|
ابغى استشيركم في الخاطب اللي تقدم
السلام عليكم ورحمة الله وبركاته ...
صراحه لمست في اعضاء المنتدى التعاون على الخير والنصيحه وانا عضوة جديدة في هذا المنتدى ... حبيت اعرض لكم مشكلتي لعلي اجد عندكم حلول تخرجني من الحيرة التي انا فيها .. انا فتاه ابلغ من العمر 27 سنه وتقدم لخطبتي شاب يبلغ من العمر 31 سنه .. موظف الكل يشهد له بالصلاح ووالدته انسانه طيبة والكل يدحهاا .. طيب حتقول لي اين المشكلة ؟ المشكلة لما جات ام الشاب تخطب من خلال حديثها اكتشفنا ان الولد خالاته من الرضاعه يقربوا لنا وفيه مشاكل بيننا وبينهم حتى في زواج قريبة لي حصلت مشكلة كبيرة بين خالات دا الشاب واهلي في قاعة الافراح نظرا لان خالته بصراحه لسانها سليط الله يهديها .. طبعا الوالدة اول ما سمعت انهم يقربولهم ماعجبها الوضع واكملت ضيافتهم وبعد ماخرجوا الناس قالت لي : اصرفي نظر عنهم هؤلاء ناس ما ينفعونا واحنا مانبغى مشاكل.. انا طبعا مارديت عليها بس قلت خليني استخير وربنا يقدم اللي فيه الخير وخصوصا ان الكل يمدح الشاب واهله بس الخوف من خالاته اللي من الرضاعه .. حبيت اخد رأيكم وزي ما يقولوا ( ماخاب من استشار ) .. هل اوافق وخصوصا انه خالاته يصيروا خالاته من الرضاعه يعني صله رضاعه مو دم واختهم اللي رضعته متوفيه أم ارفض زي ماقالت الوالدة وابعد عن هذه العيلة وبلاش مشاكل ووجع راس .. وطبعا انا باستخير بس حبيت استشير كمان |
انتي بتتزوجي خالاته ولا تتزوجيه هو
حبيبتي انتي استخرتي اذا ارتحتي وافقي بغض النظر عن خالاته من الرضاعه |
ماني شايف اي سبب يخليك ترفضين توكلي على الله وانا اخوك وبعدين انتي بتتزوجين الشاب فقط مانتي متزوجة خالاته
واكيد هو عارف بالمشاكل الي بينكم,,, وان شاء الله ماراح تأثر المشكلة الي بينكم على حياتك معه بالعكس واذا انتي خايفه لهدرجه اذا الله تمم لكم الزواج حاولي تفهمينه هالنقطهـ وقولي له ماابغا المشكلة الي بينا مع خالاتك تأثر على حياتي معك وصلى الله وبارك... لاكن انتبهي لاتخسرين الشاب اذا كان الكل يمدح فيه والله يكتب الي فيه الخير,,, بس لاتنسين تستخيرين قبل كل شي... بالتوفيق |
اقتباس:
بس الاهل لما يكون في بينهم مشاكل اكيد راح يتأثر الزوجين بيها :( |
اقتباس:
|
مالك بخالاته وبعدين حياالله من الرضاعة
بس استخيري اول وكذا مرة اذا حسيت بلااحة اتوكلي على الله ووافقي وحاولي تتفاهمي مع خاطبك على ان تكون حياتكم بعيدة عن هولاء الخالات قدر المستطاع |
وعليــكم آلســلآم ..
حيــآإك ربي وبيــآك وآلجنــه مثوآي ومثــوآك .. أختــــي .. من رأيي توآفقيــن عليه طآلمآ آخلآقــه عآلية .. وأهلــه مآفيهم عيب.." موفقــــــه :) مودتـي..~ |
من جد حيالله خالات من الرضاعه ! ليش انتي شايله هم ! الواحد يالله بالأخوان من نفس الدم مو عاد بيلاحق الي بالرضاعه طيب وش الي يمنع ان امك تتصل على ام الولد وتسأل عن الخالات ووضعهم معاهم وتقولهم انكم موافقين بس شاغلكم موضوع الخالات ! وعالعموم انا ماشوف فيه اي شي .. استخيري ووافقي .. تلاقينهم مايشوفون بعض الا بالمناسبات الكبيره هذا اذا تذكروا بعض بعد ! : |
لا أرى أي مشكلة..الله ييسر أمركم و يسهله و يجمع بينكم على الخير
|
يااحبيبتي ماافي اي سبب يجبرك ترفضينه ولو كل خاطب بتدققين في اهله ومواصفاته ماراح تتزوجين استخيري وتوكلي على الله ماتدرين عن حالهم ممكن علاقتهم فيهم ضعيفة وعليك بهذا الدعاء اللهم اكفنياهم بما شئت وتوكلي على الله وعقبال مانشوف لك موضوع تخبريني في فرحك ..
|
| الساعة الآن 05:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©