|
السيف المسلول يطلب الأستشاره ( بشأن خطوبة أختي ) فبادروا كما عرف عنكم ..!!
بسم الله الرحمن الرحيم السلام عليكم ورحمة الله وبركاته :- لن أخوض في معمه تقلقكم .. سوف أدخل بنقاط وعليكم المشوره :- مواصفات أختي :- الحاله : أرمله العمر : 20 عام الأطفال : ولد عمره سنه وتزيد ونحن من عائله معروف وقبيله لها شأنها في المملكه ــــــــــــــــــــــــــــــــــــــــــــــــــ ــــــــ مواصفات الخاطب :- الحاله : متزوج بأثنتان العمر : 40 عام الاطفال : لديه من الأولى ولدين وبنتين والثانيه 3 أولاد المهنه : موظف عسكر على نظام الأفواج بالحرص الوطني رجل متدين وفيه خير ومن قبيله أخرى وهنا المشكله الحاله الماديه : رجل تاجر وصاحب معدات أي تريلات وقلابات ومشغلها في شركات بالشرقيه ــــــــــــــــــــــــــــــــــــــــــــــــــ ـــــــ تقدم الرجل ورحبت به وسألت عن أسله لا تخفاكم لأهميتها :- التاليه 1- هل تستطيع العدل ؟ قال نعم ولله الحمد حالتي الماديه من تحسن في تحسن 2- هل تستطيع وضعها في بيت لوحدها ؟ قال نعم واستدل بأن الأولى والثانيه كلاً منهن في بيت 3- اتضح لي أنه كثير السفريات بشأن أعماله فقلت له كيف حال بيت بعد سفرك ومن يجلس عندهم ؟ قال أخواني أو أخوان زوجاتي . .......................... أطلبكم المشوره الطيبه |
ما رأي أختك ؟؟
|
السلام عليكم ورحمة الله وبركاته
البنت لساتها صغيرة وبغض النظر عن مكانتكم ونسبكم يمكن لو صبرت شوي يجيها نصيب عدل مو معدد بتكون الثالثة يعني يومين بالاسبوع إذا ما أقل وبالبنت في هالسن محتاجة كثير إشي والله أشوف في ظلم لها حاجاتها النفسية والعاطفية والجنسية صعب تحقيقها فكر شوي وتفهم إش قصدت الزواج للتحصين وهون ما بشوف تحصين لها الله يوفقها أم وليد |
السلام عليكم ورحمة الله وبركاته
اخي الكريم السيف مرحبا بك ومبارك الدرجات التي حصلت عليها ما شاء الله تبارك الله ومن احسن الى احسن والله يوفقك . بالنسبة لأختك انا اعتبرك مثل اخي الرجل يظهر لي انه والنعم فيه ولكن هناك ملاحظه يتزوج الثالثه وهو كثير السفريات يعني بينشغل عنها يعني خلينا نحسبها كثير السفريات يعني في الاسبوع اقل شئ يومين ثلاثة ايام كم تبقى لها يمكن يوم واحد في الاسبوع ويمكن يوم واحد كل اسبوعين . وأختك ما شاء الله عليها ما زالت صغيره الزواج ليس مقدره ماديه فقط وانما تحمل مسئولية زوجه من جميع النواحي وتحمل مسؤلية اطفال . بكره ان شاء الله ترزق باطفال يحتاجون متابعة وتربية . هل اختك ستقوم بهذا الدور لوحدها ؟ اخيرا اطلب منها الاستخاره والله يقسم لها الخير والنصيب المبارك |
وعليكم السلام ورحتمه الله وبركاته
والله يا أخو ي أولا"النضام لايسمح بموضف حكومي الزواج من غير جنسة وخاصة العسكري وإني والله لاأريد لإختك الا كل خير ويشهد الله على ذلك وأقتدي بخير البشرية محمد صلى الله عليه وسلم إذا اتاكم من ترضون دينه وخلقه فزوجوة وإني لاأريدلإختك التعب بعد الزواج وإلا الرجل ماشاء الله لايعيبه شي بحسب المواصفات المذكورة منك واللهم إن كان خير لها فوفقها وأستر عليها ويسر أمرها وفرج همها |
توها صغيرة 20 سنة
لو متزوج وحدة اهون ثنتين وراعي سفر ماأدري احسها صعبة شوي الله يكتب لها الخير ويوفقها ويوفقك ونعم الأخ ماشاءالله |
في الأول والأخير الراي راي أختك
واذا كانت تقدر انها تتاقلم مع شخص متزوج ثنتين وكل وحده عندها عيال وبعدين اختك صغيره على انها تتزوج من واحد عمره 40 ومتزوج ثنتين ومو شرط انه مستواه المادي ممتاز يعني بتلقى الراحه عنده ويمكن اختك ما رح تتاقلم مع هالوضع وبتكون ظلمتها بهالزواج . في الأول والأخير خذ رايها لان هي الوحيده صاحبة القرار ومن حقها ترفض او تقبل اهم شي انك ما تفرض رايك عليها اذا الشخص عاجبك مو شرط يعجبها ولا تنسى ان عندها ولد وهو عنده اولاد وانت عارف مشاكل الاطفال بين بعضهم بعض واللي احيانا يدخلوا فيها الامهات وتصير مشاكل كبيره . والمفروض اول شي تفكر في الولد وفي مستقبله صحيح ان الحين صغير وعمره سنه بس الواحد يفكر في بكره والاطفال ما فيه مثلهم حساسين لدرجه فضيعه ويمكن هالشي بياثر على شخصيته لما يكبر وبيشوف الفرق في التعامل بينه وبين اخوان اخوانه لانه مهما كان ما فيه شخص يفضل الغريب على اولاده . واسمحلي على الاطاله بس انت طلبت مشورتنا وان شاء الله تتقبل كلامي بصدر رحب . |
والله ماأقول إلا ربي يوفقها ويسعدها ويكتب لها الخير ..
اللهم اااااامين |
السلام عليكم ورحمة الله وبركاته
ما أدري أخوي السيف المسلول هل ستعطي لمشورتي الأذن المنصته أم لا ؟! بما إني قريبة من عمر أختك أرى إنه صعبة عليها هذه الصفتين : كثير السفريات ومتزوج إثنين قبلها (ليس من ناحية الغيرة ولكن من ناحية تقسيم الأيام ) يعني المشكلة فقط راح تكون في عدد الأيام أختك مازالت صغيرة ...وتحتاج لزوج بجانبها ... ولكن لو أقنعك الخاطب بأنه سيعدل (هذا أولا ) وحل مشكلة سفرياته (يعني ممكن مرة ياخذها ومرة لأ) ووافقت هي بعد الإستخارة أتوكل على الله .......... |
ما دادري اخي ودي اساعدك تستاهل كل خير
بس احس تنتظر رجل آخر مناسب لها هو متزوج اكثر من ثنتينن ماادري انصحك ان تسأل عن علاقته مع زوجتيه اذا اوكي يعني بيقدر يسعدك اختك احسن شي الأستخاره ولو تحس انهاماقتدر تم مندون زواج خلها توكل على الله وتوافق |
| الساعة الآن 12:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©