|
مشكلة صديقتي مع خطيبها
السلام عليكم يا اعضاء أحلى منتدى :d
هادي مشكلة وحده صديقتي مع خطيبها وحابه استشيركم فيها وقولولي رأيكم :( صحبتي تحب خطيبها وهو ايضا يحبها ومقتنع فيها ودايما يقلها انتي زي ما كنت اتمنى بالضبط بس انا كنت اتمنى بنت بيضا..صديقتي سمرا بس سمارها فاتح بس ماتعتبر بيضا يعني...وبصراحه دايما يكررلها هادي الجمله ياريتك بيضا وياريتك بيضا وهيا مره صارت تنقهر وبدأت تفقد ثقتها بنفسها .. والي يقهر في الموضوع هو مهو مرره حلو هو كمان عادي واسمر يعني مهو جمييل عشان يقلها كدا كل شويه :( بس انا مني عارفه اش اقلها تقولو عشان معد يقلها كدا والله انا مقهوره عليها :( لانها مره تحبو ومره نفسها تملا عيونه وتخليه يشوفها احلى وحده :( زي ماهو مالي عيونها الله يخليكم قولولي أرأكم في الموضوع دا :) |
ياالله .. تصرفه بصراحه يقهر ..
يعني بالله لمن يقولها نفسي تكوني بيضا خلاص بتصير بيضا !!!!!!!...مره تصرفه طفولي .. :( بصراحه واقولها على بلاطه خليها تقوله كلمتين وتوقفه عند حده لانه تصرفه قهرني:( والله ماادري يااختي عن الحل الله يعينها ويساعدها ويقر عين زوجها بها |
خليها تكون جدا صريحة معه وحاااااازمة ...
لو كررها مرة ثانية تقوله: أنا بعد كثير صفات كنت أتمناها في شريك حياتي ومالقيتها فيك لأني عارفة إن الإنسان مايكمل؛ لكني برغم كذا تقبلتك وحبيتك زي ماأنت .. وأنت لازم تتقبلني زي ماأنا لأني اختيارك .. ولو كررها مرة ثانية "وماأظنه بيكررها" لاترد عليه، ولاكأنها سمعت شي ... |
يجب أن تكون صريحة
|
بالفعل أختي لابد و أن توضح له بأن هذا الأمر يضايقها بشكل كبير..
ولابد أن تكون صريحة معه لأبعد الحدود.. فإن كانت هذه فترة الخطوبة و يردد مثل هذا الكلام...فماذا سيحدث بعد الزواج!!! أختي انصحيها بتطبيق ماقالته الأخت جنة الدنيا...ماشاء الله كفت ووفت.. وفق الله صديقتك ووفقك للخير |
وهو يعني ماشافها في النظرة الشرعية والا كان أعمى بعدين حرام عليه يقول هالكلام لخطيبته يجرحها الله يعينها عليه بس خليها ترد عيه بس رد لطيه وما تبقى ساكته له على طول تراه راح يتمادى أكثر والله يوفقها |
تقول له من بياضك انت !!
او تقول له عالاقل افتح منك وتخلي ثقتها بنفسها قويه وهو ماراح يردد هالكلام مره ثانيه |
يرفع الضغط
ليش أخدها اذا مو عاجبه لونها!! ما يعجبهم العجب |
لازم تكون صريحة معاه وتقوله انه هالشي يضايقها يمكن هو يقوله بس مو حاس انه يضايقها فيه احيانا الرجال يتصرفون او يقولون كلام من غير قصد عشان كذا لازم تختار الوقت والكلمات المناسبة عشان تحسسه انه هالشي مضايقها مرة مثلا قبل لا تبتدي كلامها عن الموضوع تبتدي تمدح فيه وفي مزاياه وتقوله انها تغاضت عن عيوبه لانها تحبه بعدين تقوله انه في شي واحد يضايقها فيه وتكلمه بالموضوع بصراحة كلامه يقهر ما اتخيل نفسي مكانها لاني لو مكانها كنت بنفجر دموع وقهر الله يعينها وان شاء الله يحس خطيبها بغلطته وما يكررها |
زبن تحط كريمات وتصير بيضا
ماهي بمشكله ليش مكبرين الموضوع بعدين السمار حلو :22: وخل يحمد ربه على هالنعمه زوجه صالحه وطيبه ولو يبي وحده بيضا بلاقي بس ممكن مغروره ومتكبره وتكسر راسه بالفلوس خليه يحمد ربه |
| الساعة الآن 09:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©