![]() |
وجهة نظر واحب اسمع رايكم فيها
السلام عليكم ورحمة الله
انا لدي وجهة نظر واحب اسمع رايكم فيها الكثير من الشباب ممن يبحث عن الجمال وهذا شيئ طبيعي , فالنفس جبلت على حب الشيء الحسن لكن احب اقول نقطه مهمه صح الجمال مطلوب لكن لاتنسون الجمال الروحاني الادب والاخلاق الالتزام والاحترام .. العقل وحب البيت البنت قد تكون جميله لكن قد يكون لسانها سم البنت قد تكون عاديه لكن تخاف الله وتبي الستر صدقوني ياجماعه ..اعتذر عن هالكلمه ولكن اي بنت تستطيع الان بالمكياج ان تبدو ملكة جمال اخواني .. بالعشره راح تحبون زوجاتكم وتحترمونهم لاتصعبون الامور .. صح زواج واختيار صحيح لكن لو تمينا نبحث ونبحث راح نتعب واخيرا القناعه كنز لايفنى .. اعقلها وتوكل والله بيسر كل شي ان شاء الله ركزوا على الاخلاق والهدوء والاحترام .. وركزوا على اب وام صالحين والله بيسر لكم جميعا -- وجهة نظر حبيت اسمع رايكم فيها وشكرا |
صح صح صح
انا اتفق معاك و غالبا البنت الجميلة تجيك مغرورة و دمها ثقيل ( طبعا مو كلهم ) |
وجهة نظرك صحيحة بارك الله بك
وخير هدي لنا هدي سيد الخلق صلوات الله عليه وسلامه " فاظفر بذات الدين تربت يداك" تأمل كلمة فاظفر سبحان الله ما ينطق عن الهوى الظفر هو الفوز بالمعركة والفوز بالمعركة بحاجة الى جلد وتعب وصبر والظفر بذات الدين ليس بالامر السهل هذا لا يعني ان لانسان يعرض عن الجميلة لكن يجب ان يراعي تربيتها الدينية وهي اهم شيء جزلك الله خيرا |
ماشاء الله تبارك الرحمن..
تفكير طيب ووجهة نظر سليمة... وكما قال الأخ صاحب الظل الطويل...هذا لا يعني الاعراض عن الجميلات.. إنما الإهتمام بالدين و الحرص عليه ومن ثم النظر في بقية الأمور.. وفقكم ربي لخير الدارين |
انا اوافقك الراي:22: وبصراحة انا اختي اية في الجمال مغرورة بطريقة فظيعة عبالها ان الجمال اساس كل شي :29: وامي الي عطتها ثقة بنفسها من وهي صغيرة بس تصدق ذالة زوجها بطريقة فظيعة مع انه مر على زواجهم بس خمس شهور تخيل كوب شاي ما تعمله وهي الحين حامل وطول الوقت بالبيت وما ترضى تروح عنده والله يعين |
شكرا
|
صحيح وجه نظر سليمه ولكن احس ان الكل بدا ياخذ فيها ... انه كل وحده جميله لازم تكون اخلاقها سيئه ومغروره وشايفه حالها احنا مانبغى نظلم الجميلات لانهم جميلات فقط ياااااما شفنا حريم وبنات كل ماجو يخطبون لاخوانهم لوشافو وحده حلوه او فائقه الجمال قالو وبدون تردد هذة ...اكيد بتكون مغروره او اخلاقها سيئه ياما جميلات من كثر الخجل يحسبونهم مغرورات وياما جميلات ذاقو الامرين لانهم فقط جميلات ولا تفتكرون انه اي وحده جميله سعيده بحياتها ابدااا فهي 1_ تعاني الغيره من بنات جنسها 2_ النظرات تكون مركزه عليها ويدققون بكل تصرفاتها وينتظرون الزله بحركاتها بصراحه وجه نظر مدري اذا احد يوافقني ان الجميله تكون تعيسه جدااا بحياتها وسبق قريت موضوع بهذا المنتدى قبل فترة... وهي (معاناه كل بنت جميله) و بصراحه انا للحين ماشفت بنت جميله وسعيده بحياتها بسبب هذة النظره وتركيز الناس لها وبكل تصرفاتهاا هذا الي اشوفه في بعض البنات الجميلات ايام الدراسه ومايعانين ومن حالات نفسيئة سيئه جداا وحتى بالحياه العامه ياما شفت بنات جميلات ومظلومات كل الظلم والدليل القاطع ان اغلب البنات الى جالسين في بيوت اهلهم وتعدو مرحله الزواج جميلات ولانهم فقط جميلات اكثر البنات العوانس جميلات وبسبب هذة النضره السيئه بالبنت الجميله وياما شفت اعضاءومشرفات بمنتدانا وبمنتدايات اخرى تاخر سن زواجهم مع انهن من اجمل البنات في عائلتهن وذلك بسبب هذة النظره فوجه نظري تقول مو كل بنت جميله تكون مغروره وشايفه نفسها ليش مانقول انها واثقه من نفسها وماتحس بالنقص وانه مو كل وحده مقبوله الشكل تكون خلوقه ومتدينه و و و لان ممكن الى تكون جمالها على قدها تحس بالنقص احنا مانبغى نحكم او نظلم لان اغلب البنات الجميلات والى اشوفه جالسين في بيوت اهلهم <<<<<<<<< وجه نظر ;) |
اقتباس:
سلام عليكم جزاك الله خير وممكن يكون غالبا بس اخوي مانعم احنا ومو كلهم لكن معظمهم بعد في بنات مو حلوات ويتكبرون على الفاضي انا الي احب اوصله للجيمع هو اظفر بذات الدين والاخلاق الحسنه تسلم :22: |
اقتباس:
واتفق معاك وايضا لاتعرض عن الجميله فابحث عنها ولكن ركز على الدين والخلق جزاك الله خير :22: |
اقتباس:
سلام عليكم تسلمين اختي والله ييسرلنا كل امورنا دعواتك لانعرض عن الجميلات ولكن الاهم هو الخلق والدين بارك الله فيكم |
الساعة الآن 07:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©