|
هل أتغاضى عن بعض مواصفاتي من اجلهم ؟؟؟أريد رأيكم
السلام عليكم ورحمة الله وبركاته
أخواني واخواتي أهلن ومرحبا بكم وأولاً أشكر لكم دخولكم لقراءة موضوعي وأتمنى أن تكملون جميلكم وتردون عليّ الموضوع وما فيه : إن فيه عايلة من العوائل أنا أعرفهم زييييييين من أكبرهم لأصغرهم ، رجالاً ونساءً ، وهم يعرفوني زيييييين أصلن أنا صديق لعيالهم من زمان ، وأجلس عند عيالهم دايم ، وأسافر معهم كثير ، وبعضهم أمون عليهم أكثر من ميانتهم فيما بينهم وشيبانهم يعرفوني زيييين ، ودايم يسألون عني ويفقدوني ، وإذا كنا متجمعين دايم يجون شيبانهم يسلمون علي <<<<<<<< الله يرفع قدرهم ودايم يعزموني في مناسباتهم الخاصة ، يعني بالعربي معتبريني واحد منهم وغير كذا عجايزهم يعرفوني ، وبعضهن يدخلن علينا ويسلمون علي ( طبعا العجوز هذي تصير جدتهم او عمتهم أو خالتهم بس انا ما تقرب لي لكن مع كذا تسلم علي ) ومرة كنت راجع انا وخويي من سفر وقالي : تراك أنت يافلان معروف عندنا كلنا والكل يعرفك والكل يقدرك ، والكل معجب بأخلاقك ، وقالي : حنا نعرفك من زمان وطابخينك زين ونعرف إنك رجال ونعم ولو تتقدم لأحد بناتنا محد راح يردك أبد ، ولا راح يسألون عنك لأنهم يعرفونك زين . طبعا هذا الكلام أحرجني مرة يوم سمعته وقلت لخويي أتمنى إني اكون عند حسن ظنكم وإن شاء الله ما يصير إلا كل خير ، ولي الشرف لو اناسبكم طبعا هالعايلة أكثرهم متدينين ، وأخلاقهم عالية ، لكن جمالهم نص ونص السؤال اللي ودي أسالك إياه وش راح استفيد لو إني اخطب من ناس أعرفهم ؟ ووش الفرق لو إني خطبت من ناس أعرفهم أو من ناس ما اعرفهم ؟ هل فيه فرق كبير بينهم ؟ والسؤال الاهم : هل يسوى إني أضحي ببعض المواصفات (الجمال مثلا) من أجل إني أعرف هالعايلة ؟ أنا بالنسبة لي سمعتي زينة ، يعني ما اتوقع إن العوائل يردوني ( طبعا الناس مايهمهم إلا الظاهر ، ولا الخافي الله أدرى به ، الله يغفر لنا ) أرجو إنكم تردون عليّ ، لأن هالموضوع يهمني مررررة ، وودي أتصوَّره زين شكرا لكم على قراءتكم للموضوع تعديل بسيط على العنوان المشرف / شاطئ المحبة |
أخي في الله
شيء جميل ان نتقرب لاحبابنا بالزواج حتى تتاكد المودة والمحبة ولكن لا تتزوج الا باقتناع تام ممن تريد الزواج منها حتى لا تنقلب المودة والصحبة الى عداوة وبغضاء بعد الزواج لانك لو لا سمح الله تزوجت واحدة منهم وطلقتها ستكون العواقب وخيمة |
وعليكم السلام ورحمة الله وبركاته
والله يا خوي ترددك وهــم ألقاه لك الشيطان فلا تأخذه ما شاء الله بارك الله شيبانهم وعجايزهم وكبارهم وصغارهم عارفينك وأنت عارفهم يعن أنت بعيد عن عنصر المفاجأت الذي قد يـطرأ في بداية الحياة الزوجية فتتفاجأ الزوجة أو الزوج بإنسان ثاني والسبب عدم المعرفة التامة وأنت على العكس من ذلك معروف لهم ومعروفين لك فالتوافق حاصل بإذن الله ...فلماذا التردد يا أخي كثير من الشباب الذين أعرفهم عرض عليهم الزواج من عوائل يعرفونهم من توكل وتزوج يعيش سعادة لا توصف ، ومن تردد ورفض ندم أو تأخر زواجه.. فماذا تريد؟ اسعى بالموضوع وادع الله أن يرزقك منهم الفتاة الصالحة الطيبة وخل أهلك يختارون لك من بناتهم ذات الدين والخلق الكريم، والجمال موجود بغالب الفتيات..فاطرح الوهم جانباً.... الله يوفقك أخوي ويسهل أمورك ويزرقك من تملأ حياتك سعادة وسروراً دعائك بظهر الغيب لأخيك عزوبي:21: بس:d رجل:30: دمتم بحفظ الرحمن |
أخي الفاضل الزواج عشرة عمر وحياة أبدية ولا مكان فيه للمجاملات
لا تخطب إلا من ترتضيها وتشعر بأنها قادرة على صونك وإعفافك بدلا من أن تخطب فتاة من أجل محبة قومها لك فيلازمك شعور حينها بأنها ناقصة في نظرك ودون المواصفات التي طلبتها فتظلم الفتاة معك ولن ينفعك حينها صلتك القوية بأهلها ومودتهم لك |
والله يا خوي اذا الجمال يهمك فلا تجازف بمستقبلك عشان احد
لا ترتبط في احد الا وانت مقتنع فيها من حسنات الزواج من الناس الي ماتعرفهم انك سبحان الله يمكن ما تتوفق مع البنت ويكون سهل انك تنفصل عنها لكن المشكله اذا اخذت من ناس تعرفهم وما توفقت معها راح تضغط على نفسك وتعيش مع وحده ما اقتنعت فيها عشان بس ما يكون فيه مشاكل بينك وبين اهلها لو انفصلت عنها |
صراحه ترى الزواجمره وحده وماينفع فيه المجامله
|
عليكم السلام ورحمة الله وبركاته
مشكلتك وحدة وهي الجمال صح ؟ لايكون ماخذ فكرة عنهم من نسبة جمال عيالهم !! ترى البنات يفرقون كثييير ذكرتني بوحده من صديقاتي اخوها اللي اصغر منها ( شين مره ) وهي ماشاء الله جميلة جداً ماكأنهم اخوان ، تمزح مع اخوها وتقول : قلهم ترى خواتي مايشبهوني لاتقطع رزقي يااخوي :d الأخلاق أهم مافي الموضوع ولا اهمل الجمال لكن راحة النظرة غييييير هي اللي تخلي عيونك تشوف الجمال بتوفيق الله نصيحتي .. إنه اهلك يختارون لك من بناتهم القريبة من المواصفات اللي تتمناه بزوجتك وبعدها استخير وفكــــر على مهلك واحسب حساب كل امر وربي يوفقك ويسر امرك .. |
انا مع رأي العروووووووووووس,,,كل شي يتحمل المجامله الا الزواج معرفة اهلها فيك شي حلو انهم مايردونك والبنت بتكون مقتنعه فيك بس لو صارت مشاكل بتتحسف انك ماأخذتها عن قناعه زوجتك والي تكون أم عيالك لازم تختارها لجمالها ولدينها ولأخلاقها ولعيلتها,,والله يوفقك يارب
|
دعنا نقارن من اوجه كثيرة بين حالة ان تتقدم لبنتهم او لاى فتاة اخرى
بنت من هذه العائلة (انت لا تعرفها) = بنت من عائلة اخرى (انت لا تعرفها) هذه بنت انت متاكد تماما انها تربت فى عائلة محافظة ملتزمة اما اى فتاة اخرى ستنتظر حتى تسال عنهم فى العمل والجيران وان لم تستطع ستسال امام المسجد عنهم وكما قالت اختى غالية الرجال لا يمكن ابدا ان تاخذهم مقياس لجمال اخواتهم فربما فى هذا البيت ملكات جمال وانت تظن ان جمالهم متوسط بنت هذه العائلة انت عندهم غالي لدرجة انهم يتمنونك زوج ابنتهم واذا ذهبت لاى فتاة اخرى ستكون كاى متقدم ياخذون الوقت للسؤال عنك ويجيبون اما بالرفض او القبول هناك مثل قائل المعروض رخيص والمطلوب غالي وانت لديهم غالى وربما تكون عريس عادى جدا اذا تقدمت لاى عائلة اخرى الحل الجازم ان ترسل لهم احدى اخواتك لتتعرف عليهم ولا تخوض بموضوع الزواج وهى تخبرك اى الفتايات تفضل لك وبالتاكيد هى تعرف زوقك ومن التى سيعجبك شكلها واخلاقها واسلوبها وشخصيتها |
ليه ماتخلي الوالده والا اخواتك يتقربووو منهم ويشوفو بناتهم ممكن تلاقي مواصفاتك عندهم ترا بعض البنات غير عن اخوانهم
والا عمانهم والا خوالهم .. محاوله ربما تستفييد منها.... ترا فيه بنات مملوحات وعنده خلق ودين ومرح يجملهن اكثر وتحلى الحياه معهن وربنا يكتب لك اللي فيه الخير موفق بأذن الله تحياتي لك |
| الساعة الآن 10:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©