![]() |
زوجي يريدني نسخة عن اخته
السلام عليكم ، عندي مشكلة ما اعرف اذا انا مضخمتها أو هي فعلاً مو سهلة ..
مشكلتي إعجاب زوجي الكبير بأخته ، أكبر منه ب10 سنوات تقريبًا لكنه معجب فيها إعجاب ، مو هنا المشكلة . المشكلة إنه يبغاني أصير نسختها بشكل ! - بداية الزواج قال لي حواجبك أحب الحواجب السخيفة ،.. وأخته كانت حواجبها خط . - زن علي يبغى زمام ، وأخته حاطه 😝 - يبغاني أسمن مع إن جسمي متوسط ، وأخته سمينة ، طبعًا اذا قام يوصف الجسم اللي يبغاه وصف دقيق كأنه جسم أخته 😝 . - قاللي قصي شعرك يزن علي أقص بوي مرررة ، مع أنه بداية الزواج يكره الشعر القصير .. ما أخذت الموضوع بجدية ، بعد مازرت أهله شفت أخته قاصة !! - قبل شوي جت دعاية لصبغة شعر وعلقت قلت هذا اللون حلو ، قال لا االلون الحلو زي المممثلة الفلانية .. ويوم شفت الصورة طلعت نفس لون شعر اخته ! - ويقولي انو الشاي حقك غير شاي اختي حق اختي الذ شاي ذقته بحياتي 😳 ومرة اتصل عليها ببيتها قالها سويلي شاي 😳 قلت له نفس شاي اهلك نفس الماركة قال لا حق اهلي مب حلو حق اختي احلى 😳 وش الحل مع الاعجاب هذا مع العلم متزوجة من 15 سنة تقريبا وعمرها فوق الثلاثين .. ومرة جمالها متوسط أو أقل أخواته الباقيات أجمل منها ! بس مو لاقية تفسير للإعجاب الزائد عن حده ؟! يبغاني اصير نسخة منها !! انا ماعمري علقت ، ما أعرف اذا تصرفي صح أو لا .. ودي انفجر بوجهه واقوله قل لي صيري زي فلانة وفكنا . بس ما اعرف اذا تصرفي بيكون صح او لا (تم تعديل العنوان ليتناسب مع المضمون) |
رد: زوجي وأخته
رأيي انك تطنشيه وقوليلو طيب حبيبي
وسوي اللي في راسك مدام ماشاءالله ما بيتحكم ولا شي مجرد يعطيكي رأيو |
رد: زوجي وأخته
قد تكون اخته من النوع اللي يعرف يسوق لنفسه
ايش في شي مختلف بشخصيتها لاحظتيه? قد تكون روحها او شخصيتها سبب انه يفضلها عالباقي كشخص او انها دايما تنمدح قدامه او تمدح نفسها اهم شي لا تجيبين طاريها خير شر قدامه لا تفطنينه انك منتبهة.. بعدين اي تغير فيك ينحط تحت المجهر من جهته حافظي على شكل ثقتك بنفسك قدامه حاولي تذكرين الاشياء الحلوة والميزات اللي فيك دايما كيف اهتمامك بنفسك? |
رد: زوجي وأخته
يمكن اخته هذه بمثابه امه
قد اكون عملت له مواقف في طفولته جعلته يراها افضل الاناث من رأي ان تجاريه وتمدحيها وتماشيه فترة من الزمن عشان هو بنفسه يقتنع بأن اخته مش افضل شي بالحياة اما اذا عاندتيه واصريتي على التغيير والاستقلال فهو سيزيد العناد ولن تصلو لنتيجة والله اعلم |
رد: زوجي وأخته
اقتباس:
بالضبط ، هي تحب تغير كثير من نفسها ودايما تمدح نفسها .. والشيء الثاني شخصيتها جدا جدا جميلة ماشاءالله يعني مستحيل تحسين بالملل وانتي جالسة معاها .. وهذا الشيء لللي كل اهله يتكلمون فيه يعني اذا فيه جمعة لازم اخته تكون موجودة .. وانا متوسطة .. اتكلم نعم واجتماعية ولي صديقات لكن ما يشده كلامي بكثر اخته ، ولا قكرت اعدل هالشيء هذي شخصيتي وانا احس شخصيتي حلوة ، صح مو خفيفة دم مرة 😄 بس معجبتني .. وانا جدا اهتم بنفسي وبجسمي .. طبعا مستحيل اجلس كل يوم كاشخة وفل ميك اب بس لبسي مرتب وشكلي كذلك .. ولو بروح حتى لاهله اكشخ مررة وهم دايما يمدحوني قدامه خصوصا اخته هذي دايما تمدحني قدامه ،، بس عمك اصمخ 😝 |
رد: زوجي وأخته
vdgr
اقتباس:
هي ليست الكبرى وليست بمثابة أمه على الاطلاق ، بسوي اللي قلت عليه .. وان شاءالله اتمالك اعصابي ما انفجر |
رد: زوجي وأخته
اقتباس:
|
رد: زوجي وأخته
سؤال هل زوجك متعلق في زوج أخته ؟
وكيف علاقة أخته بزوجها بمعنى آخر هل زوجها يحبها حب واضح للجميع ؟ |
رد: زوجي وأخته
بدون ماتجيبي طاري اخته لو علق ع شكلك قصي وسوي واصبغي قوليلو والله اذا عني حتى انا ودي تكون تحليقتك وجسمك شكلك بلوك ثاني بس مقتنعه فيك وراضيه وانت لازم ترضى بشخصيتي وستايلي كذاا بينخرص
|
رد: زوجي وأخته
اقتباس:
علاقة اخته بزوجها ماشية لكن تشكي لزوجي دايم عنه .. يعني مستقرة بشكل عام |
الساعة الآن 12:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©