|
ارجوكم ساعدوني
ما اعرف كيف ابتدي الموضوع
بس انا ابي احد يساعدني لاني خلاص بموت من الالم والحزن زوجي يا ناس اول ما اتزوجت كنت مقرره اني اهتم فيه وفي نفسي من نظافه وملبس جميل واحتف في مناسبات ................بس هو دايما يحبطني دايما يقوللي انا ما احب هالشغلات وبعدين ما يلمسني اللا كل 3 اسابيع مره ويقولي انا شغلي متعب، مع انه يشتغل في مكتب ومرتاح مب عامل مثلا اقول هيه يا حليله يشيل اغراض ويشتغل في الشمس، كل الحكايه انه يشتغل دوامين ولما انا ابينله بطريقه غير مباشره، مثلا اغراء او ثياب معينه اني اشتاقتله يقولي لا مو الحين، بعدين ويخليني احترق من شوقي له ماعرف شو اسوي اسمع الريايل يقولون انهم يكرهون لما يشوفون الحرمه نايمه قبلهم مثل الجماد وانا الحين عندي طفلين وشغلي وشغل البيت بس عمره ولا مره يرد البيت يحصل البيت مبهدل ولا انا مب متسحبه ومتعطره صح اني يأست وتعبت من كثر مايحرجني ويقوللي لا وخاصة يوم اكون لابسه شي حلو لها السبب كله بيجامات او ملابس عاديه بس متعدله شو الحل مع هالريال انا تعبت ومليت وهو مايقرب مني الا اليوم اللي هو يباه حتى لو انا مرهقه بس لما انا اقرب منه يعطيني ظهره وصدقوني انا ما ابتدي احاول غير لما انتظره اكثر من اسبوعين متى الريايل بيعرفون ان الحرمه لها مشاعر ليش مايفكرن عن اسباب انتشار الخيانه الزوجيه نفسي احصل نصايح في المنتدى للرجال مثل ما في نصايح للحريم كل شي الحريم اتعدلو اهتموا كوني جاهزه لان الرجال شهوتهم قويه وشو عن الحرمه مالها احساس ورغبه وشكرا عفوا :يرجى الابتعاد عن اللهجات المحلية قدر الامكان ..ولكم جزيل الشكر |
الله يعينك أختى على مثل هالنوعيه من الأزواج
والأزواج يختلفون أرجوا إنك ما تعمين الكلام على كل الرجال حلك الوحيد إنك تحاولين تستعملين اسلوب التطنيش لفترة وتشوفين ردة فعله بمعنى اصح ان تكونى كما أنتى ولكن لا تتزينى او تلبسى له شى . وحاولى أيضا ان تصارحيه بهذا الشى وإذا لم تستطيعى ذلك حاولى ترك رساله تعبرين بها عن إحساسك ومعاملته لك والمصارحه هى مفتاح الحل الأمثل للزوجين. |
شكرا على ردك
انا كلمته اكثر من مره بس والله ولا كأني اكلمه والله العظيم اني صرت احس اني ما اريد هالشي من كثر المواقف اللي تحرجني حتى اخر مره امس كلمته ومارد عليا قلتله روح اتزوج وخليني، انا ابي اربي عيالي وبس يعني لو انا بروحي احسن من انه يكون عندي زوج مو مهتم فيا انا ابكي كل يوم على حالي طيب اللي مايريد يلمس زوجته على الاقل يصبرها بكلمه حلوه هذا حتى يوم اجازته يقضيه في النوم وانا يالسه في البيت لوحدي العب مع اولادي بس مقهوره منه مقهوره والله قسم بالله تعبت من هالحياه الجافه البارده اللي مافيها كلمه حلوه ولا فعل حلو وفي اجازتنا السنويه اللي انا افكر انه بيكون مرتاح من الشغل وممكن يهتم فيا نقضيها كلها في شقة اهله مع اخوانه واخواته في مدينتهم ومو بيت كبير لا والله شقه من غرفتين وطبعا يخيليني عشان يقعد طول اللي سهران معاهم قدام التلفزيون ويسولفون بعدين ينام في الصاله وانا بروحي احس اني شغاله اكثر مني زوجه |
الله يعينك ياختي
يعني الوحده فيني تعرس عشان تلاقي اللي يحبها ويسعدها !! بصراحه لو انا مكانك بسويله طاااااااااااف ولا جنه موجود عليي اقدم له اكله وشربه وبسسسسسسسسسس يعني تلميح ولمحتي وكلام وتكلمتي اكثر من جيه! صدق يقهرون |
الله يعينك أختي
نسأل الله ان يهدي زوجك |
الأخت الكريمة
تعالي على نفسك وطنشيه لأبعد الحدود لو طلبك للفراش كوني معه واحده ميته ولا تحسسيه أنك محتاجة له لغاية ما يعرف أن لك حقوق غير الأكل واللبس والسكن وليه تنتظريه لغاية ما يأتي وينام ويتركك نامي قبله ولا تعملي حساب له ( من باب العلاج ) وبعدين بلاش الإفراط في الزينة المكياج واللبس والمظاهر كوني طبيعية أحسن |
يمكن عنده فتور جنسي أو ضعف ............... يعني يمكن فيه مشكلة صحية جنسية
هل يقوم باعملية مرو أو مرتين في الليلة الواحدة ؟ إذا كانت مررة واحدة هل يتعب ويبذل مجهود في العملية؟ السبب الثاني المحتمل الغذاء ممكن أنه يأكل بعض الأنواع المفترة للرجل مثل الليمون واللبن واليانسون السبب الثالث المحتمل ( نفسي) باله وتفكيره مشغول ، أو يرى فيك أشياء تنفره منك وانتي لاتدرين مثل رائحة الفم ..................مثلا ولا يسعني إلا أن أقول الله يسعدكم مع بعض ويوفق بينكم |
يا اختي العزيزة اعانك الله
بس انتي تجاهلي لفترة ولتطلبين من عنده اي شي وهو ان شاءالله راح يحس |
السلام عليكم ورحمة الله و بركاته
استعيني بالصبر و الدعاء ،،، إن الله مع الصابرين |
الله يصبرك يا اختي
اسمعي مني طنشيية لانة هيك بدهم الرجال التطنيش وبس الله يعينك ويصبرك |
| الساعة الآن 10:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©