مين يفهمني السبب؟
 

زوجة كانت في بيت زوجها آمنة مطمئنة وحصل خلاف وكبرت المسألة وصار الموضوع عناد وتحدي حتى حصل الطلاق ، كان صدمة كبيرة ولكن كان هناك فيه فرصة العدة ، والعناد والتحدي مستمر بين الطرفين ، وانتهت العدة ، تزوجت المطلقة وتزوج المطلق ، المطلق راح يختار له بكر ثيب موظفة طالبة .....إلخ والمطلقة كيف ترضى تعيش بحياة لاتساوي 20 % من الحياة الاولى مع زوجها الاول ، الشيء اللي ماني فاهمه مره وش اللي خلاها تصبر على الحياه الجديده وكان بامكانها تستمر وتصلح وضعها مع زوجها السابق؟

هل هي مضطره تتزوج؟ او حصل اللي حصل وماتريد كرامتها تهتز ؟ ليش ماتتدراك المرأه السفينه قبل الغرق لتنقذ بيتها واطفالها وزوجها ؟
ارجوكم فهموني السبب لان وحده من حولنا كانت في فيلا فاخره في جده وزوج كريم وحصل عناد بينهم والان تعيش في قرية بالقرب من جيزان مع رجل متزوج وعنده اطفال وحالته الماديه سيئة للغايه

رد : مين يفهمني السبب؟
 

الرفاله ياصديقي تسوي اكثر
يمعنى ادق الغباء يدفعها للعناد واخيراً تندب حضها

انا رجل لا احب ان ارتبط بإنسانها مثلها
وهذا عقابها في الدنيا ربي بلاها بواحد وضعه سيئ وباقي حسابها عند ربها


اهم شي انت وسعك صدرك وانساها .......
الي عليك سويته وبيض الله وجهك


والحياه جميله

رد : مين يفهمني السبب؟
 

شكرا لك وانا قصتي اعجب من هذي القصه تجدها في ملفي أما هذه القصه فلرجل اعرفه جدا وكانت لنا في منزله عزائم ومناسبات

رد : مين يفهمني السبب؟
 

اول شئ سؤال ليش دائما الرجل اذا طلق قبل الطلاق يهدد باتزوج بكر وبعد الطلاق يتفاخر بأني تزوجت بكر ويتعمد يوصل الشئ هذا طليقته ؟؟؟؟؟؟؟؟؟؟؟؟؟؟؟!!!!!!!!!!!!!!
ليش اول واحد تتزوج بكر ؟
طيب مو زوجتك السابقه تزوجتها بكر صح ولا لا ؟( الكلام بصفه عامه )
صح انت زوجتك الجديده بكر بس ماراح تظل طول عمرها بكرا ويقولونها بالعربيه الفصحى ؟!
يعني اذا احد سأله جاوب بالفصحى تزوجت بكرا !!
مثلها مثل السابقه راح تحمل وتولد ووو.. الخ اي ستصبح يوم من الايام غير بكر ، لا مو يوم من الايام اعتقد بعد الليله الاولى .
اما بالنسبه للرجل انه يتزوج بكرا على قولتكم وان الحرمه تتزوج اي واحد والله العظيم كل هذا من ظلم الرجل لها وظلم المجتمع ينظرون للمطلقه نظره اتهام نظره ازدراء او انها فريسه سهله .
ربما لظروفها تزوجت بهذا الانسان الذي تقول عنه عنده اطفال وحالته الماديه سئيه وانه عايش في قريه ، وهي كانت في مدينه وساكنه في فيلا ، ليش متى كانت السعاده في فيلا او مدينه ولم تكن في القرى او مع رجل بسيط ؟؟؟!!!
ربما تكون سعيده مع هذا الرجل اكثر من زوجها السابق .
بس انتم دائما نظرتكم للمرأه بعد ماتطلقونها انها ماراح تكون مبسوطه وانها ماراح تعيش نفس العيشه اللي كانت عايشتها وانها وانها ، وانكم انتم تقدرون تتزوجون وتبدون حياه جديده وماانسى انكم تتزوجون بكرااا بالفصحى طبعا.
يمكن يسوي نفسه مبسوط وسعيد بالزواج الثاني لكن البعض من الداخل تعيييييس .
في الاخير كلامي ليس موجه لشخص ولكن بصفه عامه واذا فيه شئ غلط ارجو توضيحه لي .

رد : مين يفهمني السبب؟
 

يمكن حاولت ترجع وهو رافض
اتا طليقي هو الي بادر وطلقني مو مساله عناد مساله حقاره
حاولت وكلمته وحاولت اكلم امه وكلمته بالعده والله يسامحني بعد العده بكيت ترجيته و ذليت نفسي زعلت اهلي
مع هذا طلقني تنازلت عن نفقتي يمكن اكبر بعينه ويرجعني ارسلت رسائل بالعده
مع هذا طلقني ولا ردني وش اسوي اذبح عمري
يممن صاحبه الموضوع نفس الشي

رد : مين يفهمني السبب؟
 

رد : مين يفهمني السبب؟
 

llممكن إنها مالقت الحب السعادة مع هذاك اللي مسكنها في فيلا
ووجدتهم عند المعدد اللي على قد حاله

(( وَإِنْ يَتَفَرَّقَا يُغْنِ اللَّهُ كُلًّا مِنْ سَعَتِهِ وَكَانَ اللَّهُ وَاسِعًا حَكِيمًا )) سورة النساء 130

رد : مين يفهمني السبب؟
 

مو دائما المرأة هي اللي تسعى لخراب بيتها وبالعكس يمكن تكون أكثر حرص من الرجل لانها عارفه أنه فرصها في الزواج تقل فلا تذكر قصة وتتحدث عنها وأنت مو عارف باللي كان بينهم يعني المفروض المرأة تنهان وتنذل بس تصبر وتتحمل عشان تعيش في فلة أو تعيش مع زوج في سنها أو أو أو يكفي انها دائما تتحمل وعلى قولتهم تبلع موس عشان أطفالها
وعمر السعادة ما كانت تنقاس بالاعمار أو السكن أو الماديات

رد : مين يفهمني السبب؟
 

صاحب الموضوع اصلا ماذكر في موضوعه ان الاعزب يتزوج مطلقه ؟؟
وبعدين ليش يعني السعاده دائما مع الاعزب ؟؟ لا طبعا .
وبعدين المطلقه عارفه الشئ هذا يعني مو لازم بين الوقت والثاني تقولون الاعزب ماراح يفكر في مطلقه والله عارفين الشئ هذا من قبل ، وتفكير اكثر المطلقات ماراح يروح للاعزب لانهم عارفين وضعهم .
ومعك حق ان الاعزب اهله بينصحونه بالبكر اكيد لو جا اخوي وهو اعزب ماتزوج من قبل وقال بيخطب باختار وحده مثله ماسبق لها الزواج .

رد : مين يفهمني السبب؟
 

السبب اقدار مكتووووووووبه