|
رد : الزوجه العنيده
جزاك الله خيرا
... والله كنت متضايق قوى من ساعة الموضوع دة خصوصا انها لازم فى اى حاجة كدة تحسسنى ان مش فارق معاها وجودى من عدمة مع انها المرة اللى فاتت بتقوللى المرة الجاية هتصلحللى الكمبيوتر عشان باظ يعنى هى عايزانى اروحلها وبردة لازم تتمنع اعوذ بالله .... وبردة اطلب منها بوسة تانى لازم تقعد تتمنع |
رد : الزوجه العنيده
فارس حبيبى يا ترى رحت فى الميعاد وان شاء الله الاخبار حلوه الله يهدى سركم يا رب العالمين |
رد : الزوجه العنيده
السلام عليكم
الاخ الكريم ابا مريم انا اسف اسف والله لتاخرى فى الرد ولكنى انشلغت فى بعض الاعمال ابشركم الامور ماشاء الله بجد والله الحمد لله فى تحسن ملحوظ يوم بعد يوم |
رد : الزوجه العنيده
الله يريح حالك ويطمن بالك ويدوم عليك السعادة يارب
|
رد : الزوجه العنيده
بسم الله ما شاء الله
تبارك الله والله اكبر |
رد : الزوجه العنيده
المهم انت قرب منه
قد ما تقدر اسمع لها وبﻻش اى ضغوط خلى بالك هى حنينه ما شاء الله والحاجات ده هتخليها تتعلق بيك قوى ان شاء الله المهم بدأت تبص لك واللى ﻻ وانت بدأت تعمل بنيحتى ونصيحة اختنا سما واللى ﻻ اهم حاجة يا فارس خليك قريب من الله عز وجل وهو سبحانه وتعالى هيسخر لك كل البشر بفضله |
رد : الزوجه العنيده
والله الحمد لله اخى الحبيب موضوع النظر بدأ نوعا ما لا اكذب عليكم
ولكن ليس تماما ولما سالتها قالت والله موضوع كسوف مش اكثر بس سيب الموضوع لحالة وان شاء الله هيتظبط باذن الله بس انا حاسس منها بسم الله ماشاء الله باقبال الحمد لله انا اتعامل بنصيحة اختى سما لدرجة انها بدأت تقوللى بس بهظار طبعا دا غرور بقى ولا اى ؟؟ وانا اجى اقولها دانا عسل وبجد انت امك دعيالك انك هتججوزينى تقولى والله !!! اقولها وانتى كمان زى القمر يا روحى تقوللى منا عارفة (بهظار كدة ) اقولها دا غرور بقى ولا اى تقول لا ممكن تسمية ثقة بالنفس المهم كل دا فى طى الضحك والهظار وفى احد المرات سألتها عن قبلة لما كنت عندهم فى البيت قالت طب خليها فى التليفون الاول ولكن ولله الحمد بدات تتفاعل معى فى موضوع القبلات الهاتفية هذا ماشاء الله انا حاسس انها بدأت تتغير بجد ماشاء الله |
رد : الزوجه العنيده
بسم الله ما شاء الله لا قوة الا بالله تبارك الله والله اكبر اللهم صلى وسلم وبارك على سيد الخلق الامام الزعيم سيدنا محمد وعلى آهله وصحبة وسلم ربينا يعوض صبرك خير يا فارس ويألف ما بين قلوبكم ويقر اعينكم ببعض بإذن الله الان فقط اقول لك انك خطبت وبدأت تقرب من خطيبتك وتنشأ بينكم قصة حب جميل بعون الله تعالى استمر انت فى القرب من الله عز وجل واكثر من الطاعات وتجنب معصية الله عز وجل استمر فى العطاء ولسه هتلاقى واحدة تانية بإذن الله بعدما تتنتهى من الامتحانات وكمان لما تطمئن على النتجية وهتلاقى منها بإذن الله تجاول هيخليك مش هتصدق نفسك هذه فطرة يا فارس داخل كل بنت ولكن لا تخريجها الا لمن تطمئن انه يستحق ان تعطى لها قلبها ونفسها وجسدها فأذا دخل الولد قلب البنت واذا دق القلب وحدث الرضا والقناعة جاءت المشاعر ولا تقدر اى بنت جمحها وخصوصاً عندما تكون فى اطار الحلال خليك صديق الان لها يا فارس انسى التعلميات والآوامر واعملى كذا وبلاش تعملى كذا اهم حاجة يا فارس انها تحبك الان ان شاء الله ومن يحب يفعل كل ما يريد حبيبة بدون حتى ان يطلب منه ويكون كل همه ان يسعدة طيب اخبار النظر لك الان ايه يعنى خلاص بدأت تنظر لك الحمد لله مفيش مانع من بعض الخجل هذا شىء طبيعى بمعنى لا تقدر ان تطيل النظر فتخجل ولكن فى اطار الكلام العادى تنظر لك يعنى مثلا تتكلم انت مع ابوها او امها فهى تنظر لك كما تنظر لهم عندما تتحدث معها فى آمر عادى تنظر لك ربما تخجل فتغض البصر ولكن ترجع بعد قليل لكى تنظر لك وانت تتحدث معها ثم يجب ان تجعل بينكم شىء مشترك ويكون محور للاهتمامك واهتمامها حتى يزيد القرب ويكون مجال للحوار بدون اى تحفز موفق يا فارس وطمنى جزاك الله خير |
رد : الزوجه العنيده
خير يا فارس بقالك 3 ايام لا تدخل المنتدى ان شاء الله المانع خير يا حبيبنا طمنى عنك ربينا يكرمك |
رد : الزوجه العنيده
العناد يولد الانفجار ويفتت الاسره
|
رد : الزوجه العنيده
معقولة يا فارس فى ايه بقالك اسبوع لم تطمنا عليك ان شاء الله خير يارب تكون انت والاسرة ومها واهلها بخير |
رد : الزوجه العنيده
السلام عليكم ورحمة الله وبركاتة
انا اسف اسف والله يا اخى الحبيب والله ما استطيع ان اصف لك مدى اعتذارى انا اسف لتأخرى فى الدخول والرد انا طول الاسبوع اللى فات حصل عندى ظروف مرهقة فى البيت اسف جدا والله ... وطيلة هذا الاسبوع وانا اتخذ قراراً اخيرا مع نفسى فقد فكرت بجدية فى الانفصال ولكن كل ما افكر فية حاليا البيت الذى دخلتة ايجابيات البنت بسم الله ماشاء الله .... ولكنى مؤخرا جلست مع شيخ كبير فاضل لدية من العمر ما يزيد عن ال60 ولدية من التجارب ما يكفى وتدخل فى مشاكل كثيرة حكيت لة وعرضت الامر علية وقبل ان اذهب الية استخرت الله العظيم وجليت واخرجت ما لدى الية فقال شوف بعين الانصاف البنت بسم الله ماشاء الله ل\ديها من الايجابيات الكثير لكن سلبية واحدة اطاحت بكل ايجابياتها الا وهى ان تحبك وتتفاعل معك دائما انت طالب ولست مطلوب وهذا ليس بصحى هى دائما مطلوبة لن تتحول الى طالبة انا رأيت من هذا كثير هى لمتحبك واعتقد انها لن تحبك حاولت ان اشرح له انها تغيرت قال والان ترتاح لك ومتى تتقبلك ومتى تحبك هل ستحبك عندما تبلغ من العمر 60 لا اعتقد ان هذا الامر صحى انت شاب وتريد ان تعيش حياتك تريد ان تحبك امرأتك هى لم تكن مستعدة لهذا او والله اعلم تفكر فى اخر او والله اعلم لديها شذوذ من نوع معين يا بنى اتركها لاخر لربما تستطيع ان تفعل هذا مع اخر ويتقبل وضعها ولكن انت انسان طبيعى انت تريد زوجة تحبك وتعمل على طاعتك كيف ستعاقبها بالهجران وهذا العقاب سلاح تستطيع ان تستخدمة فى حالات عصيانها لك طبعا انت فقدت هذا الامر معها وهو امر قال عنه الله عز وجل فى كتابة ولكن انت لن تستطيع ان تتخذ كلمة عليها ولن تستطيع ان تنفذ امرا فيها ستكون مثل الطوبة لديك فى بيتك حتى اذا اردت ان تأتيها ستكون مثلها مثل المخدة او المرتبة التى تنام عليها لانها لن تتفاعل معك لن تعطيك من حنانها ومودتها ورحمتها وهذا الامر يتوفر فى اى بنت حتى لو ذات ال10 سنين .... انا حالتى النفسية صفر لم اتكلم معها منذ فترة حتى اتخذ قرارى الشيخ يقول لى ان اريد ان اسمع الخبر فى خلال ايام لا اعلم ماذا افعل صراحة |
رد : الزوجه العنيده
لا حول ولا قوة الا بالله العلى العظيم ان لله وان اليه راجعون تعرف يا فارس الظاهر ان البنت ده غلبانه جدا وفعلا تستاهل واحد يقدرها ويعرف قيمتها علشان كده انت هتسيبها وبكره تقع فى اللى بيقول عليها شيخك وتندم وتعرف مقدار النعمه التى كانت معك يا اخى احنا بقلنا شهور معاك وخلاص بقى فى قناعه بكل ملابسات المشكله وفعلا البنت اتغيرت وبدأت تتقبل فكرة الزواج والارتباط بك ولسه ان شاء الله معلش ممكن تسألى شيخك اللى بيقول لك فى ايام عاوز اسمع الخبر وكأنك لعبه فى ايده وكأنه يعلم الغيب وكأن بنات الناس لعبه سبحان الله هذا شيخ لا حولا ولا قوة الا بالله وبعدين بيقول لك احتمال فى واحد تانى يا اخى كيف وانت رأيت بأم عينك حديثها على الفيس مع صديقتها والتى ذكرت فيه كل مشاكلها معك وعندما سألتها هل هنا آخر قالت اصلا انا كنت لا اريد الزواج اصلا سبحان الله وهذا شيخك يغسل دماغك وانت تقتنع بكلامه وتقتنع به اعتقد والله اعلم ان عين هذا الشيخ عليك لاحد اقاربه طبعاً عمرة ما يجد فرصة لقريبته مثلك ما شاء الله المهم اسأله واوعى تنكسف منه المهم قول له ممكن اعرف يا شيخ انت كيف تزوجت وكيف كانت تطلبك خطيبتك وليس انت من يطلبها وكيف كانت تعبر لك عن حبها وعشقها لك ممكن تسأله خرج معها كم مرة وماذا فعل معها فى اثناء العقد وماذا اعطت له لكى يعلم انها من تطلبه وتجرى ورائه وذلك حتى نعلم مدى تقصير مها معك من منا كانت زوجته تجرى خلفة اثناء الخطبه وحتى بعد العقد اين حياء العذارى والله بعض الزوجات مازلت تخجل من زوجيها بعد سنوات من الزواج وستخجل منه الى ان تلقى الله عز وجل هذا حياء الفتاه الطاهرة العفيفة التى لم تخرج مع رجال ولم تقم بعمل علاقات وغراميات الفتاه التى لم تشاهد الافلام الاباحية والصور الخليعه الفتاه التى لم تمارس العادة السرية وتبحث عن مصادر لقضاء الشهوات الفتاه التى لم ترى رجل الا ابوها واخوها الفتاه التى لم يلمسها الا زوجيها ولم يرى اى من زينتها الا زوجها وزوجها فقط يا اخى قل لهذا الشيخ هداه الله ان ابغض الحلال عند الله الطلاق يا اخى قل له ان شاء الله سيرزقه الله بمن يفعل هذا مع بناته بصراحة يا فارس انت مشكله والله هداك الله |
رد : الزوجه العنيده
الله يجزاه خير .. أبو مريم ..
إيش الشيخ هذا اللي جالس يدخل بالنوايا ؟ إيش اللي يخليه يوقن ، و يثق إنها ما راح تحبك حتى لو 60 سنة ؟ أنا زوجي كان متعلق فيا فترة الملكة ، و أنا العكس .. لكن مع العشرة و الحياة ما بيننا .. تغيرت المشاعر للأفضل .. كيف الرجال يتكلم عنها و يقول ممكن تفكر بشخص تاني و لا عندها شذوذ ؟ هذا بالله شيخ ؟؟؟؟؟؟؟ |
رد : الزوجه العنيده
اقتباس:
أتفق مع كلام الشيخ قلب وقالبا .... كــلام صادق من نتيجة تجارب كثيرة. وأنا سأقول وسأنصحك ما نصحك به الشيخ ،،، أعزم وأتخذ قرارك ،،، |
رد : الزوجه العنيده
اخي الحبيب ابا مريم والله ما دخلت الا كي اقول لك جزاك الله خيرا يعلم الله كم تغيرت نفسياتي بعد قرأة كلامك علي فكرة انا داخل من الموبايل والله كي اطمئنك انا مع حالتي النفسية التي اضمحلت الا انني قررت الا اتخذ قرارا قبل مشورتك .. ولكن يبدو انني اعطيت فكرة خاطئة عن الشيخ اولا الشيخ قالها قال والله يابني ما عندي بنات للزواج ولا بقولك الكلام دة عشان طمعان فيك انما من حرصي عليك بس والله انت مثل ابني وانا لا ارضي لك مثل هذا الذل يعني ايه ترفع راسها بايدك تبصلك بصة وتقولك اهوة كأنها بتمن عليك ويعني ايه تقولك انا اتغيرت وعملت حاجه متعملتش من زمان وكشفت شعري ودي خطوة كبيرة نحمد ربنا بقي يعني اي؟ بتمن عليك ... لا يا فارس انا زوجتي لو مكنتش ملهوفه علي وهتموت علي وتحبني اكثر ما بحبها ما ينفعش انت بتضحك علي نفسك يا فارس واخشي ما اخشاه بعد الزواج انت هتعزبها علي اللي عملتة فيك قلتله لا يا شيخ عمري قاللي انت بتعمل بطل دلوقت بعد كدة مش هطيق ولو مشيت ورضيت انت لازم ترضخ ليها وتنفذ جميع طلباتها وبعدين يعني ايه عمرها ما كلمتك باسمك يعني اي ما تبصلكش يعني اي عمرها ما قالتلك اذيك ويعني هي ما بتبصش للمدرس بتاعها؟ قلت مش عارف بس لما بتكون نشرة الاخبار شغالة بتبص للمذيع عادي قاللي شفت دا ورع كاذب يا فارس يا بني البنت مابطيقكش قلتله يا شيخ هي قالت انها فعلا كانت كدة لكن الوضع اتغير. كان تركيزةفقط علي انها لن تعفني ولن تعطيني ما اريدة من عامل نفسي وحب وموده وهذا هو الامر الذي يقوم علية الزواج اصلا .ملحوظه فقط انا قلت للشيخ عن فكرة انها تحب اخر انها مسببعدة قال يا فارس مش لازم بتحب واحد يعني ماشية معاة في الحرام ممكن تكون متعلقة بشخص وربما هو حتي لا يعرف وهنا تذكرت ما قالته هي لي عن الشخص الذي كان قد تقدم لها ... قال انا لا ادري لا مشاعر ولا احاسيس بهذة الصورة ما هذا البنب تكون ?? سنة واذا تزوجت اصبحت ماشاء الله وهو ليه يا فارس البنت بيجبولها عرايس وهي صغيره ما هو عشان كدة لان دة بيربي في البنت الحنان والحب والكفالة لحبيبها اين ذلك عندها هي تفتقد هذا بالله عليك اخبرني كيف سترعاك اذا مرضت كيف ستأتي وتستسمحك اذا غضبت لا لا يا فارس الواحد منا يحب ان تكن له زوجتة مشاعر وحب فياض وهي تفتقد ذلك
|
رد : الزوجه العنيده
اقتباس:
أخوي أبو مريم ،،، مع احترامي لك ... لكني لا أتفق معك جمله وتفصيلا :) أنت تسبح وتعوم في تفاصيل التفاصيل .... والمثل يقول " الكتاب من عنوانه " أخونا فارس بكل بساطة ،،، ماذا يريد ؟!! زوجــة مستعدة لبناء عش الزوجية ومستعدة للتقديم والمعوانه. زوجــة يحفظ بها نفسه عن الحرام ويكون بينهم موده. لماذا أنت تحاول تجبره ،،، وتضغط عليه ،،، والشيء الذي يساعدك على ذلك حب فارس لمها !!! ومها بكل بساطة ،،، *ليست مستعدة للزواج ولا لأن تكون زوجة !!! وأنت تعرف هذا ما يعني ؟!! فارس راح يكون لوحده بالزواج ويكون البناء والتعب والشقاء عليه فقط وهذا ما يحصل الأن :) *ولم يجد عندها فارس المودة والحب بين الزوجين أو حتى المخطوبين،،، فهي الأن قد أبدت ما تبطن لفارس والأمر قد أتضح للجميع !! والبنات الصالحات كثير من يردن العفاف وبناء عش الزوجية وعلى أتم الاستعداد ،،، وتتحدث مع فارس وكأنها البقية الباقية على وجه البسطيه :( فارس مع أحترام وتقدري لك ،،، وأنا من متابعين موضيع من مشاركتك الأولى ،،، أنك نقصت وقل قدرك بعيني ... لأني لم أرى الرجل الذي يحكم عقله قلبه ، ولا الرجل الذي يحافظ على ماء وجهه ، ولا الرجل الحازم ولا الذي يتعلم ويحاول أختيار شريك حياة بعناية وفترة ماقبل الزواج هي الاختبار للشريك !! وهي قد رسبت بكل المعايير وحتى مع محاولات كثيرة وكثيرة رسبت أيضا :( أنت محروم من جنس النساء ،، وفأجاءه خطبت ثم تزوجت وتعلقت بها وهي لا تريدك !! ولا أنت تريد الابتعاد عنها !! وهي تعشق البعد عنك !! أنت ليست مجبرا للصبر عليها ،،، ولا المعاناه والأمل أن تصبح هي أفضل بالمستقبل وتحبك :) أبحث عن الزوجة الصالحة التي ترغب فيك ،، وتسعى لأرضائك وسعادتك ،، وأريد أقولك شيء ،،، أن أول إمراه في حياتك راح يكون الانفصال صعب عليك جدا جدا حتى ولو كانت سيئة ،،، لأنها فقط أول أمراه بحياتك :) ولست أنت الوحيد الذي عانا من هذا بل الكل ،،، الكل :) .. والكل يمضي بالحياة ويستمر ! بالتوفيق أخي .. |
رد : الزوجه العنيده
اقتباس:
|
رد : الزوجه العنيده
السلام عليكم
يا جماعة بالله عليكم انا لن انسى كلماتها لى عندما تقول والله انا اتغيرت انت ليه مش مقدر انى اتغيرت ولما قالت انا دلوقت بقيت حاجة ثانية قبل كدة مكنتش بفكر فى الموضوع اصلا لكن بعد اخر زعلة دى انا بدات افكر فى الموضوع بجدبة فعلا ولما قالت انا بصراحة مكنتش بطيقك الاول لكن انا دلوقت مرتاحة ومبسوطة ولما قالت اعتقد ان التغيير مبيجيش مرة واحدة بس انا حاسة انى بتغير وانت معلش تصبر ولما قالت العلاقة ما بين الزوج والزوجة لازم تقوم على الود والمحبة والا تبقى علاقة جافة خالية من اى مشاعر واعتقد دا مش كويس ... والله تقريبا دا كله كلامها انا حاسس انها بتتغير لكن ببطء ولما قلت للشيخ كده قال الكلام ده (( وعلى ما تيجى تحبك بقى تكون طلعت عالمعاش وبقيت60 ) .... مش عارف انا حبيت اخد رأيكم فى الكلام ده وعمرى ما هنسى كلام الاخوات والتجارب اللى حصلت قبل كده والاخت اللى كانت نفس الشىء مع زوجها وتحمل وبعد ذلك تبدلت حياتهم انا لا اعلم الغيب ولا الشيخ ولا انتم ولا ابو مريم ولكن نحن نأخذ بالاسباب وفقط ووالله لو هى من نصيبى صراحة سأكون سعيد والم تكن ف أسأل الله ان يرزقنى بخير منها ترضيه وترضينى ويرضى بها عنى .... |
رد : الزوجه العنيده
خلاص على بركة الله انتظرفات الكثير ولم يبقى الا القليل بعون الله انتظر حتى تنتهى من الاختبارات وتظهر النتيجة ويرتاح بالها وننظر ماذا ستفعل معك بإذن الله ووقتها لكل مقام مقال انت صبرت 20 شهر مش هتصبر 20 يوم واللى شهر وشوية بإذن الله والله بكره تدعيلى يا فروس يا حبيبى ... انت طيب وهى نقية وطاهرة الله اكبر الطيبين للطيبات بعون الله |
رد : الزوجه العنيده
فارس اخبارك ايه وتعالى بقى وقلى بتكلم مها وبتزورها واللى خلاص ولا بتسأل فيها ... الله يهديك طمنى بتكلمها واللى لا فارس فعلا انت كده هتخسر البنت وهتقول يعنى لما مكنش فى اهتمام كان بيجرى وراى والان خلاص يا فارس الفتره ده خطيره لان البنت لسه بتكتشفك وهى كلها قلق وخوف اوعى اوعى تخليها تخاف منك وتقلق بغض النظر عما تنوى ان تفعل |
رد : الزوجه العنيده
هى منحوالى 5 ايام يا بومريم قالت مش هنعرف نتكلم فترة كدة لان لها واحدة قريبتها هتقعد معاهم فى البيت كام يوم فاتصلت وقالتللى مش هقدر اكلمك طول ما هى هنا
المهم انا طول الفترة دى ولا اتصلت ولا اى حاجة خالص مفيش غير اليوم بس رحت وديت عند والدتها هدية بسيطة وروحت وهى كانت فى الدرس ولما رجعت البيت باليل هى رنت على بس وشوية لقيتها فاتحة الفيس المهم ولا اتكلمت فجأة الاقيها بتدخل وتخرج بسرعة فكتبت فى الفيس بتاعها مين .؟ كدة وبس فاتصلت على وكلمتها لقيتها بتقوللى اهلا بقولها ايه قالت اهلا بقولها اشمعنا بتقوللى انا معموللى حظر فى الفيس قللتلها طيب خير معلش وانت عامله اى يا مها ؟؟ قالت الحمد لله قللتلها بتذاكرى الحمد لله قللتلها انا سايبك براحتك اهوة قريبتك مشت ولا لسه قالت اه قللتلها طيب خير مش عايزه حاجة قالت لا شكرا مع السلامه قللتلها مع السلامه وعلى كده |
رد : الزوجه العنيده
فارس ان مش فاهم حاجة .. الله يهديك مين اللى دخل ومين اللى قال ومين اللى عامل لها حظر وليه وهى كلمتك ليه وقفلت بسرعه لا وضح يا فروس بلاش الغاز الله يهديك |
رد : الزوجه العنيده
لما لقيتها فاتحة الفيس
انا ولا اتكلمت طنشت يعنى لقيت الفيس بتاعها بيفتح ويقفل كثير فكتبت فى الفيس بتاعها ((مين ؟؟)) بستهبل يعنى على اساس انى حسيت ان حد سارق الميل او مش هى اللى قاعدة وكدة فاتصلت هى على وكلمتنى عشان تقوللى انها هى اللى قاعدة لقيتها بتقوللى اهلا بقولها ايه قالت اهلا بقولها اشمعنا بتقوللى انا معموللى حظر فى الفيس ((معمول لها حظر لسبب معين فى الفيس )) قللتلها طيب خير معلش وانت عامله اى يا مها ؟؟ قالت الحمد لله قللتلها بتذاكرى الحمد لله قللتلها انا سايبك براحتك اهوة قريبتك مشت ولا لسه قالت اه قللتلها طيب خير مش عايزه حاجة قالت لا شكرا مع السلامه قللتلها مع السلامه وعلى كده وانا اللى قفلت معاها بسرعة بصراحة لان كلام الشيخ كان مأثر على ومكنتش عايز اسحب فيها وكمان نوع من الثقل شوية |
رد : الزوجه العنيده
الله يسعدك مع زوجتك قريبا ان شاء الله
ويتمم اموركم على خير |
رد : الزوجه العنيده
اقتباس:
يعلم الله ان دعوت لك فى ظهر الغيب عندما رأيت موضوعك يسر الله لك حالك وبارك لك |
رد : الزوجه العنيده
على فكرة يا فارس انت ومها دمكم زى العسل ما شاء الله وهتعلوا ثنائى خطير بعون الله بجد انتم الاثنين دماغ ربينا يسعدكم وبألف ما بين قلوبكم فارس احتفظ بكل ما يدور هنا لانك يإذن الله بعد ما تتجوزوا ان شاء الله هتقرأوه سوا وتقعدوا تضحكوا وكل واحد فيكم يقول معقول انا كنت كده ههههههههههه :d:d:d:d:d:d ربينا يتمم لكم على خير يا اولاد ربينا يتمم لكم على خير |
رد : الزوجه العنيده
اقتباس:
أتمنى من حضرتك أخي أبو مريم وأخوي فارس ،،، الرجوع للصفحة الأولى والنظر إلى تاريخ أول مشاركة ... أربعة أشهر إلى الأن والمشكلة كانت قائمة قبل ذلك من شهر اكتوبر 2012 .. يعني 8 أشهر !! .... لماذا يكون هناك فترة خطبة وفترة العقد قبــل الزواج ؟!! ،،، لكي يتحقق كل طرف بصحة أختياره لشريك حياته !! ... يــوجد هناك دورات وبرامج تلفزيونية عناوينها كيــف تختار شريك حياتك ،، ومن أهم للبروفيسور المعروف طارق الحبيب وغيره كثير ممن نثق بدينهم وعلمهم !! أيعقل أن كل هذه الجهود ... التي لم تأتي الإ لفشل أغلب الزواج الحديثة في زمننا الحالي !! الشواهد والدلائل واضحة في قضية فارس وفـارس يكاد لا يسمع الإ للكــلام الذي يمليه قلبه ،،، "فإن اتباع الهوى مفسد للقلب فهو عن الخير صاد، وللعقل مضاد" أقــول لأخي فارس : "لا تندم أبداً ، فلو كان الماضي جيداً فهذا رائع ولو كان سيئاً فهذه خبرة" ،،، وأرجو منك قراءة مشاركتي الأخيرة ،، فهي الصورة الحقيقة لوضعك . بالتوفيق .... |
رد : الزوجه العنيده
اقتباس:
اخى الكريم Falhung على فكرة انا لا اعرف انطق اسمك وليس له معنى بالعربى الا النصف الثانى وهو Hung بمعنى علق ولكن النصف الاول لا اعلم فياريت تقول لنا نطق اسمك ومعناه اخى يظهر من ردودك صغر سنك وقلة خبرتك فى الحياة ظهر هذا كلما علقت على مشاركة لى بخصوص ان اى ضنك يقع فيه المرء هو ثمار المعاصى وفى الحقيقة لا اعلم هل هذا الكلام لكى تطمئن نفسك انك اذا اذنبت فلا علاقة لهذا الذنب بأى مشكلة تقع فيها ام انك لا تعلم ان هذا حق وهذاليس كلامى ولكن كلام الله عز وجل وكلام رسوله الكريم {وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى}طه124 {وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى} {فَإِنَّ الْجَنَّةَ هِيَ الْمَأْوَى} النازعات40 ، 41 {ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ} الروم41 {وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ}الشورى30 اعتقد اخى الكريم كل هذه الآيات الكريمة تؤيد كلامى وان اصل كل مصيبة هو معصية الله والبعد عنه سبحانه والتقصير فى جنبه والجرئة فى اقتحام محارم الله عز وجل نأتى الى موضوع حبيبنافارس فى الحقيقة ردك يدل على انك اصلا لم تقرأ ردودى من اول الموضوع كما انك لم تلاحظ كل التغيرات التى حدثت فى هذه القصة اخى من السهل ان اقول له اتركها وكلمة وانتهى الموضوع ولكن ستكون فى رقبتى الى ان القى الله وسيردها الله لى لا محالة لانى كنت سبب فى عدم بيت وكسر قلب ليس له ذنب ولانى مستشار ومؤتمن واخاف الله عز وجل قلت ما قلت يا ابنى الكريم هذه الفتاه كانت اصلا لا تريد الزواج ليس كرها فى فارس ولكنها كانت تحلم ان تكمل تعلمها ولكن نتيجة ضغط اهلها وافقت على مضمض لذا كانتكل هذه التصرفات بالبلدى كانت تحاول تطفيش فارس ولكنعندما نصحناه آجل الزواج وبدأت تشعر البنت انها حرة فى اختيارها سواء ان تكمل او تنهى الموضوع بدأت تتغير ولكن لن تتغير فى يوم وليلة واحب ان اشير لك انى رأى فى احد مراحل هذه القصة كان هذه الفتاه لا تصلح لك ولا تريدك وكن واضح وقل لهم اما ينصلح حالها واما كل فى سبيله ثم تعالى يا ابنى الكريم واخبرنى كيف تزوجت جدتك وهل كان هناك قصة حب بينها وبن جدك هل كانت هناك رسائل ومواقف ومشاعر يا اخى الكريم الزواج يبنى على اسس وهى الدين والتكأفىء والقبول واعتقد ان كل هذا متوفر والحمد لله والا كانت البنت انهت الموضوع هى الان غير مغصوبة عليه واذا قرأت موضوعات فارس لكنت وجدت مشاركات للزوجات كانوا يفعلوا اكثر مما تفعل مها قبل الزواج بل وفى اول الزواج ولكن بعد الزواج والبناء والعشرة اصبحن يعشقن ازواجهن اخى طالما البنت لا يوجد شخص آخر تريده وطالما الدين والاخلاق والمستوى الاجتماعى متقارب اذن ستكون زواجة ناجحة بعون الله اعود واقول لك انتبه انت لكى لا تكون سبب لهدم بيت وتشيل انت هذا الآثم لذا اذا كنت متأكد قل ما تريد والا اصمت او قل الحل الوسط واترك الآمر فى النهاية الى صاحبة ارجوا الا اكون اطلت عليك ولكنى احببت ان يكون هذا الرد رد وافى وشامل |
رد : الزوجه العنيده
يا فارس الله يهديك مش عارف بتغيب لى طمنى عنك يا فارس وفضفض معنا |
رد : الزوجه العنيده
السلام عليكم ورحمة الله وبركاته
اردت ان ادخل لاطمئن الاخوة الاعزاء الحمد لله امورى بخير والحمد لله انعم الله على بما قالت لى الاخت ام يوسف ولكن عندى ايضا سؤال انا الان اخى ابى مريم وهذا جاء وحده وليس لى دخل به ماشاء الله انا صراحة مبسوط له ولكن لا اعلم هل يكون هذا سبب فى انقاص القدر اولا استخدام الفاظ مثل (يا بت ) وانت تعلم اخى ابى مريم معناها وطبعا هذا يكون من باب الهظار واستخدام الفاظ اخرى ( غلسة _ باردة _ رخمة _ هابله ) كل هذا فى باب الهظار ولا اتعداه ... وهى فى ذات مره قالت لى (يا غلس) كان هظار ايضا .... ولكن لا اعلم اخى الحبيب الامتداد فى هذا الامر من الممكن ان يوصل الامور الى عدم احترام فى وقت من الاوقات ام كما اظن انا انها خطوة جميلة الى الامام ... افتونى الحمد لله اخى ابى مريم ماشاء الله يعنى انا ارى تقدم فى اشياء اخرى لا استطيع قولها هنا ولكن لله الحمد اصبحت اجلس بجانبها فى بعض الاحيان وهذا يكون عندما تذهب امها ثم اقوم سريعا وهذا الامر قرب المسافات قليلا الله يهدى ابوها وامها والله هما اللى عاملين فينا كدة وبسبب البعد ده حصلنا اللى حصلنا ده |
رد : الزوجه العنيده
قبل ما اردك عليك يا فارس طمنى بدأت تبص لك وانت بتتكلم بدأت فى التفاعل معك الحوار بدأت تفتح معك مواضيع بتأخد رأيك فى مشاكلها اهم التغيرات التى وجدتها بحمد الله |
رد : الزوجه العنيده
الحمد لله الحمد لله
انا راااااااضى والله الحمد لله الوضع مش هقدر اوصفه بس هقولك كلمه هى قالتها وانا احب اقلك يا ابا مريم انت اكثر واحد فهم زوجتى بجد قللتلى التأجيل وانا مصدقتش وده كان المفتاح وقللتلى اصبر بعد الامتحانات وهى دلوقتى بتقوللى ( سيبنى بس ان شاء الله بعد الامتحانات هفوقلك وهتلاقى كل اللى انت عايزة ) الحمد لله جزاك الله خير اما عن انفتاحها فى الحديث ماشاء الله الحمد لله اما عن عرضها لمشاكلها على الحمد لله اما عن النظر الى فانا لم اعد اذهب الان بسبب الامتحانات على فكره ازهر الحمد لله انا منتظر حتى تنتهى الامتحانات وانا مطمئن ان شاء الله انى ساجد اخرى بكل الصفات التى احب الحمد لله هذا من فضل ربى دعواااااااااتكم لها يا جماعة انا صراحة عندى شعور ان صفحتى قاربت على الاغلاق ابشركم تقريبا الحمد لله مشكلتى حلت اعلم انها اخذت وقتا وازعم انها اطول مشكله واتخيل انه لم يكن هناك مشكلة مثلها لله الحمد من قبل ومن بعد جزاكم الله جميعا خيرا |
رد : الزوجه العنيده
الله اكبر الله اكبر بسم الله ما شاء الله لا قوة الا بالله بسم الله ما شاء الله تبارك الله بسم الله الرحمن الرحيم قُلْ أَعُوذُ بِرَبِّ الْفَلَقِ{1} مِن شَرِّ مَا خَلَقَ{2} وَمِن شَرِّ غَاسِقٍ إِذَا وَقَبَ{3} وَمِن شَرِّ النَّفَّاثَاتِ فِي الْعُقَدِ{4} وَمِن شَرِّ حَاسِدٍ إِذَا حَسَدَ{5} ربينا يسعدك كل ده يا فارس ببركة الله وبركة رجعوك الى الله وتركك لكل ما يغضبه المهم انك تكون فهمت الدرس وكل ما نفسك تسول لك آمر وخصوصاً وانت فى المواقع ايها اللى ظاهرها طيب وباطنها كله فساد فورأ تستعذ بالله وتقفل الصفحة وتقسم بالله اسبوع انك ما تدخل عليها وكفاية انك تفتكر الهم اللى كنت فيه وبعدين كلها كلام فاضى ونظرى ولا يساوى شىء الحمد لله معاك الحلال البلال ما شاء الله ان يمتعك ويشبعك وعلى فكرة مها لا يمكن هتنسى انك صبرت عليها وده هتكون خير كثير لك قوى بإذن الله وهيخليها تصبر على اشياء كثيرة اعترافاً بجميلك واحد تانى كان من اول شهرين سلام عليك على آيه مفيش اكثر من البنات عندنا يا رب يا حى يا قيوم وفقها واكرمها وبارك لها فى الوقت يا رب هو امتى امتحانات الازهر ان شاء الله اعتقد لثانوى االعام يوم 9 يونيو ان شاء الله وهتخلص امتى بعون الله لى رجعه للرد على استفسارك يا ابنى الحبيب بإذن الله تعالى وعلى فكرة ان شاء الله لازم احضر فرحك بعون الله تعالى ربينا يسعدكم ويكفيكم شر الحاقدين والحاسدين ولا تنسى بركة الذكر والاستغفار وكثرة النوافل مع الاجتهاد فى الفروض خلى بالك الحاجات ده كانت سبب لكل خير انت به الان واذكرك لا تخبر احد بأى تفاصيل واستعينوا على قضاء حوائجكم بالكتمان |
رد : الزوجه العنيده
ما شاء الله
اليوم تكلمت معها عن الحب وفى الاخر سألتها بتحبينى قالت اه الحمد لله بقولها وليه الحمد لله قالت عشان دى نعمه قللتلها طب انا عايز اسمعها منك صريحه قالت انا هقلك والله انا بقعد مع نفسى اقول هو فيها اي لما اقلها وتقول والله افكر انى اتصل اقولهالك بس برجع فى نفسى اقول لو اتصلت هسكت ومش هعرف اقول حاجة وبجد انا ببقى عايزه اقلها بس مش بعرف ليه الله اعلم بحس انى بتلجم قللتلها هى فيها اى يا روح قلبى دى عادى جدا ...اسمعينى ((مها انا بحبك وبموت فيكى وبعشقك يا روحى يا عمرى يا حياتى )) تعرفى تقوللى زى كدة قالت لا طبعا قللتلها ليه هو مش كده قالت لا طبعا هو كده بس انا مش هعرف اقوله قللتلها طب عموما انا مستنى اسمعها منك برده قالت خلاص ان شاء الله قللتلها دا وعد قالت خلاص باذن الله ... |
رد : الزوجه العنيده
اللهم صلى على النبى ما شاء الله طيب قول لها خلاص اللى نفسك فيه ارسلى به رساله طلعى كل اللى جواكى فى الرسائل وانا راضى يا سيتى شفت يا فارس سبحان الله مفيش بنت تقدر تقاوم اهتمام شاب وسعيه الحثيث لاسعادها و وقوفه على بابه بالشهور لا يمكن لا يمكن سبحان الله ولو كان هذا الشاب جوزها وخطيبها وحلالها لازم تكون كل الابوب مفتوحة بعون الله ولكن هذا لا يحدث الا اذا كان هناك سبب زى ما سبق ووضحنا بالنسبة لما سألت عنه يا فارس طبعاً ده اشياء حلوة لما يبقى الولد والبنت اصحاب واعلم ان هذه الاشياء لا تقلل الاحترام ولا تزيل الهيبة لانها تقال فى وقت الهزار وتقال بدلع ولتلطيف الجوا ولكن طبعاً مش فى اى موقف جد وانا من الناس اللى بحب يكون هناك جدار من الاحترام بينى وبين الناس جميعاً حتى زوجتى وهذا شىء يكون متبادل بينى وبينها فارس خليك على طبيعتك وخلى بالك ما يخرج من القلب يدخل القلب بدون اى وسطة |
رد : الزوجه العنيده
يااخ فارس الله يوفقك انت ومها ويجمع بينكم بخير
الحمدلله انها صرحت لك بحبها،، وانت لاتعيد وتزيد وتطلب انها تقول بحبك لانك الحمدلله عرفت انها تحبك والناس يختلفون في التعبير عن مشاعرهم مو مهم تقول احبك اهم شي انك عرفت انها تحبك. |
رد : الزوجه العنيده
لا ده انت ينخاف منك ما شاء الله يا فارس قلبك جامد قوى طيب يا اخى اسألى عنا واطمن علينا واللى يعنى خلاص من لقى احبابه نسى اصحابه طيب انا مستنيك لما تقلب عليك مها ههههه لا بعد الشر ربينا يسعدكم ويعوض صبرك خير هى بدأت الامتحانات واللى لسه وهتخلص امتى ان شاء الله طمنى عنك يا فروس |
شكرا
السلام عليكم ورحمة الله وبركاتة
اعتذر من الجميع على التاخير الطويل ولكن والله مشغول جدا جدا ادعوللى انا حتى لا نت ولا غيرة بقالى فترة لكن كنت ادخل من فترة لفترة من عند اصدقائى ولكن لم استطع الرد اخى ابو مريم جزاك الله خيرا وبارك الله فى عمرك والله لن انسى فضلك على بعد الله عز وجل الجميع جزاكم الله خيرا وبارك الله فى اعماركم ورزقكم الذرية الصالحة حبيت اكتب موضوع جديد حتى ينسى القديم صراحة اريد ان انسى اوراقى القديمة كلها ابدا بالفعل صفحة جديدة أسأل الله ان يقر عينى بزوجتى وان يجعلها ممن يبحثون عن رضاة وان يجعلها عونا لى على رضاة واسألكم جميعا ان تدعوللى بهذا الدعاء| جزاكم الله خيرا وكما قال نبينا العدنان عليه افضل الصلاة والسلام من لم يشكر الناس لم يشكر الله فشكرا لكم جميعا انا لن انسى فضلكم جميعا على بارك الله فيكم واثابكم و بارك الله لكم جزيتم الجنة:) |
رد : الزوجه العنيده
تم دمج الموضوعين لترابط المحتوى ..
|
| الساعة الآن 08:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©