|
جووزي عصبي وانتقادي
سلام عليكم
ان شاء الله كلكم بخير انا صديقه ورده الرياض واختها ودووبي اقولهم عن مشكلتي مع جووزي اقترحو احط مشكلتي وقالو لي حتساعدوني لانهم استفادو منكم وكل وحده لقت لها حل مع جووزها حقولكم معلومات عني متجووزه لي سنتين و عشره شهور معاي ولد الله يحفظو جوزي اكبر مني بسبع سنين ربي يخليلي هووا حياتي مستقره الحمدلله بس في حاجه منكدا عليييا وحابه تساعدوني زوجي طيب وكريم ومافي منو لكن مشكلتوو في لسانو مابيخلي شي الا ينتقدو ومافي شي عاجبووو الاكل احطو على السفره طول الوقت شقيانه في المطبخ ومع الوولد ولما احطوو القاه بينتقد كل صنف دائمممممما لازم ينتقد رغم اني بعمل عزايم واهلي بيجوو ياكلوو طبخي والحمدلله بيمدحوووه وبيطلبوني طريقتووو بيترك كل شي ويدووور ورى النواقص برتب بيتي وبلبس ولدي وبتسبح وبلبس وببخر بيتي ونفسي وبحط العطورات الفخمه لما يجي بجلس جنبووو بيقوول ريحه عطرك قويه ليش لابسه جينز روحيي غيري ليه تشييلي المناديل من مكانها طبعا انا رتبت بيتي ورفعتها فوق الطاوله عشان الولد اعطيتي الولد علاجوو اذا قلت ايييه يقوول والله مدري عنك يعني ايش اكذب عليك بيدوووووور على اي شي عشان يقول ملاحظاتووو تعبت نفسي القى نظره اعجاب منو او كلمه حلووه هووا مايقصر لكككن بعد مايقوول ملاحظاتوو ويخليني احس اني ماسويت شي ومقصره بعدين يقولي يعطييييك اعافيه البيت يفتح النفس لكن انا صرييح طيب ماقلنا شي بس كل شووووي تعلق على حاجه وتقولي صريح وووين التغاضي والتسامح وسعه البال انا ابغى اضحك امزح اسولف اي شي ما ابغى استجوواب قلتلو لما نطلع من باب الشقه مانتكلم عشان الجيران يسمعوون كل شي وهوو مايعطيني ملاحظاتوو الا اذا خرجنا من باب الشقه انا اتنرفز صوووته عاآآآآلي ليش تقفلي الباب مرتين قفله وحده تكفي ليش تمشي بشووويش ابغاكي مثلي سريع ليش ماذكرتيني اخذ الدرام معي جيراني بيطلعو ويدخلو مااسمع لهم صووت وزوووجي ماشاء الله بيعلمهم كلهم اني قفلت الباب مرتين بقوله بصوت ووواطي في السياره نسوولف يرد عليه بصوووت عالي انا بكيفي واللي يبغى يسمع يسمع بكلم ماما مثلا وبقولها احد جاكم امبارح وش صار على خطوبه اختي ووو من هالسوالف بيقولي لييش تقولي كذا لاتتدخخلين في حياتهم اكثر من مره بينتقدني على كل كلمه اقولها اخر مره قلتلو خليني اخذ راحتي بالسوالف قام زعلان ولبس ثيابو وخرج مثلا بقولو اييش رايك اليوم نخرج نغير جوو الليله خميس يقولي لاتفرضين رايك عليا وتجبريني على شي طب انا ما مسكتك مع شعرك وقلت غصبا عليك انا شاووورتك في الخرجات اكره نفسي بيقولي شوفي هذا ايش لابس كانو بنت شوفي سياره هذا كانها مزرعه خضراء ليش هذا السوق عليه زحمه يووه الاشاره زحمه ويدق بواري ويمشي من بين السيارات والله احيانا يطلع الرصيف احس بتوووتر منه طيب نحبس الناس في بيتها يعني والا نمشيهم على مزاجنا بقولو خلاص خلينا ننبسط ونسولف لاتكبرها بيعاند ناس بالسياره وبسرع وبيلف عليهم اقوولو اش فيييك يقولي هاذي ناس ماتعرف تسوق وانا بعلمها كييف تمشي صح طيب انا وولدك معاك افرض صار حادث ارواحنا رخيصه عندك اكثر من مره تضارب مع ناس في وسط الشارع باسباب تافهه انا امووووت من الرعبه وابكي وازعل عليه ما اكلمه بالايام لكن مافي فايده امه اخواته اهله دايم يشتكووو من عصبيته ومن انتقاد بياخذ ولدي ويمسكو مع رجووله ويخلي راسوو ناحيه الارض ويتمشى في البيت والولد يبكي يبكي طلعت اشووف اشبه يبكي لقيتوو مسوي فيه كذا قلت هيييييه الولد اشبك مسوي فيه كذا حرام عليك دماغه وراسو قال صووتك لا اسمعه وهذا ولدي اسوي فيه اللي ابغى قلت لا والله ماتسوي فيه شي يضره مسكييين راح اعلي صووتي وامنعك من مضرته ماراح اسكت قام زعلان وراح الغرفه بياخذ الخداديات الصغيره ويرميها بقووه في وجه الولد يقولي خليه يطلع رجال رغم انوو يحبووو ويموت فيه ماتتصورون قد ايش يعني مواقف ثانيه تصيير بحس انه احن مني حتى بيرحمه كثييير وعشان كذا احسو يسوي هالحركات هو يقولي ما ابغى ولدي ضعيف شخصيه ابغاه يتعلم القووه هو يبغى شي لكن اخطاء في التصرف بتمنى تعطوني رايكم وحلولكم لمشكلتي ابغاه ماينتقد الناس ابغاه وسيييع بال ورايييق اوقات بحس انه يكرهننننننني من تصرفاتوو ولما ازعل وابعد عنه يجي يكلمني ويحاول يبررر انه تعبان ومزاجه سئ مقل في العلاقه الخاصه بحجه مزاج السئ وانه ماله نفس دايييم مواقف كثييره بتزعلني واحاول ما اتصادم معاه واارد عليه بالكلام ونتزاعل اخليه واكلمه بروواقه بعدين |
رد : جووزي عصبي وانتقادي
انا ذكرت بعض المواقف اللي صارت هاليومين
بس عشان اوضح لكم الصوره بحس حالي اووقات اكره وجووده بسبب الزعل والعصبيه والانتقاد بحسو نار مووولعه تتعب نفسيتي كثييير واقولو هالشي ماتنتقد كثييييير وتطلعلي ملاحظات من تحت الارض لما رووح لاهلي ببنبسط كثيييير ونفسيتي تصير حلوووه مواقف بتصير معاه نفسها بصير مع اي احد ثاني فرررررق كبييييير سبحان الله بضحك في نفس الموقف مع غيروو اهلي صحباتي جاراتي وبتنكد من انتقاده وتحليييله للموقف وتفسيييره وتبيين الصح والغلط |
رد : جووزي عصبي وانتقادي
اختي الله يكون في عونك
احسك تتكلمين عن اخوي رغم اختلاف بعض الامور البسيطة احس موضوعك سهل واذا عمرة صغير لحقي علية قبل تصير عادة خلية يقرأ الموضوع دام اسلوبك جدا رائع واتوقع راح يتقبل ويعرف اخطائه وهي ان شاء الله سهل التتغيير تقبلي تحياتي دراما الاسرة والمجتمع |
رد : جووزي عصبي وانتقادي
عمره ثلاثين
احاوووول اغير من طبعه وعشان كذا طرحت مشكلتي عارفين ايش هي المشكله اني ماعاد اثق بنفسي زي زمان وصرت اخاف منه كثيييير واخاف من انتقاده للشي اللي اسويه مدري حتى بعض الاشياء تكون نسائيييه بحت لبس مكياج شعر احسووو يتدخل فيها وينتقد مثلا مكياجي انا عارفه انه شي حلووو وناعم ومناسب لي يعني مثلا لابسه لبس لوون واحد واكسر اللون هذا بمكياج مناسب معاه والشنطه الجزمه اكرمكم الله الاقيييه ينتقدها بعديييين يقول لا لا خلاص حلوو رووح وانا متردده وخايفه اني صدق مثل ماقال واتذكر كلامه وكل شوي اسال اقرب وحده مني وش رايك في لبسي اترك الخيار لي عطني الثقه في نفسي وخلني اتعلم الصح والغلط لازم يعطيني ملاحظاتووو بانتقاد اشياء بسيطه اغيرها في بيتي مثلا مكان الجلوس والا احط تووحفه يقولي ليش ما استاذنتي مني قبل تسوي كذا لا اشووف مثل هالتصرفات مره ثانيه اوقات يعجبني شي وحابه اسويه واقول لا خلاص الحين حيعصب علييا |
رد : جووزي عصبي وانتقادي
نصيحة حاولي اتجنبي الاشياء التي تسبب الانتقادات يعني قفل الباب خليه يقفل الباب و اذا خايفة على البيت احكي مرة عن انو في حرامي في الحي او ما شابه اللبس خليه يختار معاك و اتناقشو فيه حاولي اقنعيه بوجه نظرك و اطرحي جميع الخيارات
اما النصيحة التانية اسمعي انتقاداتو و نفذي البيعجبك و اتغاضي عن الباقي وفكري و قولي انه هو عاوز يشوفك احسن وحدة و انو عاوزك تتطوري و بيني و بينك اللي يقول كل الفي قلبه احسن من اللي يوم يجي و ينفجر |
رد : جووزي عصبي وانتقادي
[COLOR="rgb(65, 105, 225)"]نصيحتي لك
اجلسي معاه جلسة مصارحة وتكلمي معاه بحزم بدون ماتظهري تعاطف معاه ابدا وطلعي كل اللي في نفسك اذا مو قادرة تخليه يقرا الموضوع هنا وقولي ترا الشي هذا يهدد استقرار حياتنا مع بعض وياتعدل من نفسك والا لي تصرف ماحيعجبك اذا استمر معاك اختي بهذا الشكل راح يزيد اكثر وانتي مع الوقت راح تهتز شخصيتك وتقل ثقتك في نفسك واكثري من الدعاء والاستغفار والاذكار لاتنسيها ورددي (اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة)[/COLOR] |
رد : جووزي عصبي وانتقادي
هدا نمط تربية تربى عليه صعب يتغير بين يوم و ليلة شوفي وش يحب و سويه و الشئ الي ما بيحب و اجتنبيه
صوتوا عالي و كل الناس تسمع ادا قفلت الباب و خارجة ادا كنتي انسانة كتومة و تحبي تحافظي على خصوصيتك راح تتعدبي معاه ادا هو ينفدلك احيانا رغباتك فيه امكانية انك تغيريه بس يبيلك زن على دماغو دايما |
رد : جووزي عصبي وانتقادي
احسن شي طنشي جوزك ما تهتمي فيه .... انا متاكد رح يرجعلك ... بمعنى اخر اهمليه ... اصبري شهر رح تشوفي النتيجه رح تدعيلي ...
|
رد : جووزي عصبي وانتقادي
اذا انتقدك عدلي الشي اللي يبيه وانتي ساكتة
او اذا طبختي طبخة انتظري لين يذوقها وحطي ايدج على قلبج ومثلي انج قلقانة انه ما تعجبه واذا ما عجبته سوي نفسج ضايق خلقج ان ما سويتي اللي يعجبه و بالسيارة اذا قالج الناس ما تعرف تسوق خلج معاه عالخط وقوليله اي نعم ما تعرف تسوق علمهم السياقة شلون صايرة زوجج وده يحس انه بطل حياتج وانه هو الفارس الملثم اللي ما مثله بالوجود انتي عطيه على جوه وشوفي العجب |
رد : جووزي عصبي وانتقادي
والله نفس زوجي بالضبط ....بس الاختلاف في معاملة الأطفال زوجي حنين من دي الناحيه لدرجه يخرب فيها الطفل من دلعه ....
انا ياحبيتي صرت أكبر دماغي وأطنش يعني مثلا اذا انتقد على الأكل ماأبوزم او أكشر لا أقلبها ضحك وتريقه وأقولو يالا لكل جواد كبوه ولايبق بخاطري انه انتقد أوحاجه ﻷني أنا عارفه نفسي وعارفه طبخي .....اذا شفتوامعصب من شئ برى البيت اقدم لو العصير واروح اشغل نفسي بأي شئ ببناتي بشغل البيت والاقيه بعدها هو الللي يدور علي ... اممممم في الطلعات والخرجات اذا انا وقتها فايقه وراضيه عليه ههههه أفتح او المواضيع اللي يحبها قلبو وتكون محور اهتماماتو أشوف مرا بنبسط ونرجع الريت واحنا مبسوطين |
| الساعة الآن 06:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©