|
زوجه آليه
بسم الله الرحمن الرحيم
اللهم صلي وسلم على سيدنا محمد وعلى اله واصحابه الكرام ادخل في موضوعى سريعا تزوجت وان لااعلم من الزواج الا اسمه فقط وكل يوم من ايام زواجى اكبر وافهم0 وحددت اهدافي وطموحاتى منها ان اكون افضل زوجه وافضل ام وان اربي ابنائي واجعلهم على ثغر من من ثغور الاسلام ويخدمون الاسلام والمسلمين الحمدلله طريقي صح وزرعت في اطفالي شي جميل جدا الان احس ان داخلى هم وحزن وقهر واحساس يقول انى اصبحت شغاله او زوجه اليه من اول ما اصحى الى ما انام وانا شغاله كنس تنظيف طبخ كوي قهوة شاي بانواعه والله احيانا ماله داعي بس يطلب ونلبي الاطفال جري جري وراهم افرش السفره اربع خمس مرات وغيره كثير وفوق هذا الطفل يتلفظ ويضرب جانى احباط لجميع طموحاتى0 الزوج ينتقد اذا نظفت قال انتى تبلعين شي وش النظافه ذى او يقرء على راسي مقال عن الاهتمام الزايد وانى متعبه نفسي واحيانا يصفع بانتقاد جارح جارح ليش هذا مو نظيف ليش هذا كذا يحبطنى جدا جدا لدرجه والله بالطوا دوامه مليان زيت حاولت انظفه ما قدرت جا بعد فتره ببالطوا نظيف في كيس كانه حق مغسله قلت ماشاء الله كيف نظفه قال ناس تعرف تنظف خليتها بقلبي وسكت بعد لبسه وتوصخ غسلته وكويته اشوف قماشه غير البالطوا الاول اللى اغسله ما ينظف طلع بالطوا جديد بس يحط العيب منى اتمنى فهمتوا على اذا قلت فلانه قالت عني (مدح فينى)قال هذى تضحك عليك وهو طالع نازل مدح بنفسه ادور والف على المنتديات وادور رضاه وعلشان ما اظلمه هو يحبنى ويعزنى لكن ما اعرف ليه يتعامل معى بهذه الطريقه الان عمله في مكان غير مدينه اهلنا يتركنا نجى خميس وجمعه 0ملل اقوله نريح شوي اسبوع نروح واسبوع لا مو راضي والله مشوار وتعب واحيانا يتركنا بالاسابيع واحيانا لا تركنا في نهايه شهر 7 الى نهايه 8 الماضي وقت اجازته يروح ويجى خميس وجمعه واتصالاته يتكلم انه مرتاح من الازعاج ولا عنده احد يطفشه ومن هذا الوقت الى الان وانا صابنى حزن على حالى وتحملى المسؤليه والازعاج والاحراج من الاهل واصبحت عصبيه اكثر من اللازم وصراخ وضرب في عيالي استغرب كيف اضربهم بهذى الطريقه اصبحت ارد عليه بطريقه يعدم فيها الاحترام والتقدير احس بتأنيب الضمير ليه انا صرت كذا ليه سويت كذا والاسبوع هذا جانا قرارنقل الحمدلله قريبه من مدينه الاهل بساعه تقريبا او اكثر قليلا يريد تركنا في مدينه الاهل ويروح ويجى وياخذ غرفه له لوحده الحل معه في هذى النقطه تعبت من اول ماتزوجنا كل شوي نبعد عن بعض غير كذا اتمنى الحنان والعطف احس بنقص عاطفي كبيرررهو لايعبر الا بالافعال واحيانا اطلب شي لايفعله ليس كرها لكن تفكير بالمستقبل كيف ابعد تفكير انى شغاله فقط او زوجه مكروفه جزاكم الله خير |
ليش تبعدين الفكرة ؟
لأنك فعلاً خدامة لزوجك وعيالك وبيتك ولو نقصتي شي العيب منك وفيك وفلانة أحسن منك وعلانة أنشط منك لا جدييييييد هذا اللي ورثناااه الحرمة تكرف وتشتغل بالبيت والمحظوظة اللي يطلع زوجها كريم بالكلام معها لو يمدحها بالشهر مرة علشان ترتفع معنوياتها على الاقل والمسكينة تسكت وتبلع العافية هذا حظها التعيس يا تصبر ولا حياتها مهددة بالإنقراض قصدي الطلاق صدقيني لا جدييييييد بأنانية الرجل يريّح رااااسه ويسافر ويروق وأنتي انشبي بعيالك لحالك كأنك المسؤولة الوحيدة عنهم لا جدييييييد رجالنا هذولا هم تأمر وتدلع والمصيبة بعد هذا كله يبون الحرمة اللي تهتم بنفسها ووتتزين وتتتكشخ بليييييز سؤال جاوبوني كيف تهتم بنفسها وبيتها وزوجها بنفس الوقت عفواً في أحد قالكم إنه الحرمة جني ؟ شيء خارق ؟ ارحموا من في الأرض ولا أحد يجيني يقلل من عمل المرأة داخل بيتها :( الزواج = كرف أنا سمعت ماأدري عن صحة الكلام إنه من كانت مخدومة في بيت أهلها واجب على زوجها يجيب لها من يخدمها مو تطلع من بيت أهلها أظافرها مبرودة ويدينها أنواع النعومة وبعد الزواج تقلب من الغسيل والشغل :( جاوبوووني من قال إنه الحرمة لازم تلبي كل طلبات زوجها واقصد الأوامر اللي من باب جيبي لي مويه وما يشوفك انتي مشغولة او لا بس عجزان يقوم هذا مثال بسيط وقيسي عليه امثلة كثيرة بالحياة ملزومة انك تسوينها واحياناً مو من اختصاصك بس لانه زوجك عجزان ومعتمد اعتماد كلي عليك وما غير يتسدح ولو يسوي اقل القليل قال تعباااان هذولا رجالنا اللي حتى لو تحاولي تقولي هالكلام لهم ماقدروا يردون عليك الا عاجبك ولا مع السلامة مستانسين بالقوامة اللي مايعرفون وش معناها هذي هي المرأة عندنا حظك نصيبك بزوجك ان كان كويس احمدي ربك وان كان العكس اسكتي لأنك انتي اللي بتخسرين اولاً واخيراً غصب عليك طبعاً لاننا تعودنا على كذا ومافي امل تقاومين حياة ماشين عليها عالمنا العربي اللي يرفع الضغط |
جزاك الله خير على ردك
عارفه زوجى يجلس على النت ان شاء الله علي خير وتخيلي في غربه لااطلع والا استقبل يعنى ودى اتكلم مع احد ما عندك احد اذا اتكلمت معه ماهو عندى ولايدرى اش اقول واذا قمت من عنده قال اجلسي وين رايحه تقهوى معى انطق عنده يا اسكت يا اسلوف بس محد عندى واذا رحنا خميس وجمعه عند الاهل اللاب توب معه يجلس عليه وينادى من جمعه امى واخواتى بدرى ليه علشان اسوي شاهى واحط عشى ولاهو يكون جايب معه ويخلص عشاه ويرجع اللاب توب وانا يا احاول واتعصر للنوم ولا ادور شي زين على التلفزيون ذا اليوم طولت عند اهلى الى 11ونص او 12 اتصلت على قال نسيتى تاخذين بطانيه اجيب لك معناها تعالى بس بأدب اطلبه اسجل في الفيس بوك رافض بحجه ما ابي احد يعرف افكارك من الرجال وهو بيقدم على ابتعاث يعنى بيكون فيه حريم بنفس القاعه وقلت لاما تروح قال مومن حقك تمنعينى قلت انت منعتنى من الفيس بوك وماتبينى امنعك من الاختلاط قمه القهر ودى اتصور كذكرى رافض تماما وهو عياله يتصورون احلى صور ما شاء الله لاقوة الابالله احس مالى اى حق ودى انفجر قبل فتره جانى تعب في قلبي بسب الهم قالت الدكتوره ارتاحى انتى فيك شد اعصاب وين ارتاح من القهر |
شوفي يا أختي ألزم ماعليك صحتك
إلا القهر والكتمان والتعب عارفه وش راح تكون نتائجه عليك إذا ما نفع معه حوار أكتبي له كل اللي بخاطرك وأصري يرد عليك يا يقنعك ياتقنعينه فيه أشياء عادي يقول لك لا ماأبيها مثل الفيس بوك عادي مشيها الشكوى لله لكن فيه أشياء ثانية خطأ تستكتين وتكتمين ليش الصمت ؟ ليه مايتكلم وياخذ ويعطي معك أنتي أكيد تعرفين زوجك إذا هو عاطفي أو عقلاني أو ... ادخلي عليه من هنا بكلامك معه وفهميه عن احتياجاتك ورغباتك وانه من حقك كزوجة إنه يسمعك والحياة حياتكم ماراح تنجح بطرف واحد الصمت هو الخطأ تحرري منه بأي طريقة مثل ما قلتلك وتكلمي معه عن كل شي وبعدها حددي وضعك وطريقة التعامل اللي تنفع معه والله يكون في عونك |
قسم بالله شي يقهر، بعضنا مفهومه عن المرأة أن يشغلها أربع وعشرين ساعة وهو يتبطح يقرأ الجريدة أو ينام، والله مفهوم غريب وعجيب، والعيال كله على رأس المرة، ولا صاح الولد قالها روحي سكتي ولدكي، طيب انت مو لدك هذا ليه ماتسكته ؟
أختي لاتضربين ابنائك ولا تحاولي أن تضهري خلافك وصراخك مع زوجك امامهم، هنا مشكلة الكثير تبدأ الحياة الزوجية جميلة جداً ثم تنحد من سيء إلى أسوأ، وهذا سببه غياب الوعي وعدم النظر الكلي للحياة الزوجية ودوره، ولما يتعرف على عيوب الطرف الآخر يبدأ ينتقص منه، حاولي ياعزيزتي أن تكوني أنتي الحكيمة وحاولي التفاهم معه وطرح كل شي على طاولة النقاش، مشكلة الكثيرين لايدرك أن هذا يؤثر على مستقبل الحياة الزوجية وينعكس ذلك على الأبناء، الله يهدي زوجك ويهدي ويجعلكما ازواجاً صالحين، ويجعلني وزوجتي أزواجاً صالحين |
علشان ما اظلمه ولا اكون من مكفرات العشير هو طيوب وحبوب بس مدري عنده حب تملك او غيره علي
يخاف على كثير من الفتن والتاثربها |
أختي حاولي أن تستقدمي خادمة ربما سيخفف الضغط عليك كثير
|
اذا اقتنع بالخادمه حلو راح ترتاحين كثير
واذا رفض فقسمي جدولك بحيث كل يوم شي وادخلي النت فيه جداول حلوه عن تنظيم الوقت انا استفدت منها كرري قوله تعالى (ربي اشرح لي صدري) حاولي تتنفسين بعمق وتفكيرين في شكل الكعبه لولحظات الطريقه هذي تجعلك ترجعين لتوازنك فيه كتب روعه عن طرق تنفيس الغضب والتعامل مع شعور الاحباط القهر والكتمان (ماادري اقدر اكتب اسم المؤلفين ولا ممنوع ياليت احد يرد عليه) خليك ريلاكس وحاولي تبتسمين وقت الزعل واحتسبي الاجر بان طاعتك له جهاد في سبيل الله انظري الى اجابياته واتركي السيئات وتذكري غيرك ملايييين يتمنون ربع رجال انت متزوجه ومعك اطفال من اكبر النعم التي انعم الله بها عليك فابتسمي وتفائلي وحاوريه بلطف واكسبي قلبه يعطيك ما تريدين |
لا تقولين ادور رضاه
غلطانه قولي ادور رضا الله لانه اذا رضى الله علينا ارضى علينا جميع خلقه اكثري من الدعاء وانت ساجدة اللهم اني اسئلك رضاك |
تعرفي موضوعك اليوم كنت بفكر فيه انا بصحى الساعة 5.30صباحا للساعة 10وانا حياتي ركاض بركاض من تجهيز الاطفال بعدين اروح دوامي ارجع للبيت القصة اليومية من تنضيف وطبيخ وتدريس لحد ما يجي الزوج تجهيز الطعام تحميم الاطفال وبالنهاية السؤال انتي ليش تعبانة او بدك تنامي لازم تضلي نشيطة طول الوقت ممنوع الاحساس بالتعب او حتى الشكوى لانه مو حقنا هالشي الحمد لله على كل شي وعند اقل تقصير بتسمعي الي فيه النصيب
|
| الساعة الآن 08:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©