|
اغار من اخت زوجي
مرحبا لكل الموجودين هذا اول منتدى ادخل فيه بحياتي وتجربة جديدة اتمنى انها تنفعني وتنفعكم
عموما اخت زوجي مطلقة هي اكبر من زوجي وتحبة اكثر من كل الباقين بالبيت المشكله مب هنا المشكلة انه زوجي بعد يحبها وما يرضى فيها ولو على حسابي ودووم يقولي انا اعطيها حب واهتمام لانها مطلقة طيب شو ذنبي انا ما احبها صرت ما اطيقها وصارت تشوف نفسها علي وعلى الكل الكل مكبر براسها وعاطنها اكثر من ما تستحق شو اسوي وكيف اتصرف زوجي صار يكرهني بسبب هالموضوع ابا ارجع علاقتي بزوجي من خلالها لانه يحبها كيف ارجع علاقتي باخت زوجي المطلقة ؟ |
اهلا فيك اختي الكريمه ضيفه عزيزه بيننا
نصيحتي لك انك تتقربين منها علشان زوجك يظل يحبك لأن وحسب تجربتي في الحياه الزوج يحب ان زوجته تكون تحب اهله وتودهم علشان يكبر الاحترام والود بينهم وقابلي الاساءه بالأحسان الى ان تفرج وتنحل الخلافات اللي بينكم هذا هو رأيي وان شاء الله الاخوان في المنتدى يفيدونك والله يكون في عونك حبيبتي |
اتركي عنك الغيرة ومحاولة الإستيثار بزوجك ..
عاملي اخته بالحسنى وبما يرضي الله ليرضى عنك زوجك... ينقل للمشاكل الإجتماعية |
اولا اهلا ومرحبا بك في منتدانا ... واتمنى اننا ننكون عند حسن ظنك
الله يحنن قلب زوجك لك قولي امين ... تدرين لو انا بمكانك .. كان حسست زوجي اني اهتم فيها واحبها .. احاول ابين له اني راحمتها .. هو يمكن تغير عليك علشانه حس انك متضايقة منها .. لكن لو تغيرين نظرتك لها ... وتغيرين الصورة اللي رسمتيها في بال زوجك عنها ... اتوقع يغير نظرته اتجاهك عاد انتي واسلوبك ... الله يهنيك ويسعدك ... لا تنسيننا من الدعاء في هالشهر الفضيل :d |
ليش تغاري منها بالعكس لازم انتي تعطفي عليها وتراعي مشاعرها بعد والله لا يحطك بمحلها في هالمجتمع
بعدين هذي اخته ماهي زوجته او خويته الله يكون بعونك وتحاولي ما تغاري منها واهلا وسهلا بك معنا هنا |
إذا هي كويسة معك و ما آذتك ليش تكرهيها ؟
و بعدين إذا إنتي حبيتيها زوجك يحبك و يرضى عليك و إذا تزاعلتم يزعل عليك ؟؟؟؟؟؟؟؟؟؟؟ المفروض إنها تكون بعيدة كل البعد عن حياتك الزوجية الله يوفقكم |
اختي حرام عليك يعني شفيها اهم شي انها ماتتدخل بحياتك
ولا تسبب لك مشاكل ليه تغارين منها |
يا اختي ... تقربي منها وصدقيني راح تكسبينها اخت لك ... اتركي عنك الغيره الي مالها داعي لانها مو
غريبه عليه هاذي اخته ... راعيها مثل ماهو مراعيها .... الله يسعدك يارب .... هموووم |
انت الغلطانه لانك لم تفرقى بين حب الزوجه وحب الاخت كان يجب عليك استغلال هذه النقطه لصالحك منذ البدايه
|
اسمحي لي غيرتك ماهي بمكانها وشو فيها لو الزوج حي اخته ودلعها ؟؟؟؟
الأخت والأخ والأم والأب ما يتعوضون ...... وأنتي حطي نفسك بمكانها (بسم الله عليك ) يعني هي تمر بمرحلة لزم تحتاج لحنان وحب عشان تتخطى هالمرحله لو أنا بمكانك باتقرب منها وبصير لها أخت واقربها لي أكثر وأكثر ..... أولاً لوجه الله عشان اكسب أجر في هالمسكينة المطلقة وثانياً عشان زوجي وأهله يحسون أني بنتهم واللي يزعلهم يزعلني ...... الله يوفقج ويهديج .... |
| الساعة الآن 04:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©