|
اخوكم مظلوم الحب يطلب رأيكم
السلام عليكم ورحمة الله وبركاته
صباح الخير ايها المتزوجون والمتزوجات الحمدلله الشهر هاذا بكمل سنه على زواجي عقبال الجميع واللي مقبلين على الزواج يارب بس حبيت انكم تفيدوني انا شريت هديه لزوجتي عباره عن ساعه وراح احجز بنفس الفندق اللي كنا فيه طبعا ليس بنفس اليوم لاني عارف ان الاحتفال بنفس اليوم محرم وانما ذكرى نتذكر ذاك اليوم واريد منكم كلام عن طريق رساله مسج حلو او كلام ارسله لها لاني بكمل سنه واحنا بعيدين عن بعض بحكم عملي وهل الهديه كافيه لان سعرها بحوالي 300 ريال ياليتكم تفيدوني باللي تقدرون عليه او اي افكار حلوه خصوصا اللي جربوا التجربه واكيد البنات يمكن يقولون لنا ايش يحبون في مثل هاذه الذكرى اخوكم مظلوم الحب |
لو قلت لك
ان الحنان الي بقلبك خلاني اميرة الزهر ولو قلت لك اني احبك كثر سواد هالليل والسهر ولو قلت لك انك اقرب من عيوني للنظر ولو قلت لك ان بيوم .../... منحتني اغلى حياة بهالعمر وش بكون ردك؟!! وكل عام وانت الغلا هذا بخصوص المسج ممكن تكتب لها هذا المسج بصراحة هذا الي طلع معي والسموحة هو مسج انا عدلت عليه واضفت عليه وارسلت لزوجي قبل يوم واحد من ذكرى زواجي وبالنسبة للهدية المهم انك تذكرتها وجبت لها هدية وفكرة الفندق حلوة وتغيير جو لكم انتوا الاثنين وتجديد الله يسعدكم ويجمع شملكم مع بعض طول العمر |
بسم الله ما شاء الله عليكم
يا خوى خاف من الحسد |
السلام عليكم . . . فكرة الفندق رااااااااااااااااااائعة بجد وهدية بـ300 ريال كااااااااااااااااافية ومو بقيمتها يكفي إنك تذكرتك هاي الذكرى الحلوه إللي بينكم بس لا تنسى البطاقة إللي مع الهدية أكتب فيها مشاعرك العادية بدون كلام انشائي منمق أكتب فيها أي شي انت تحس فيه وبالعامية بالفصحى بالصح بالغلط مو مهم المهم تكتب مشاعرك ناحيتها . . . الله يديم السعادة بينكم ويجمعكم على الخير والمحبة في الدنيا والآخره . . . أسأل الله العفو والعافية والله المستعان |
اقتباس:
كلام سليم .. |
السلام عليكم ورحمة الله وبركاته
الله يديم عليكم السعاده وعقبال 100 سنه وانتو مع بعض واسئل الله لكم الود والحب والتفاهم والتوافق والعشرة الحسنه والذرية الصالحه تحيااتي |
انا بعد اؤيد رأي اخونا الفلسطيني _ سلمت اناملك
الله يسعدكم ويوفقكم دوم يارب |
بالنسبه للبنات يعشقوا الورد
يعني اول مابترجع من السفر ان شاء الله بالسلامه لازم تكون معك باقة ورد واول ماتسلمها الباقه قول لها ياسلام ع الورد بعد كذا اخذ الورد وحطه ع جنب وقول ليه امسك ورد وعندي ورده فواحه تمليني حب وحنان واحضنها بقوة وبعد كذا قول لها اجهزي راح نطلع يمكن البنت تكون مجهزه لك حركه رومنسيه اجلس معها عشان تحسسها بقيمة تعبها وقول لها انا مجهز لك مفاجئه واطلع معها للفندق والهديه تكون في صندوق انيق وفي وسط الفراش طبعا اذا كانت ماديتك كويسه وتقدر ع مصاريف شويه مافي مانع اذا طلبت من الفندق يجهزوا الغرفه بحركه رومنسيه وطبعا العشا الرومنسي وربي يوفقكم وتنبسطوا بليلتكم |
يعطيكم العافيه على ردودكم وما قصرتوا
واذا احد يحب يضيف لامانع |
ما شاء الله كلام الأخ فلسطيني مرة مهم
وفكرة الورد ل( توتة وزوجها) تجنن والمسج لأول لدمعات الروح راااااااااائع وبالنسبة لقيمة الهدية هذا يرجع لدخلك وماديتك الله يديم الحب بينكم..ويحفظكم ... |
| الساعة الآن 03:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©