|
بنتي بشرتها شديدة الجفاف!
السلام عليكم ورحمة الله وبركاته،
مهرة فديتها تعاني من جفاف شديد في البشرة لدرجة أنها تحك جسدها. عرضتها حتى الآن على الأطباء خمس مرات .. وفي كل مرة يصفون لها أدوية (شراب + كريم) بالإضافة إلى مرطب طبي يستخدم مرتين يومياً .. والحقيقة أنها تتحسن بفضل الأدوية ولكن تعود المشكلة سريعاً بمجرد انتهاء فترة العلاج. مع العلم أنني في فترة ما استخدمت لها زيت الأطفال من سيبا ميد ومن جونسون ولم تختفي المشكلة. وأحد الأطباء قال لي إن هذه المشكلة قد تستمر معها حتى عمر 10 أو 12 سنة :( هل هناك حلول ترطب بشرتها كي تخف هذه الحكة؟!! |
بنتك عندها أكزيما ؟؟ والا فقط بشرتها جافه
أنا بنتي عندها أكزبما تتهيج أكثر شي في الايام البارده وتخف في فصل الصيف بس الي أعرفه ان كريمات الاكزيما مضره بالبشره على المدى البعيد من فتره تقريبا سنه جبت ماء زمزم وقرأت عليه الرقية الشرعيه وغسلت الاماكن المتضرره والحمدلله راااااحت وقليل جدا ترجع من فترة لفترة لكن خفيفه مش مثل اول ماتشوف شر مهره الصغير الله يحميها لك عزيزتي |
و عليكم السلام و رحمة الله و بركاته أنا كمان كان عندي نفس المشكله مع إبني،، عمره الحين سنه من يوم اتولد و هو عنده جفاف ببشره، لما كان أصغر كنت استخدم زيت جونسن لأطفال بس أبداً ما جاب نتيجه،، أمي نصحتني أتستخدم زيوت طبيعيه مثل زيت الزيتون أو زيت اللوز،، حسيته صار أحسن فتره و بشرته صارت ناعمه،، بس أول ما جاء البرد رجع ثاني للجفاف عرضته على طبيب الأطفال و قال شكله من البرد و لسه ما تعود على الجو (15-30 تحت الصفر) قال إني ديماً أرطبه كل ساعتين و أستخدمت أبوباس و كمان سيباميد (خاص للبرد شوفو الصوره إللي عليه) Apobase http://www.verkkoapteekki.fi/images/apobase.JPG Sebamed http://apotekdirekte.no/users/apotek...es/9034113.JPG بس كمان ما جابو نتيحه كويسه،، يتحسن فتره و يرجع ثاني بعدين عرضته على دكتور جلدي و قال إنه حساسيه و لازم اتابع أكله و خاصةً الفواكه و بعدين اكتشفت إنه عنده حساسيه من الفواكه الحامضه مثل البرتقال و الأناناس و كيوي و كل شي حامض (تقريباً كل الفواكه لأن أغلبها حامضة :() أكثر الأماكن إلي تتأثر ببشرته كانت الخدود و ورى تحت الرقبه و شوي في الرجل الحين الحمدلله الجو في تحسن و داخلين على ربيع و أحس إنه الجفاف بدأ يقل بشكل ملحوض انتي سوي مثلي تابعي أكلها يمكن عندها حساسيه من شي أو حاولي ترطبها كل ساعتين،، و كمان تأكدي إنه ملابسها من القطن الأصلي و شوفي الزيوت الطبيعيه يمكن تنفع الله يحفضلك مهره يا مهره :) |
المسكينة لساتها صغيرة على اجتفاف البشرة
ما كنت ادري انه بيكون حتى عندا الاطفال انا اظن انه الزيت الطبيعية ما في افضل منها زي ما قالت لوف ادا ما كانت حساسية الله يشفيها يارب |
مهره
نفس حالة بنتي واعتقد انها نوع من الاكزيما اهم شي ابعدي عن المانجا والشوكلاته والقمح (السيرلاك) والموز والبيض وأي شيء يثيرها أما إذا ما كانت حساسية وجفاف فقط عليك بالفازلين الأصلي بدون روائح بعد كل حمام لازم فازلين لو طبقه خفيفه واتركي سيبا ميد وهالأشياء ما ينفع إلا الفازلين أو زبدة الشيا الله يشفي بنتي وبنتك وجميع مرضى المسلمين |
إضافة
الملابس لازم تكون قطن كامل واذا غسلتي الملابس اشطفهيا مره ثانيه بماء حار واكويها علشان تتعقم صح |
مهرة ... انا مع البقية .. اذا قصدك الاكزيما . فاهلا و مرحبا
يوسفي بدات فيه من عمر السنة و 4 اشهر تقريبا و كانت على شكل نشفان في الجلد و دايم يحكها و كانت بقعة صغييييرة و مع الوقت لاحظت انها تكبر و بقع ثانية ظهرت في جسمه وديته للطبيبة قالت هذه اكزيما .. طبعا مهما عملتي لها كريمات و ترطيبات و و و و ماراح يفيد.. اسالي مجربة جربت عليه كل انواع الكريمات الطبية و الطبيعية و الزيوت و مافي اي تحسن انتشرت بشكل بقع على ظهره و بطنه و ايديه و اكثر شي على رجوله خلف الركبة يحك لغاية ما يطلع الدم و تجرح المنطقة عرضناه على اختصاصيين جلد كبار و بروفسورية .. كلهم اجمعوا انه مالها اي حل غير الصبر و لما يصير عمره 7 بتروح لحالها باذن الله.. الترطيب يخفف الحكة لكن ما يشيل الحساسية و الكريمات اللي فعلا فعلا تنفع جربتها و شاللت كل شي هي الكريمات اللي فيها كورتيزون بس بمجرد انك توقفي الكريم ترجع .. و زي مانتي عارفة الكورتزيون له مخاااطر كثيرة و مستحيل اظل استخدمه على طول ... فا فوضت امري لله و تركت الكريم و استمريت على ترطيب الزيوت الحين بعطيك المفيد :) .... لما نزلنا اليمن السنة اللي فاتت قعدنا 3 اشهر .. وديناه البحر يسبح و جابوا لي مي بحر كنت اسبحه بالبيت فيه و الحمدلله راااااااحت ماعاد لها اي اثر .. و لما رجعت عالغربة رجعت . بس خفيفة الحمدلله الان عمره 3 سنوات الا شهرين و الحمدلله اختفت من جسمه كله وموجودة فقط على المنطقة اللي خلف الركبة .. فقط .. احيانا تخف و احيانا تزيد شوي بس الحمدلله ماعاد هي زي زماااان ..خفت بنسبة كبييييييرة جدا جدا جدا ... فا هل السبب ماء البحر .. و لا صدفة مش عارفة .. على العموم انتي جربي اذا ماتقدري توديها البحر وصلي حد يملى لك دبة و كوني غسلي المناطق اللي فيها و بعدين ادهنيها و رطبيها الله يحميها لك ياااارب و تشوفيها عرووووس و يارب تخاويها باخت عسل زيها عن قريب |
نسيت اقولك . لا تحمميها بالصابون العادي لانه يجفف البشرة .. اياااااك و الصابون العادي
استخدمي اما صابون خاص للحساسية .. او اغسليها بالسدر و الماء احسن شي.. هذا اللي استخدمه و حتى ملابسها .. في صابون غسيل الملابس خاصص للي عندهم حساسية استخدميه احسن من العادي |
اقتباس:
نورا لفت انتباهي الفقره هذه صحيح بالبدايه الدكتور كان معتقد انه اكزيما و كتب على كريم يحتوي على الكورتيزون و قالي استعمليه عليه بس اسبوع واحد و فعلا استعملته اسبوع و كل شي راااااح تماما بس اسبوعين و رجع الجفاف على مناطق معينه الحين قوليلي ايش مخاطره على المدى البعيد |
لوف .. اللي اعرفه انه يسبب ضمور خلاايا البشرة و ياثر على الكبد كمان طبعا اذا استخدم للفترات طويييلةة
مو مسالة اسبوع او اثنين بس ماني متاكدة .. استني لمى يروح زوجي اساله و ارد عليك ارد الاصح ... |
| الساعة الآن 03:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©