معه ابدا انا اعرفه من 4 سنوات ،،وهو شاب محترم جدا واخلاقه كتيير عالية وعمره ما طلعت منو كلمة هيك ولا هيك طوال ال 4 سنوات في كل سنة يصادف بها عيد ميلاده كنت اقوم باحضار هديه له ويتم ايصالها له عن طريق غير طريقي احيانا كنت ادعوه هو بنفسه لاستلام الهدية بعد ان اخبره عن العنوان الذي يجب الذهاب اليه طوال هذه الاعوام لم تصلني منه ايه هدية ابدا ....... لا اقول ان هذا موضوع كان عادي بالنسبة لي يعني بصراحة كان نفسي انو يوصلني منو شي لانو كان نفسي انو احتفظ بشي منو عندي يعني شي من ريحته متل ما بيقولوا بس عمرها ما صارت يعني عمره ما بعتلي شي ) المهم .... مرت الايام وصرت احس انو انا عم بتعلق فيه يوم عن يوم اكتر وصرت لما ما يبعتلي مسج او ما يحاكيني صرت اشعر بضيق داخلي كبير جدا وكنت اولها كتييير عصبية معاه واحاسبة ليه ما حكي معي وليه ما بعتلي مع العلم انو طوال الاربع سنوات نحنا اصدقاء فقط هاي الجملة اللي كنا انكررها انا واياه لبعض او بالاحرى هاي الجملة الي هوة كان اكتر مني يسمعني اياها دائما وعند كل موقف او عند كل مشكلة بنعملها مع بعض مع العلم انو كنت اتخيلو انو بيوم من الايام يكون الي بس كان دايما في اشي بيحطم هالامل من جواتي وبيرميه وبيقولللي لا لا تحلمي ولا تتخيلي انو هاادا ممكن يصير وانا لما كنت ارجع للواقع واشوفه ااقوووول والله لو شو ما صار مستحيل انو يفكر يرتبط فييي وكنت متأكدة من هالشي وواثقة منو 100% يعني كان لازم احط حالي عالارض وما احلم فوق بالنجوم ،،،لانو هادا الشي مستحيل ،،،، ومرت الايام وانا صرت عم بتضايق من الوضع اللي انا فيه معاه لانو مو دايما بيسأل مو دايما بيحكي معي اتضايقت من تصرفه هادا المتكرر بعدم سؤاله وقررت انو نترك بعض مع العلم انو قبل هالمرة صارت مرات كتييير ةوتركنا بعض وكنا نرجع بس هالمرة كان القرار حازم جدا وقررت انو اتركه دون عودة لالو لو شو ما صار وفعلا صار الحديث هيك وافترقنا ،،، لانو كان الوضع كتييير مضايقني ،،، المهم مرت الايام وبعتلي هوة يطمن علييي انا ما كنت ارد واووقات كنت ارد .. يعني هيك وهيك .. استمر الوضع هيك ل قبل اكم يوم بعتلو انا مسج من موبايلي بالغلط بعتلي وقاللي انو انا بصراحة كنت حابب احاكيكي واطمن عليكي واسمع اخبارك من زمان وطلب انو يحكي معي وفعلا حكينا ،،،كانت مكالمة مطولة بس اللي فاجاني حقيقة بهالمكالمة انو سالني سؤال ما توقعت بحياته يطلع منو او يسالني اياه سالني لو قلتلك انو بدي ابعت الوالدة اتشوفك شو بيكون ردة فعلك ؟؟ طبعا انا نسيت كل ردود الفعل اللي ممكن تصير باي موقف بالدنيا ما عرفت شو احكي والتخمت وسكتت اشوي وقلتله انو متلك متل غيرك اهلا وسهلا فيها واللي فيه الخير الله يبعته ،، بس هوة وضحلي انو ظروفه المادية هلا موولابد وانو هوة موعود بوظيفة منيحة هاليومين ،،، وانو بعد فترة 3 شهور من توظيفه بهاي الوطيفة راح يبعت الوالدة وانا متل ما قلتلكم طول هالفترة عمره ما شافني وجها لوجه بس يعني شافني من بعيد لبعيد وانا اللي مخوفني واللي مخليني ما بعرف انام من وقت ما حكاني لليوم هوة خوفي المستمر من انو اكون مو فتاة احلامة اللي بدو يرتبط فيها او ما اكون متل ما بدها والدته ،،، وبصراحة كمان المدة طولت كتييير يعني 3 شهور فترة كتييير طويلة ،،، وانا صرت عم بحسبها باليوم هالمدة بدي تخلص وخلص اشوف شو راح يصير راح ارتبط فيه ولا لا افكار بتاخدني وافكار بتجيبني وجد تعبت تعبت من كل شي اتمنيت لو انو ما حكالي انو بدو يرتبط فييي لاول مرة بيقولللي انو بدو يرتبط كنت زمان لما افتح معاه الموضوع وااقولله شورايك اشوفلك واحدة انا بعرف بنات كتييير كويسين معاي بالشغل ،،او احاول ادله على اي واحدة كان دايما يقولللي مو وقته ومو قدرتي هلا لا ماديا ولا معنويا بس لما حكى معي اخر مرة قاللي بدي اتزوج ...بدي اتزوج واهلة صايرين عم بفتشولوا على بنات يعني انا مو عارفة شو اعمل ولا كيف اتصرف ،،صرت عم استنى المسج منو ،،بس يرن الموبايل اتوقع المسج منو ومن وقت مكالمته لهلا ما بعتلي شي ما بعرف شو اعمل ؟؟؟ بصراحة مخي ما عم يهدى ... يا ريت اتساعدوني وتفيدوني من خبراتكم وخصوصا كمان انو عم بفكر وبقوول يعني معقوووول انو طول هالفترة ما سمعني كلمة منو حلوة ولا عمره بحياته قاللي بحبك وهلا صار بدو يرتبط فييي ؟؟؟ليش ؟؟؟؟على اي اساس ؟؟؟ ارجوانكم اتساعدوني وتخبروني شو اعمل ؟؟؟وكيف اتصرف ؟؟؟ |
ما بنى على خطأ فهو خطأ
اقطعى علاقتك به واستغفرى ربك وتوبى اليه لان هذه العلاقة خاطئة ومحرمة لو كان شاريكى كان قال انه بدو اياكى او بيحبك وانتى بتقولى 4سنين ما بعض وتتعاملوا كأصدقاء وما فى شىء فى الاسلام اسمه صديقى اختى لا اريد ان اقسو عليكى ولكن ارجعى الى الله ونصيبك ات لا محالة بأذن الله ولا تتبعى خطوات الشيطان ولو ارادك فعلا سيطرق بابك |
حبيبتي
خففي من حدة تعلقك به .. ووطني عقلك وقلبك لتقبل كافة الظروف .. فإما رفض أو قبول .. عزيزتي .. ربما أحببته .. فأربع سنوات كفيلة بتنامي أحاسيس شتى بين شخصين .. أولها الاعتياد ولكن إياك وتعليق الآمال عليه .. كوني أكثر قوة .. وتعاملي مع الأمر وكأنه لا يعنيك كيف ؟ دعيني أخبرك تذكري دوماً حبيبتي أن لن يصيبنا إلا ما كتب لنا تعلمي الإيمان والتسليــــم الكامل بقضاء الله وقــدره ضعي نصب عينيك " ما أصابك لم يكن ليخطئك .. وما أخطأك لم يكن ليصيبك " كوني على يقين تام .. أن ما سيختاره الله لك هو الخير .. سواء أكان رفضاً أو قبولاً عقب أن ترتاح نفسك لما سيختاره الله لها نامي قريرة العين .. هانئة البال .. يلهج لسانك ذكراً لله .. وحمداً .. وشكراً وبإذن الله .. يقينك .. سبيل سعادتك .. ورحمة الله بك |
أختي العزيزة..
قد أخطأتي في السابق وانتهى ..لن الومك على مامضى سأنظر معك نظرة واقعية وحديثة.. الان لم يخطبك رسميا.. ولم تأتي والدته لرؤيتك اشياء كثيرة قد تحدث في 3 اشهر..احدها ان يصرف النظر عنك.. اخبريه حرفيا لن اكلمك حتى يكون شيء رسمي وان لم يكن فلن تراني او تحدثني بعد اليوم والله يسعدك أختك حائزة الأمل |
اقتباس:
ما ازيــد على كلامهـــا..:22: وربي يحفظج.. |
اقتباس:
تقبلي تحياتي |
* هداك الله كل هذا غلط
بعدين يأاختي استغفري الله عزوجل وتوبي غليه * اقطعي كل المكالمات بينكم ولا تخبريه لانه اكيد يعرف بيتكم ولو كان يبغى الوالدة تجي بسأل عن بيتكم اقطعي علاقتك به إلى ان تتم الخبطة والعقد ******* |
اشكركم اخواني واخواتي على ردودكم الرائعة ولكن اريد انو اوضح بعض الامور
انا الان لا اتحدث معه والحديث بيننا منقطع يعني هوة قبل ما يحكي معي ويقولللي انو ناوي يبعت والدته بعداستلامه الوظيفة بحيث يكون جمع مبلغ للخطبة لاباس به كانت العلاقة قبل ذلك منقطع ولم نكن نتكلم مع بعضنا البعض وعندما انهى مكالمته معي هذه المرة سالني هل استطيع التحدث اليكي بين الفترة والاخرى لكي اطمئن على اخباركي وانا جاوبته بانه لا يوجد لدي اي مانع لذلك احس [ان ردودكم ولا تزعلوا مني فيها نظرة سلبية لالو هوة بشكل كتييير كبير بالاضافة لالي انا كمان انا ما غلطت معاه ولا هوة غلط معي واحنا عمرنا ما طلعنا مع بعض يعني كل الكلام اللي كان بيناتنا هوة كلام على التلفون وبس مو اكتر من هيك وبعدين هوة بيعرف اسم المنطقة اللي انا ساكنة فيها بس ما بيعرف وين بالزبط منزلي انا اكيد مؤمنة بانو كل شي من رب العالمين وانو اللي كاتبه ربنا هوة اللي راح يصير وهادا كمان هوة كان حكيو لالي انو اللي كاتبه ربنا راح يصير وكل شي بالدنيا قسمة ونصيب انا مشكلتي انو انا عاطفية زيادة يمكن حبتين عن اللزوم وهاي المشكلة اللي مغلبتني بعلاقتي معاه لانو انا متل ما قلت الموضوع كتييير شاغلني ودايما بفكر فيه انو راح يصير او ما راح يصير ،،، اتمنى انو اتكونوا فهمتوني صح ..... وانا ما بزعل من تعليقاتكم ابدا انا بالعكس بدي ردكم على الموضوع بكل صراحة ووضوع ،،شو ما كان الرد |
اخيتي العزيزة ..أنتي طلبتي أرائنا ونحن جدنا بها..ولكن ليس لك ان تنظري لنفسك بمقياس الصح او الخطأ بدون ان تنظري للدين.. تقولي بأنك لم تخرجي معه وفقط تلفون لمدة 4 سنوات!!! وهل تجدي ان التلفون قليل؟ او انه صحيح؟ بما انك تركتيه في الفترة السابقة اخبريه الان انه يوجد مانع من الحديث ..وهو يعلم منزلك اذا سيطرق بابك..انتهى.. وتثقفي يااختاه في دينك لتعرفي الحدود بينك وبين الرجال الاجانب أختك حائزة الأمل |
أختاه العزيزه..
اولا..اذا بيقتدم اوكي مش مشكله...دام الموضوع بالحلال ...واللي قالتك مابني على خطأ فهو خطأ ماعليه مو على موقف مثل كذا للأسف هذه الجمله لها وقت تقال به ثانيا..اعتبريه مثل اي شخص بيتقدم او سمعتي انه بيتقدم لاتحاكيه ولاترسلي له مسجات ابدا يعني حتى لو طول 4 او 5 شهور انتي ببيت اهلك معززه مكرمه ثالثا..لاتوجد صداقه إلا بين الزوج وزوجته او الاخ واخته................ألخ اما الرجل والمرأه فمن الطبيعي ان تجمعهم علاقة حب او عاطفه ...............................وهذا المنطق وليس الصداقه والدليل ماحصل من تغير بمشاعرك وبالنهايه هوه طلب يتقدملك رابعا..لاتعلقي نفسك به فلو تقدم شخص أفضل قبله استخيري واذا خير أقبلي خامسا...اكثري من الدعاء ان كان هذا الشخص خيراً لك فليقربه لك وان كان شراً يبعده عنك سادسا..أكثري من الصدقه والاستغفار وفعل الخير فإنه يبعد الشر ويدفع البلاء سابعاً...الله يوفقك أختي ويارب نسمع عنك اخبار حلوه ويرزقك بالرجل الطيب الصالح |
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©