زوجي والحمل
 

السلام عليكم ورحمة الله وبركاته

ارجو منكم الرد علي ولو جبر خاطر:rolleyes:

انا حامل لي ثلاث شهور اول حمل لي الله يتممه على خير
وكنت كثير مبسوطه مع الخبر يارب لك الحمد
المشكله تعبت كثير مع الوحام وزوجي الله يهديه مايساعد بس يجيب اكل مطاعم
اهم شي قررت اشتري صحتي وصحة الجنين وطلبت من زوجي ارتاح عند اهلي
وكثير مرتاحه يارب لك الحمد

من بعد مارحت لاهلي زوجي صار يتصل مره باليوم لمده ثلاث دقائق كأنه واجب

ومعاملته تغيرت معاي رغم لما نكون مع بعض يعاملني كأني اميره ويشتاق لي

والمشكله الاكبر انا صايره حساسه وابكي كثير ودموعي ماتوقف
وخوافه وحزينه معقوله هذا كله من الهرمونات!!

ارجوكم انصحوني وشكرا

رد : زوجي والحمل
 

أنصحك انك تردين لمنزل زوجك من واقع تجربة

و الله يقومك بالسلامة..

رد : زوجي والحمل
 

من رأيي تردين بيتك أريح لك نفسيا .. حتى لو ارتاح جسمك عند أهلك تظلي مثل الضايعه بره بيتك

تقولين انه أول حمل لك . يعني كل اللي بالبيت انتي وزوجك . مو معقول يكون الشغل كثير خاصة ان زوجك يجيب الأكل من بره ..

لا تعودي جسمك على الكسل بعدين بكره تتعبي وما تقدري تتحملي شغل البيت ورعاية الطفل مع قلة النوم والسهر والتعب .

ويكون أفضل لصحتك وصحة البيبي لو تطبخي بالبيت أكثر ما تجيبوا من بره لأن اكل بره مو مفيد مثل اكل البيت خاصة لما تخلصي أول 3 شهور وتخلص فترة الوحام


زوجك طبيعي أن يحس بجفا تجاهك لما تحرمينه من مشاركتك وقت الحمل وتطورات الطفل .

رجعتيه عزوبي من بعد زواج كم شهر :) ما صدق وهو يتزوج ويرتاح وفجأة رجع لحاله ..
لا تنسي أنه عندك فترة نفاس 40 يوم ومن بعدها كذا شهر يكون الطفل مو مستقر ونومه والعنابه فيه بتاخذ من وقتك كثير .. معنى كلامك وقتها ما راح تشوفي زوجك أبد :)

رد : زوجي والحمل
 

رد : زوجي والحمل
 

إذا انتِ وزوجج متفاهمين على بقائج في بيت أهلج..
فظلي هناك..وارتاحي

ولاتنسينه هو..دقي عليه يوميا..لاتنتظرينه يبدأ بالاتصال
وخليه يطلعج ويمشيج بالسيارة..وتهدين ان شاءالله

الله يقومج بالسلامة يارب

رد : زوجي والحمل
 

بيتا ........... رينول ......... بنت طيبه الطيبه ......

شكرا على ردودكم والنصيحه

ما اشد قسوة النساء على النساء

وحام وتعبانه جدا مرهقه وتطلبون مني ارجع لبيتي

لو رجل كتب للرجال انا معاي استفراغ ودوخه وتعب بيقولون له ارتاح يارجال

اهم شي الصحه

رد : زوجي والحمل
 

شكرا يا امل انتي فعلا استوعبتي مشكلتي كلمت زوجي اليوم وشرحت له الوضع طلب مني احضر للبيت لو يومين في الاسبوع وانا وافقت

وانشاء الله يعدي الوحام على خير

رد : زوجي والحمل
 

فرقي بين القسوة والحكمة ..
الرجل اذا تعود على فراق زوجته , اصابه الجفا تجاهها وتعود على العزوبية وهان عليه بعدها

رد : زوجي والحمل
 

مالضير في بقاء الزوجه عند اهلها طالما زوجها راضي ...
اريح لها واريح له ...
وش بيستفيد اذا رجع البيت ولقى زوجته تعبانه ونفسيتها متعبه ، بالعكس بيكون جفاء بين الزوجين

وعادي ياختي لازم العلاقه االزوجيه يصير فيها فتور ، فتره وتعدي ان شاء الله

رد : زوجي والحمل
 

:*
زوجك عطاكِ الحل إلي يناسبك
ريحي عند أهلك بس ضروري ما تتركي بيتك كل الأسبوع لأن الآن لك شريك حياة
يفتقدك ويشتاق لك ويبغاك جنبه فلاتعوديه على بعدك فيألف البعد ويهوآه أكثر منك

:*